brihat_report No Thanks Get this offer
fututrepoint
futurepoint_offer Get Offer
श्री राम भक्त हनुमान एवं शनि देव

shri ram bhakt hanuman evan shani dev  

Ank ke aur Lekh | Sambandhit Lekh | Views : 1940 |  
ek bar ki bat hai. surya dev astachal ke samip pahunch chuke the. shitl-mand samir bah raha tha. gandhmadan parvat par bhaktaraj shrihnuman ji maharaj apne parm prabhu shriram ki bhuvan mohan jhanki niharte huye bhakti men anand vihval the. unka rom-rom pulkit tha. dhyanavasthit anjney ko bahya jagat ki smriti bhi n thi. usi samay chayaputra shanidev udhr se gujre. unhen apni shakti evan parakram ka atyadhik ahankar tha. ve man hi man vichar kar rahe the ki mujhmen atulniya shakti hai. is srishti men meri samta karne vala koi nahin hai. samta to dur ki bat hai, mere ane ki suchna se hi bare-bare ranvir yoddha evan parakramshil manushya hi nahin dev-danav tak bhi tharra uthte hain. vyakul hone lagte hain. main kya karun, kiske samip jaun jahan usse do-do hath kar sakun? meri shakti ka koi upyog nahin ho raha hai. isi udher-bun men lage shanidev ki drishti dhyanamagn shriram bhakt hanuman par pari. pavnputra ki dhyanamagnata evan shantipriya vatavaran ko dekhkr shanidev ko unse ishrya hone lagi. ishrya, udasinta, mithya ahankar shani prabhavit vyakti ki khas pradhanta hoti hai. shanidev ka akaran ahankar jaga aur unhonne socha niyamanusar main iski rashi par to a hi gaya hun, kyon n ab do-char patkni dekar, iski durdasha ka anand bhi hathon hath le lun. ahankar men bhare shani ne pavnputra ke nikat jakar atishay uddandta ka parichay dete hue atyant karkash svar men unhen lalkara- bandar ! main prakhyat shaktishali shani tumhare samaksh khara hun aur tumse yuddh karna chahta hun. atah apna ye pakhand tyagakar mujhse yuddh ke lie khare ho jao. tiraskar karne vali atyant katu vani ko sunakar bhaktaraj hanuman ne apne netra khole aur atyant shalinta ke sath madhur vani men bole- maharaj ! ap kaun hain aur kahan se padhare hain aur apke padharne ka uddeshya kya hai? shani ne ahankarpurvak uttar diya - main parmtejasvi surya ka param parakrami putra shani huain. sansar mera nam sunte hi kanp uthta hai. mainne dev-danv evan manushya lok men sarvatra tumhari prashansa suni hai. islie main tumhari pariksha lena chahta hun. main tumhari rashi par a chuka hun. atah tum kayrta chor nidar hokar mujhse yuddh karo, meri bhujaen tumhare bal ka parimapan karne ke lie farak rahi hain. main tumhen yuddh ke lie lalkar raha hun. anjana nandan ne atyant vinamratapurvak kaha- he shani dev ! main atyant vriddha ho gaya hun aur apne prabhu shriram ka dhyan kar raha hun, ismen vyavdhan mat dalie. kripapurvak ap anyatra kahin or chale jaen. madamast shani ne sagarva kaha- main kahin jakar lautna nahin janta hun, vahan apni prablta aur pradhanya to sthapit kar hi deta hun. vanar shreshth ne shanidev se prarthana ki- he mahatman ! main atyant vriddh ho gaya hun. yuddh karne ki kshamata mujhmen nahin hai. majhe apne prabhu shriram ka dhyan karne dijie. ap yahan se jakar kisi aur vir yoddha ko dhunrh lijie. mere bhajn-dhyan men vighna mat dalie. ‘‘kayrta tumhen shobha nahin deti.’’ atyant uddhat shani ne mallavidya ke parmadhya vajrang shri hanuman ki avmanna ke sath vyangyapurvak karkasha svar men kaha- tumhari sthiti dayniya hai ise dekhakar mere man men karuna ka sanchar avashya ho raha hai parantu main tumse yuddh avashya karunga. itna hi nahin shani ne dushtagrah nihanta mahavir ka hath pakar liya aur yuddh ke lie lalkarne lage. hanuman ne jhatakakar apna hath chura liya. yuddh lolup shani punah bhaktavara hanuman ka hath pakarakar unhen yuddha ke lie lalkarte hue khinchne lage. ‘‘ap nahin manenge.’’ dhire se kahte hue pishach grah ghatak vanar shreshtha ne apni punch barhakar shani dev ko usmen lapetna shuru kar diya. rudra ke anshavtar shri hanuman ne apni punch men aisa kasa ki kuch hi kshanon man avinit suryaputra krodh sanrakta lochan samiratmaj ki sudrirh puchcha men akanth abaddh ho gae. unka ahankar unki shakti evan unka parakram vyarth siddh hua. ve sarvatha ashay, avash aur nirupay hokr drirhta bandhan ki pira se chatpta rahe the. itne men hi ramsetu ka parikrama ka samay ho gaya tha. anjnanandan uthe aur daurte hue setu ki pradakshina karne lage. shanidev ki sanpurn shakti se bhi unke bandhan shithil n ho sake. bhaktaraj hanuman ke daurne se unki vishal punch vanr-bhaluon dvara rakhe gaye shilakhandon par girti ja rahi thi. punch se bandhe shani pattharon, shilakhandon, bare-bare vishal vrikshon se takrakar lahu-luhan evan vyathit ho uthe. viravar shri hanuman daurte hue jan-bujh karke bhi apni punch shilakhandon par patak dete the. shani ki bari adbhut evan dayniya halat thi. shilakhandon par patke jane se unka sharir rakt se lahuluhan ho gaya. unki pira ki sima nahin thi aur ugraveg hanuman ki parikrama men kahin viram nahin dikh raha tha, tab shani atyant katar svar men prarthana karne lage- karunamay bhaktaraj ! mujh par daya kijie. apni uddandta ka dand main pa gaya. ap mujhe mukta kijie. mera pran chor dijie. dayamurti hanuman khare hue. shani dev ka ang-ang lahuluhan ho chuka tha. asadhya pira ho rahi thi unki rag-rag men. vinitatma samiratmaja ne shani se kaha- yadi tum mere bhakta ki rashi par kabhi n ane ka vachn do to main tumhen mukt kar sakta hun aur yadi tumne aisa nahin kiya to main tumhen kathoratam dand pradan karunga. sukhandit viravar ! nishchay hi main apke bhakt ki rashi par kabhi nahin jaunga. pira se chatptate hue shani ne atyant aturta se prarthana ki - ap kripapurvak mujhe shighra bandhan mukta kar dijie. sharnagatavatsal bhaktapravar shri hanuman ne shani ko chor diya. shani ne apna sharir sahlate hue garvaphari marutatmaj ke charnon men sadar naman evan vandan kiya aur chot ki asvasth pira se vyakul hokar apni deh men lagane ke lie tel mangne lage. us din manglvar tha. manglvar ke din unhen jo tel pradan karta hai use ve santusht hokr ashish dete hain. manglvar ke din shri hanuman ji maharaj ko jo manushya tel charhata hai vah sidha shani ko prapt hota hai aur shani prasann hokar manav ko ashirvad pradan karte hain.
Kya aapko lekh pasand aaya? Subscribe
Kya aapko lekh pasand aaya? Subscribe

hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

.