लोशु ग्रिड
Ank ke aur Lekh | Sambandhit Lekh | Views : 3332 |  
loshu grid pan. kishor ghildiyal ank shastra ke antargat lo-shu varg ki rachna sarvapratham chin men hui, jiski utpatti ke bare men yah mana jata hai ki 'lo' namak nadi tat par ek kachue ki pith par yah rachna prapt hui. iska upyog chin ke rajaon v jyotishiyon ne kalantar men manav jivan ko samriddh v safal banane men kiya. dhire-dhire yah rachna pure vishva men samay ke sath-sath failti chali gai. loshu grid kya hai : yah 9 koshthakon ka 3ga3 khanon vala ek varg hota hai, jismen 1 se 9 tak ank likhe hue hote hain. janmatithi ke adhar par ankon ko is varg v grid men baithakar dekhte hain. jis bhi ank ki kami loshu grid ke adhar par hoti hai jivan men us ank se sanbandhit disha, vastu, dhatu, karak adi prabhavit kshetron men kami rahegi. ankon se sanbandhit dhatu, disha adi ke vishay men hamen nimn sarni ki avashyakta parti hai. janmatithi ke adhar par jo ank loshu grid men nahin hota, us ank se sanbandhit disha, vyakti, dhatu, karak adi ko us vyakti ke jivan men pravesh karvakar uski har prakar ki kamiyon ko pura kiya ja sakta hai. yahan par bhi dhyan rakhna hota hai ki jo ank janmatithi men nahin hai (loshu grid) keval unhin kshetron men vyakti vishesh ko kami ho aisa kadapi nahin mana ja sakta. kyonki bahut se anya karan bhi honge jinka prabhav samay ke sath-sath samapt bhi hota jaega jaise (kisi ki mrityu pashchat usse sanbandhit ank ka vyarth hona) kisi ek ank ka adhik bar hona us vyakti vishesh par us ank se sanbandhit tatva, grah adi ki adhikta bhi darshata hai jo kabhi-kabhi nuksan bhi de sakti hai atah aise ankon hetu upay bhi karne hote hain. anupasthit ankon hetu upay v sujhav ank ek (jal tatva)- pani bhara patra purva/u.pu. men rakhen. surya ko pratah tamra patra se arghya den. machli ghar (ekveriyam) rakhen. uttar disha men fabbara/sviming pul rakhen. pyase vyaktiyon ko pani pilaen. 1, 10, 28 janmatithi valon ka sang karen, sanbandh banaen. ank 2, 5, v 8 (bhumi tatva) janmatithi par n hone (anupasthit) par upay- chakora/vargakar khane ki mej (dayning tebl) prayog karen. shayanakaksh dakshin-pashchim men banaen. ghar ke madhya men pili roshni (balva) lagvaen. paharon ke chitra d.p. men lagaen. ek mukhi rudraksha/kristal mala dharan karen. hara piramid rakhen. ank 3, 4 (kashth tatva) hetu upay - mukhay dvar par sangitamay ghanti (vind chaims) lagaen. uttar purva disha svachch rakhen. purva/dakshin - purva men hari roshni lagvaen. hare paudhe v hariyali vali tasviren purva/dakshin-purva men lagvaen. 3, 12, 30, 13, 22 janmatithi valon se sanbandh barhaen. ank 6-7 (dhatu tatva hetu upay) : daen hath men svarn (sona pahnen). sunhri pili sangitamay ghanti (vind chaims) pashchim / uttar - pashchim/ uttar men lagaen. dhatu ki bani vastuen murtiyan adi pashchim/uttar pashchim men rakhen. pile rang ka piramid ghar par rakhen. ank 9 (agni tatva) : lal rang ki roshni dakshin purva men lagaen. baithak men fulon vale paudhe lagaen. dakshin purva men tandur (ovn) adi rakhen. dakshini divar par lal rang ki tasvir lagaen. aie ab is loshu chakra vidhi ko ek janmatithi par ajma kar dekhte hain. kisi vyakti ki janmatithi 30 navanbar 1977 arthat 30, 11, 1977 hai ise loshu chakra men likhne par hamen yah chart prapt hoga. anupasthit ank 2, 4, 5, 6, 8 arthat bhumi tatva (2, 5, 8) 4 (kashth tatva) tatha 6 (dhatu tatva) hai jabki 1, 3, 7, 9 upasthit hai jismen 1 v 7 ank ki adhikta hai arthat 1 (jal tatva, 3 (kashth tatva), 7 (dhatu tatva) v 9 (agni tatva) is jatak ke jivan men spasht hai ki jal v dhatu tatva ki adhikta hai jabki bhumi tatva ki kami hai atah jatak ko bhumi tatva (2, 5, 8) ankon ke upay karne chahie. is jatak ko vivah v santan prapti ke bad kafi saflta mili karan pati ki janmatithi 8 v putri ki janmatithi 11 jo ki 2, 8 banti hai arthat bhumi tatva ki kami puri hone se jivan pahle se adhik safal hua. loshu chakra rahasyamay ank jyotish ka chakra hai, jisse jatak ke jivan men vanchniya badlav kar labh die v lie ja sakte hai.
Kya aapko lekh pasand aaya? Subscribe
Kya aapko lekh pasand aaya? Subscribe


ank visheshank  July 2010

ank shastra ki vistrit jankari ke lie parhe ank visheshank ki avaran katha ke rochak lekh.iske vichar goshthi kolam men parhen- kairiyar ka chunav namak jyotishagyanavarddhak lekh.falit vichar stanbh ke antargat acharya kishor ka surya ka nich bhang rajyog namak lekh vishesh gyanavarddhak hai.pavan sthal men man tara ke prachin siddh pith ka varnan hai.

Subscribe

Apne vichar vyakt karein

blog comments powered by Disqus
.