दुर्गा पूजा - ऐसे भी !

durga puja - aise bhi !  

Ank ke aur Lekh | Sambandhit Lekh | Views : 3908 |  
durga puja - aise bhi ! archana sharma trishaktitatva bhagvti durga vastav men har manushya men samahit vah shakti hai jise pahchan kar yadi jagaya jae aur cheshta shakti se jora jae to har pal, har kshan hone vale anrtadvandon men manushya ki jit nishchit hai. asto ma sadgamay tamso ma jyotirgamay mrityorma amritam gamay. mantra men rishi prarthana karte hain ki prabhu unhen asatya se satya ki or, andhkar se prakash ki or agrasar karen aur mrityu se chura kar amaratva pradan karen. isi mantra-bhav ko charitarth karne ka sunhra avasar hai- navratra. navratra arthat man durga ki upasna ko samarpit nau ahoratra. samanyatah in dinon ghar-dvar ko sajana sanvarna, upvas karna, bhajn-kirtan, jagaran adi kuch upakram aksar kie jate hain. ye vahya puja-archana ek abhilashi ko asatya se satya ki or le jane tatha mrityu se amaratva arthat atm svarup ka bodh karane ke lie paryapt nahin hai. aj ka manushya apne hi svarup se anbhigya ek thaka hua aur udasin jivan ji raha hai. vah vyarth aur anthin chintaon men sada ghira rahta hai. kam, krodh, moh, lobh, anargal aur nakaratmak vichar uski atma ko nirantar jhinjhorte rahte hain. anant ichchaen ashaen uske antas ko hajaron sarpadanshon ki tarah dasti rahti hain. vikrit aur thothi prathaen use bhramit karti rahti hain. uski vishaili ho gayi vivekashakti use anaitik jivan pranali ke siva kuch nahin de pati. pal-pal badlte sankalpon -vikalpon men jujhta manushya apne svarup ka dhundhla sa pratibinb bhi nahin dekh pata. asankhay upay aur jap-tap ke bad bhi man ki uhapoh samapt nahin hoti. in kshanon men hara hua manushya (vijay ka abhilashi) man durga ki sharan men jata hai jo uski durgati ka nivaran karne men saksham hai. vah jan gaya hai ki ab vah khokhle mulyon ke sath nahin ji sakta. uski atankit atma in amanviya rakshason se asani se chutkara nahin pa sakti. inhin asuri shaktiyon, avgunon ke andhkar se chutkara pane ke lie atmabhilashi navratra ke pahle tin din man shri kali ka ahvan karta hai. pahle tin din man kali ko samarpit hain. shri man kali jinhonne purananusar raudra rup dhar kar asankhay asuron ka sanhar kiya tha. hath men khun se sani talvar lie gale men mund mala pahne jab ve abhilashi ke antas men vichrti hain to uske nakaratmak vichar, avgun, bhay, arthahinta adi ko khadg ke prahar se dhun-dhun kar nikalti hain. kaun hain ye shri man kali? apne hi kalushit rup aur nakaratmakata par vijay pane ki adamya ichchashakti ka nam shri man kali hai. jis prakar ek chingari pure bhavan ko bhasm karne men saksham hai usi prakar hamari ichchashakti hamare avgunon ke pinjar ko svaha karne ki kshamata rakhti hai. avashyakta hai to drirh-sankalp se is soi hui shakti ko jagane ki. pahle tin din bar-bar abhilashi is soi shakti ko jagata hai aur ye shakti asankhay jvalaon ki bhanti uske dukhon, avgunon nakaratmakata, asatya aur tamas ko bhasm kar deti hai. pahle tin din abhilashi atma-darshan ke pratham sopan ko par karta hai. ab uska antarman saf aur ujla ho jata hai. dhundhlka hat sa jata hai. sab khali-khali ho jata hai. aise men vah man mahalakshmi ko pukarta hai. man mahalakshmi jo kamal ke asan par virajman hain. sadaiv prasann mukh vali hathon men akshamala, farsa, gada, ban, vajra, kamal, dhanush, kundika, dand shakti, khadg, dhal, shankh, ghanta, madhupatra, shul pash aur chakra dharan kie hue hain. kya yahi hai man mahalakshmi ka rup? manushya ke atanrman ki shuddh aur sakaratmak vichardhara ka nam mahalakshmi hai. yahi shakti abhilashi ke atma-sthal men vishvas, bhakti, daya, prem, sadgun, sudrirh v susanskrit manviya mulyon ko ropti hai. inhin mulyon ka hath pakar kar manushya, sukh-shanti, vaibhav, dhan sanpda ko prapt karta hai. vah asanbhav ko bhi sanbhav kar deta hai. tin din nirantar vah man mahalakshmi ko dhanyavad deta hai aur pranam karta hai. durgasaptashati men nihit tantrokt devisukt isi prarthana ka praman hai- ya devi sarvabhuteshu shantirupen sansthita. namastasyai, namastasyai namastasyai namo namah. avgunon se mukt aur sadgunon se yukt ab abhilashi atma-bodh ke lie taiyar hai. janm janmantar se jakri hui atma svatantra rup ka avlokan karne hetu man sarasvati ka ahvan karti hai. navratra ke antim 3 din man sarasvati ko samarpit kie jate hain. man sarasvati aur koi nahin manushya ki vivek shakti hai. shant-chitt ho abhilashi jab dhyan - magn hota hai to man sarasvati uske hriday ke taron ko apne komal sparsh se jhankrit kar deti hain, vina ke madhur svaron se use ahladit kar deti hai. dhire-dhire sundar, suramay vatavaran men vah pahli bar atm darshan karta hai. un kshanon men krishn bhakt krishn ho jata hai, shiv bhakt shiv ho jata hai abhilashi, abhilashit ho jata hai. kahin koi bhed nahin rah jata. abhilashi apne hi andar man durga ke vibhinn svarupon ka darshan kar leta hai. ab vah udas, bhaybhit, chintit partantra nahin rah jata. uski atma prasannata se ghoshna karti hai ''ahan brahmasmi'' ''main hi brahm hun'' - svachch, unmukt sarvashaktiman sarvavyapi - yahi param vijay ka kshan hai. isi vijay ko vijydshmi ke din manaya jata hai. nau dinon men abhilashi ka kaya-kalp ho chuka hai aur vah svayan apne mrit vyaktitva, ahankar aur jhuthi mahatvakankshaon ki arthi ka dahan vijydshmi ke din kar deta hai. ek bar fir aranbh hoti hai anrtaman ki yatra nitya nirantar............... man durga vastav men har manushya men samahit vah shakti hai jise yadi pahchana jae, jagaya jae aur cheshta shakti se jora jae to har pal, har kshan hone vale anrtadvandon men manushya ki jit nishchit hai. man durga ko sadaiv apne samip mahsus karna hi sachchi durga upasna hogi.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.