यज्ञोपवीत संस्कार

yagyaopvit sanskar  

Ank ke aur Lekh | Sambandhit Lekh | Views : 1628 |  
samast solah sanskaron ka atyant mahattva hai kintu vidvanon dvara yagyaopvit sanskar ka vishesh mahattva mana gaya hai. vyas smriti dvara kahe gaye solah sanskaron men yagyaopvit sanskar ka vedokt varnashram dharm ke sath atyant gahra sanbandh hai. samasta sanskar varnashram vyavastha aur vaidik sanatan dharm ki adharshila mane gaye hain. vedon men varnashram ka spashta rup se ullekh hua hai. purush sukta men char varna-brahman, kshatriya, vaishya evan shudra ki utpatti virat purush ke vibhinn angon se hone ka ullekh prapt hota hai. yagyaopvit sanskar ki vidhi yagyaopvit sanskar ka parivar ke liye vishesh mahattva hota hai. isliye yagyaopvit sanskar ko sanpann karne men sabhi men utsah tatha prasannata ka bhav hota hai. chunki is sanskar ke sath hi balak ka dusra janm mana jata hai, is sanskar ke pashchat hi vah balak dharmik karyon ko sanpanna karne ke yogya banta hai, is karn sabhi is sanskar men utsah ke sath pravritt hote hain. dharmashastron men kisi bhi manglik karyon ko sanpann karne ke pahle punyahvachan karne ka nirdesh hai. yagyaopvit sanskar men bhi punyahvachan ke pashchat balak ke bal katva kar snan karvaya jata hai, naye vastra pahnaye jate hain. iske pashchat balak ko agni ke samaksha bithakar havan karaya jata hai. tab balak ko yagyaopvit (janeu) pahna kar gayatri mantra ka updesh karvaya jata hai. pahle is samay balk ko vishesh prakar ke vastra pahnakr ek naya vesh dharan karaya jata tha. ismen tan ko dhankne ke liye mrigacharm, kamar men munj mekhla tatha dayen hath men palashdand diya jata tha. in samast vastuon ko dharn karaye jane ka vishesh arth hota tha jiska bhav is prakar hai- deh ki raksha karne ke liye, drirh nishchay se man ko niyantrit rakhte hue arthat brahmacharya ka palan karte huye ved vidya prapt karna. iske pashchat agni ke uttar ki or acharya purva ki taraf mukh karke baithte hain aur apne pas hi balak ko bitha lete hain. acharya apne hathon ki hatheliyon ko milakar anjli banate hain. balak bhi isi prakar se anjli banakar acharya ki anjli ke niche rakhta hai. tab acharya apni anjli men jal bharte hain aur thora-thora balak ki anjli men girate hain. iska tatparya yah hai ki acharya apni samast shiksha is prakar dhire-dhire karke balak ko denge aur balak is shiksha ko isi prakar se grahan karega. is kriya ke sanpanna ho jane ke pashchat acharya balk ka dayan hath thamakar kahte hain ki savita ne tera hath thama hai aur agni tere acharya hain. iska gurh arth yah lagaya jata hai ki acharya yagyaopvit dharan karne vale balk ko apne sath ashram le jayenge aur vah use ved vidya sikhayenge. yah ved vidya bhagvan surya tatha agni devta ki kripa se hi prapt karni hai. iske bad acharya balak ko bhagvan surya ko pranam karne ko kahte hain kyonki vahi sabko prakash arthat gyan dene vale devta hain. tab acharya bhagvan surya ko pranam karte hain aur surya ko sanbodhit karte huye kahte hain- ‘ he savita dev, ab yah balak apka brahmachari hai, iski raksha karen. is kriya ke pashchat balak surya evan agni adi devtaon se buddhi, bal tatha sadgunon ko dene ki prarthana karta hai. iske bad acharya balak ko hriday par dayan hath rakhakar kahte hain ki ‘main jis sadachar vrat ka palan karta hun, tu uska anusaran kare. mere chitt ka anusaran tera chitt karta rahe. meri vani jaisi hi teri vani ho. vidya ke dev brihaspati tujhe sanpurn vidyaon se purn karen.’ iske pashchat balak guru ke pas rahakar barah varsh tak arthat vidya purn hone tak vidya grahan karta rahe. tab balak ved vidya tatha dharm ka gyan prapt karke aur brahmacharyashram ko pura karke guru agya se grihasthashram men pravesh karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.