2015 नववर्ष मंगलकारी कैसे हो

2015 navavarsh manglkari kaise ho  

Ank ke aur Lekh | Sambandhit Lekh | Views : 1563 |  
ankvidyanusar varsh ‘2015’ ke ankon ka kul yog 2+0+1+5 = 8 ata hai. shastron men kaha gaya hai ki ank 8 shani grah ka pratinidhitva karta hai arthat varsh 2015 men shani ka prabhav adhik rahega. shastranusar shani prithvi tatva ki rashi makar va vayu tatva ki rashi kunbh ka svami hai. makar rashi ki trikon rashiyan vrish v kanya hain tatha kunbh rashi ki trikon rashiyan mithun v tula hain. shani ki uchch rashi bhi tula hai. atah vrish, mithun, kanya, tula, makr v kunbh rashi valon ke liye yah varsha kuch vishesh hi rahega. yani ki shubh shani jatak ke jivan ko utthan v ashubh shani jatak ke jivan ko patan bhi de sakta hai. vaidik jyotish men kaha gaya hai ki shani dev hanuman ji ke bhakton ko kabhi dukh nahin dete arthat navavarsha 2015 men hanuman ji v shanidev ki puja v ashirvad se shubhatva men vriddhi aur ashubhta ka nash kiya ja sakta hai. varsh 2015 men vibhinna jatak apni chandra rashi ya nam rashi anusar hanuman ji v shani dev ke vibhinn mantron ka jap kar sukh, samriddhi, shanti prapt kar sakte hain. unhen chahiye ki nimn mantron men se apni rashi anusar hanuman ji ke v shani ke mantra chunen. fir shraddha bhakti se navavarsh men shukla paksha ke pahle manglvar ya shanivar se shuru kar rojana subah snanadi se nivritt hokar, rudraksh ki mala lekar, hanuman ji v shani dev ki tasvir ke sammukh uchit asan par baithakar, dhup dipadi jalakar, pushp, akshat, vastra, fal adi arpan kar, hanuman ji ke mantron ki ek mala yani 108 bar jap karen. tatpashchat bhojapatra par bane shani ke yantra ke sammukh pushp, mishtann adi arpan kar, shani ke mantron ki ek mala jap karen. yadi varsh 2015 men kisi vishesh kam ki ichchapurti ki abhilasha ho jaise ki kafi prayas karne se bhi vivah nahin ho pa raha ho ya karobar men asflta hath lag rahi ho ya svasthya ki pareshani chal rahi ho ya vidyadhyayan men badha a rahi ho ya santan hone men rukavat a rahi ho to talika men diye gaye hanuman ji evan shani ke upayon ko shraddhanusar karen tatha sath hi nimn upay bhi karen: 1 shanivar ko shanidev ke mandir men sarson ka tel charhayen. 2 charitra saf rakhen. mansahar va madirapan n karen. 3 rojana pipal ko jal den. til v tel charhayen. 4 shanivar se char ninbu char din tak bahte pani men fenkane. 5 shanivar ko kala uni kapra, loha, chata, nariyal v kale til ka dan karen. 6 shani mandir ke bahar purane vastron v juton ka dan karna chahiye. 7 shanivar ka vrat bhi rakhna chahiye. 8 kale ghore ke khur ki nal ka challa ya nav ke kil ki anguthi pahnen. 9 shanivar ke din roti par tel lagakar kutte ko khilayen. 10 rojana hanuman chalisa ya sundrkand ka path karen. hanuman ji v shani dev ke ashirvad se sabhi jatkon ko navavarsh men shubhatva ki prapti hogi v jivan sukh, samriddhi v shanti se bharpur rahega.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.