लक्ष्मी के अति प्रिय उल्लू की विशिष्टता

lakshmi ke ati priya ullu ki vishishtata  

Ank ke aur Lekh | Sambandhit Lekh | Views : 29621 |  
prakritti pradatt kuch prani ya jiv keval udit prakash men hi dekh pate hain v kuch sher, gidad, kutte, billi adi jaise jiv andhkar v prakash donon hi avasthaon men, kintu inse viprit anuvikshan drishti rakhne vale anokhe pakshi ullu ke netron ki sukshm urja arthat netron ke ati sukshm prakriti vale tare prakash ki ati tivratan ko nahin sahan kar pate, jiske parinamtah uske lie andhkar ki apeksha prakash men dekh pana sanbhav nahin hota. kintu apne inhin anusukshmi vishishtataon ke falasvarup hi andhkar kal men vicharan karne vale nishachron arthat adrishya chayavi shaktiyon ko ye sarlta se dekh lete hain, jinhen sadharntah manushyon ke lie dekh pana sanbhav nahin ho pata. atah is anokh pakshi se judi kuch avdharnaen v gun-visheshi mahattaen apke samaksh prastut ki ja rahi hain: nakaratmak manyataen: is anokhe pakshi ke sandarbh men samaj men anek mishrit avdharnaen hain. sadharntah viran, bhayanak khandhron, janglon v ghane bag-bagichon men rahne vale is pakshi ko nirjanata v vipda ka pratik mana gaya hai. shakun shastra men varnit tatvon se aisa gyat hota hai ki ullu nitya jis sthan ya bhavan par baithne lage us bhag par rahne vale log apdaon v apshkunon ki paridhi men nihit ho jate hain. aisi manyata hai ki ardharatrikal men yadi yah pakshi jis vyakti ke nam ko bar-bar pukare to us vyakti ki shighra hi mrityu ki ashankaen utpann ho jati hanai. ashubh v sankat ke suchak is pakshi ko kuch kshetron men murkhata ya bevkufi jaise muhavron ke rup men bhi prayukt kiya jata hai. sakaratmak manyataen: tamam avdharnaon ke atirikt vyavharik anubhvon v anusandhanon se aisa vidit hota hai ki ullu ka bolna ashubh nahin balki us sthan vishesh par bhut-pret, khabis, jinn, jinnat adi jaise nakaratmak tatvon ke vidyaman hone ke sanket ya suchak hain jise vo apne pratyaksh netron se dekhakar hamen savdhan karta hai. is lie ise apshkun n samajhakar is upalabdh suchna ke tantrikiya samadhan ki avashyakta hai. jyonhi is sthan se aisi chayavi shaktiyan palayit kar jati hain tyonhi us sthan vishesh se is pakshi ke shubh v sakaratmak pakshon ki kai anya manyataen bhi hain. kai vikhyat vyavsayiyon ke dvara apne vyaparik chihnon men is pakshi ke chitra ko prayukt karne tatha apne karya-kshetra ko ati shikhar tak pahuncha dena jaisi safltaon ke anek udaharan dekhe ja sakte hain. is kram men vishva prasiddh hathiyar ke vyapari monasis, bhutpurva amriki rashtrapti kainedi ki arbpti patni jaiklin tatha bharat ke prasiddh prakashan pustak mahal ke vyaparik chihnon ke rup men is pakshi ke chitra ke prayog ke praman atipramukh hain. adhyatmikiya v jyotishiya avdharnaen viran, vikrit bhayavah v bhinna-bhinn apshkunon jaisi samajik avdharnaon se jude is pakshi ko adhyatmikiya manyataon men andhkar men jyoti arthat divya drishti ka pratik mana gaya hai. dharmik kshetron men ati samman purvak sthan rakhne vale is pankshi ko devi lakshmi ke vahan tatha dhan-samriddhi men vriddhi arthat dhan pradayak manak ki sangya bhi di gai hai. sath-sath shubh labh v devi lakshmi ki prasannata hetu is pakshi ke prati samman v usse judi sadhnaon ko is kshetra men atyant mahatvapurn sthan diya gaya hai. iske atirikt jyotishiya avdharnaon men bhi arthik kshetron ke vikas, dhan-labh v shukra grah se sanbandhit doshon athva usse jude vishyon ke nirakaran hetu bhi is pakshi se judi sadhnaon tatha unke chihnon ya chitron ke prayogon ko atyant labhaprad samjha jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.