समावर्तन संस्कार

samavartan sanskar  

Ank ke aur Lekh | Sambandhit Lekh | Views : 1040 |  
samavartan ka tatparya hai vapis lautna. guru ke pas rahakar purna brahmacharya ka palan karte hue snatk apne pujya guru ki agya prapta karke vapis apne ghar lautta hai. yah samavartan sanskar vyakti ka vidyadhyayan purn karke vapis apne ghar lautne par sanpann kiya jata tha. iske pashchat hi vyakti grihastha jivan men pravesh pane ka adhikari ho pata tha. dusre shabdon men samavartana sanskar ko vivah adi karke ghar basane ka fal mana ja sakta hai. vartaman men to is sanskar ko sanpann karne ka vidhan prayah kam hi hota ja raha hai kintu pahle is sanskar ko bhi pure vidhi-vidhan ke sath sanpann kiya jata tha. ismen ved mantron se abhimantrit jal se bhare ath kalshon se vishesh vidhi se brahmachari snatak ko snan karvaya jata tha. is karan ise ved snan sanskar bhi kaha jata hai. ajakal to samavartan sanskar sanpann karne ki adhikansh logon ko vidhi-vidhan ki bhi jankari nahin hai. ashvalapan smriti ke 14ven adhyay men samavartan sanskar sanpanna karne ke panch pramanik shlok milte hain. in shlokon se spashta hota hai ki samavartan sanskar ke pashchat hi vah brahmachari ved vidyavrat snatak mana jata hai. prachinkal men aise brahmachari snatak ko agni sthapan, parismuh tatha paryukshan adi agni sanskar kar rigved ke dasven mandal ke 128ven sukt ki samast nau richaon se samidha ka havan karna parta tha. iske pashchat guru dakshina dekar guru ke charnon ka smaran kar unki agya se agrankit mantra dvara varun dev se mauji mekhla adi ke tyag ki kamna karte huye prarthana ki jati hai. uduttaman mumugdhi no vi pashan madhyaman chrit. avadhmani jivse. ish shlok ka bhavarth hai- he varundev, ap hamare kati evan ughrva bhag ke mauji upvit evan mekhla ko hatakar sut ki mekhla tatha upvit pahnne ki agya pradan karen evan age vale jivan men kisi prakar ki badhayen nahin ayen, iska vidhan karen. vidyadhyayan ki sanpurn avdhi men vyakti ko apne guru ke sannidhya men rahna hota hai. samy-samay par guru ka margadarshan prapt hota rahta hai. islie ek vyakti ke samaksh is samay kisi bhi prakar ki samasya ya to utpann nahin hoti aur agr hoti hai to guru ke dvara uska samadhan ho jata hai kintu iske pashchat vyakti jab grihasth jivan men pravesh karta hai to use sabhi prakar ki samasyaon ka samna svayan ko hi karna parta hai aur samadhan bhi usi ko talash karna parta hai. is sthiti ko guru bhali prakar se samjhte the isliye brahmachari snatak ko guru ashram chorne se purva lok-parlok hitkari evan jivnopyogi shiksha dete the. yah shiksha uske sanpurn jivnkal ko prabhavit karti thi. is shiksha ko jivan men utar kar vyakti apna sanpurn jivan safltapurvak vyatit kar pane men safal hota tha. yah shiksha mul rup se is prakar hoti thi- hamesha satya bolna, mata-pita, acharya evan atithi ko devtaon ke saman manna, santan ke dayitvon ka puri tarah se paln karna, dharm ka palan karna, shram ka samman karna, dusron ke hit men yogdan dena, svadhyay evan pravchnon ka samman karna, nindit karmon se bachna, adharm se prapt dhan ka moh nahin karna, shubh achrnon ka paln karna, shraddhapurvak dan dena adi. yah aisi shiksha athva guru updesh the, jo us samay bhi apna pura mahattva rakhte the aur aj bhi inka utna hi mahattva bana hua hai. antr keval itna hua hai ki tab vyakti in guruvchnon ko sunakar inhen apne jivan men utarne ka prayas karta tha aur aj inki upeksha ho rahi hai.
Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.