कैसे हो शनि की पीड़ा से बचाव?

kaise ho shani ki pira se bachav?  

Ank ke aur Lekh | Sambandhit Lekh | Views : 778 |  
jyotish shastra men shani ko shanaishchar kaha gaya hai. yah sabse dhimi gati se chalne vala grah hai. yah bara hai islie yah ek rashi ka bhraman karne men dhai varsh tatha 12 rashiyon ka bhraman karne men lagbhg 30 varsh ka samay lagata hai. yah jaisa dikhta hai, vaisa nahin hai. ise ek udasin, nirashavadi, dhith aur jiddi grah bhi mana jata hai. jyotish shastra ke anusar ashtam sthan men shani akal mrityu ka karak hai. putra janm ka bhari utsav manane ke bad lankapti ravan ne jab apne putra ki janmakundli ka nirikshana kiya, to chalit men shani ki ashtama bhav sthiti aur chandra v guru ki uchchasth yuti tutne ke karan ravn ko bara krodh aya aur usne shani ko ulta latka diya. kuch vidvanon ka kathan hai ki ravan ne shani ki usi dayin tang ko pakarakar itne jor se patkni di ki shani langra ho gaya, jisse uski chal dhimi ho gai aur usi din se uska nam shanaishchar para. kintu yah bat uchit pratit nahin hoti. vastav men ravan ek atyant hi uchch koti ka tantrik, sadhak, jyotishi aur vidvan tha. usne apni uchchatam koti ki sadhnaon evan kriya yog ke bal par shani ki gati ko atyant mand kar diya tha, isilie shani ki gati atyant mand hai. shani ka nam sunte hi logon men bhay ki ek lahar si daur jati hai. kintu shani sadaiv ashubh fal hi dega yah avashyak nahin. vah jivan men shubh fal, labh, sthirta, adhyatmik pragti bhi deta hai. vah mokshakarak bhi hai. ashubh shani ke prabhav se arthik hani, santan kasht, dampatya jivan men kasht, parivarik pareshani, bhatkav, makan ka bante samay adhura rah jana, bal jharna, ag lagna, akasmik vipattiyane adi ka samna karna parta hai. shani ki sadhesati jatak ke jivan men adhik se adhik char bar hi ati hai. jyotish men shani ko krur se kruratam na kahakar krurashreshth kaha gaya hai, jaise ravan ko ‘‘uttam kul pulastya kar nati. shiv viranchi pujhi ehi bhanti.’’ kaha jata tha arthat kulashreshth kaha jata tha. jab kisi par shani ki mahadsha, antardasha, sarhesati, dhaiya ya gochr dasha chalti hai, to use ghor kashta pahunchta hai. islie ise krur kaha jata hai. ab prashn yah uthta hai ki kya shani vastav men krur hai? ek vyakti ka ghav sar jata hai aur uska jahar samast sharir men failne ka bhay utpann ho jata hai. daektar samast sharir ko bachan evan uski pran raksha ke lie us ang ko kat deta hai to kya yah krurta hai? mata-pita apne bachchon ki shararton se tang akar unhen dantte hain aur unhen dand dete hain. kya yah krurta hai? jaj kisi apradhi ko apradhon ki ganbhirta ko dekhte hue mrityu dand deta hai, kya yah krurta hai? nahin, yah krurta nahin hai, in sari sthitiyon men kahin n kahin bhalai ki bhavna chipi hui hai. thik usi prakar shani grah bhi ek sudharak aur kathor shasak ki bhanti hai. jis prakar sunar sone ko ag par rakhakar pighlakar usmen se khot nikalakar use kundn banata hai, usi prakar shani grah bhi jatak ko dukhon aur kashton ki ag men jalakar usmen se abhiman aur ahan ko nikalta hai. shani ko lekar sarvasadharan men ek prakar ka bhay vyapt hai, lekin yah thik nahin hai. shani hi nahin, koi bhi shubh ya ashubh grah janm rashi ke anusar hi fal deta hai. adhikatar log jatk ke prachlit nam se hi shani ke prabhavon ka vichar karte hain jabki vastavikta yah hai ki prachlit nam se banne vali rashi vastavik rashi nahin hoti. janm rashi ka hi vichar mukhya hota hai. yadi kisi ko prachlit nam se sadhesati, dhaiya v dasha-mahadsha chal rahi ho, to use viprit paristhitiyon ka samna karna parta hai. iska keval shani ki hi nahin, anya grahon ki dasha antardashaen bhi karan ho sakti hain. shani aur kairiyar: shani kairiyar ka karak grah hai. yah karm se sanbandhit hai. yah yadi janmakundli men anukul sthiti men ho, to vyakti ka kairiyar achcha aur yadi pratikul sthiti men ho to kharab hota hai. karmakarak shani jab janmakundli men chandrama ke prabhav men hota hai, to vyakti ka kairiyar hamesha ek sa nahin hota, usmen parivartan avashya hi hota hai. aise jatkon ko kairiyar men parivartana karna parta hai. unke lie yatra, kala athva lekhan ka kshetra upyukta hota hai. yadi karmakarak shani janma ke samay surya ke sath ho, to vyakti ko bahut sangharsh ke bad saflta milti hai. shani se dusre ya satven ghar men sthit surya bhi karm kshetra men sangharsh ke bad hi saflta pradan karta hai. aise vyakti ko rajya paksh va rajniti se jure karyon men labh prapta hota hai. yadi janmakundli men shani sinh rashi men ho tatha surya se prabhavit ho, to aisa vyakti gochar men jab bhi surya sthit rashi se bhraman karta hai to vah rajya paksh se sanbaddh karya karta hai. use sangharsh bahut karna parta hai. yadi shani mesh arthat mangal ki rashi (mesh evan vrishchik) men gochar karta hai, to jatak ko mangal v shani dona prabhavit karte hain aisa vyakti mashinri se jure karyon men sanlagn hota hai. yah samay jatak ke lie karyakshetra men saflta dayak hota hai. yadi shani vrish ya tula rashi men gochr kare arthat shukra ki rashiyon (vrish va tula) men sthit ho tatha shukra se uska sanbandh ban raha ho, to shani ke vrish ya tula rashi men gochar ke samay jatk ko vilasita ki vastuon evan manoranjn se jure karyon se labh hota hai. yadi shani mithun athva kanya rashi men gochar kare tatha gochar men uska sanbandh, yuti evan drishti ke dvara, budh se ban jae, to jatak ukt samy men koi vyavsay praranbh karta hai. us samay jatak vyavsayik sansthanon, jansanpark se juri gatividhiyon, lekha karyon evan mitron ke sahyog se karya karke labh prapt karta hai. yadi janmakundli men shani guru ki rashi (dhanu ya min) men ho tatha vah guru se paraspar sanbandhit ho to gochr men shani jab bhi dhanu athva min rashi men akar shani se paraspar sanbandh karta hai to ukt gochar kal men jatak kisi mahatvapurn evan sammanniya karya men sanlagn hota hai. vah shikshak, updeshak, prabandhak ya nirdeshak hota hai athva dharm se jure karyon men bhag leta hai. dhanu rashi men guru ka gochr jatak ke karmakshetra men kuch vyavdhan bhi dalta hai. gochar men shani jab apni rashiyon (makar ya kunbh) men pravesh karta hai, to use naukri, athva rojgar milta hai. use yatra, jal, khadya padarth, prabandhan, ya shikshan se sanbandhit karyon men labh milta hai. vah manovaigyanik salahkar evan buddhimattapurn karyon men bhi labh prapta karta hai. is prakar shani jab vibhinn rashiyon men gochar karta hai, to jatak ko vibhinn kshetron men karya karne ke lie prerit karta hai. janmakundli men shani ki rashi evan use prabhavit karne vale grahon aur shani se dvitiya bhav men sthit grahon ke prabhav ka adhyayan karke gocharasth shani dvara karmakshetra men a rahe parivartanon, utar charhavon ko jana ja sakta hai. jin vyaktiyon ko athk prayas ke bavjud saflta nahin mil pa rahi ho, ve apne lie anukul disha ka adhyayan kar anukul kshetra ki jankari prapt kar sakte hanai. shani ki sadhesati: shani barh rashiyon ke bhraman lagabhag 29 varsh, sadhe das mah arthat 30 varsh men purna kar leta hai, arthat shani ek rashi men lagabhag dhai varsh rahta hai. jyotish ke anusar gochar men bhraman karta hua shani jab jatak ki janmarashi se barhven bhav men ata hai, tab vahan dhai varsh rahta hai. tab shani ki sadhesati praranbh ho jati hai. iske bad vah dhai varsh tak janm rashi men rahta hai tatha bhraman karta hua age barhta hai aur dusre bhav men bhi dhai varsh rahta hai. is prakar shani tin rashiyon (dvadash, lagn aur dvitiya) men sarhe sat varsh tak bhraman karta hai. yahi sarhe sat varshiya dasha shani ki sadhesati kahlati hai. sarhesati shani ke prabhav: jyotish ke anusar jatak ke ye sarhe sat varsh atyant kasht evan dukhdayi hote hain tatha in sarhe sat varshon men jatk ko durbhagyapurn v ashant jivan jina parta hai. samanyatah shani ki sarhesati ashubh v kashtaprad samjhi jati hai, lekin pure sarhe sat varsha ek jaise vyatit nahin hote hain. shani ke ashubh fal ka karan yah hai ki jab vah janmarashi se dvadash sthan men hota hai, to apni purn tritiya drishti se bura prabhav dhan bhav (dvitiya bhav) par dalta hai tatha apni purn dashm drishti ka prabhav janm rashi se bhagya sthan par bhi dalta hai, jisse spashta hai ki dhan evan bhagya nash ka prabhav manushya ke lie bahut kashtaprad hota hai. iske atirikt shani dvadash bhav men hota hai, to dvitiya par drishti dalta hai aur dvadash v dvitiya donon bhavon ko prabhavit karta hai. atah saf hai ki sarhesati shani lagne par lagn ke donon or shani ke pap prabhav parte hain. is karan lagn ko bhi hani pahunchti hai aur lagn ki hani ka arth hai dhan, man aur svasthya ki hani. dvadash bhav, kundli men antim bhav hone se panv men dard rahta hai. yah bhav putra sthan se ashtam par parta hai, atah putra ki ay v svasthya par iska pura asar parta hai. dvitiya bhav tatha lagn dhan v man ka dyotk hai atah inki hani hoti hai. isi prakar chaturth aur ashtam shani bhi chanuki lagn aur dhan par drishti dalte hain. atah dhan ka nash, rog ki utpatti, videsh men vas tatha karjadar bana deta hai. shani aur nakshatriya prabhav: shani ke dvadash bhav janm rashi se dvitiya bhav men jo fal hai, uska achcha bura hona in tinon bhavon men parne vale nakshatron par bhi nirbhar karta hai. kisi vyakti, jiski janm rashi mesh hai, ke lie jab shani min men pravesh karega, to uske lie sadhesati praranbh ho jaegi. aise men yadi min rashi men purva bhadrapad nakshatra pare aur shani bhramn karta hua purva-bhadrapad se gujre, to uska svami guru ke sath sam vyavhar karega, jisse jatak ko adhik kasht sahan nahin karne parenge. lekin age chalakar yah uttara bhadrapd v revti nakshatra se gujrte samay apne v mitra ke nakshatron ke karan bura fal nahin dega. is prakar mesh lagn ke jatak ke lie dvadash men aya hua shani nuksandayak siddh nahin hoga. isi prakar surya v mangal donon shani ke shatru hain, atah janm kal men ye grah jis rashi men hote hain, gochar men us rashi men shani ke ane par ya us par uski purn drishti parne par jatk ka vah samay bahut kharab hota hai. adhik lanbi ayu vale jatak ke jivan men sarhesati ka prakop bahut tivra hota hai, jisse vah vichlit ho jata hai. dusre sadhesati ka prakop kam hota hai. us samay jatak ko dukh to hota hai, lekin adhik nahin. parantu tisri sarhesati prayah mrityu ko hi bulakar lati hai aur dekha gaya hai ki aise men kam hi jatak iski mar se bach pate hain. prayah dekha gaya hai ki tisri sarhesati men adhiktr jatkon ke kulhon ya pair ki haddi tut jati hai tatha vah jivan bhar thik nahin hoti. yah bhi dekha gaya hai ki jab kisi bare parivar men anek vyaktiyon ki ek rashi ho, to us parivar ke mukhiya ko bhi sarhesati ke kashton ko jhelna parta hai, chahe uski sadhesati ho ya n ho. shani charan vichar: kisi jatk ki janmakundli men gocharavash shani ek rashi ko chorakar agli rashi men jae tatha us samay janm chandra se yadi rashi men pahle, chathe ya 11 ven sthan men ho, to sone ka charan dusre, panchven ya 9 ven men ho, to tanbe ka charan aur chaithe, athven ya barhven bhav men ho, to lohe ka paya mana jata hai. udaharanasvarup agar shani ne mithun rashi se kark rashi men pravesh kiya hai, to vibhinn janm rashiyon vale jatkon ko shani ke nimnanusar fal milenge. u mesh rashi: mesh ke lie shani chaturth parega, atah yah lohe ka paya arthat gharelu sukh men ashanti ka kark hai. jatak ka sanbandhiyon se matbhed rahega, vyapar-vyavsay men hani hogi tatha svasthya kharab rahega. purani bimari bhi barh sakti hai. u vrish rashi: vrish rashi ke lie shani tisra parega. atah yah tanbe ka paya arthat shubh suchak hai. jatk ki ay barhegi aur rajkarya men labh hoga. rajkiya samman bhi prapt ho sakta hai. u mithun rashi: mithun ke lie shani dusra parega, atah yah chandi ka paya hoga. jatak ko jaydad se sanbandhit karyon men labh hoga. mitron se sanbandh madhur honge. rajkosh se labh tatha naukri milne ki atyadhik sanbhavna rahegi. u kark rashi: kark ke lie shani pratham hai. yah sone ke paye vali sthiti hai. atah jatak ko sanbandhiyon se matbhed, jhuthe apradh men fansne ke dar, bhay v atank ki sanbhavna bani rahegi. u sinh rashi: sinh rashi ke lie shani barhven bhav men hoga. yah loh ke paye ki sthiti hai. isse shatruon se dar, stri ko kasht, dhan ki hani tatha fijul ki yatraen hone ke yog bante hain. u kanya rashi: kanya rashi ke lie gyarhven bhav men hoga. yah sone ke paye ki sthiti hai. is sthiti men jatak ki santan ko kasht, karyon ke bigrne, badhaon, svasthya men kharabi adi ka bhay rahega. u tula rashi: tula ko yah karka rashi ka pravesh dasham bhav men parega jo ki tanba ka paya hai jiske falasvarup shatru ka nash, karyon men vriddhi, stri se sukh milega. u vrishchik rashi: vrishchik rashi ke lie yah navam parta hai. atah iske lie yah chandi ka paya hoga. falasvarup jatak ki dharma-karm men ruchi barhegi, vyapar men vriddhi hogi va santan sukh ki prapti hogi. u dhanu rashi: dhanu rashi ke lie yah athvan parta hai. atah yah lohe ke paye ki sthiti hai. jatak ko karyon men badha tatha dhan evan man ki hani hogi. u makar rashi: makar rashi ke lie yah satvan bhav parta hai. yah tanbe ke paye ki sthiti hai. atah jatk ke manglik karyon, dhan, sukh, shanti v vyapar men vriddhi ke bharpur avsr aenge. u kunbh rashi: kunbh rashi ke lie yah chatha parta hai. sone ke paye ki is sthiti men shatruon ke bhay, jhagre, apavyay, dhan evan man hani ki sanbhavna rahti hai. u min rashi: min rashi ke lie yah panchvan parta hai. yah chandi ke paye ki sthiti hai. ismen dhan labh tatha santan ko sukh milta hai ev man pratishtha men vriddhi hoti hai. is prakar yah kaha ja sakta hai ki vyakti ke jivan men ane vali sadhesati use apne-paraye ka gyan karati hai. sath hi viprit paristhitiyon men kis prakar jivit raha ja sakta hai. iska gyan bhi kara deti hai tatha svabhimani banati hai. jis jatak ki 18 se 25 varsh ke bich ki ayu men pahli sarhesati a jati hai, uski ayu ka pata chal jata hai. dhaiya shani: sadhesati shani ki bhanti hi dhaiya shani bhi atyant kashtakari evan dukhdayi hota hai tatha un dhai varshon men jatak ko durbhagyapurn v ashant jivan jine ke lie vivash karta hai. samanyatah shani ki dhaiya pure dhai varsha ashubh v kashtaprad samjhi jati hai. lekin pure dhai varshon ki puri avdhik ek jaisi nahin hoti hai. sadhesati aur dhaiya shani men pahla fark yah hota hai ki sarhesati shani sarhe sat varshon tak rahta hai jabki dhaiya keval dhai varshon tak. dusra antar yah hai ki jab kisi rashi ke jatak ko shani ki sadhesati chal rahi hoti hai to un rashiyon ke kramshah panchven bhavon ke jatkon ko shani ki dhaiya chal rahi hoti hai. udahrnartha jaise shani ka bhraman yadi mithun rashi ho hota hai, to us samay vrishabh mithun aur kark rashi valon ko shani ki sadhesati aur vrishchik tatha min rashi valon ko laghu kalyani dhaiya shani chalti rahti hai. vyaktiyon ko janm ke shani ke anusar shani ka mukhya fal milta hai. jiski janm patrika men dhaiya shani ka sanbandh shubh prabhavon se ho athva mahadsha ya antardasha shubh ho, to shani ka prabhav ashubh nahin hoga. yadi jatak ko laghu kalyani shani ya sadhesati shani ashubh ho aur janmakundli men shani ashubh pap pirit ho, to sadhesati ka fal bahut jyada shubh hoga aur dhaiya shani ka fal usse kuch kam shubh hoga. yah chinta vriddhi, ashanti, dhan hani, rog, klesh karega. yadi janm ka shani uchch ka, svagrihi, shubh v vargottami ho, to shubh fal dega. shani ashtamesh ya markesh ho, to uski sadhesati ya dhaiya dasha ashubh faldayak hogi. janm ka shani kundli men lagnesh, panchmesh, navmesh ya dashmesh hokar tisre, chathe ya gyarhven sthan men ho, to sanpatti, sukh, vyapar adi men labhkari hota hai. shani ke dushprabhavon ko dur karne ke upay: shani ke dushprabhavon ko kam karne ke lie kuch upay, alg-alag granthon men alg-alag tarah se batae gae hain jinmen se kuch upayon ka vivrn nimnanusar hai. u shani ki mahadsha, antardasha, sadhesati ya dhaiya ke dauran mans evan mandira ka sevan nahin karna chahie. u kale rang ke vastra men 740 gram kale urad aur tanbe ka sikka bandhakar bahte hue pani men bahane se labh hota hai. u shanivar ko shraddha evan vishvas purvak vrat karen. u shani se sanbandhit vastuen ghar men sthapit karen. u lohe ki vastuen dan karen. u kark rashi vale jatak tanbe ka sikka mukhya dvara ke niche garen. u shani stotra ka path v jap karen. u ghar men bhure patthar ki shila sthapit karna shubh hai. u shani se sanbandhit vastuen (tel, chamra, tanba, vastra, loha, kale til adi) dan men n len. u bare burhon ka ashirvad len va unki seva karen. u lohe ka bina jor vala challa dayen hath ki bari ungli men pahnen. u shukravar ki rat 750 gram kale til bhigokar subh shanivar ko kale ghore ko khilaen. u apne charitra ka vishesh dhyan rakhen. u paitrik sanpattiyon ka vikray kisi bhi kimat par n karen. u shanivar ko n to loha khariden aur n hin bechen. u shanivar ko bhi surya ko aghrya den. u vrish rashi adi men yadi sarhesati ya dhaiya ho, to amavasya ko kisi nale men nile ful dalen. u apne makan v bistar ke charon konon par lohe ki char kilen garen. u ghar ke andhere kamron men lohe ke patron men sarson ka tel bharakar rakhen. u yadi sanbhav ho to kala kutta palen. u dhan ki raksha ke lie ek nariyal kale kapre men lapet kar tijori men rakhen. u shanivar ko gur men kale til ke laddu banakar dan karen. u shanidosh nivarak yantra: kisi yogya tantrik ya guru dvara pradatt shani dosh nivarak yantra pran pratishthit kar ghar men sthapit karen ya karvaen. iske atirikt is yantra ka vidhipurvak pujn-archan v sadhna kar gale ya baju men bandhne se shani ki kripa drishti sadaiv bani rahti hai. u shani pira nivarak yantra ko kisi patthar ke chaikor tukre par kali syahi se likhakar rogi athva shani se pirit vyakti ke upar se sat bar ghumakar ‘‘¬ pran prin praun sah shanaishcharay namah’’ mantra ka uchcharan karte hue kisi kuen men dalne se shani ki dasha, antardasha, dhaiya ya sarhesati ki pira ka shaman hota hai. jo vyakti yah prayog karega use apni suraksha ke lie bad men sava pav madira bahte pani men pravahit karni paregi, anyatha use kasht hoga. u sanpurn badha mukti yantra prapt kar puja sthal par pranapratishthit kar rakhen evan vahan nityaprati dhup evan dip jalaen. u labhkari mahima mandit pard mala: kisi yogya tantrik guru dvara nirmit v pran pratishthit, mahimamandit shuddh pardmala dharn karne se bhi sarhesati, dhaiya ya shani ki dasha-antardasha ke dosh nivaran men labh hota hai. u shani dosh nivarak piramid: kisi yogya guru dvara nirmit va pran-pratishthit shani piramid ka prayog kar ap shani ki sarhesati ya dhaiya ke dosh ka nivaran kar sakte hain. u shani dosh nivarak pard shivling ke achuk prayog: shani ki mahadsha, antardasha, dhaiya evan sadhesati tatha pancham shani ke dosh nivaran hetu parad shivling ki puja-archana karni chahie. pard shivling ki upasna vyakti ko nirogi banati hai. asadya rogon se chutkara pane ke lie yah ek achuk upay hai. jis vyakti ko markesh ki dasha chal rahi ho, uske lie yah prayog atyant avashyak hai. prayog vidhi: rog se mukti v shani ki sadhesati tatha anya sabhi dashaon ki pira se raksha ke uddeshya se pard shivling ki archana karne vale sadhkon ko ratri men sava nau baje ke uprant sava pav dudh se parad shivling ka abhishek karna chahie. abhishek ke samay nimnalikhit mantra ka jap karen. mantra: ‘‘¬ haun ¬ jun sah bhurbhuvah svah pardeshanyyajamhe, sugandhin pushtivardhanam. ¬rvarukmiv bandhnanmrityo rmukshiya ma{mritat bhurbhuvah svah ¬ jun sah haun ¬..’’ u shanidosh nivaran hetu hanuman prayog: dipavli ya shanipushya ya kisi bhi shanivar ko hanuman ji ke mandir men til ka sava kilo tel charhaen tatha nimnalikhit mantra ka yathasanbhav jap karen. mantra: ‘‘¬ ain on hran hrin hraun hrah ¬ namo bhagvte mahabal parakramay bhut, pret pishach, brahm rakshas, shakini dakini, yakshini, putna, mari, mahamari rakshas, bhairav, betal, grah, rakshasadi kan, shikshay, maha maheshvar rudravtar, ¬ hran pafat svaha.’’ u ratn dharan dvara: kisi yogya tantrik guru ya ratn visheshagya se 5 se 9 masa tak ka shuddh nilam prapta kar kisi bhi shanivar ko ya shani pushya nakshatra ya shani jayanti ko dharn karna chahie. yadi janmakundli men shani pradhan grah ho athva, yadi surya ke sath baitha ho, athva yadi mesh adi rashi men sthit ho athva yadi apne bhav se chathe ya athven sthan men sthit ho athva yadi jatak ka janma mesh, vrish, tula, athva vrishchik lagna men hua ho to us sthiti men bhi nilam dharan kiya ja sakta hai. u jari-buti: kisi bhi shanivar ko athva shani pushya, ravi pushya, guru pushya, shani jayanti, shani purnima ya shani amavasya ko athva dashhre, dipavli, holi ya kisi bhi grahn ke samay shami vriksh ki jar tantrik vidhi vidhan dvara prapt kar tatha tantrokt vidhi se hi puja-archana kar gale ya dayin bhuja men shani stotra ka jap karte hue dharan karne se sabhi prakar ki shani pira men labh hota hai. yah prayog anubhut hai. am dharna hai ki pratyek vyakti ko shani ki sarhesati dhaiya, dasha, antardasha adi men anek dukh bhogne parte hain, kintu vastav men aisa nahin hai. shani ek or shubh svagrihi v mitra rashiyon men shubh fal pradan karta hai, to dusri or krur hone, vakri hone, shatru grah men evan shatru rashi men hone par ashubh fal pradan karta hai. yadi kisi jatk ki shani ki mahadsha athva antardasha chal rahi ho aur us avdhi men jatk ki rashi men dhaiya ya sarhesati shani ka pravesh ho jae, to jatak ke lie vah samay bahut hi shubh hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  November 2006

adhyatm prerak shani punsavan vrat pavitra parva : kartik purnima vivah vilamb ka mahatvapurn karak shani

Subscribe

Apne vichar vyakt karein

blog comments powered by Disqus
.