कुंडली में कारक, अकारक और मारक ग्रह

kundli men karak, akarak aur marak grah  

Ank ke aur Lekh | Sambandhit Lekh | Views : 26333 |  
grahon ko naisargik grah vichar rup se shubh aur ashubh shreni men vibhajit kiya gaya hai. brihaspati, shukra, pakshabali chandrama aur shubh prabhavi budh shubh grah mane gaye hain aur shani, mangal, rahu v ketu ashubh mane gaye hain. surya grahon ka raja hai aur use krur grah ki sangya di gai hai. budh, chandrama, shukra aur brihaspati kramshah uttarottar shubhkari hain, jabki surya, mangal, shani aur rahu adhikadhik ashubh faldayi hain. kundli ke dvadash bhavon men shashth, ashtam aur dvadash bhav ashubh (trik) bhav hain, jinmen ashtam bhav sabse ashubh hai. shashth se shashth - ekadsh bhav, tatha ashtam se ashtam tritiya bhav, kuch kam ashubh mane gaye hain. ashtam se dvadash saptam bhav aur tritiya se dvadash - dvitiya bhav ko marak bhav aur bhaveshon ko markesh kahe hain. kendra ke svami nishfal hote hain parantu trikonesh sadaiv shubh hote hain. naisargik shubh grah kendra ke sath hi 3, 6 ya 11 bhav ka svami hokar ashubh faldayi hote hain. aisi sthiti men ashubh grah samanya fal dete hain. adhikansh shubh balvan grahon ki 1, 2, 4, 5, 7, 9 aur 10 bhav men sthiti jatak ko bhagyashali banate hain. 2 aur 12 bhav men sthit grah apni dusri rashi ka fal dete hain. shubh grah vakri hokar adhik shubh aur ashubh grah adhik bura fal dete hain rahu v ketu yadi kisi bhav men akele hon to us bhavesh ka fal dete hain. parantu vah kendra ya trikon bhav men sthit hokar trikon ya kendra ke svami se yuti karen to yogkark jaisa shubh fal dete hain. lagn kundli men uchch grah shubh fal dete hain, aur navansh kundli men bhi usi rashi men hone par ‘vargottama’ hokar uttam fal dete hain. bali grah shubh bhav men sthit hokar adhik shubh fal dete hain. pakshabalahin chandrama mangal ki rashiyon, visheshakar vrishchik rashi men (nich hokr) adhik papi ho jata hai. chandrama ke pakshabali hone par uski ashubhta men kami ati hai. sthanabal hin grah aur pakshabala hin chandrama achcha fal nahin dete. karak grah: ‘kark’ grah ke nirdharan ki vibhinn vidhiyan is prakar hain: 1. maharshi parashar tatha anya acharyon ne dvadash bhavon ke karak grah is prakar batae hain. pratham bhav- surya, dvitiya bhav-brihaspati, tritiya bhav- mangal, chaturth bhav - chandrama v budh, pancham bhav- brihaspati, shashth bhav- mangal v shani, saptam bhav - shukra, ashtam bhav- shani, navam bhav - brihaspati v surya, dasham bhav- surya, budh, brihaspati v shani, ekadash bhav- brihaspati aur dvadash bhav- shani. 2. sthir kark: surya- pita ka, chandrama-mata ka, brihaspati-guru va gyan ka, shukra patni v sukh ka, budh-vidya ka, mangal bhai ka, shani naukar ka aur rahu mlechch ka sthir karak hai. 3. jaimini char kark: yah grahon ke anshon par nirbhar karta hai. sarvadhik ansh vale grah ko ‘atm kark’, usse kam ansh vale grah ko ‘amatya kark’, usse kam ansh vale ko ‘bhratri kark’, usse kam ansh vale ko ‘putra kark’ aur sabse kam ansh vale grah ko ‘dara kark’ ya patni kark’ ki sangya di jati hai. ‘atma’ aur ‘amatya’ karak jatak ka bhala karte hain. rahu/ketu koi karak nahin hote. yadi lagnesh hi atm kark ho to uski dasha bahut shubhkari hoti hai. ‘atma’ karak grah yadi ashtamesh bhi ho to uske shubh fal men kami ati hai. 4. yogkark: pratyek grah kendra (1, 4, 7, 10 bhav) ka svami hokr nishfal hota hai, parantu trikon (1,5,9 bhav) ka svami sadaiv shubh fal deta hai. ek hi grah kendra aur trikon ka ek sath svami hone par ‘yogkark’ (ati shubh faldayi) ban jata hai. jaise sinh rashi ke lie mangal, aur tula lagn ke lie shani grah. lagnesh kendra aur trikon donon ka svami hone se sadaiv yogkarak ki tarh shubhfldayi hota hai. lagnesh ko 6, 8, 12 bhav ke svamitva ka dosh nahin lagta. 5. paraspar kark: jab grah apni uchch, mulatrikon ya svarashi ke hokar kendra men sthit hote hain to ‘paraspar kark’ (sahayk) hote hain. dasham bhav men sthit grah anya karkon se adhik faldayi hota hai. kuch acharya pancham bhav men balvan shubh grah ko bhi ‘kark’ ki sangya dete hain. ‘marak grah’ jyetish granthon ke anusar nimn grah pirit hone par adhik hanikark (mark) ban jate hain:- 1. ashtamesh 2. ashtam bhav par drishtipat karne vale grah. 3. ashtam bhav sthit grah 4. dvitiyesh aur saptamesh 5. dvitiya aur saptam bhav sthit grah 6. dvadshesh 7. 22ven dreshkaen ka svami 8. gulika sthit bhav ka svami 9. ‘gulika’ se yukt grah. 10. shashthesh, v shashth bhav men sthit papi grah adi. ‘kark’ v ‘mark’ faladesh 1. ek bali ‘kark’ grah apni bhav sthiti, svamitva bhav aur drisht bhav ko shubhta pradan karta hai. 2. kendra (1, 4, 7, 10) bhav men sthit ‘kark’ ki dasha purn shubh fal deti hai. panafar (2, 5, 8, 11) bhav men sthit ‘kark’ ki dasha madhyam fal’ aur apoklim (3, 6, 9, 12) bhav men sthit ‘kark’ ki dasha sadharn fal deti hai. yah faladesh grah ki dasha-bhukti men jatak ko prapt hota hai. 3. papakatrtari yog men tatha pap drishta ‘kark’ ke shubh fal men kami ati hai. 4. vakri ‘kark’ shubh grah adhik shubh faldayi hota hai. 5. kisi bhav ka ‘kark’ yadi usi bhav men sthit ho to us bhav sanbandhi fal men kami ya kathinai deta hai. yah sthiti ‘karko bhav nashay’ ke nam se prasiddh hai. 6. ek ‘kark’ grah ki dasha men anya ‘kark’ ki bhukti uttam faldayi hoti hai. 7. ‘kark’ grah ki dasha men sanbandhit ‘mark’ grah ki bhukti nimn fal deti hai. 8. yadi ‘kark’ aur ‘mark’ grahon men drishti adi ka sanbandh n ho to ‘mark’ grah ki bhukti kashtakari hoti hai. 9. ek ‘mark’ grah ki dasha men anya ‘mark’ grah ki bhukti atyant ashubh fal deti hai. 10. jab kisi bhav ka ‘kark’ us bhav se 1, 5, 9 bhav men gochar karta hai aur balvan (svakshetri ya uchcha) hota hai to us bhav ka uttam fal vyakti ko milta hai. 11. gochar men bhavesh aur bhav ‘kark’ ki yuti, drishti adi sanbandh hone par us bhav sanbandhi shubh fal prapt hota hai. ek sath ‘kark’ aur ‘mark’ faladesh darshati kundli prastut ha shri lal bahadur shastri, purva pradhanmantri janm samay rahu dasha baki- 10 varsha 7 mas 19 din. lagnesh brihaspati pancham bhav aur mitra rashi men sthit hokar ‘kark hai. uski lagn bhav aur navm bhav sthit dashmesh budh v panchmesh mangal par drishti hai. navmesh surya aur dashmesh budh ka rashi vinimy ‘rajyog’ ka nirman karte hain. budh ki dasha men unhen rajyog ka fal anya bhuktiyon men mila aur budh-guru ki dasha-bhukti men ve pradhanmantri bane. budh saptamesh (mark) bhi hai. budh ki dasha men dvitiya bhav sthit dvi tiyesh (mark) shani ki bhukti ne prabal markesh ka fal diya. unki tashkant men achanak hridyaghat se mrityu ho gai thi.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.