अंक ज्योतिष के अनुसार वर्ष 2015

ank jyotish ke anusar varsh 2015  

Ank ke aur Lekh | Sambandhit Lekh | Views : 3556 |  
ank-1 (svami surya) jin vyaktiyon ka janm 1-10-19 evan 28 dinank ko hua hai, unka mulank-1 (ek) hai. ank ek ka svami grah surya hai jo jivan shakti ka pratik hai. yah varsh apke lie parishram evan kuch navin karya karne ka hai. avesh, uttejna, ahankar, chirchirapan tatha jaldabaji ki pravritti barh sakti hai. aisa hone se karyon adi men badhayen a sakti hain. rachnatmak karyon men ruchi, naukri-vyavsay men pragti, vikas evan unnati hogi. adhikariyon, prabhavshali vyaktiyon ki sahayta se karya evan talash puri hogi. grihastha samanya rahega, parantu kabhi-kabhi vaicharik matbhed bhi hoga. santan ke vishay men vishesh saflta milegi. santan-vahn-lanbi yatra-sarkari yatra labhaprad rahegi. arthik sthiti thik rahegi, parantu vilanb evan badha ke pashchat nirantar prayas se saflta milegi. apke lie pratyek ravivar, brihaspativar evan mangal ke din tatha janvri, march, mai, julai evan aktubar ke mah shubh rahenge. pratyek mah ki 20 tatha 28 tarikh yatra tatha kisi parivartan ke lie labhdayak rahegi. vishesh karya ke lie 1, 10 tatha 16 tarikh shubh rahegi. ank-2 (svami chandra) is ank valon ke lie parivar, svasthya evan arthik sthiti ke lie pareshani ati rahegi. sakaratmaka soch se ap labh evan saflta prapt kar sakenge. is varsh pragti path par agrasar rahenge. vyavsayik kshetra men parivartan ke sath navinta ke sath-sath unnati hogi. shiksha kshetra men saflta ke lie kathor shram karna hoga. yadyapi unnati ke avasar prapta honge parantu virodhiyon dvara karyon men rukavat evan pareshani hogi, saflta hetu adhik bhag-daur karni hogi, yatrayen labhaprad rahengi, videsh-yatra men badhaen ayengi. achanak svasthya kharab hone ki sanbhavna hai. sitanbar, aktubar, navanbar tatha disanbar men vivadon se dur rahen. janvri, farvri, aprail, navanbar ke mahine labhkari par badhayukt rahenge. yatra tatha kisi tarah ke parivartan ke lie 20 tatha 26 tarikhen vishesh labh dengi. pratyek mah ki 2, 4, 6, 8, 11, 16, 20, 22, 29 evan 30 tarikhen shubh evan prabhavshali rahengi. ank-3 (svami-brihaspati) is varsh pragti evan padonnati, karya kshetra men vistar, rajnitik sanparka vyavsay ke lie labhkari siddha honge. nai naukri athva vyavsay ke avasar prapt honge. avesh, sharab, svabhav men rukhapan se pratikul prabhav hoga. deshi-videshi yatra ke avsron se labh, chunavon men labh, mahatvapurna vyakti ka sahyog, vanchit karya pure, dhan agaman, sabse madhur sanbandh banenge, vidya labh, svasthya men pareshani, vyapar men unnati, karya kshetra men prabhav barhega. navanbar, disanbar men tanav evan akasmik pratikul halat ban sakte hain. aprail, mai, agast men svasthya ke prati satark rahen. pratyek ravivar, somvar, mangal, shukra evan brihaspativar karyon ke lie shubh hain. pratyek mas ki 3-6-9-12-18-21-24 evan 30 tithiyan labhkari siddh hongi. yatra ke lie visheshakar 18 v 30 tithi shubh fal dengi. apke lie marcha-mai-jun, julai-sitanbar tatha disanbar mas vishesh mahatva ke honge. ank-4 (svami-rahu) is varsh anek utar-charhav ayenge, parantu saflta evan labh adhik rahega. sangharsh evan karyashakti men vriddhi, jivan men naya mor, buddhi-vivek se karya men unnati, rojgar prapt, naukri men unnati, parivar, patni se mel-jol men adhik labh evan saflta, vivah-yog banega, bhautik-sukh-suvidha barhegi, yatra men satarkata barten, prabhav barhega, chunav men vijay adi labh prapt honge. janvri, aprail evan mai men karmachariyon ko pareshani ho sakti hai. march, aprail, julai, agast evan sitanbr mas vishesh mahatva ke rahenge. farvri, jun, agast evan disanbar men svasthya ke prati satark rahen. pratyek somvar evan budhvar labhdayak honge- 2-4-8-16-22 evan 26 tarikhen shubh hain. ank-5 (svami-budh) buddhi-vivek-yukti evan pratibha se kiye gaye karyon men saflta evan dhan labh hai. vani ki kathorta se mitron evan sanbandhiyon se matbhed, samajik kshetra men pareshani, kanuni ulajhan, vanijya-vyavsay men labh, dirghakalin yojnaon men labh, kathin parishram ke pashchat pariksha, pratiyogita, sakshatkar men saflta, yatraon men labh, sthan-parivartana ka bhay, grih sukh, ghar men sas-bahu vivad adi fal milenge. agast, sitanbar evan disanbar men svasthya ke prati sachet rahen, budh, guru evan shanivar ke din shubh rahenge. dinank 5-10-14 evan 23 ko shubh fal prapta evan janvri-marcha-julai ke mas vishesh mahatva ke rahenge. not: varsh 2015 ka mulank 1$5 =6 hai. atah ank-6 valon arthat 6-15-24 tarikh ko janme vyaktiyon (30 bhi) ke lie yah varsh vishesh mahatvapurn rahega. ank-6 (svami shukra) yadi ap mahilaon ko mahatva aur samman denge to unke dvara labh evan saflta-prapti ki sanbhavna hai. yatrayen labhkari, vivah yog, ghar men sukh-suvidha ka saman ayega, karya-vyavsay men saflta, vidyarthiyon ko labh, arthik sthiti asthir, achanak asvasthata, karyon men kuch pareshani, kharch barhega, sahyogiyon ka sahyog nahin milega, prem-sanbandhon men kuch pareshani adi ayegi, parantu ye pareshaniyan-kasht alpakal ke liye hi hogi anttah labh hi hoga, yah varsh apki pariksha ka hai. dinank 6-15-24-30 shubhfl pradan karengi. janvri, march, aprail, mai, jun, sitanbar mas vishesh mahatva ke honge. ank-7 (svami-ketu) dharma-karm men aruchi barhegi, arthik labh hetu yatra karenge jinmen labh hoga, arthik sthiti men kuch sangharsha ke bad mor tatha labh ayega, santan sukh, sanpatti-vahan prapti ki asha, mansik, shugar, mutra-vikar, joron ke dard evan gupt vikar a sakte hain. yah varsh kuch utar-charhav layega, kuch anukulta prapt hogi. vidyarthiyon ke lie kuch pareshani, vivah yog men pareshani, kul milakar yah varsh sangharshapurn rahega. pratyek mas ki 7, 14, 16, 25 evan 28 tithiyan labhkari rahengi. yatra evan kisi tarah ke parivartan ke lie 28 tarikh labhdayak siddh hogi. ank-8 (svami-shani) shani aur varsh mulank shukra ek-dusre ke mitra hain. yah varsha apko anukulta ki or le jayega. pichle varsh jo karya apurna rah gaye the, unko is varsh pura kar liya jayega. parishram-tallinta, kam ke prati purn nishtha bhi ati avashyak hai. vyavsayik, arthik paristhitiyan anukul rahengi. bhumi-bhavn-vahan adi ke lie prayatnashil rahenge,sabhi se sukh, prem sanbandh banenge. ghar men shubh, manglmy karya hone ki sanbhavna rahegi, naye mitra banenge. pratyek mas ki 4, 8, 17 evan 26 tarikhen vishesh mahatva ki hongi. parivartan tatha tabadle, shubh karya hetu 8, 16, 26 tarikhen vishesh anukul rahengi. farvri, aprail evan agast mas faldayak rahenge. budh, shukra, shanivar ke din anukul siddha ho sakte hain. ank-9 (svami-mangl) mangal varsh mulank shukra ka shatru ank hai. jatak ko dhan, naukri evan vyavsay ke kshetra men pareshani evan kathor shram karna hoga. is varsha kisi mahatvapurn vyakti se mulakat hogi jisse apke jivan men ek mahatvapurn mor ayega aur ek naya rasta prashast hoga. naukri, vyavsay men vriddhi evan vistar hetu prayatnashil rahenge. teknikal kshetra men vriddhi ke asar hain. stri jati ko samman den, usse madhur sanbandh banaye rakhen, isse apke jivan men labh ke anek yog banenge. bina vichare koi karya na karen anyatha bahut bari musibat men par sakte hain. som, mangal, guru evan shukravar ke din shubh hain. march, jun evan sitanbar ke mah shubhta layenge. dinank 6-15-18-21-24-27 evan 30 vishesh shubh rahenge. kisi tarah ke parivartan, naye karya evan yatra hetu 18 tarikh mahatvapurn rahegi.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.