लक्ष्मी प्रदायक श्री कुबेर यंत्र

lakshmi pradayak shri kuber yantra  

Ank ke aur Lekh | Sambandhit Lekh | Views : 9492 |  

is lekh men vibhinn prakar ke dhan lakshmi prapti yantron ke pujan v anushthan vidhi tatha uddeshyon ki charcha ki gai hai. smaran rahe dhan lakshmi yantron ka vidhivat pujan vishesh faldayi hota hai. vibhinn prakar ke shriyantra, dhan lakshmi yantra, mahalakshmi yantra, v dhanadipti kuber yantra adi niyamit rup se puja karne par arthik samriddhi pradan karne men saksham hote hain.

‘shri yantram

‘shri yantra’ ath prakar ka hota hai- 1. meruprishthiya shri yantra, 2. kurmaprishthiya shri yantra, 3. dharaprishthiya shri yantra, 4. matsyaprishthiya shri yantra, 5. udhrvarupiya shri yantra, 6. matangiya shri yantra, 7. navnidhi shri yantra, 8. varahiya shri yantra.

shri yantra suvarn, rajat evan tamra dhatuon ke atirikt sfatik evan parad ke bhi hote hain. sarvottam shri yantra sfatik mani ka mana jata hai.

1. shri yantra ko dipavli ki ratri men puja sthan men rakhakar uski puja karen aur fir lal vastra men bandhakar tijori ya rupye-paise rakhne vale baks men sthapit karen to nirantar arthik unnati hoti rahti hai.

2. puja sthan men shri yantra ko sthapit karke dipavli ki ratri ko uske samne 108 dipak jalakar, kamalagatte ki mala se nimn mantra ka jap ek mala karen to tatkshan arthik-unnati ki sanbhavnaen badh jati hain:- mantra: ‘‘un shrin hrin shrin kamlvasinyai namah.’’

3. shri yantra lakshmi ka adharbhut yantra hai aur yah apne ap men vilakshan hai. apki har vipatti men iska prayog saflta pradan karega. arthik unnati hetu ‘dashmhavidyayukt panchdhatu’ ke shriyantra ko purvonmukhi hokar samne bajot (chaiki) par sthapit karen, fir keshar, chaval se puja kar dhup-dip karen aur kamalagattee ki mala se nimn mantra ka dipavli ki mahanisha men kam se kam 11 mala jap avashya karen-

mantra ‘‘un shrin hriin shrin kamle kamlalye prasid prasid shrin hriin shrin un mahalakshmyai namah.

’’

iske bad samast samagri ko puja sthan men sthapit kar den.

4. nirantar arthik unnati ki kamna hetu bajot (chaiki) par pili vastu jaise- chane ya arahar ki dal, haldi se rangen.

chaval adi ki dheri par ‘meruprishthiya shri yantra’ ko sthapit karke us par kamal pushp chadhana chahiye. iske bad nimn mantra ki 3 mala jap karni chahie.

mantra: ‘‘un hrin shrin mahalakshmyai namah..’’

5. vyapar vriddhi hetu ‘shri yantra’ ki pujakar dipavli ki ratri men shri yantra ko nile vastra par sthapit kar 11 ghi ke tatha 10 tel ke dipak jalayen, fir 108 kamal pushp (abhav men kamalagatte) chadhate huye nimn mantra ka jap ek mala karen-

mantra: ‘‘un shrin hriin shrin kamlvasinyai namah..’’

not:- yadi pushp chadhaye hain to dusre din sare pushp ikatthe kar kisi mandir men lakshmi ya ganesh ke charnon men chadha den. yadi kamalagatte chadhaye hain to shriyantra sahit kapde ki potli bandhakar ghar ki tijori men rakh den.

6. yadi koi grihasth ek patra men kamalagatte bharakar us par shriyantra ko sthapit kare evan puja ke samay nitya kamalagatte alag se arpit kare tatha pile pushp athva haldi se range chaval arpit kare to man lakshmi ki kripa bani rahti hai.

lakshmi puja men kamalagatte ki mala ka prayog karen. puja ke bad yantra tatha mala puja sthan men sthapit karen. nitya man lakshmi se apni unnati ki prarthana karte rahen.

shri mahalakshmi yantram

arthik sanpannata ke lie ‘shri mahalakshmi yantra’ ki sadhna ati sugam aur labhkari hai.

1. lakshmi yantra par sadhak dipavli ki ratri ko 21 gulab ke pushp rakhakar ‘‘un shrin shriyai namah’’ mantra ki 21 mala ka jap kare to daridrata samapt hoti hai.

2. lakshmi yantra ko bayen hath par rakhakar, dahine hath se us par ‘un shri lakshmyai namah’ mantra se ek-ek chaval 108 bar rakhen aur uchcharan karen to ghar men lakshmi ka agaman praranbh ho jata hai.

3. budhvar ke din lakshmi yantra ko ghar men sthapit karen to nishchit hi arthik unnati hoti hai.

4. ghar men lakshmiyantra sthapit hone se har prakar ki unnati v arthik sthiti sudhrti hai.

dhanadhipti kuber yantram

kuber devta ka yantra, unki pratima ke tulya prabhavshali mana gaya hai. iski sadhna daridrata-nivaran men ati prabhavshali siddh hui hai. apke ghar men kuber yantra ho to jivan men kisi prakar ki kami nahin rah sakti. kuber yantra ke samne nitya ‘‘un’’ hriin dhan-dhanya samriddhi dehi-dehi kuberay namah’’ mantra ki ek mala jap karen to ghar men ashcharyajanak rup se dhan-dhanya ki vriddhi hone lagti hai. dipavli ki ratri men apne ghar men kuber yantra sthapit karna hi apne ap men atyant saubhagyashali mana gaya hai aur aisa vyakti sabhi drishtiyon men unnati prapt karta hai. dipavli ki ratri maharatri mani gayi hai jo dhan prapti men mahan labhkari siddh hoti hai. is maharatri men har prakar ki siddhi-sadhna safal hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.