वास्तु शिक्षा
Ank ke aur Lekh | Sambandhit Lekh | Views : 2840 |  
vastu shiksha pramod kumar sinha prachin kal men alaukik shaktiyon se sanpann gyani, rishi, muni janon ne svasthya, unnati aur manav ki prasannata ke lie anavarat prayas kie aur is uddeshya ki purti hetu unhonne urjaon ki vriddhi aur santulan ke lie vastu aur feng shui ki khoj ki. vastu sammat grih nirman hetu vastu shastra ka adharbhut gyan hona avashyak hai, is uddeshya ki purti hetu, is sthai stanbh men vastu visheshagya shri pramod kumar sinha dvara vastu shastra ki kramik shiksha se ap sabhi labhanvit honge. prashn : vastu kya hai? u0- vastu ka tatparya hai - va+astu arthat basne hetu. aisa shastra jismen disha, tatva grah, nakshatra v panchatatva ka samanjasya sthapit karke bhavan nirman kiya jana bataya jae vahi vastu shastra hai. iske antargat vastu urja ka brahmadiya urja se kushlta purvak samanjasya sthapit kiya jata hai. aisa karne se jivan sukhamay aur samriddh hota hai tatha hamare nivas sthan men lakshmi ka chirasthai nivas ho jata hai aur ghar vibhinn apdaon se surakshit rahta hai. pra.-vastudgaastra ka siddhant kin tatvon par adharit hai evan unka kya prabhav hai ? u0-vastudgaastra ka siddhant panchmhabhutatmak tatva par adharit hai. ye panchmhabhut prithvi, jal agni, vayu aur akadga hain. hamara braharand bhi in panch tatvon se bana hai. islie kaha jata hai yat pinde tat brahmande. jis prakar sharir men in tatvon ki kami ya adhikta hone se vyakti asvasth ya bimar ho jate hain, usi prakar bhavan men in tatvon ke asantulit hone se usmen nivas karne vale ko kasht evan musibton ka samna karna parta hai. iske sath hi prakriti ki anant shaktiyon men se kuch shaktiyan hamen prabhavit karti hain jaise surya ki sthiti, prithvi par gurutvakarshan shakti, abha mandal ki shaktiyan, chunbkiya shakti tatha vidyut chunbkiya shakti ityadi. yah shaktiyon nirman kie gae bhavan men vidyaman rahti hai jo manav sharir ki vidyut chunbkiya shakti ko prabhavit karke shubh ya ashubh fal deti hai. yah shaktiyon jagh-jagah par prithvi evan manav par hamesha alg-alag prabhav evan mahatva rakhti hai. falasvarup vastushastra sadaiv pratyek sthan par ek saman fal nahi deta hai. yah fal manav ke grah, nakshatra tatha bhaugolik akshansh ke anusar badlta rahta hai. pra0- brahm sthan kise kahte hain aur iska kya mahatva hai ? u.-vastushastra dishatmak urja par adharit ek vyavharik vigyan hai. vastu men pratyek disha ka apna ek mahatva hota hai. kyonki pratyek disha par alg-alag grahon, devtaon tatha vibhinn dishaon se ane vali rashmiyon evan urjaon ka sanyukt prabhav rahta hai. vastu men bhukhand ke bich ka jo sthan hota hai use brahm sthan kahte hain. bhukhand ke akar ke anusar inki sthiti ghatti ya barhti hai. brahm sthan kisi bhi bhukhand ka kendra hota hai ise urja ka kendra bindu mana gaya hai. brahm sthan vastu purush ki nabhi ke as-pas ka kshetra pet, guptang aur janghon ka sthan hai. brahm sthan vastu purush aur bhukhand ke, fefde aur hriday sthal ka bhag hai. atah is sthan ko khula aur bharrhit rakhen. yadi ghar men rahne vale log sukh-samriddhi ke sath svasth evan khushhal rahte hue apna jivan yapan chahte hon to brahm sthan par kisi bhi prakar ka nirman karya nahin karna chahie. pra0- marm sthan se kya samjhte hain ? u0-vastu men brahm sthan ke bich ke panch kshetra atimarm sthan ke antargat ate hain. uske bad bhukhand ke andar ke batis kshetron ko marm sthan mana jata hai. is sthan par kisi bhi tarah ka nirman karya nahin karna chahie. khanbo evan divaron ka nirman varjit hai. anyatha vas karne vale sharirik, mansik evan adhyatmik rup se pirit rahenge. chitra men gahre bade bindu ke dvara atimarm evan chote bindu ke dvara marm sthan ko darshaya gaya hai. pra0-vastu men dishaon ka nirdharan kaise karte hain ? u0- vastu men dishaon ka nirdharan disha suchak yantra ke dvara bhukhand ke madhya bhag arthat kendra men rakhakar kiya jata hai. disha suchak yantra men ek chunbkiya sui hoti hai jo dhuri par sthit hoti hai. is sui par ek taraf lal nishan hota hai jo uttari bhag ko suchit karta hai evan dusri or kala nishan hota hai jo dakshin disha ko suchit karta hai. kisi bhi bhukhand ke madhya men jakar is chunbkiya kanpas ko hatheli ya jamin ke madhya bhag par ek minat tak sthir rakhte hain. chunbkiya sui ke lal bhag hamesha apne uttari bhag ki or sthir ho jata hai jo spasht rup se utar disha ko darshata hai. taduprant chunbkiya kanpas ke lal sui ko 0 digri ya 360 digri par sthit karke sabhi dishaon ki jankari prapt ki ja sakti hai. utar disha ki taraf munh kar khade ho jaen aur donon hath ko daen evan baen hath ki taraf karen. daen ki taraf purva disha evan baen hath ki taraf pashchim ki disha ho jaegi aur apki apni pith ki taraf dakshin ki disha hogi. is tarah chunbkiya kanpas ke dvara sahi tarike se dishaon ka nirdharan kiya jata hai. pra0- kya manushya ka jivan vastu aur grah-nakshatra donon se prabhavit hota hai ? u0- manushya ka jivan vastu aur grah-nakshatra donon se hi samanya rup se hi prabhavit hota hai. manushya ka grah-nakshatra achcha hai lekin unki vastu kharab hai to prayason ke bavjud purn sukh-samriddhi nahin mil pati hai. yadi grah-nakshatra kharab ho evan vastu anukul ho to pareshaniyon kam hogi lekin khatm nahi hogi. yadi grah-nakshatra evan vastu donon kharab hon to manushya jivan bhar sangharshapurn sthiti se nijat nahi pata. iske viprit grah-nakshatra ke sath-sath vastu achchi rahne par adhikatam sukh suvidha ke anusar jivan yapan karta hai. manushya apne grah-nakshatra ko to badal nahin sakta parantu vastu ki sahayta se apne prayatnon ke dvara ise sanvar sakta hai. vastu men pratyek disha kisi n kisi grah se shasit hoti hai. atah dishaon ke shubh aur ashubh rahne par grahon ke prabhav men bhi asar ata hai islie kaha jata hai ki vastu men dishaon ko thik rakhen anyatha tatsanbandhi grahon ke prabhav men bhi pratikulta a jaegi. yadi apko apni dasha men badlav lana hai to us disha ko thik kar dalen. apki dasha men avashya sudhar ho jaega.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.