शनि अष्टकवर्ग

shani ashtakavarg  

Ank ke aur Lekh | Sambandhit Lekh | Views : 6462 |  
ashtakavarg vidya ki achukta v satikta ka pratishat sabse adhik hai. sabhi grahon ke ashtakavarg ke falakathan ke kram men is bar shani ke ashtakavarg ke fal kathan ki bari hai jisse karm, naukar, majdur, mehanat, rog badha, nyayalay, ayu adi vishay men vichar kiya jata hai. bhartiya jyotish men falakathan hetu ashtakavarg vidya ki achukta v satikta ka pratishat sabse adhik hai. ashtakavarg vidya men lagn aur sat grahon -surya, chandra, mangal, budh, guru, shukra aur shani ko ganna men sammilit kiya jata hai. shani grah dvara vibhinn bhavon ya rashiyon ko diye gaye shubh bindu tatha shani ka ‘shodhyapind’ - ye donon ‘shani ashtakavarga’ se kiye gaye falakathan ka adhar hote hain. ashtakavarg vidya men niyam hai ki koi bhi grah chahe vah svarashi ya uchch ka hi kyon n ho, tabhi achcha fal de sakta hai jab vah apne ashtakavarg men 5 ya adhik binduon ke sath ho kyonki tab vah grah bali mana jata hai. atah yadi shani grah shani ashtakavarg men 5 ya isse adhik binduon ke sath hai tatha sarvashtak varg men bhi 28 ya adhik binduon ke sath hai to shani se sanbandhit bhavon ke shubh fal prapt hote hain. yadi sarvashtakavarg men 28 se adhik bindu v shani ashtakavarg men 4 se bhi kam bindu hain to fal sam ata hai. yadi donon hi vargaen men kam bindu hain to grah ke ashubh fal prapt hote hain. karakatva ke anusar shani se karm, naukar, majdur, mehanat, rog, badha, nyayalay, ayu adi ka vichar kiya jata hai. shani ashtakavarga: shani ashtakavarg se sanbandhit kuch niyam is prakar se hain:- 1. shani ke ashtakavarg men lagn se aranbh kar shani rashi tak aur shani rashi se aranbh kar lagn tak, aye sabhi binduon ke yog tulya varshon men vyadhi tatha kasht ki prapti hoti hai. donon yogon ke yog tulya varsh men mrityu tulya kasht aur usi samay yadi marak dasha ho to mrityu bhi ho sakti hai. udaharan ke lie vishvanath, ek vakil (25.03.1952, 11ah55, gurganv) ki kundli men shani chaturth bhav men kanya rashi men hai. lagn se kanya rashi tak ke binduon ka yog 14 ata hai aur kanya rashi se lagn tak ke binduon ka yog 30 ata hai. jatak ko bhi 14 ven sal men janvri 1966 men ashtamesh shani men dvadasheash shukra ke sath baithe rahu ki dasha men tayfaid hua tha. iske atirikt navanbar 1981 men jab ve 30 ven sal ki umra se gujar rahe the to vahan karak budh ki mahadsha men v akarak rahu ki anrtadasha men jatak ka ek kar se eksident hua tha jismen uski tang ki haddi tut gai thi. farvri 1996 men jab jatak 44 varsh ke hone ko the to jatak ko dvadshesh shukra ki mahadsha men rahu sang baithe shukra ki anrtadasha men hart ataik hua tha jismen ve marte-marte bache the. 2. shani ke ashtakavarg men shani se ashtam ya lagn se ashtam rashi men ae binduon ko shani ke shodhyapind se guna kar den, tab 27 ka bhag den, jo sankhya shesh aye us tulya nakshatra men jab gochar ka shani aye to jatak ka anisht ho sakta hai basharte marak grah ki dasha chal rahi ho. rashi pind grah pind shodhya pind surya 116 56 172 chandra 91 50 141 mangl 39 21 60 budh 77 52 129 guru 130 90 220 shukra 110 59 169 shani 150 78 228 udaharan ke lie madhav rav sindhiya (09.03.1945, 24ah00, gvaliyar) ki kundli ko dekhen to pate hain ki: shani ka shodhya pind 228 hai. lagn se ashtam tak ke binduon ka yog 29 hai. inka gunanafal 6612 hai tatha ise 27 se bhag dene par sheshafal 24 ata hai jiska tulya nakshatra shatbhisha hai. iske trikon nakshatra adrra v svati hain. sindhiya ki mrityu jab 23.12.2004 ko hui to shani ka gochar purnavasu nakshatra mane tha yani adrra se abhi nikla hi tha jab yah anisht hua. 3. upachay bhavon 3-6-10-11 men yadi shani kam se kam 3 bindu ke sath bhi baitha ho to bhagya uday, rajya se labh, pita ka sahyog, parakram se labh, shatru vijyi aur dhan labh deta hai. udahrn: rahul bajaj (01.06.1938, 05ah10, kalkta) jatak ek bara vyavsayi hai. unki vrish lagn ki kundli men shani ekadash bhav men sthit hai aur shani ke ashtakavarg men iske pas 4 shubh bindu hain jis karan jatak ko pita ka chala chalaya vyavsay mila, unka sahyog mila aur prachur matra men dhan labh bhi mila. 4. ast aur nich ka shani jab 4 ya adhik bindu ke sath ho to vah ashubh nahin shubh ho jata hai. sanpannata, naukar, chakar adi deta hai. jatika baelivud ki ek bari adakara thi. unki kundli men shani grah nich ka tatha ast hai. shani ke ashtakavarg men shani ke pas 5 shubh bindu bhi hain. atah unka shani ashubh n rahakar shubh ho jata hai jis karan jatika ke pas naukar, chakar ki koi kami nahin rahi aur dhan sanpann bhi rahin. 5. yadi vish yog ke janak shani v chandra donon lagn men 4 ya adhik bindu ke sath hon to yah ek daridra yog ban jata hai. lekin anya kendron men ho to sanpannata v rajyog deta hai. udaharan 1: rajjak khan (24.08.1973, 02ah29, dilli) jatak ek majdur hai. uski kundli men shani v chandra lagn men sthit hain tatha shani ke ashtakavarg men unke pas 5 bindu hain jis karan ye ek daridra yog bana aur jatak garibi men din kat raha hai. udaharan 2: prithvi sinh (10.09.1974, 19ah28, dilli) jatak ek rajneta ka beta hai jiski kundli men shani v chandra ek sath kendra men hain aur shani ke ashtakavarg men bhi unke pas 6 shubh bindu hain jis karan ye ek rajyog bana aur jatak ek sanpann v sukhi admi hai. udahrn: javahar lal nehru (14.11.1889, 23ah06, ilahabad) rashi pind grah pind shodhya pind surya 134 71 205 chandra 91 67 158 mangl 101 40 141 budh 97 70 167 guru 95 67 162 shukra 88 68 156 shani 82 76 158 7. shani ke shodhya pind ko surya rashi men shubh binduon ki sankhya se guna karke 12 se bhag karen to sheshafal tulya rashi men ya iski trikon rashiyon men jab bhi surya ka gochar hoga to jatak ke lie marak ho sakta hai. shani ka shodhyapind = 158 surya ke bindu = 3 isliye 158 guna 3 = 474 bhag 12 sheshafal 6 arthat kanya rashi hai aur iski trikon rashiyan hain makar v vrish. nehru ki mrityu ke samay 27.05.1964 ko bhi surya vrish rashi men tha. 8. janmakundli men jis bhav men shani ke ashtakavarg men sabse adhik bindu hon, vahan se shani ka gochar krishi karya ke liye shubh samay hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2011

Apne vichar vyakt karein

blog comments powered by Disqus
.