चूड़ाकरण संस्कार

churakaran sanskar  

Ank ke aur Lekh | Sambandhit Lekh | Views : 959 |  
shastron men varnit samasta sanskar vyakti ke arogya, bal, gyan, sukh-samriddhi ko barhane vale hain. isliye kisi bhi sanskar ka mahatva kam nahin hai. is drishti se churakaran sanskar ka bhi vishesh mahattva hai. churakaran sanskar ko vapan kriya bhi kaha jata hai. am bolchal ki bhasha men ise mundan sanskar kaha jata hai jo prayah samast hindu samaj men sanpanna kiya jata hai. is sanskar ke dvara bal, ayu tatha tej ki vriddhi hoti hai. ise prayah balak ke janma ke tisre, panchven athva satven varsha athva vibhinn sanpradayon evan parivaron men apni kul paranpra ke anusar sanpann kiya jata hai. parivar men mundan sanskar ko avashyak mana gaya hai. churakaran sanskar vastutah hamare liye ek dharmik anushthan ke saman hai kintu sharirik svasthya ke sath bhi iska gahra sanbandh hai. mastaka ke bhitar upar ki or jahan balon ka bhanvar jaisa sthan hota hai, vahan sanpurn nariyon tatha sandhiyon ka mel hua hai. yah sharir ka sarvadhik marma sthan mana gaya hai. vidvan manishiyon ne ise ‘adhipti’ marm sthan kaha hai. is marm sthan ko surakshit rakhne ki drishti se rishiyon ne is sthan par choti rakhne ka nirdesh diya hai. is bare men yajurved men kaha gaya hai- ni vatrtayamyayushe'nadyay prajnnay rayasposhay suprajastvay suviryay.. arthat ‘he balak, main teri dirgha ayu ke liye tatha tumhen ann ko grahan karne men samarth banane ke liye, utpadan shakti prapt karne ke liye, aishvarya vriddhi ke liye, sundr santan prapt karne ke liye, bal tatha parakram prapti yogya hone ke liye tera churakaran (mundn) sanskar karta hun.’ isse spasht hota hai ki yah sanskar bal, ayu, arogya tatha tej ki vriddhi ke liye kiya jane vala atyant mahatvapurn sanskar hai. sharir vigyan ki drishti se bhi is sanskar ko atyant mahattvapurn mana gaya hai. is sanskar ke dharmik mahatva ko samjhne se pahle ise sharirik svasthya ke sandarbh men dekhna avashyak hai taki iske virat mahattva ko samjha ja sake. sharir vigyan ke anusar yah samay danton ke niklne ka hota hai. is karn se balak ke sharir men anek prakar ke rogon ke hone ki sanbhavna rahti hai. is samay prayah sabhi balk rote rahte hain, svabhav se chirchire ho jate hain, dast ki shikayat rahti hai, sharir nirbal ho jata hai, bal jharne lagte hain. vidvan maharshiyon ne is sthiti ka vichar karke hi balak ko asvasthakarak karnon se bachane hetu is sanskar ko karne ka vidhan kiya hai. is drishti se sabhi ke liye churakaran sanskar atyant mahattva ka, atyant upyogi tatha atyant avashyak mana gaya hai.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.