लियो पाम में फलादेश

liyo pam men faladesh  

Ank ke aur Lekh | Sambandhit Lekh | Views : 3840 |  
liyo pam men faladesh vinay garg janmakundli nirman ke lie ganna ki avashyakta hoti hai. parantu koi jyotishi kitni bhi gurh ganna karke kitni bhi vistrit kundli kyon n bana le, yadi uska sahi v satik faladesh n ho paye to jatak ke liye to jyotish shastra kisi kam ka nahin. atah ganna ke sath-sath jyotish shastra men faladesh ka bhi apna pura mahatva hai. faladesh karne ke liye sabhi paddhitiyon ka gyan hona avashyak hota hai. iske atirikt jyotish shastra men hamare rishi-muni aur vidvanon men matantar bhi raha hai, jiske karan faladesh karne men kabhi-kabhi sanshay ki sthiti utpann ho jati hai. parantu jo vidvan aur anubhvi jyotishi hain ve log apne anubhav ke adhar par apna nirnay kar pane men saksham hote hain, jiske adhar par ve log achchi prakar se faladesh kar pate hain. faladesh karne ke liye hamen 12 rashiyon, 9 grahon, 27 nakshatron, 12 bhavon aur pratyek nakshatra ke char-char charnon ke atirikt lagn kundli, chalit kundli, dher sari vargiya kundliyon evan hajaron yogon ke atirikt das prakar ki tatha pratyek dasha ke 6 star arthat mahadsha, antardasha, pratyantar dasha, sukshm dasha, pran dasha evan svar dasha tak ka gyan evan prayog karna hota hai. iske atirikt 9 grahon ka gochar hamesha yad rakhna hota hai. itna hi nahin jyotish men kitni hi prakar ki faladesh karne ki vidhiyan prachlit hain. jaise parashar paddhati, krishnamurti paddhati, jaimini paddhati, varshafal paddhati, prashn shastra paddhati adi. in sabhi paddhatiyon ka sarvapratham gyan vistrit rup se prapt karke kundliyon men prayog karke apne anubhav ke adhar par jyotishigan apne siddhant svayan banate hain, unke anusar ve log faladesh karte hain. liyo pam men is atyant vishal evan gurh vishay ko prayokta ke liye atyant saral evan sulabh bana diya hai. ismen apko 'faladesh' ko prapt karne ke liye 'jyotish' ke andar skrin ke nichle hisse men bich men likhe 'kundli' batan ko dabana hoga. iske bad upar ek menyu pradarshit hoga jismen falit batan ko dabana hoga. isko dabate hi 'navmansh fal' ki skrin pradarshit hogi. is skrin par ap diye gaye janm vivaran ke adhar par bani navmansh kundli ke adhar par faladesh prapt kar sakte hain. isko ap skrin ke nichle hisse men bane batan ke dvara upar ya niche karke parh sakte hain. 'navmansh fal par dobara klik karne par ek menyu pradarshit hoga jismen nimn adhar par faladesh karne ka vikalp hoga. bhav fal grah fal dasha fal gochar fal yadi apne 'bhav fal' par klik kiya to usi ke niche 'pratham bhav likha hua dikhayi dega tatha uske niche kundli ke pratham bhav ka fal us bhav men sthit rashi evan usmen upasthit grah ke adhar par jatak ke vyaktitva, sharirik rachna evan svabhav ke bare men jankari prapt hogi. yadi ap anya bhavon ke bare men faladesh prapt karna chahte hain to 'pratham bhav' ke batan ko klik karne par agla menyu khul jata hai aur is menyu men pratham se dvadash bhav tak likha hua hoga. ab prayokta ko jis bhav ka fal gyat karna ho us bhav ke batan ko klik karke chunav karna hoga, jis bhav ka chunav prayokta karega. usi skrin par us bhav ka fal pradarshit hoga. is prakar ap janmakundli ke 12 bhavon ka fal tatha unmen sthit grahon ka fal bhi ap parh sakenge. ab prayokta yadi grahon ke bhav men sthit grahon ka vistrit fal janna chahta hai to upar ke menyu men jakar 'grah fal' ko klik karke chunav karna hoga. grah fal ko klik karte hi usi skrin par suryafal likha hua dikhayi dega tatha surya ki jis bhav men sthit hogi uske adhar par fal dikhayi dega. itna hi nahin surya kis bhav men tatha sath hi sath kis rashi men hai, uske adhar par bhi fal pradarshit hoga. is prakar prayokta yadi anya grahon ke bhavon v rashiyon men sthiti ke adhar par fal dekhna chahte hain to punah 'suryafl' ko klik karen to prayokta apni ichchanusar ichchit grah ka fal uski bhav men sthiti v rashi men sthiti ke adhar par prapt kar sakte hain. jaisa ki upar bataya gaya hai ki kundli ka faladesh karne ke liye grah, bhav, rashi ke atirikt dashaon ka fal bhi lagu karna hota hai uske liye upar ke menyu se 'dashafl' ko klik karke dashafal ka chunav ho jayega. isko dabate hi skrin par 120 varsh ki vinshottari mahadsha pradarshit ho jati hai. ismen nau grahon ki mahadsha tatha uski samapti avdhi pradarshit hoti hai. ab prayokta ke pas do vikalp hain- ya to vah grah ke adhar par us grah ko klik karke us grah ki mahadsha ka fal parh sakta hai. anyatha yadi prayokta chahe to jis avdhi ka faladesh parhna chahta hai uske adhar par tithi ke upar klik karke chunav karke fal parh sakta hai. dasha ka chunav karte hi agli skrin par prayokta ko dasha ki avdhi dashasvami ki rashiyon se sanbandhit bhav, karak v sthiti ke adhar par dasha ka faladesh prapt hoga. is faladesh men svasthya, ay, sanpatti, vyavsay, parivarik jivan, shiksha/prashikshan adi shirshakon ke antargat us dasha avdhi ke dauran ka faladesh prapt hoga. yahan par bhi upar aur niche ke tir ke nishanon ki sahayta se faladesh ko upar niche karke ek kagaj par likhe faladesh ki tarah parha ja sakta hai. kundli ke grah, bhav, dasha ke pashchat ap gochar par adharit fal ko bhi ap bari asani se spasht rup se parh sakte hain. iske lie upar ke menyu men jakar ''gochar fal'' ke batan ko klik karke gochar fal ka chunav karna hoga. isko klik karte hi apko ek nayi skrin dikhayi degi. jismen 'guru-2010' likha hua dikhayi dega. usi skrin par niche guru ka 2010 men gochar ka fal apki kundli ke adhar par tatha chandra rashi ke adhar par dikhayi dega. yadi ap guru ka gochar fal 2010 ke atirikt age ya piche ke ane vale varshon ka parhna ya dekhna chahte hain to vah suvidha bhi ismen upalabdh hai. uske liye skrin ke upri bhag par do tir ke nishan dikhayi denge jinki sahayta se ap age ya piche ke varshon ke guru ke gochar ka fal parh sakte hain tatha pej ko upar niche sarkane ke liye skrin ke nichle bhag men alag se do tir ke nishan bane huye hain jinse ap skrin par faladesh ko ek kagaj par likhe faladesh ke saman gochar fal parh sakte hain. iske atirikt ap anya grahon ka gochar parhna chahte hain to skrin par upri hisse men bane 'kros' ka batan dabayen. isse apko ek menyu dikhayi dega is par nimn prakar se grahon ke nam likhen honge. guru shani rahu ab prayokta jis grah ka gochar fal parhna chahen us grah ke upar klik karke vanchit grah ka chunav karke amuk grah ka gochar fal parh sakte hain. in tinon grahon ke liye bhi vikalp hoga ki vah kis avdhi ya varsh ke liye gochar ka fal parhna chahte hain. is prakar ap kisi bhi kundli ka faladesh urpayukt vidhi se bari hi asani se vistrit rup se charan baddh tarike se parh sakte hain. adhik vistrit jankari ke lie ap fyuchar point
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.