कर्मकांड में संस्कारों का महत्व

karmakand men sanskaron ka mahatva  

Ank ke aur Lekh | Sambandhit Lekh | Views : 3228 |  
bhartiya sanskriti men sanskaron ka mahatvapurn sthan hai. kisi vastu ke rup ko badal dena ya use naya rup dena hi sanskar kahlata hai. bharat men manushya ke lie sanskaron ka mahatva hai. bharatavarsh rishi-muniyon, devi-devtaon ki pavitra bhumi mani jati hai. isi bhumi ko ishvar ne avtar ke lie chuna hai. hamari shreshthata hamare sanskaron ke karan hai. bhartiya sanskriti sanskaron men nihit hai. sanskar hi bhartiya sanskriti ki pahchan hai. iski adharshila hamare rishiyon ne rakhi thi. bhartiya jivan mulyon men 16 sanskaron ka samavesh kiya gaya hai. garbhadhan sanskar se lekar mrityu ke pashchat antyeshti sanskar hamari sanskriti ki visheshta ko darshata hai. jivan sanskaron ki vedi par charhakar nikhrta hai. bhartiya sanskriti ke sanskar yukt hone ke karan ise vishva ki adi sanskriti ke rup men jana jata hai. sanskriti ke rup men keval bhartiya sanskriti hai, vishva ki anya jivan paddhatiyan sabhyata kahlati hai. pashu se manav banane ka samathrya keval bhartiya sanskriti men hi hai. apni sanskriti ki isi shreshthata ko svami vivekanand ne shikago ke vishva sarvadharm sammelan men pradarshit kar vishva ko chamatkrit kar diya tha. sanskar ka adhyatmik drishti se jitna mahatva hai utna hi vaigyanik drishtikon se rahasya ko samjhaya jata hai islie sanskar manushya ke jivan chakra ko vyavasthit karke sharir, man, buddhi ka vikas, sadgun aon ka adhan antahkaran ki shuddhi tatha sarvangin unnati pradan karta hai. sanskar shabd ka samanya arth hai, purn karna, punah nirman karna, sanshodhan karna ityadi. arthat doshon ko dur karke gunon ko barhane ke lie jis kriyavidhi athva paddhati ka upyog kiya jata hai, vah sanskar hain. acharya charak ne kaha hai ki- ‘sanskaron hi gunantaradhanmuchyate’ arthat doshon ko nasht aur gunon ka sanvardhan karke nae gunon ko viksit karna hi sanskar hai. nirgun aur sagun banana, vikritiyon v ashuddhiyon ka nivaran karna aur mulyavan gunon ka sinchan karna hi sanskar karya hai. jaise sona, chandi, tanba adi dhatuen khadan se nikale jane ke turant bad upyog men nahin ati. ag men tapakar yani ki sanskar kar sundar murti ya gahna banane par vahi dhatu ati mulyavan ban jati hai. jab ye sanskar manushya men prayukt hote hain tab manushya gunvan ban jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


vivah visheshank  March 2014

fyuchar samachar patrika ke vivah visheshank men sukhi vaivahik jivan ke jyotishiya sutra, vaidik vivah sanskar paddhati, kundli milan ka mahatva, vivah ke prakar, vartaman paripekshya men kundli milan, talak kyon, shadi ke samay nirdharan men sahayak yog, shani v mangal ki vaivahik sukh men bhumika, shadi men deri: karn-nivaran, dampatya jivan sukhi banane ke upay tatha kanya vivah ka achuk upay adi vishyon par vistrit jankari dene vale alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.