क्या नरेंद्र मोदी बनेंगे प्रधानमंत्री

kya narendra modi banenge pradhanmantri  

Ank ke aur Lekh | Sambandhit Lekh | Views : 5546 |  
bhartiya jantaparti ke lokapriya neta narendra modi ka pradhanmantri pad ke lie jab se namankan hua hai uske bad pure desh men narendra modi ke nam ko lekar charcha hai ki kya narendra modi agle chunav men pradhanmantri ban paenge? narendra modi ke pradhanmantri banne ki sanbhavna ko ham jyotish ki najar se dekhte hain ki unke sitare pradhanmantri pad dilane men kitna saksham hain narendra modi ka prarambhik jivan bade sangharsh aur kathinaiyon ke bich gujra, inke pita ek chay ki dukan chalate the. inka janm atyant sadharan parivar men hua parantu batate hain ki ye choti umra se bade sahsi tatha karmath pravritti ke the. choti umra men hi ye rashtriya svayan sevak sangh se jud gaye. inka adhyatmik kshetra men bhi shuru se rujhan tha, inhonne svami vivekanand ke jivan darshan ka gahan adhyayan kiya, jisse yah unse bahut prabhavit hue. inki yogyata aur imandari se prabhavit hokar rashtriya svayan sevak sangh ne inhen bhartiya janta parti men padarpan karvaya. ye bha.j.pa. ke rashtriya sangathan mantri bhi rahe. bad men inhen parti men bade najuk sankat ke samay men gujrat ka mukhyamantri banaya gaya parantu inhonne apne karya, kaushal evan buddhi kshamata se parti ke antarkalah ko samapt karke gujrat men parti ko majbut karke naya kirtiman sthapit kiya. gujrat ke vikas karya ki desh men hi nahin apitu videshon men bhi inke vikas madal ki charcha hui. vatrtaman samay men desh bhrashtachar, manhgai ki mar se vyakul hai, desh ki dasha ko dekhakar pratyek nagrik duahkhi hai. log satta parivartan chahte hain. isi pariprekshya men desh ki sabse vadi vipakshi parti bha.j.pa. ki or logon ka rujhan badhna svabhavik hai ki desh ki bagdor anubhvi, imandar tatha majbut vyakti ke hath men rahe. vatrtaman samay men desh ke adhikansh log narendra modi par agami pradhanmantri ke rup men bharosa jata rahe hain. jyotishiya drishtikon ke anusar inki grah sthiti iske lie kitni anukul hai yah inke grah evan nakshatron ke anusar hi ankalan kiya ja sakta hai. inki kundali men buddhi sthan ka svami brihaspati kendra men sthit hai tatha buddhi sthan par labhesh, dashmesh budh tatha surya ki drishti hai jiske falasvarup inki atyant tivra buddhi hai sath hi buddhi sthan men shubh-rashi men sthit rahu tatha shubh rashi men sthit ketu ki drishti se inmen shighra nirnay lene ki kshamata vidyaman hai. shatrumarak rajyog- saravli granth ke anusar yadi lagnesh lagn men svarashi ya mitra rashi ka ho, tatha vah mitra grah se drisht ho athva lagn men shubh grah hon to yah yog banta hai. inki kundali men lagnesh mangal apni svarashi men hai tatha lagn men shubh grah chandrama sthit hai jiske karan ye apne virodhiyon par bhari padte hain. jo bhi inka virodh karta hai vah svayan hi dharashayi ho jata hai aur ye vijyi hokar age badh jate hain. ruchak mahapurushyog- lagn men svagrihi mangal se yah yog ban raha hai. is yog ke prabhav se ye utsahi chust, tejasvi, balvan aur nirbhay prakriti ke vyakti hain. bhagyavan yog- bhagya sthan ka svami lagn men lagnesh ke sath sthit hai tatha bhagyesh chandrama se do naisargik shubh grah guru aur shukra kendra men sthit hain. jiske falasvarup inki samasyaon ka shighra samadhan ho jata hai tatha inko apne kaya ka shubh fal bhi purn rup se shighra hi prapt hota hai. yah ek achche bhagya ka hi sanket hai. shreshth yog- sarvarth chintamni ke anusar yadi sukh bhav men brihaspati ho tatha sukh bhav ka svami shubh grah se yukt, drisht ho to vyakti ghar-parivar tatha samaj men shreshth banta hai. inki kundali men yah yog purnatah ghatta hai. brihaspati sukh bhav men sthit hai tatha sukh bhav ka svami shani shubh grah shukra se yukt hai jiske prabhav se narendra modi sachmuch hi ek shreshth aur bhagyashali vyakti hain kyonki vartaman men parti men kai varishth neta hone par bhi ye pradhanmantri banne ke sabse prabal evan suyogya davedar hain. parti men hi nahin apitu sarva sadharan janmanas men bhi ye agami pradhanmantri ke rup men sabse suyogya evan shreshth vyakti hain. nichbhang rajyog- kundali men bhagyesh chandrama ki sthiti se prabal nich bhang rajyog ban raha hai, chandrama jis rashi men nich ka ho raha hai, us rashi ka svami chandrama ke sath hi kendra men hai tatha chandrama jis par uchch ka hota hai us rashi ka svami shukra bhi chandrama se kendra men hai jisse yah ek prabal, sashakt nich bhang rajyog ban raha hai jiske shubh prabhav se ye ek chote sadharan parivar men janm lene par bhi ek asadharan rajneta ke rup men ubharakar samne aye hain. gajkeshri yog- chandrama se guru kendra men hone se ek shubh gajkeshri yog ban raha hai. is yog ke karan inhen jivan men uchch man-samman, pad evan pratishtha ki prapti ho rahi hai. achal lakshmi yog- mansagri jyotish granth ke anusar yadi mangal ke sath chandrama sthit ho to yah yog banta hai. inki kundali ke lagn bhav men svagrihi mangal ke sath chandrama sthit hone se yah yog purnarupen ghatit ho raha hai. is yog ke shubh prabhav se ye jab se gujrat pradesh ke mukhyamantri bane hain tab se gujrat tivra gati se vikas kar raha hai. modi gujrat men anek labhkari yojnaon ko lane men safal hue hain. jisse pradesh men arthik sampannata badhi hai. sarpatulyapratapi rajyog-saravli granth ke anusar yadi kundali men shukra guru se drisht ho to vyakti sarparaj ke saman pratapi rajaon ka bhi raja hota hai. inki kundali men yah yog purn rup se ban raha hai. brihaspati ki chaturth sthan se shukra par purn drishti hai. is yog ke prabhav se modi abhi gujrat pradesh ke raja hain tatha age 2014 men rajaon ke bhi raja jaise pradhanmantri pad ko prapt kar sakte hain. age bhavishya men mai 2014 se 22 julai 2014 tak brihaspati ki antardasha men shukra ki hi pratyantardasha rahegi. arthat is avdhi men inhen uchch pad pratishtha ki prapti hogi. chatrachanvar prapti rajyog- jatak parijat jyotish granth ke anusar chaturthesh grah yadi dasham sthan men shubh grah yukt ho to yah yog banta hai. inki kundali men chaturthesh shani dasham sthan men shubh grah shukra ke sath sthit hone se yah yog purn rup se ghatit ho raha hai jiske prabhav se ye vigat kai varshon se gujrat men sammanpurvak ekachatra raj kar rahe hain. vartaman samay men modi ji ki prabal nichbhang rajyog karak chandrama ki mahadsha chal rahi hai tatha chandrama men brihaspati ki antardasha 3 janvri 2015 tak rahegi. brihaspati kundali ka shubh yogkarak grah hai tatha dasha nath chandrama se antardasha nath brihaspati kendra men hone se yah samay inke lie atyant shubh rahega, inke paksh men desh men sakaratmak mahaul men dinon-din vriddhi hogi tatha kuch sangharshon ke bavjud ye desh ke agle suyogya pradhanmantri ban sakte hain. vastav men sabse bada bhavishyavakta to sarvavyapi ishvar hi hai, hamara yah grah nakshatron ke anusar ek jyotishiya vishleshan matra hai.
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.