अन्नप्राशन संस्कार

annaprashan sanskar  

Ank ke aur Lekh | Sambandhit Lekh | Views : 2415 |  
janm se purva balak ko nau mah tak mata ke garbh men rahna parta hai. is karan mata ke garbh men malin-bhakshanajanya dosh balak men a jate hain. is sanskar ke dvara balak men utpann in doshon ka nash ho jata hai. is sandarbh men kaha bhi gaya hai- annashnanmatrigarbhe malashadyapi shuddhayati. annaprashan sanskar ke dvara balak ka parichay ann ke sath karaya jata hai arthat use ann khilaya jata hai. yah sanskar tab kiya jata hai. jab balak ki ayu 6-7 mah ki hoti hai aur dant niklne lagta hai. is avastha men uski pachanashakti bhi prabal hone lagti hai. pratyek samaj men vyakti is sanskar ko apne-apne tarike se sanpann karate hain. shastrokt vidhi ke anusar shubh muhurt men devtaon ka pujan kiya jata hai aur iske pashchat mata evan pita adi sone athva chandi ki chammach athva shalaka se agrankit mantra ka uchcharan karte huye balak ko khir adi pavitra tatha pushtikarak ann chatate hain- shivau te stan vrihiyavavblasavdomdhau. etau yakshman vi badhete etau muchchato anhsah.. arthat he balak, jau aur chaval tumhare liye baldayak tatha pushtikarak hon, kyonki ye donon vastuyen yakshmanashak hain tatha devann hone se papnashak bhi hain. is sanskar ke antargat bhojan adi khadya padarth arpit kiya jata hai. ann hi manav ka svabhavik ahar hai, isliye ishvar ka prasad samajh kar grahan karna chahie. ann se jivan ko urja prapt hoti hai. ann ko jivan ka adhar mana gaya hai. is drishti se ann arthat bhojan ka mahatva bahut adhik barh jata hai. bhartiya sanskriti men bhi svikar kiya gaya hai ki agar kiya jane vala bhojan shuddh hoga tabhi manushya ke satva ki shuddhi hoti hai. iske sath hi sath antahkaran bhi nirmal aur pavitra ho jata hai. iske lie kaha gaya hai, aharshuddhau sattvashuddhiah. bhojan ke mahattva ko yahan tak hi simit nahin rakha gaya hai. iske age kaha gaya hai ki sattva ki shuddhi hone par smriti sudrirh ho jati hai aur smriti ke dhruv hone par hriday ki granthiyon ka bhedan ho jata hai. is kathan ki pushti ke liye kaha gaya hai, sattvashuddha au dhruva smritiah smritilambhe sarvagranthinan vipramokshah. ann ki is mahima ko dekhte huye hi ise pramukh sanskaron men mana gaya hai. sanbhvtah isilie prachin shastrakaron evan vidvan maharshiyon ne bhojan tatha ann ki shuddhi par atyadhik bal diya hai. is bare men kaha gaya hai, annamayanhi somya manah arthat he somya, ann se hi man banta hai. isiliye yah ukti atyadhik prachlit hui hai ki jaisa khaye anna-vaisa bane mann arthat jaisa ann khaya jata hai, vaisa man ho jata hai. age chalakar isi ke anurup buddhi, bhavna, vichar aur kalpanashakti ka nirman hota hai aur isi anurup vyakti apne liye age chalne ka path nirdharit kar leta hai. agar vyakti satvik marg se prapt dhan se ann grahan karta hai to use bhav, vichar evan samast kriya kalap bhi satvik honge. iske viprit sthiti men vyakti apradhik path par agrasar ho sakta hai. samaj men jitne bhi apradhik pravritti ke vyakti hain, unke ann ka adhar galat marg se uparjit dhan hi raha hoga. isliye agar vyakti ko sahi rah par chalna hai to use satvik ann hi grahan karna chahiye. hamare shastron tatha vidvan rishi-maharshiyon ne jivan ke pratyek karya ko sadmarg dvara sanpann karne ka hi nirdesh diya hai. bhojan ke bare men bhi yah adarsh vichardhara ubhar kar ati hai. jine ke liye bhojan ki param avashyakta to hai kintu iske liye bhi sanatan adarsh ki vyavastha ki gai hai jiske antargat jhuth, pap, beimani, dhokhebaji se arjit dhan se bhojan ki vyavastha ko varjit mana gaya hai. shastron men is bat ki vyavastha di gai hai jiske antargat jhuth, pap, beimani, dhokhebaji se arjit dhan se bhojan ki vyavastha ko varjit mana gaya hai.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.