लक्ष्मी कृपा के ज्योतिषीय आधार

lakshmi kripa ke jyotishiya adhar  

Ank ke aur Lekh | Sambandhit Lekh | Views : 3216 |  

lakshmi prapti sadhna, lakshmi prapti prayog v lakshmi prapti puja karne ke ichchuk sadhak lakshmi kripa ke jyotishiya adhar ka gyan prapt karna chahte hain etadarth is lekh men iska vistrit varnan kiya gaya hai. jisse lakshmi prapti sadhna karne ke ichchuk sadhakagan sadhna ke muhurt ke piche ke vaigyanik adhar ko samajh sakenge v shubh muhurt ka ashray lekar lakshmi prapti sadhna ke marg par nirvighn agrasar honge.

dipavli mahaparva ki paranpra kab se praranbh hui hai yah batana v janna prayah dushkar hai is dipavli parva paranpra ka itihas alg-alag dhang se prapt hota hai.

hamari bhartiya sanskriti ved pradhan hai. vedon ko lekar pauranik sahitya men brahm ki charcha hui hai. brahm ka dusra nam vidya bhi hai. shakt sanpraday men is brahm ya vidya ki sadhna ke das pradhan marg bataye gaye hain. yahi das marg hain- kali, tara, shodshi, bhuvneshvari, chinnamasta, bhairvi, dhumavti, baglamukhi, matangi evan kamla. kamla ko hi laukik jivan men mahalakshmi ke nam se jana jata hai. puranon mane samudra manthan ki katha ka vistar se ullekh hua hai. mahalakshmi isi samudra manthan se prakat hui thin.

jyotish ke anusar dipavli parva kab manaya jata hai? granthon men bhi iska vistar se vivechan kiya gaya hai.

mata mahalakshmi ka prakatya divas kartik krishn amavasya ko manaya jata hai. tula ke surya men chaturdashi ya amavasya ke din pradosh kal men manushya dip lekar pitron ka ashirvad len, kanya sankranti men pitri shraddh paksh hota hai- tula sankranti men pitrigan svasthan men hote hain. pitron ke prasann hone se devagan prasann hote hain aur devgnon ke prasann hone par dhan ka agaman hota hai.

is din surya tula rashi men aur svati nakshatra hone se chandra bhi tula rashi men hota hai. chandra v surya tula rashi (ek hi rashi men) men hone se amavasya ka yog bhi banata hai. is avasar par bhautik samriddhi hetu mata mahalakshmi ka ashirvad prapt karne hetu pujan kiya jata hai.

jyotishiya drishti se tula rashi surya ki nich rashi hai aur yah rashi shukra ki hai- kal purush ki kundli anusar shukra dvitiya dhan aur saptam bhav ka svami hai. har manushya ki mul pravritti dhan prapti ki ichcha hai. shukra ki rashi tula men atmakarak surya v man ke karak chandra (chaturthesh v panchmesh) ki ek hi rashi men kendra aur trikon sanbandh se lakshmi yog ki srishti hoti hai. nichasth apni nich rashi ko purn drishti se dekhte hue viprit rajyog ki rachna karte hue svasthya ki vriddhi karega. atah dipavli ke din man lakshmi ke agaman ka vidhan hai. jab man lakshmi a rahi hoti hain to unka svagat v pujan avashyak hai.

bhartiya jyotish men muhurt ka vishesh mahatva hai. mahalakshmi puja vidhan men godhuli vela, pradosh kal, mahanisha, sthir lagn vrishabh evan sinh lagn ka vishesh mahatvapurn muhurt hai. shri evan samriddhi prapt karne ke lie is samay ki gai mahalakshmi ki puja-upasna shighra hi shubh faldayi hoti hai.

godhuli evan pradosh kal men atm karak surya bhagya bhav (navm) men sthit hota hai tatha mahanisha kal men yahi surya vidya-buddhi bhav (panchm) men hota hai. yahi samay vah samay hota hai jab bhautik sukh-samriddhi gyan evan buddhi ke sath hoti hai jo sthir lakshmi prapti men sahayak hai. ab sinh lagn men puja-upasna karna-tritiya bhav men surya-chandra ki yuti parakram sthan men hogi. rahu ke nakshatra men tritiya sthan parakram bhav men hone se sarvabadha nivaran yog ki rachna karega kyonki svati nakshatra rahu ka nakshatra hai. rahu tritiya bhav men uchch ka hoga. surya rahu se pidit hokar viprit raj yog ki rachna karega. inhin jyotishiya karnon se dipavli men sinh lagn ko mahatta di jati hai. ardh ratri men jab-jab sinh lagn ata hai usi samay man lakshmi ke agaman ka samay mana gaya hai. brahm puran ke anusar ardharatri men lakshmi pujan shreshth mana gaya hai. pradosh kal men hi dipon ki pankti se ghar sajakar dipmlika manana chahie. shastron men dipavli ke is bhadra parva ko triratriparva bataya gaya hai. mahakali, mahalakshmi, mahasarasvati in shaktiyon ke puja upasna ke rup men dhan trayodshi, rupchturdashi v dipavli in ratriyon men akhand dipak jalae jate hain. apni daridrata dur karne ke lie tinon hi din man lakshmi ki aradhna karni chahie. jahan tak man lakshmi ke pujan ka prashn hai, vyapar aur vyavsay ke anusar hi pujan ke lagn (muhurta) ka chayan karna chahie. samanya grihasth, sevakarmi, saundarya prasadhan ke nirmata v vikreta, vastra vyavsayi, bhavan nirman, git-sangit v abhinay se jude vyaktiyon ko vrish lagn men pujan karna chahie. jo vyavsayi karkhane, kanpyutar, medikal, mashinri ityadi ka nirman v vikray karte hain, sanchalit karte hain unhen sinh lagn men pujan karna chahie.

Kya aapko lekh pasand aaya? Subscribe
Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.