51 शक्ति पीठ

51 shakti pith  

Ank ke aur Lekh | Sambandhit Lekh | Views : 6459 |  
51 shakti pith mitu sahagal shakti pith bahut hi pavan tirth sthal mane jate hain. yahan desh-videsh ke kone-kone se bhakt shakti ki sadhna archana karne ate hain. shakti pith brahmand ke asim rahasyamyi shakti aur urja sthal hain jahan puja v tap karne ka vishesh mahatva hai. shakti puja yahan kai hajaron varshon se hoti ai hai. shakti pith tantrik siddhi prapti ke bhi mahatvapurn sthal hain. yahan vaidik v tantrik vidhiyon se puja hoti a rahi hai. siddhi aur moksh prapti ke lie sadhak yahan khinche chale ate hain. aisa mana jata hai ki jahan shakti pith sthapit hain, ve sthal brahmand ki urja ke asim bhandar hain. atah guru diksha aur shakti pat ke lie ye sthal uttam hain. pauranik mat ke anusar, satya yug men dakshaprajapti ne yagya ka aranbh kiya jismen shivji ko amantrit nahin kiya. pita ke ghar mahasmaroh se yagya ho raha hai, yah sunakar sati ne nimantran n pane par bhi yagya men jana chaha. shivji ne pahle to mana kiya par sati ke agrah par unhen anuchron ke sath jane ki agya de di. vahan jane par daksh dvara shiv ka apman dekh sati ne usi yagya ki agni men atmadah kar liya. shivji ne yah vrittant sunte hi daksh ke ghar jakar yagya vidhvans kar diya aur sati ka shav uthakar tandav karne lage. yah dekh vishnu ne vivash hokar sudarshan chakra se sati ke ang-pratyang kat dale. sati ka sharir 51 khandon men vibhakt hua aur jahan unke vibhinn ang gire us sthan par shakti pith sthapit kiye gae jo hinduon ke pramukh tirth sthal mane jate hain. ye shakti pith bharat, pakistan, shri lanka aur bangladesh men pae jate hain. 51 shakti pith is prakar hain- hingula : devi ka brahmarandhra yahan gira. yahan devi kottavish aur shiv bhimlochan ke nam se sthapit hain. yah pith karachi ke nikat dakshini pakistan men ek gufa men sthit hai. gufa ke andhere men roshni ki kiran puja sthal ko prakashman karti hai. sharkara (kolhapur) : maharashtra ke kolhapur shahar men sthit is pith men devi ke tin chakshu gire. shiv-shakti yahan krodhish aur mahshimardini ke rup men sthapit hain. mahalakshmi ka prasiddh mandir bhi yahin par hai. sugandha : sungdha men devi ki nasika giri thi. yahan shiv-shakti tryanbak aur sunanda ke rup men sthapit hain. shiv-chaturdashi ke din bhakt yahan bari sankhya men ate hain. yah pith dakshini bangladesh men hai. amrnath : kashmir men sthit mukhay tirth sthan amrnath men devi ka kanthdesh gira. yahan shiv-shakti trisandhyeshvar aur mahamaya ke rup men sthapit hain. har varsh barf ka shivling banta hai jiske darshan karne ke lie bhakt dur-dur se ate hain. jvalamukhi : jvalamukhi kangra, himachal pradesh men sthit hai. yahan devi ki mahajihva giri aur shiv-shakti yahan unmat aur siddhida bhairav ke rup men sthapit hain. jvalamukhi ka mandir adbhut shakti ka sthal hai. jalandhar : yahan devi ka stan gira tha aur shiv-shakti yahan bhishan aur jay tripurmalini ke rup men jane jate hain. vaidyanath : devi ka hriday yahan gira tha. shiv-shakti yahan vaidyanath aur jaydurga ke rup men avasthit hain. yah bharat ke 12 jyotirlingon men se ek hai. pashuptinath : pashuptinath nepal men sthit shaktipith hai jahan devi ka janu ya ghutna gira tha. yahan shiv-shakti kapali aur mahamaya ke nam se avasthit hain. yah nepal ka bahut hi prasiddh tirth sthal hai. manas : manas tibbat men sthit bahut hi prachin, vikhyat aur shaktishali pith hai jahan shiv-shakti amar aur dakshayni ke rup men sthapit hain. yahan devi ka dakshin hast gira tha. mansrovar jalashay bhi yahin par hai. utkal virja : utkal virja urisa men sthit hai. yahan devi ka nabhidesh gira tha aur yahan shiv-shakti jagannath aur vimla ke rup men sthapit hain. yah pith jagannath mandir ke pas puri men hai. gandki : gandki muktinath, nepal men sthit hai. yahan devi ka gandasthal gira tha aur shiv-shakti yahan chakrapani aur gandki ke rup men avasthit hain. bhakton ka manna hai ki unhen is sthal par devi ki kripa avashya prapt hoti hai. bahula : bahula virbhum, dakshin bangal men hai jahan devi ka vam bahu gira tha. yahan shiv-shakti bhiruk aur bahuladevi ke rup men sthapit hain. ujjaini : ujjaini, madhya pradesh men devi ki kurpar ya kohni giri thi. yahan shiv-shakti kapilanbar aur manglchandika ke rup men avasthit hain. tripura : devi ka dayan pad tripura, udypur men gira tha. yahan shiv-shakti tripuresh aur tripur sundri ke rup men sthapit hai. chahal : chahal jise chattal bhi kaha jata hai, bangladesh men hai. yahan devi ka dayan bahu gira tha. shiv-shakti yahan chandrashekhar aur bhavani ke nam se prasiddh hain. mahadev ne svayan kaha tha ki kaliyug men ve chandrashekhar parvat par nirantar aenge. tristrota : tristrota jalpaiguri, pashchimi bangla men sthit hai. yahan devi ka vam pad gira tha shiv-shakti ko yahan bhairveshvar aur bhramri ke rup men jana jata hai. kamakhya : kamakhya kamgiri, asam men devi ka yonidesh gira tha. yahan i sh a v - sh a i k t umanand aur kamakhya ke rup men sthapit hain. mana jata hai ki jo is mandir men ek bar jata hai use amaratva ka vardan mil jata hai. kamakhya jana manvta ke mul strot tak jane jaisa hai. yahan pashu bali prachlit hai. prayag : prayag men ganga, yamuna aur sarasvati ka sangam hota hai. yahan devi ke hath ki ungliyan giri thin. shiv-shakti yahan bhav aur lalita ke nam se sthapit hain. jayanti : jayanti, asam men devi ki vam jangha giri thi. yahan shiv-shakti kramdishvar aur jayanti nam se sthapit hain. yugadya : yugadya pashchim bangal ke khiragram shahar men sthit hai. yahan devi ka dahina angushth gira tha. yahan kshirkhandak aur bhutdhatri ki pratimaon ke rup men shiv-shakti sthapit hai. kalipith : kalipith kalighat, kolkata (pashchim bangal) men sthit siddh shakti pith hai jahan shiv-shakti nakulish aur kalika ke nam se sthapit hain. yahan devi ke dahine pair ki ungliyan giri thin. kirit : kirit men devi ka kirit gira tha. yahan shiv-shakti sanvart aur vimla ke nam se prasiddh hain. yah pavan sthal bangladesh men hai. varansi : varansi, uttar pradesh men devi ke karn kundal gire the. yah sthal shiv-shakti ke kalbhairav aur vishvalakshmi manikrni ke nam se prasiddh hai. puranon ke anusar yah sthal pralay ke bad bhi astitva men tha. kanyashram : kanyakumari men kanyashram men devi ka prishth gira tha. yahan shiv-shakti nimish aur sarvani ke rup men avasthit hain. kurukshetra : kurukshetra hariyana men sthit hai jahan mahabharat hui thi. yahan devi ka gulf gira tha aur shiv-shakti yahan sthanu aur savitri ke rup men prasiddh hain. manibandh : manibandh ko manivedika bhi kahte hain. yah pushkar, rajasthan men sthit hai. yahan devi ke manibandh gire the. shiv-shakti yahan sarvanand aur gayatri ke rup men avasthit hain. shrishail : shrishail mallikarjun parvat ke pas shail men sthit hai. yahan devi ki gardan giri thi. shiv-shakti yahan shanbranand aur mahalakshmi ke nam se prasiddh hain. andhrapradesh ka yah bahut hi prasiddh tirth sthal hain aur 12 jyotirling men se ek hai. kanchi : kanchipuram, tamil nadu men hai. is prachin shakti pith men devi ki asthi giri thi. yahan shiv-shakti ruru aur devagarbha ke rup men avasthit hain. kanchi-kanchi kamkoti math ke lie bhi prasiddh hain. kalmadhav : kalmadhav amrkantak nadi ke pas chitrakut, madhya pradesh men sthit hai. yahan devi ka nitanb gira tha. shiv-shakti yahan asitang aur kali ke rup men sthapit hain. shondesh : shondesh bihar men son nadi ke pas sthit shakti pith hai. yahan devi ka nitanbak gira tha. shiv-shakti yahan bhadrasen aur narmada ke rup men sthapit hain. ramgiri : ramgiri chitrakut, madhya pradesh men sthati shakti pith hai jahan devi ka stan gira tha. shiv-shakti yahan chandbhairav aur shivani ke nam se prasiddh hain. vrindavan : vrindavan men devi ke kesh gire the. shiv-shakti yahan bhutesh aur uma ke rup men sthapit hain. vrindavan men hi shri krishn ne lilaen ki, govadharn parvat uthaya aur ganv ko kaliya nag se bachaya. shuchi : shuchi kanyakumari (tamilnadu) men sthit shakti pith hai jahan devi ke urdhva dant gire. shiv-shakti yahan sanhar aur narayni ke rup men avasthit hain. panchsagar : panchsagar men devi ke adhodant gire. shiv-shakti yahan maharudra aur barhi ke nam se prasiddh hain. iska sthan agyat hai. kartoyatat : kartoyatat men devi ka talp gira tha. shiv-shakti yahan vamnbhairav aur arpana ke rup men prachlit hain. bangladesh men sthit kartoyatat men nator ke raja aur unke pautra maharaja ramkrishn dhyan lagaya karte the. yah mandir karota nadi ke kinare sthit hai. ise bhavanipur bhi kahte hain. shriparvat : devi ka dahine pair ka talva shriparvat laddakh men gira tha. shiv-shakti yahan sundranandbhairav aur shrisundri ke nam se prachlit hain. vibhash : devi ka vam gulf vibhash, medinipur (pashchim bangal) men gira. shiv-shakti yahan sarvanand aur kapalini ke nam se sthapit hain. prabhas : devi ka udar prabhas men gira jahan shiv-shakti ko vakratund aur chandrabhaga ke nam se jana jata hai. prabhas, girnar parvat, munbai ke pas hai. yah somnath mandir ke pas hai jo hinduon ka mukhay tirth sthal hai. janasthal : janasthal nasik (maharashtra) men sthit hai. yahan devi ka chibuk gira. shiv-shakti yahan vikritaksh aur bhramri ke nam se prachlit hain. virat : virat, rajasthan men devi ke pairon ki anguliyan giri thi. shiv-shakti yahan amrit aur anbika ke nam se jane jate hain. godavritir : godavritir men devi ka vam gand gira tha. shiv-shakti yahan dandapani aur vishveshi ke nam se prachlit hain. ratnavli : ratnavli men devi ka dahina skandh/kandha gira tha. shiv-shakti yahan shiv aur kumari ke nam se prachlit hain. ratnavli chennai ke pas ratnakar nadi ke kinare sthit hai. mithila : mithila, bihar men devi ka vam skandh gira tha. shiv-shakti yahan mahodar aur uma ke rup men sthapit hain. mithila kankpur ke pas sthit hai. nalhati : nalhati, kolkata men sthit hai jahan devi ki nala giri thi. shiv-shakti yahan yogesh aur kalikadevi ke nam se prasiddh hain. magadh : devi ki dahini jangha magadh men giri thi. aj magadh patna ke nam se jana jata hai. shiv-shakti yahan vyomkesh aur sarvanandkri ke nam se prasiddh hain. vakreshvar : vakreshvar men devi ka manah ya mastishk ka hissa gira tha. shiv-shakti yahan vakranath aur mahishamardini ke nam se jane jate hain. vakreshvar ahmdabad men sthit hai. yahan 7 garm pani ke chashme aur papahar nadi hai. mahamuni ashtavakra ko yahan gyan prapt hua. yashor : yashor bangladesh men sthit hai jahan devi ka panipadya gira tha. shiv-shakti yahan chand aur yashoreshvari ke nam se prasiddh hain. attahas : attahas (pashchim bangal) men devi ka oshth gira tha. shiv-shakti yahan vishvesh aur fullara ke nam se prasiddh hain. pashchim bangal ka yah ek mukhay tirth sthal hai. nandipur : nandipur, panshchim bangal men devi ka kanthhar gira tha. shiv-shakti yahan nandikeshvar aur nandini ke nam se prasiddh hain. lanka : lanka, shrilanka men devi ka nupur gira tha. shiv-shakti yahan rakshaseshvar aur indrakshi ke nam se sthapit hain. ravan ne shivji ki yaho puja ki thi. iski sahi sthiti agyat hai. ek matanusar mandir trinkomali men hai, par purtagali bambari men dhvast ho chuka hai. ek stanbh shesh hai. yah prasiddh trikoneshvar mandir ke nikat hai.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.