पूजा स्थान
Ank ke aur Lekh | Sambandhit Lekh | Views : 77876 |  

prashna- bhavan men puja ghar uttara-purva men hi rakhna kyon adhik labhaprad hai ?

uttar -puja ghar hamesha uttara-purva disha arthat ishan kon men hi banana chahie kyonki uttara-purva men parmpita parmeshvar arthat ishvar ka vas hota hai. kaha jata hai ki devi lakshmi, bhagvan vishnu ke sath uttara-purva m nivas karti hain. sath hi ishan kshetra men dev guru brihaspati ka adhikar hai jo ki adhyatmik chetna ka pramukh karak grah hai. pratahkal uttara-purva bhag ya ishan kon men prithvi ki chumbakiya urja, surya urja tatha vayu mandal aur brahmand se milne vale urja evan shaktiyon ka anukul prabhav milta hai. falasvarup adhyatmik evan mansik shaktiyon men sakaratmak vriddhi hoti hai.

prashna-pujaghar, rasoighar men kyon nahin rakhna chahie

uttara-pujaghar kabhi bhi rasoighar ke sath nahin banana chahie. prayah log rasoighar men hi pujaghar bana lete hain jo uchit nahin hai. rasoighar men prayog honevali vastuen mircha-masala, gais, tel, kanta, chammach, namak adi mangal ki pratik vastuen hain. mangal ka vas bhi rasoighar men hi hota hai. ugra grah hone ke karan mangal ugra prabhav men vriddhi kar puja karne vale ki shanti evan satvikta me kami lata hai. bhagvan bhav evan sugandh ke bhukhe hote hain. rasoighar men satvik evan niramish donan prakar ka bhojan pakate hai jiska sugandh evan durgandh bhagvan ko milti hai, jo ki unke prati vyavhar thik nahin hai, isse devta shrap dete hain. atah pujaghar men rasoi banane se adhyatmik chetna ka vikas nahin ho pata.

prashna-pujaghar, shauchalay ke samne kyon nahi rakhna chahie?

uttar -pujaghar, taylet ke samne nahin hona chahie kyonki taylet par rahu ka adhikar hota hai jabki puja sthan par brihaspati ka adhikar hai. rahu anaitik sanbandh evan bhautikvadi vichardhara ka srijan karta hai. sath hi rahu ki pravrittiyan rakshasi hoti hain jo pujakaksh ke adhipti grah brihaspati ke satvik gunon ke prabhav ko kam karti hai jiske falasvarup puja ka purn adhyatmik labh vyakti ko nahin mil pata. puja kaksh sidhiyon ke niche bhi nahin rakhna chahie.

prashna- ganesh ji ki sthapna kin dishaon men karna labhaprad hota hai?

ttara- ganesh ji ki sthapna dakshin disha men karni chahie. isse unki drishti uttar ki taraf rahegi, uttar me himalay parvat hai aur usapar ganesh ji ke mata-pita arthat shankr-parvati ji ka vas sthan hai. ganesh ji ko apne mata pita ki taraf dekhna bada achcha lagta hai islie ganeshji ki murti dakshin disha men rakhi jani chahie. ganesh ji ki sthapna pashchim disha men kabhi nahin karni chahie kyonki ganesh ji mangal ke pratik aur pashchim disha ka svami shani hai. is tarah mangal v shani ek sath ho jaenge jisse ghar men pareshaniyan evan musibten khadi ho jaengi.

prashna- anya devtaon ki sthapna kin dishaon men karna labhaprad hota hai?

uttara- pujaghar men brahma, vishnu, shiv, katrtikey, surya evan indra ko is tarah sthapit karna chahie ki puja karte samay vyakti ka munh purva ya pashchim ki or ho. arthat in sabhi devi devtaon ki sthapna ki sahi disha purva ya pashchim hai. devi devtao ki mutrtiyan disha vali divar par nahin lagani chahie anyatha ve dakshinabhimukh ho jaengi. sath hi uttar me uttar hota hai, atah donon ka ek disha men rahna thik nahin rahega. kuber ka sthan uttar disha hai. lakshmi uttara-purva men rahti hain. sarasvati pashchim disha men nivas karti hain. islie pashchim dishaon men baithakar sarasvati ji ki puja ki evan uttara-purva men baithakar lakshmi ji ki puja hamesha karni chahie.

prashna- puja kaksh men dvar kahan par honi chahie?

uttara-puja kaksh ka dvar hamesha kaksh ke madhya men sthit honi chahie. lekin mutrtiyan dvar ke thik samne hain to dvar par parda rakhna avashyak hai. puja kaksh ka pravesh dvar purva ki or tatha nikas uÿar disha ki or hona chahie jiske falasvarup us ghar men nivas karne vale logon ke nam aur yash men vriddhi hoti hai tatha vishisht vyakti ke rup men unki pahchan banti hai. yadi puja kaksh ka dvar uttara-purva disha men ho tatha usmen ana jana uttara-purva disha se hi hota ho to surya ki kirnon aur chunbkiya prabhav se dhan daulat ke sath-sath chahunmukhi sukh ki prapti hoti hai kyonki kuch devi devta indra ke raste purva se pujan kaksh ya mandir men pravesh karna pasand karte hain tatha kuch devi devta uttar ya uttara-purva ke raste pujan kaksh men pravesh karna pasand karte hain. varun evan vayu devta hamesha pashchim-uttar ke raste pravesh karte hain islie in sthanon se bhi pravesh dvar rakhna shubh faldayi hai. dakshin-purva ke raste yagya ke devta agni dev pravesh karte hain atah is karan se is or ka dvar bhi achcha mana gaya hai. in siddhanton ko apnane se pujan kaksh ki garima badhti hai tatha vahan par devi devta shubh fal pradan kar mansik evan adhyatmik sukh samriddhi pradan karte hanai.

prashna- puja kaksh men kin devi devtao n ko rakhna vishesh labhaprad hota hai?

uttara-ghar men vishnu, lakshmi, ram-sita, krishn, evan balaji jaise satvik evan shant devi devta ka yantra, mutrti evan tasvir rakhna labhaprad hota hai. purva men bhagvan ka mandir tatha pashchim men devi mandir nam, aishvarya evan dhan-daulat dene vala banta hai. puja ghar men mutrtiyan ek dusre ki or mukh karke nahin rakhni chahie.

prashna- puja kaksh me murti khandit hone par kya karna chahie ?

uttara- pujaghar men kisi bhi prakar se ansh matra bhi isht pratima khandit ho gayi ho to kitni hi bahumulya kyon n ho pujan yogya nahin hoti. aisi sthiti hone par unhe n pavitra jal men vidhi vidhan se visarjit kar deni chahie. sath hi kisi prachin mandir se lai gai khandit murti bhi nahin rakhna chahie. devi devtaon ki pratima par se utre hue sukhe pushp, mala tatha havan, dhup adi ki rakh, safai men nikla avshesh jal, nariyal ke tukde, purane vastra aadi ko anavashyak samajh fenkne ke bajay tej bahte jal men visarjit kar dena chahie.

Kya aapko lekh pasand aaya? Subscribe
Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.