वर्ष 2011 एक विश्लेषण

varsh 2011 ek vishleshn  

Ank ke aur Lekh | Sambandhit Lekh | Views : 3421 |  
varsh 2011-ek vishleshan pan. mahesh chandra bhatt (jyotishacharya) is alekh men jyotishiya gannaon, grah gochar tatha gantantra divas v svatantrata divas ke adhar par bani varsh pravesh kundliyon, grahon ke rashi parivartan v grah yuti yug ke adhar par sanbhavit ghatnaon ka vivaran hai. nav varsh lagn men, gantantra divas ki janmakundli ke athven bhav ki rashi (tula) udit ki hui hai, jisse kendriya sattarurh, yu.pi.e. sarkar ko kathin samasyaon ka samna karna parega. vikas yojnaon par kiye jane vale kharchon ke ashanukul parinam nahin honge. kashmir, bihar kuch rajyon men algavvad evan sampradayik upadrav, atankvadi guton dvara bhartiya simaon ka atikraman, purva/pashchim simaon par pakistan v chini faunjon ka jamav rashtra ke lie chinta ka vishay hoga. varsh lagnesh shukra dvitiya kon bhav men shatru rashigat hai. us par guru ki shatru drishti par rahi hai, jis karan dainik upbhog ki vastuon ki kimton men vriddhi hogi. gantantra kundli ke dvitiya bhav men shatru rashigat varsh lagnesh shukra ka hona tatha us par shani ki vishesh tisri drishti parne se samanya praja khadyannon evan dainik prayog ki anya vastuon ke mulyon men barhti teji se atyant pareshan hogi. paitrol, dijal, rasoi-gais, bijli, pani, dudh, davaiyan, loha, sona-chandi, tanba, bhumi-makan ke mulyon men jabaradast teji ka rukh hoga. svatantra bharat : (15 agasta) ke 65ven varsh ki kundli men lagn bhav men ketu ka hona tatha chaturth bhav men mangal, shani, shukra tin virodhi grahon ka yog bana hua hai jisse varsh 2010 i. ke antim bhag evan varsh 2011 i. ke purvarddh men kuch rajyon men kahin durbhiksh ya anaj ki kami, kahin rajbhang (satta-parivartana), upadrav evan hinsak ghatnaon se hani hone ke sanket hain. chaturth bhav sarvasadharan ke sukh v santosh ke bhavon ko bhavon ko bhi prakat karta hai. chaturthesh shani (jo bharat ki prabhav rashi-svami bhi hai) dvadash bhav men baithakar kosh bhav ko dekh raha hai. falasvarup kendriya evan rajya sarkaron ki trutipurn nitiyon, uttaradayitva hinta evan sanvdenhin mansikta ke karan desh ki anek kshudra v laghu samasyaen bhi kalantar men vikral rup dharan kar lengi. parantu uparyukt vighn badhaon ke bavjud bharatavarsh kuch kshetron men vishesh unnati bhi karega. jinmen sarak parivahan, kampyutar, injiniyaring, dur-sanchar evan uchch takniki shiksha, kampyutar, jahajrani evan parmanu kshetron tatha arthik kshetron men ullekhniya tarakki hogi. desh ke adhikansh rajnetaon men rashtriya bhavna ki kami, naitik v charitrik mulyon ki kami ke karan desh ki anek samasyaen ganbhir rup dharan kar lengi. jaise dainik upbhog ki vastuon ke mulyon men jabaradast teji, prashasnik kshetron men barhta bhrashtachar vibhinn pradeshon men sampradayik upadrav, chori v lutmar ki barhti vardaten, kanun aur vyavastha ki samasyaen, berajgari, bharat ke purvi kshetren men maovad v naksalavadiyon ki barhti hui nirantar hinsak vardaton ke karan tatha purvi evan pashchimi simavarti kshetron par chini v pakistan faujon ki gatividhiyon ke karan am logon ke man men asuraksha ke bhav barhne lagenge. asamyik varsha, bhuskhalan, bhukamp, barh adi prakritik apdaon ke karan kuch pradeshon men dhan, sampada ki hani evan anaj adi ki paidavar men kami hogi. bijli, pani, peyajal, dijal, paitroliyam padarth, dudh, sabjiyon, dalen, vanaspati ghi, tel, khadyannadi ke mulya bhi tej ka rukh rakhenge. samanya vyakti ka jivan dubhar ho jaega. pak evan maovadi vidrohkariyon ke prati tushtikaran ki narm nitiyon ke karan yu.pi.e. sarkar ki chavi ko gahra dhakka lagega. san 2011 i. men grah gochar v bharat ka bhavishyafal : san 2011 ke praranbh men magh mas men (20 janvri san 18 farvri ke madhya) panch brihaspativar hone se bharat ke pashchimi bhagon men jaise bhart-pak ki pashchimi simaon par sainya takrav hone ke yog hain, kashmir ki simaon par surakshakarmiya tatha kashmiri algavvadiyon ke bich takrav, agjni, upadrav evan hinsak ghatnaen hone ke yog hain. chandra falgun mas (19 farvri se 19 marcha) ke madhya panch shanivar hone se bharat ke anek pradeshon men upadrav, sampradayik dange, hinsak ghatnaen, agnikand ki vardaten adhik hongi. kendriya mantrimandal men parivartan hoga, jis karan kangres parti men antrik matbhed ubhar sakte hain. kashmir, asam adi simavarti pradeshon ki simaon par antkvadiyon dvara hinsak ghatnaon ke sanket hain. atyadhik manhgai ke karan samanya log pirit honge. desh ke kuch pradeshon men klisht rogon ka jaise-haija, kshay rog, haipetaitas bi, dengu, maleriya, svain flu adi rogon ka bhay hoga. chaitra mas men (14 march se 13 aprail) guru, min rashi men atichar hokar sanchar kar raha hai jabki krur grah pahle se vakri gati se sancharit hain. desh ke kisi pradesh men anaj ki kami, durbhiksh, yuddhabhay evan kahin chatrabhang hone se sanket hain. chandi chaitra mas (20 march se 18 aprail) ke madhya panch ravivar hone se kahin chatra bhang (satta parivartana), upadrav, agnikand, jatiya hinsa v hinsak ghatnaon evan tor-for ki ghatnaen hongi. jan, upbhog ki vastuon ki kami rahegi. mahangai ke karan samanya logon men atyadhik pareshaniyan v akrosh vyapt rahega. vaishakh mas men panch manglvar hone se desh ke kuch bhagon men agnikand, sampradayik dange, janandolan, hinsak evan visfotak ghatnaen ghatit hone ke sanket hain. kahin chatrabhang (rajya parivartana) padachyuti ya pramukh neta ke akasmik nidhan ke bhi sanket hain. chatugrahi yog : 25 march se 30 mai ke madhya kramshah surya, mangal, budh, guru grahon ka char grahi yog tatha fir mangal, budh, guru, shukra grahon ka yog hone se himachal pradesh, bihar, bangal, kashmir, gujrat adi pradeshon men hinsak ghatnaen hone ke sanket hain. kahin rajya satta ka parivartan evan avashyak vastuon ke mulyon men atyadhik teji hone ke sanket hain. kisi pramukh rajneta ki padachyuti ya chatrabhang ke yog pratit hote hain. 06 jun se vakri rahu vrishchik rashi men tatha ketu vrish rashi men pravesh karega, jiske prabhav svarup kutil evan viprit acharan karne vale log manovanchit fal prapt karne men safal honge arthat chalaki evan chaturai se karya karne vale labhanvit honge. rahu pravesh se 6 mas pashchat bharat tatha vishva men barh, bhuskhalan, klisht rog adi prakritik prakopon se jan-dhan evan sampada adi ki hani hone ka bhay hoga. 3 jun se 12 jun ke madhya mangal shani men shadashtak yog hone ke karan tatha 15 jun ko jyeshth purnima ke din jyeshtha evan mul nakshatra-kalin chandragrahan ghatit hone ke karan kahin dange-fasad, upadrav, hinsak ghatnaen evan jatiya takrav hone ke yog hain. varsha ki kami rahegi. rajnaitik netaon men paraspar vidvesh evan takrav barhega. atyadhik mahangai ke karan logon men vidvesh evan akrosh ki bhavnaen barhegi. shukrast : shravan krishn navmi tithi 24 julai ravivar ko shukrast evan kark rashisth kalin purva men ast hoga. jisse ane vale dinon men kuch pradeshon men barh adi se jan-dhan evan krishi, sampada ko kshati pahunche. bharat v nepal sahit hindu rashtron ke kuch kshetron men sampradayik jhagre, dange fasad adi hone ka bhay hoga. shravan (julai-agasta) mas men 5 shanivar hone se sarvaprakar ke anaj khadya tel, sab prakar ki dalen, vanaspati, ghi, tel, sona, chandi adi tej bhav honge. sampradayik dange v hinsak ghatnaon v yuddh ka bhay hoga. maharashtra, uttara-pradesh, asam, madhya-pradesh adi pranton men barhadi se jan, dhan v faslon ki hani hogi. bhadrapad (agasta-sitanbr) men panch ravivar hone se desh men kahin anaj ki kami, atyadhik mahangai, jatiya upadrav, agnikand, visfotak ghatnaen evan kahin satta parivartan ke yog hain. ashvin mas (sitanbr-aktubr) men panch manglvar parne se kahin barh, bhuskhalan adi prakritik prakopon se jan, dhan v krishi sampada ki hani, kisi pramukh rajneta ki padachyuti ya nidhan ke yog hain. khappar yog ka prabhav : shravan se lekar ashvin (sitanbr-aktubr) mas tak kramshah 5 shanivar, 5 ravivar aur 5 manglvar hone se varon ka yah kram khappar yog kahlata hai. jiska fal shastron men ashubh evan bhaykarak likha hai v ati kashtakari ghatnaen ghatit hone ke sanket hain. is kal avdhi men pakistan v chin apne prashikshit atankvadiyon evan sharartpurn kutil chalon se bharat ki simaon men ghuspaith karane tatha bharat men koi bari vardat karvane ke kutil prayas karte rahenge. simavarti pradeshon men hinsak v visfotak ghatnaen, sainya takrav, yuddhabhay hoga. kartik mas (aktubr-navanbr) men panch guruvar hone se desh ke pashchimi pradeshon athva pashchimi deshon men kahin upadrav, rajnitik takrav athva yuddh jaise halat banenge. kahin chatrabhang ki bhi sanbhavna hogi. margashirsh mas- 11 navanbar se 10 disanbar ke madhya 5 shanivar tatha paush mas (11 disanbar se 9 janvri 2012 i.) ke madhya panch ravivar tatha magh ke mahine men (10 janvri se 7 farvri 2012 i.) ke madhya 5 manglvar parne se punah khappar yog ban raha hai. jiske falasvarup dainik vastuon ke bhavon men atyadhik vriddhi hone se praja men asantosh v bechaini rahegi. kahin agnikand, chatrabhang (satta-parivartana) ya kisi pramukh neta ka akasmik nidhan (visfot evan hisank ghatnaen ghatne ke yog hain. shani ka tula rashi men parivartan : (15 navanbar manglvar 2011 i.) 15 navanbar manglvar ko shani tula rashi men pravesh karega, jisse sarvaprakar ke anaj (genhu, chaval, dhanya, jvar, bajra, makka, mung adi) ki paidavar men kami ho jane se atyadhik mahangai, kahin anaj ki kami, durbhiksh, peyajal ki kami, agnikand, bhuskhalan, yan-durghatanaen, barh, sukha, bhukanp, jvalamukhi adi prakritik prakop adhik honge. 07 farvri 2012 i. se tula rashi men vakri hoga tatha 07 farvri ke pashchat budh adi shubh grah shighra se atichar gati ko prapt ho raha hai jisse avashyak vastuon ke mulyon men jabaradast teji tatha kuch deshon men yuddh adi ka bhay ho.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.