शक्ति का संचरण और शक्ति आराधना

shakti ka sancharan aur shakti aradhna  

Ank ke aur Lekh | Sambandhit Lekh | Views : 5331 |  
shakti ka sancharan aur shakti aradhna pan. sunil joshi junnarakar sansar ka koi bhi karya shakti ke bina sanbhav nahin hai chahe vah chota ho ya bara. jis prakar saikal chalane ke lie vyakti ko sharirik shakti ki avashyakta hoti hai. usi prakar sansar ke sanchalan ke lie bhi shakti avashyak hai. utpatti, sthiti aur pralay rupi srishti chakra ka sanchalan avashya hi kisi mahashakti ke adhin hai. samuche brahmand ka niyaman aur sanchalan karne vali jo adrishya urja hai, surya adi grah-nakshatra jiske prakash se prakashit hote hain tatha jiski urja se hi sab gatiman hai, us urja-shakti ko hi shastron men adyashakti/adi shakti kaha gaya hai. yah shakti brahmarup men hi siddh hai. vastutah yah shakti nirgun-nirakar hai, kintu is jar- chaitanya jagat men hamen jitne bhi rup (gun) dikhai dete hain ve sab usi shakti ke svarup hain. tantrokt devi sukt men kaha gaya hai- ya devi sarva bhuteshu shaktirupen sansthitaa. namastasyai, namastasyai, namastasyai, namo namah॥ arthat jo devi akash, vayu, agni, jal aur prithvi men tatha samast praniyon men shaktirup se sthit hai, us jivndayini daivi shakti ko namaskar hai, namaskar hai, baranbar namaskar hai. rigved ke dasham mandal ke 125ven sukt men adi shakti jagdanba ji kahti hain, ''main brahmand ki adhishvari hun, main hi sare karmon ka fal pradan karne vali tatha aishvarya dene vali hun.'' svami vanakhandeshvar maharaj ne is sandarbh men likha hai ki jagdanba hi is charachar jagat ki adhar hai, vahi satpurushon ko satkarm karne ki shakti deti hai. avyakt hone par bhi vahi shakti bhakton ki bhavna ke anurup vyakta-svarup ko dharan karti hai. mahakali, mahalakshmi, mahasarasvati, sita, radha, rukmni, annapurna, tara, tripursundri v bhuvneshvari adi anek rup usi adyashakti ki abhivyaktiyan hain. yah adi shakti sanatan hai, anant vishva ki mulasrot hai. isi shakti ki sahayta se brahmaji srishti ka srijan, vishnuji palan tatha isi ke sahare shiv sansar ka sanhar karte hain. mahasarasvati, mahalakshmi aur mahakali hi tridevon ki shaktiyan hain. brahm ki shakti ko brahmi, vishnu shakti ko vaishnavi aur shiv ki shakti ko shiva kahte hain. (ya mahesh ki shakti ko maheshi kahte hain.) shrutiyon ne shaktiman svarup advaitatatva ka pratipadan kiya hai. vahi ek tatva param purush aur parashakti rup se (dvait) pratit hota hai, vastutah shaktiman aur uski shakti donon ek hi hain, abhinn hain. man jagdanba hi adya shakti hai, unhin se akhil vishva ka sanchalan hota hai, unke atirikt dusri koi avinashi shakti nahin hai. bhuvneshvari ki kripa se rajya ki prapti- pralykal men jab ishvar ke jagat rup vyavhar ka lop ho jata hai, us samay keval brahm apni avyakt prakriti ke sath shesh rahta hai. tab ishvar ratri (mahapraly) ki adhishthatri devi 'bhuvneshvari' kahlati hai. devi puran ke anusar mul prakriti ka dusra nam hi bhuvneshvari hai. bhagvan shiv ka vam bhag hi bhuvneshvari hai. bhuvneshvari ke sanidhya se hi shiv ko sarveshvar hone ki shakti prapt hoti hai. bhagvti bhuvneshvari bhagvan shiv ke samast lilavilas (maya) ki sahchri hai. iski pushti shvetashvatropnishad ke us mantra se hoti hai jismen kaha gaya hai ki 'prakriti ko maya jalon aur mayavi ko maheshvar.' tantrashastra men kaha gaya hai- 'rajyan tu bhuvneshvari' arthat adishakti bhuvneshvari ki kripa se rajya, rajya samman, rajkiya ya shaskiya pad, dhan aur aishvarya ki prapti hoti hai. iske alava danpatya sukh evan sadguni santan ki prapti hetu bhi bhuvneshvari ki upasna, aradhna vishesh falaprad kahi gai hai. jagdanba bhuvneshvari ka svarup saumya aur angkanti pratahkal ke suryoday ke saman hai. unke mastak par chandrama ka mukut hai. tin netron se yukt devi ke mukh par muskan ki chata chai rahti hai. unke hathon men pash, ankush, varad evan abhay mudra shobha pate hain. sab prakar ke kalyan ke lie shri durgasaptashati ke gyarhven adhyay ka dasven shlok ka navratri ke dinon men subah sham kam se kam ek mala jap karna chahie. iske prabhav se apki ichchaon ki shighra purti hogi. sarvamanglmangalye shive sarvarthasadhike. sharanye trayanbke gauri narayni namo'stute॥ shri durga devi ka pradurbhav shri devi bhagavat puran ke anusar 'man durga ke avataran ka uddeshya hai- shreshth purushon ki raksha karna, vedon ko surakshit rakhna tatha dushton ka dalan (sanhar) karna.' 'durga' namak daitya ka sanhar karne ke karan bhuvneshvari ka nam 'durga' devi hua. shri durga devi ke pradurbhav ki sankshipt katha is prakar hai. durgamasur namak ek daitya ne kathor tapasya se brahmaji ko prasann kar liya tatha vardan svarup brahmaji se charon vedon ko prapt karke unhen bandi bana liya, vilupt kar diya. is karan sansar men 'yagya' adi vaidik karmon ka lop ho gaya. jisse varsha band ho gai aur prithvi par akal parne laga. jab prithvi par sau varshon tak barsat nahin hui tatha jal ka abhav ho gaya tha. us samay rishi muniyon ne santapt hokar bhagvti ka smarana/stavan kiya. tab ayonijarup men shakti tatkal prakat hui. ve apne hathon men ban, kamal, pushp tatha shak-mul lie hui thi. unhonne apne sau netron se muniyon ko dekha tatha muniyon ke dukh se santapt hokar, man ki ankhon se ashrujal ki hajaron dharaen bahne lagin. us jal se prithvi ke sabhi prani tript ho gaye. samudron v nadiyon men agadh jal bhar gaya. jagdanba ne shat netron se rishiyon ko dekha tha islie ve 'shatakshi' kahlai. unhonne apne sharir se utpann shak-sabjiyon, fal-mul se sansar ka bharn-poshan kiya is karan ve 'shakanbhri' nam se vikhyat huin. usi samay 'shakanbhri' devi ne durgamasur se ghanghor yuddh kiya. durgam namak mahadaitya ka vadh karne ke karan ve durga devi ke nam se prasiddh v aradhit huin. aishvarya ch ya shakti parakram ev ch. tatsvarupa tayordatri sa shakti prakirtita॥ devi bhagavat ke anusar 'sha' ka arth aishvarya aur 'kti' ka arth parakram hai. is prakar jo aishvarya aur parakram ka svarup hai tatha jisse parakram aur aishvarya ki prapti hoti hai, vahi tinon lokon men shakti ke nam se prasiddh hai. shri durgadevi ka svarup (dhyan) shri durgadevi ke tin netra hai, unke shri angon ki abha bijli ke saman hai. ve sinh ke kandhe par baithi hui bhayankar pratit hoti hai. hathon men talvar aur dhal lie anek kanyaen unki seva men khari hain. ve apne hathon men chakra, gada, talvar, dhal, ban, dhanush, pash aur tarjani mudra dharan kiye hue hain. ashtabhujaon vali shridurga devi ka svarup agnimay hai tatha ve mathe par chandrama ka mukut dharan karti hain. stuti mantra un jayanti mangla kali bhadrakali kapalini. durga kshama shiva dhatri svaha svadha namo'stu te॥ sankramak rogon/mhamari nash ke lie is mantra ka jap karna chahie. shri durga devi ki prasannata evan kripa prapti ke lie is mantra ke alava 'saptashloki durga', 'shri durga ashtottarashatanam stotram' evan 'durga dvatrinshannam mala stotra' ka path karna chahie. durga ke 32 namon ka pratidin 108 bar jap karna chahie. aisa karne se kort kes (mukdma), shatrubhay adi ghor sankton se shighra mukt ho jata hai. kyonki durga durgatinashini hai. durga devi ka bij mantra 'dun' shri durgadevi ka bijakshar hai. durga devi ke do bij mantra nimnavat hain. un dun durgayai namah un ain hrin klin dun durgayai namah shubh ke mare jane ke bad devtaon ne jab devi ki stuti ki to jaganmata ne unhen ashvasan aur vardan diya. itthan yada yada badha danvottha bhavishyati. tada tadavtiryahan karishyamyarisankshayam॥ devi ne kaha, jab-jab sansar men danvi badha upasthit hogi, tab-tab avtar lekar main shatruon ka sanhar karungi. shri durga avtar ke bad himalay parvat par bhimadevi ka avtar bhi ho chuka hai. iske pashchat ab bhavishya men jab arun namak daitya tinon lokon men bhari upadrav machayega tab tinon lokon ka hit karne ke lie chah pairon vale asankhay bhramron ka rup dharan karke uska vadh karenge. aisa svayan markandey puran men savarnik manvantar ki katha ke antargat devi stuti nam gyarhven adhyay men devyuvach ke 52-53 ven shlok men kaha hai. yadarunakhayastrailokye mahabadha karishyati. tadahan bhramran rupan kritva'sankhyeyashatpadam. trailokasya hitarthay vadhishyami mahasuram. bhramriti ch man lokastada stoshyanti sarvatah. navratri aur nav durga bharat men ek sanvatsar men char navratra hote hain. asharh aur magh ki navratri gupt navratri kahlati hai. in navratriyon men tantrik sadhak gupt sthanon par tantrik sadhnaen karte hain. chaitra ka navratra vasantik navratra tatha ashvin mah ka navratra shardiya navratra ke nam se jana jata hai. navratron men daiviya shakti ka pradurbhav hota hai, islie navratra men adyashakti bhagvti durga ki upasna/aradhna ka vishesh mahatva hai. 'nav shaktibhi sanyukt navratratduchyate.' arthat shailputri, brahmacharini, chandraghanta kushmanda, skandmata, katyayni, kalratri, mahagauri aur siddhidatri ye nau shaktiyan jis samay ek mahashakti ka rup dharan karti hain. use navratra kahte hain. inhin navashaktiyon ko navratra men jagrit kiya jata hai. navratra men jivni shakti ka sancharan hota hai. yah samay ritu parivartan ka hota hai. ayurved ke anusar is samay sharir ki shuddhi hoti hai. barhe hue vat, pitt, kaf ka shaman karna chahie. sharad ritu ke ashvin mah men parne vali navratri charon navratriyon se bari hai. ise varshik navratra ki sangya di gai hai. is samay mahapuja ka ayojan kiya jata hai. jaisa ki kaha gaya hai. 'sharatkale mahapuja kriyate ya ch varshiki.' ashvin navratra men hi vijya dashmi ko aprajita devi ka pujan kiya jata hai. chaitra navratra men 'ramnvmi' parti hai. jabki ashvin men 'shri durga navmi' ati hai. mukhay rup se tin mahashaktiyan hain, mahakali, mahalakshmi aur maha sarasvati. in tinon ko sanyukt rup se 'durga' kaha jata hai. brahma ji ke anusar jagdanba ke nau svarup hain, jinhen 'nav durga' kahte hain. navratra men shridurga devi ke nau svarupon ki kramshah aradhna ki jati hai. prathman shailputri ch dvitiyan brahmacharini. tritiyan chandraghanteti kushmandeti chaturthakam॥ panchman skandmateti shashthan katyayniti ch. saptaman kalratriti mahagauriti chashtamam॥ navman siddhidatri ch navdurga prakirtita. uktanyetani namani brahmanaiv mahatmana॥ kuch shastrakaron ki manyata hai ki ye uprokt nau shaktiyan mahasarasvati ke ang se prakat hui thin, atah ve unki hi nau shaktiyan hain. katipay vidvanon ke anusar ashtabhuja dhari durga ji ki puja karna ho to unke sath in nau shaktiyon ki bhi puja karni chahie. ve shaktiyan hain- chamunda, varahi, aindri, vaishnavi, maheshvari, kaumari, narsinhi, shivduti, brahmi. ye sabhi mataen sabhi prakar ki yog shaktiyon se sanpann hai.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.