मां लक्ष्मी को अपने घर कैसे बुलायें

man lakshmi ko apne ghar kaise bulayen  

Ank ke aur Lekh | Sambandhit Lekh | Views : 34206 |  
kartik amavasya ki andheri rat men jhilmil dipon ke bich mahalakshmi ka kshir sagar se dhara par agaman hota hai. ve ghar-ghar men ghum-gham kar apne rahne yogya sthan ka chayan karti hain. jahan unke anurup vatavaran hota hai, vahan ruk jati hain. lakshmi ji hamare ghar men ruken is lie ham prativarsh unki vishesh puja-upasna karke unhen prasann karte hain taki hamara ghar varsh bhar samriddhi se paripurn rahe. ratyek lok men man lakshmi ko dhan evan aishvarya ki mahadevi mana jata hai. dhan ka manav jivan men bahut mahatva hai. dhan n ho to koi bhi karya nahin ho sakta. dipotsav ka parva vastutah char parvon ka samuchchay ai. kartik krishn trayodshi, narak chaturdashi, dipavli evan annakut, ye charon parva milakar dipavli parva ko purnata pradan karte hain. dipavli parva manane ke lie kai dinon purva pure ghar ki safai, ghar k bahar ki safai, jahan kuda fenka jata hai, us sthan ki safai kar ke, ham lakshmi man ke agaman ki taiyari karte hain. jahan saf-safai hoti hai vahan bimari nahin failti, jahan svasth vyakti rahte hain, vaha lakshmi svatah vaibhav ke sath ati hai. islie varsh men pure ghar ki safai, ghar ke bahar ki safai kitabon v failon adi ki safai, paridhanon v pardon adi ki safai karke ham lakshmi ke svagat ki taiyari karte hain. har hindu parivar men dipavli ki ratri ko dhan-sanpda ki prapti hetu lakshmi ka pujan hota hai. aisa mana jata hai ki dipavli ki rat lakshmi ji ghar men ati hain. isilie log dahlij se lekar ghar ke andar jate hue lakshmi ji ke panv (charn) banate hain. puranon ke adhar par kul aur gotradi ke anusar lakshmi-pujan ki anek tithiyan prachlit rahin, lekin dipavli par mahalakshmi pujan ko vishesh lokapriyata prapt hui hai. lakshmi ko chanchla kaha gaya hai jo kabhi ek sthan par rukti nahin. atah use sthayi banane ke lie kuch upay, pujan, aradhna, mantra-jap adi ka vidhan hai. lakshmi sadhna gopniya evan durlabh kahi gai hai. iska mukhya karan vishvamitra ka kathor adesh hi hai. vishvamitra ne kaha tha - is lakshmi prayog ko sadaiv gupt hi rakhna chahie aur jivan ke ant men apne atyant priya evan suyogya shishya ko lakshmi sadhna samjhai jani chahie. aisa mana jata hai ki samudra-manthan men lakshmi ke prakat hone par indra ne unki stuti ki, jisse prasann hokar lakshmi ne indra ko vardan diya ki tumhare dvara die gae is dvadshakshar mantra ka jo vyakti niyamit rup se pratidin tinon sandhyaon men bhaktipurvak jap karega, vah kuber sadrish aishvarya yukt ho jaega. is prakar se lakshmi ji ki pujan vidhi prachlit hui. lakshmi ji ka vas kahan? maharshi ved vyas ka kahna hai dhritiah shamo damah shauch karunya bagnishthura. mitranan chanbhidrohah saptaitaah samidhah shriyah.. mahabhart/udyog parva 38/38 arthat dhairya, manonigrah, indriyon ko vash men karna, daya madhur vakya aur mitron se vair n karna ye sat baten lakshmi (aishvarya) ko badhane vali hain. hitopdesh men kaha gaya hai - utsah sampannam dirghasutran kriya vidhigyan asenashva saktam. shuran kritagyan dridh saur danch lakshmi svayan yati nivas heto hitopdesh-178 arthat utsahi, alasyahin, karya karne ki vidhi janne vala, astron se rahit, shur, upkar manne vala tatha dridh mitrata vale manushya ke pas lakshmi svatah hi nivas ke lie pahunch jati hain. shardatilak 8/161 men ullekh kiya gaya hai ki adhik shri ki kamna karne vale vyakti ko sada satyavadi hona chahie, pashchim ki or munh karke bhojan karna tatha hansmukh madhur bhashan karna chahie. ek bar lok kalyan ke lie pradyumn ki mata rukmini ne lakshmi ji se pucha - ’devi ! ap kis sthan par aur kis prakar ke manushyon ke pas rahti hanai? lakshmi ji ne uttar diya - ’jo manushya mitbhashi, karya kushal, krodhhin, bhakt, kritagya, jitendriya aur udar hai, unke yahan mera nivas hota hai. sadachari, dharmagya, bade budhon ki seva men tatpar, punyatma, kshamashil aur buddhiman manushyon ke pas sada rahti hun. jo striyan pati ki seva karti hain, jinmen kshama, satya, indriya-sanyam, sarlta adi sadgun hote hain, jo brahmanon tatha devtaon men shraddha rakhti hain, jinmen sabhi prakar ke shubh lakshan maujud hain, unke samip main nivas karti hun. jis ghar men sadaiv hom hota hai, aur devta, gau tatha brahmanon ki puja hoti hai, us ghar ko main kabhi nahin chodti. lakshmi kahan nahin rahti hai, uske vishay men markandey puran 18/54/55 tatha sharangadhar paddhati 657 men kaha gaya hai-’jiske vastra tatha dant gande hain, jo kafi khata hai tatha nishthur bhashan karta hai, jo suryastakal men bhi soya rahta hai, vah chahe chakrapani vishnu hi kyon n ho, uska lakshmi parityag kar deti hai. vrihaddaivturanjanam 168 men kaha gaya hai ki ‘paraya ann, dusron ke vastra, paraya yan (savari), parai stri aur pargrih vas - ye indra ki shri sanpatti ko bhi haran kar lete hain. lakshmi ji ka kathan hai ki jo alsi, krodhi, kripan, vyasni, apavyayyi, durachari, katu vachan bolne vale, aduradarshi aur ahankari hote hain, unke kitne hi prayatn karne par bhi main adhik din nahin thahrti. mahabhart/shanti parva 225 men ullekh milta hai ki daityaraj bali ne ek bar uchchisht bhakshan kar brahmanon ka virodh kiya. shri ne usi samay bali ka ghar tyag diya. lakshmi ne kaha, chori, duvryasan, apvitrata evan ashanti se main ghrina karti haiun. isi karan aj main raja bali ke rajya ka tyag kar rahi hun bhale hi vah mera atyant priya bhakt raha hai. lakshmi ji ko apne ghar bulaen to kaise yadyapi manushya paryapt karya karta hai, kintu karmanusar fal nahin milta hai, kyonki bhagya unhen sahyog nahin deta evan daridrata tatha nirdhanata uska sath nahin chodti. janmakundli ka dvitiya bhav, dhan, sanpatti v vaibhav kosh ka bhav hota hai. dvitiyesh v dvitiya bhav par sthit grahon ka vishesh mahatva hai. shukra bhog tatha vilas ka karak grah hai, jo jivan men bhog-vilas v kam pradan karta hai. yah jivan men vaibhav tatha samriddhi ka pratik hai. shani kasht, daridrata v abhavon ka karak grah hai. shani mantra ‘un shan shanaishcharay namah’ athva ‘un pran prin praun sah shanaishcharay namah mantra ka kam se kam 23 hajar jap karen. udad, til, tel, loha, kala vastra, ful ya nilam ka yathashakti dan karaen. ghar ke puja grih men dipavli ke din shri yantra ki sthapna karen. mahalakshmi ko kamal gatte ki asli mala pahnayen. ‘un shrin hrin shrin kamle kamlalye prasid prasid shrin hrin shrin un mahalakshmyai namah’ ka jap karen. jap rudraksh, sfatik, lal chandan ya kamal gatte ki mala se karen. dipavli ke din shastrokt vidhi se man lakshmi ki puja karen. ‘shri sukta’ ka yatheshth path, dhan prapti ke lie achuk upay mana jata hai. ek mukhi rudraksh samast kamnaon ko purn karta hai. 6-7 mukhi rudraksh malaon se mahalakshmi mantra ka jap karen. ‘‘prem ke dip men satya ki lau jale, jagmgata rahe harsh se ghar tera. vipda ki ghataen chaten shighra hi, chamchmata rahe chand sa ghar tera ..
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.