कब्ज : खान-पान में सावधानी का अभाव

kabj : khan-pan men savdhani ka abhav  

Ank ke aur Lekh | Sambandhit Lekh | Views : 17506 |  
kabz khan-pan men savdhani ka abhav acharya avinash sinh ayuvareed aur anya chikitsa pranaliyon ka manna hai ki kabj anton menen basne vala vah shaitan hai, jo anek rog utpann karta hai,ai, jaise madhuumeh, kaf vikar, antrashoth, nason ki suujan, kaiainnsar aur kabj ke rahte kisi bhi rogegeg ka upchar nahin ho sakta. kabz hai kya? : adhisankhay log din men keval ek bar mal tyag karte hain. kuch log din men 2 ya 3 bar bhi shauch ke lie jate hain. iske viprit kuch aise bhi hain, jo 2 din, ya fir pure saptah men keval 2, ya 3 bar hi shauch ke lie jate hain, fir bhi purnatah svasth rahte hain aur kuch 24 ghante men ek bar shauch n ane par pareshan rahte hain; arthat 'kabja' ka tatparya mal tyag se hai aur mal tyag mal ki pravritti par nirbhar karta hai. yadi mal atyant shushk, kathor aur kathinai ke sath kam matra men aye, pet ka nichla bhag sakhat aur bhari pratit ho, pet men dhima-dhima dard rahne lage, mal tyag ke lie bar-bar kisi virechak aushdhi ka sahara lena pare, mal ganthon ke rup men aye tatha guda dvar se gais tak niklne men kathinai mahsus ho, to ise 'kabja' rog ka lakshan manna chahie. mal ki matra ahar ke prakar aur matra par nirbhar karti hai. yadi pachan sansthan men bhojan puri tarah pacha n ho, ahar men reshe ka ansh adhik ho, tab mal ki matra adhik hoti hai. iske viprit mansahari, parishodhit tatha dibba band ahar ka adhik sevan karne vale vyaktiyon men mal ki matra men kami a jati hai. ek svasth vyakti ke mal men thori bahut gandh hi payi jati hai. kintu kabj ki avastha men protin vale ahar ke antriyon men sarne se mal men tivra gandh utpann ho jati hai. yadi mal se tivra prakar ki durgandh ati hai, to yah pachan dosh aur kabz rog ka ek pramukh lakshan hai. kabj nimn antra sansthan se sanbandhit rog hai, jo vrihat antra ki nishkriyata, kam matra men mal ka nirman, ya ahar men taral padarthon ke abhav adi ke karan utpann hota hai. yadi nishchit samay par mal ka tyag n ho, shauch kriya men deri ho, mal ki matra samanya se kam ho, vah atyant shushk aur kathor ho, iske sath pet men bharipan mahsus ho tatha mal kathinai ke sath nikle tatha mal tyag ke lie jor lagana pare, to use kabz, malbandh, koshthabaddhata mana jata hai. kabjagrast rogiyon ka malashay mal se thasathas bhara rahta hai. mal sanchay se malashay men sujan a jati hai. ayurved shastra men is rog ko 'vrihdanj pravah' kahte hain. is rog men mal visarjan to hota hai, par vah sanchit mal ke niche ek patli rah bana kar bahar ata hai. sanchit mal vaise ka vaisa hi rahta hai. sanchit mal rakt shuddhi men badha banta hai aur kire paida karta hai. charak sanhita men ullekh hai ki malavrodh se kshudha nash aur kusvad hota hai. mithi aur bhari chijen der se pachti hain. bhojan ke bad chati-pet men jalan, bhojan ke pachne ka anubhav n hona, pairo men sujan, nirantar sharirik shithilta paida hoti hai. parishram se sans ful jata hai. pet men mal ka sanchay hota rahta hai. pet ka barhna, pet ke aspas ke hisson men dard utpann hona, halka aur alp matra men bhojan karne ke bad bhi pet ka tan jana, nason men ubhar adi anek vyadhiyan janm leti hain; arthat sabhi rogon ka karan kupit mal 'kabja' hi hai. kabz ka upchar : kabj ka sabse uttam upchar parhej hai. svasthya sanbandhi niyamon men ahar, achar, vihar ko pramukhta di gayi hai. atah ahar se sanbandhit niyamon ka palan karna chahie. mal ki utpatti ke lie is prakar ke ahar ki avashyakta hoti hai, jismen reshe ki matra adhik ho, jaise hari sag-sabjiyan, chilke sahit fal, chokar sahit anaj, mota chaval, chilke vali dalen ityadi. inke sath hi mal naram rakhne ke lie din bhar men paryapt matra men pani tatha anya taral padarthon ka sevan bhi karna chahie, kyonki mal ka adhikatar bhag pani hi hota hai, jo ise narm banae rakhta hai. mal tyag ke lie bhartiya shauchalay paddhati, pashchimi shauchalyon ki apeksha, adhik labhdayak hoti hai, kyonki ismen pairon ke bal baithna parta hai, jisse janghaon ka dabav pet par parta hai tatha mal tyag men sahayta milti hai. pet ki manspeshiyon ka vyayam bhi kabj ke lie bahut avashyak hai. pet ki halki malish, pashchimottanasan, vajrasan, dhanurasan, halasan adi ka bhi abhyas karne se anton par vishesh prabhav parta hai, jisse kabj dur hota hai. ayurvedik chikitsa : ratri ka bhojan karne ke 1-2 ghante bad garm dudh men 1, ya 2 chammach erandi ka shuddh tel mila kar pine se pratah kal mal khul kar a jata hai, jisse pet halka ha e jata hai. kitan u erdan i k e tale ka sevan varsha ritu men n karen. sayan 4-5 baje ke lagabhag isbgol ki bhusi ke 1-2 chammach, mithe pani, ya dudh men mila kar kuch din sevan karne se kabj men aram milta hai aur pet halka rahta hai. saunth 20 gram, choti harar 40 gram, saunf 20 gram, sanay patra 4 gram, erandi tel 10 mi. gram, sendha namak 10 gram, in sabko barik pis kar churn bana len. ratri ko sone se purva 6-8 gram gungune pani ke sath sevan karne se shauch khul kar ata hai. rogi ko bhukh bhi lagne lagti hai. sanay patra ka churn 1-2 chammach ratri ko sone se pahle garm pani ke sath lene se kabz se mukti milti hai. ratri ko sone se purva ek chammach anvla aur methi ka churn garm dudh, ya pani ke sath sevan se kabj se chutkara milta hai. gulab ke fulon se bane gulkand men isbgol ki bhusi mila kar dudh ke sath khane se kabj khul jata hai. gulkand ka sevan roj karne se kabj ki shikayat hamesha ke lie dur ho jati hai. iske sath ahar ka parhej bhi jaruri hai. prakritik chikitsa : kabj hone par sarvapratham pratahkal khali pet ko garm tauliya, ya garm pani ki thaili se 7-10 minat tak sek karen evan mitti ki patti pet par adhe ghante tak rakhen. adhe ghante bad pet aur kamar ki halki malish karen. uske uprant 1 litar gungune pani men ek ninbu nichor kar, adha chammach sendha namak mila kar enima den. rog ki avastha ke anusar thanda kati snan, kati snan, saumya kati snan 15 se 20 minat tak den. iske pashchat pet par gili chadar lapet kar 15-30 minat tak rahna chahie. ek-ek din ke antral men, rogi ki avashyaktanusar, chikitsakram men parivartan kar sakte hain. saptah men ek din sanpurn vashp snan dena bhi labhdayak rahta hai. kabj ki jirnavastha men ratri ko bhi mitti ki patti pet par lapet dena uchit rahta hai. ahar se chikitsa : subah uthte hi tanbe ke bartan men rakha pani, jitna pi saken, pien. purane kabj men gungune pani men ninbu ka ras aur shahad dal kar pien. adarak ka ras bhi dal sakte hain. pani pine ke bad pet fulate-chipkate hue tahlen. rogi ki sthiti ko dekhte hue ninbu pani, shahad, fal ka ras, ubli sabjiyan, chach dvara anshik upvas karaen. upvas karne se anton ko aram milta hai aur ve punah shaktishali ho jati hain. uske uprant dhire-dhire kramshah purva ahar par le aen. nashte men mausmi fal len. falon men nashpati, papita, angur, gajar, tamatar, amrud, seb, chiku, anar, bhige hue kishmish, munakka, anjir tatha dudh lene chahien. dopahar aur ratri ke bhojan men mote ate ki roti, ubli hui sabji aur tamatar, patta gobhi, gajar, muli, pyaj adi ka salad, dahi, anvla, ya nariyal ki chatni len. khatti chijon ka upyog n karen. iske atirikt : khana khane se purva sabji ka sup pien. tamatar, palak, patta gobhi, shalagam, muli adi kat kar unhen pani men ubalen aur us pani ko dhire-dhire pien. isse pachan shakti sabal hogi. pratidin bhojan ke pashchat adha pyala karele ke ras ke sevan se dastavar aushdhi lene ki avashyakta nahin hogi. rat ke bhojan men chaulai, ghiya, shalagam ko ubal kar, us pani men sendha namak, kali mirch bhi dal kar, pien. subah niyat samay par pet saf ho jaega. ek kachcha pyaj nitya bhojan ke sath khane se kabj ka nivaran ho jata hai. lahsun ki chatni bhojan ke sath pratidin len. gajar, muli, chukandar, shalagam, tamatar, palak tatha chaulai ke patton evan nariyal ki giri ko chota-chota kat kar, salad ke rup men, ninbu ka ras aur sendha namak dal kar bhojan se purva sevan karen. kabj men paka hua papita atyant labhkari hai. bhukhe pet pratidin seb ka sevan karen, to kabhi kabj ki shikayat nahi hogi. nashte men santre ka ras, pachan shakti tivra kar, kabj dur karta hai. rat ko munakka, kishmish, anjir pani men bhigo den. pratah uth kar unko khub masal kar pani mila kar pi len. purane se purana kabj isse thik ho jata hai. jyotishiya drishtikon : kabj aton men basne vala rog hai, jo pet ke nichle bhag men hota hai. kal purush ki kundli men shashth bhav pet men sthit anton ka hai. kyonki sabhi rog, jaise ki upar ullekh kiya gaya hai, anton men mal ke rahne se utpann hote hain. islie shashth bhav ko rog bhav bhi kahte hain. iske sath saptam bhav malashay ka hai, jahan par sara mal sanchit ho kar visarjit hota hai. anton ke karak grah ketu aur shukra hain. kabj hone par jatak ki anton men rahne vale mal men shushkata a jati hai, jo surya aur chandra ke dushprabhav se hota hai. islie lagnesh, ketu, shukra, surya, chandra, shashth bhav, shashthesh aur saptam bhav tatha saptamesh ke dushprabhavon men rahne ke karan 'kabja' se jatak pirit rahta hai. rog ka samay uparyukt grahon ki dashantardasha aur gochar grah sthiti par nirbhar karta hai. vibhinn lagnon men kabj rog : mesh lagn : lagnesh surya se yukt saptam bhav men, shani se drisht shashthesh budh aur saptamesh shukra shashth bhav men ketu se drisht, ya yukt ho, to jatak kabj ka rogi hota hai. vrish lagn : shashthesh aur lagnesh dvadash bhav men surya se ast hon, saptamesh mangal shashth bhav men ketu se yukt, ya drisht ho, chandra guru se drisht, ya yukt saptam bhav men ho, to guru, ya mangal ki dashantardasha men kabj rog hota hai. mithun lagn : lagnesh budh trik bhavon men surya se ast ho, mangl-chandra se yukt shashth bhav men, saptamesh guru shani se yukt, ya drisht saptam bhav par drishti rakhe, ya saptam bhav men rahe, ketu shashth, ya saptam bhav par drishti rakhe, to mangal ki dashantardasha men jatak ko 'kabja' se jujhna parta hai. kark lagn : lagnesh surya se yukt pancham bhav men, budh shashth bhav men ketu se drisht, ya yukt ho, guru saptam bhav men, saptamesh shani-shukra se drisht, ya yukt lagn men ho, to jatak ko 'kabja' rog ki shikayat budh ki dashantardasha men hoti hai. sinh lagn : lagn men shani-budh, dvadash bhav men surya, ketu shashth bhav men, shashthesh shani par mangal ki drishti ho, to shani ki dashantardasha men rog ho sakta hai. kanya lagn : lagnesh tritiya bhav men surya se yukt, mangal shashth bhav men, shashthesh shani ki lagn par drishti, ketu guru se yukt saptam bhav men, shukra dvitiya bhav men ho, to mangal, ya guru, ya ketu ki dashantardasha men 'kabja' rog hota hai. tula lagn : guru lagn men, lagnesh shukra ketu se yukt saptam bhav men, saptamesh mangal shashth bhav men, surya pancham bhav men budh se yukt ho, to guru, ya ketu ki dashantardasha men 'kabja' rog hota hai. vrishchik lagn : lagnesh aur shashthesh mangal saptam bhav men, budh shashth bhav men, shukra pancham bhav men, surya se ast ho, ketu ki drishti shashth, saptam, ya lagn par ho, to jatak ko budh, ya ketu ki dashantardasha men 'kabja' rog hota hai. dhanu lagn : shashthesh ketu se yukt ho kar lagnesh par drishti rakhe, shani shashth bhav men, surya-budh saptam bhav men, budh ast n ho, to shukra ki dashantardasha men 'kabja' rog ho sakta hai. makar lagn : lagnesh shani surya se ast ho, guru saptam bhav men, saptamesh shashth bhav men, shashthesh evan shukra ketu se drisht dvitiya bhav men hon, to guru, ya ketu ki dashantardasha men 'kabja' rog hota hai. kunbh lagn : lagnesh shani guru se yukt ho kar saptam bhav men ho aur surya lagn men rah kar saptam bhav par drishti rakhe, budh ast ho, chandra ketu se yukt, ya drisht shashth bhav men ho, to ketu, ya guru ki dashantardasha men 'kabja' se pira hoti hai. min lagn : surya-budh saptam bhav men, lagnesh guru shani se yukt, ya drisht shashth bhav men, ketu ki drishti shashth, saptam, ya lagn par rahe, to surya, ya budh ki dashatan'kabja' rage sakta uparyukt sabhi grah sthitiyan chalit par adharit hain.
Kya aapko lekh pasand aaya? Subscribe

Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.