कर्णवेधन संस्कार

karnavedhan sanskar  

Ank ke aur Lekh | Sambandhit Lekh | Views : 1583 |  
anya sanskaron ke saman karnavedh sanskar ka bhi bahut adhik mahattva mana gaya hai. is sanskar ke antargata balak evan balika ke kanon ko chidvaya jata hai. balikaon ka kan chidvane ke sath-sath nak bhi chidvaya jata hai. purush ko purna purushatva tatha stri ko purn stritva ki prapti ho, iske liye karnavedh sanskar kiya jata tha. anya sanskaron ki bhanti ise bhi avashyak mana jata tha. prachin kal men karnavedh ki itni adhik mahatta mani gai hai ki jis vyakti ka karnavedhan sanskar nahin kiya jata, use shastron men shraddh ka adhikari hi nahin mana jata. balak ke janm ke chah mas se lekar solhven mas tak athva tin-panch athva sat adi vishm varshon men athva kul ki rit-paranpra ke anusar karnavedhan sanskar kiya jana avashyak bataya gaya hai. pratyek sanskar ko karne ke piche uske lie thos tatha akatya karan bataye gaye hain. karnavedh sanskar ko kiye jane ke bhi kuch karan bataye gaye hain jinhen samajh lena avashyak hoga. bhagvan suryadev samast srishti ke praniyon ko navjivan pradan karne vale dev hain. karnachedan ke piche bhi yah dharna pramukh hai. surya ki kirnen kanon ke chidra se pravisht hokar balk athva balika ko pavitra karen, tej sanpann banayen, isliye kanon ko chidvana avashyak bataya gaya hai. praranbh men varn vyavastha hone ke karan pratyek karya men varn ke mahatva ko dekha jata tha aur usi ke anurup hi karya sanpann kiye jate the. is sthiti ko karnavedh sanskar men bhi dekha gaya hai. isliye brahmana tatha vaishya ka karnavedhan rajtshlaka (chandi ki sui) se, kshatriya ka svarnashalaka (sone ki sui) se tatha shudra ka lauhshlaka (lohe ki sui) se kan chedne ka vidhan bataya gaya hai. ajakal log apni suvidha ke anusar svarn, rajat athva lohe ki sui se kana chidva lete hain kintu shastron men ullekh hai ki vaibhvshali logon ko apne bachchon ke kan chidvane ki kriya svarnashalaka se hi sanpann karni chahie. praranbh men is kriya ko shubh samay men devtaon ka pujan karne ke pashchat suryadev ki pavitra kirnon men balak athva balika ka kan chidvaya jata tha. is kriya ke antargat agrankit mantra dvara abhimantran kiya jata tha- bhadran karnebhiah shrrinuyam deva bhadran pashyemaksha-bhiryajannaah. sthirai ragainstushtavan sastanubhivryashemhi devhitan yadayuah.. iske pashchat balak ke pahle dahine kan men, iske pashchat bayen kan men chidra kiya jata hai. balika ke pahle bayen kan men, tatpashchat dayen kan men chidra kiya jata hai. isi ke sath bayin nasika men ched karne ka vidhan hai. chidra karne ke tatkal pashchat kanon men rajat ki choti shalaka dalakar us par haldi ko til ke tel men dalakar kan par lepan kiya jata tha taki kiye gaye chidra band n ho jayen. jo rajt shalaka ka prayog nahin kar pate the ve lakri ki barik sink ko upyog men laya karte hain. iske tin din bad balk-balika ko snan karvaya jata hai. kahin-kahin par yah tin ke sthan par sat din bad kiya jata hai. iske pashchat balkon ko kundal tatha balikaon ko karnabhushan ke rup men baliyan evan nak men laung dharan karvai jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2014

fyuchar samachar ke vastu visheshank men anek rochak v gyanavardhak lekh jaise bhavan aur vastu, vastu shastra ka vaidik svarup, vastu shastra ke mulbhut tatva, vastu shastra v dampatya jivan, udyog dhandhe kyon band ho jate hain?, flaita/plaet kharidne hetu vastu tathya, anubhut prayog evan sutra, vastu sammat sirhiyan bhi deti hain saflta, ghar men kya n karen?, vibhinn dishaon men rasoighar, vastudosh samadhan, vastu sanbandhi kahavten, vastu dosh dur karne ke saral upay, panchatatva ka mahatva tatha svasthya sanbandhi vastu tips. iske atirikt vastu par hue ek shodh karya par likha gaya sampadkiya, kariyar paricharcha, sukhi dampatya jivan ka adhar: shadi ke sat vachan, satya katha, hailth kaipsul, pavan sthal men bansvara ka prachin man tripurasundari mandir, jyotish v mahilaen tatha grah sthiti evan vyapar, panchapakshi ke rahasya, mantra v tantra sadhna ka svarup, karnabedhan sanskar, grih sajja evan vastu fengsui adi lekhon ko samayojit kiya gaya hai.sthayi stambh vichar goshthi ke antargat ‘piramid ka vastu men prayog’ vishay par vibhinn vidvanon ke vicharon ko prastut kiya gaya hai. asha hai fyuchar samachar ke pathkon ko yah visheshank vishesh pasand ayega.

Subscribe

Apne vichar vyakt karein

blog comments powered by Disqus
.