शनि दशा फल

shani dasha fal  

Views : 2206 | June 2016

shani jo ki naisargik rup se pap grah hai vah duahkh, daridrata, apvitrata, patan, vikriti, dasatva, bandhan, shithilta, nimn varga-jati, kathin parishram ki badhyata pradan karne ka karan banta hai to vahin asakti ka tyag, duahkh ka samna karne ka samathrya pradan karta hai; avashyakta ko simit rakhne ki pravritti, daridrata ke kasht ka anubhav nahin hone deti hai; vairagya, samman hani v dhan, putra athva stri hani ke kshobh se mukti pradan karta hai;

seva karne ki bhavna v pravritti, bandhan men rahne v naukar banne ki prakriya ko sakaratmak drishtikon pradan kar deti hai, kathin parishram, jivan men ane vali saflta ka marg prashast karta hai; dirghata chahe jivan ki ho ya parishram ki, avashyak paristhati men labhkari siddh hoti hai. inke atirikt shani kal purush ki kundli men dashmesh v ekadshesh hokar jan-pratinidhi, karya-kaushal v upalabdhiyan pradan karne ka karya bhi sanchalit karte hain.

kisi bhi grah ki dasha ke falon ka mukhya adhar us dashanath grah ke svamitva bhavon, dashesh ki sthiti v un par parne vale shubh v ashubh grahon ka prabhav hi hota hai. inke dvara kundali men banne vale vibhinn yog hi grah ki dasha ane par falibhut hote hain evan anukul gochar ki sthiti dvara jatak ko prapt hote hain. ab yadi kundali men ashubh dashesh dvara ashubh yogon ka abhav ho anyatha yogon v dasha ke pratikul gochar hane tab bhi us ashubh grah ki dasha men ashubh fal prapt nahin honge.

sarvapratham ham yahan lagn ke adhar par janenge ki shani ki dasha hamare jivan men kis prakar ke fal lekar ayegi. shani ke svamitva ke adhar par fal: yogkarak shani: vrish v tula lagn ke lie shani yogkarak hokar atishubh faldayi hote hain. lagnesh shani: makar v kumbh lagn ke lie shani shubh faldayi hote hai trikonesh shani: mithun v kanya lagn ke lie shani mishrit faldayi hote hain kyonki inhen trikon sthan ke sath ek-ek ashubh bhav ka bhi svamitva prapt hota hai. atah yahan shani ki shubh athva ashubh sthiti, kundali men shani ke falon ki shubhta nirdharit karne men nirnayak hoti hai.


jivan ki sabhi samasyaon se mukti prapt karne ke lie yahan klik karen !


ashubh shani: kark v sinh rashi ke lie shani ati ashubh faldayi hote hain. anya sabhi sthitiyon men shani samanya fal dene vale hote hain. shani ki sthiti ke adhar par falah ab shani ki lagn kundali men sthiti uprokt falon ki shubhta v ashubhta men vriddhi athva kami kar deti hai, yahan shani yadi trikon bhavon men sthit hon to shubhta men vriddhi jabki duah sthanon 6, 8, 12 men hon to shubhta men kami athva ashubhta men vriddhi kar dete hain, vahin kendra sthanagat hone par vahan sthit grahon athva drishti karne vale grahon ke adhar par shubhta v ashubhta men vriddhi athva kami karte hain jabki marak sthanagat hone par dhan, stri v lokchvi ke madhyam se kashtakari siddh hote hain.

atah yadi ap vrish ya tula lagn ke jatak hain aur shani yadi pancham ya navam men sthit hai to apko tanik bhi bhaybhit hone ki avashyata nahin hai kyonki ane vali shani ki dasha apke jivan men upalabdhiyan, samman, uchch pad aur samriddhi pradan karne vali hogi. yadi mesh lagn ho aur shani kisi bhi trikon sthan men sthit hon to bhi shani ki dasha karya v upalabdhiyon ki drishti se labhkari hi rahegi jabki vaivahik sukh ke drishtikon se kuch sangharshon ka samna avashya karna par sakta hai.

parantu yadi kark athva sinh lagn ke jatak ki kundali men shani, marak sthan 7, 2 athva 6, 8, 12 men sthit hon v inke svamiyon dvara pirit hon to shani ki dasha atyant kashtakari ho sakti hai, vahin shani ki trikon sthan men sthiti ashubh falon men kami kar degi. yahan dhyan dene yogya bat yah hai ki jab ashubh bhavon se sambandh hone ke sath-sath mangal, marak bhav athva markesh se bhi sambandh ho jaye tab arisht ki pushti manni chahie.

ab prashn ye uthta hai ki yadi shani hamari kundali men ashubh faldayi hon tab shani ki dasha ke 19 varshon ka hamara jivan kya duahkh, pira men hi vyatit hoga? ham jante hain ki pratyek grah ki mahadsha ke falon ke prapt hone men unki antardashaon ka vishesh yogdan hota hai athva yah kahen ki antardashesh grah hi mahadsha ke falon ko kriyashilta pradan karte hain v un falon ko adhik shakti athva durbalata ke sath age barhate hain, kabhi-kabhi to antardashesh ka prabhav mahadshanath ki apeksha itna prabal hota hai ki mahadshesh ke svayan ke fal bhi kshin ho jate hain aur apeksha ke viprit fal prapt hone lagte hain.

aisa hi kuch shani ki dasha men bhi hota hai. aiye, shani dasha ki aisi hi kuch paristhitiyon par ek najar dalte hain- svayan ki antardasha: shshani yadi apki janm kundali men svakshetri, mulatrikoni, uchch rashi ke athva shubh sthanagat hon to samajik, bhumi v vibhinn kshetron men adhikaron ki prapti hoti hai vahin yadi shani kundali men ashubh avastha v sthiti men ho to brihadparashar ke anusar antardasha ka prarambhik do tihai bhag bhay, kasht, rog ke karan ashubh hota hai parantu antim bhag apratyashit rup se shubh paristhityan pradan karne vala hota hai.


get detailed kundli predictions with brihat kundli phal


budh antardasha: bali v shubh budh; vidya labh, samman, yash, kirti, tirth v vyapar labh pradan karti hai vahin agocharasth, ashubh grahon dvara prabhavit v ashubh sthanagat (6,8,12 bhavon) budh ki antardasha prarambh men pad, dhan v adhikar labh pradan kar deti hai jabki madhya v antim bhag piradayi v sarvanashkari siddh ho jati hai. shukra antardasha: ye antardasha atyadhik vismayakari prabhav lekar ati hai.

yadi yah kundali men nirbali hai to usi sthiti men ye shani ke falon ko unki shubhta v ashubhta ke adhar par antardasha men pradan karta hai parantu bali shukra ki sthiti men viprittah shukra ke fal prapt hone lagte hain vahin yadi shani v shukra donon hi bali hon tab virodhi prakriti v kriyashilta ke karan ek-dusre ke falon ka daman karne lagte hain. aisi sthiti apratyashit v viprit vatavaran paida kar, jivan men uthl-puthal ki sthiti utpann kar deti hai. rahu antardasha: ashubh grahon dvara prabhavit v ashubh sthanagat rahu bhay, virodh, grah tyag v hani pradan karta hai

parantu yadi rahu kundali men yogkarak athva trikon sthanagat ho ya mesh, vrish, kark, sinh, kanya ya dhanu rashi ka ho to aisi antardasha aishvarya, samman, vastra-abhushan v anek labh pradan karne vali ho jati hai. guru ki antardasha: yah antardasha samanyatyah shubhfldayi hi hoti hai jo samman, dhan, prasiddhi, gyan, vairagya v adhyatmik labh dene vali hoti hai.

jab guru pap grahon dvara prabhavit v 6, 8, 12 sthanagat ho tatha mahadshesh shani se 3, 6, 8, 12 sthit ho tab yah antardasha kashtaprad v hanikar ho jati hai anyatha mahadshesh se guru ki shubh sthiti vaibhav, sukh, dayaluta, vaidik gyan labh v mahan kirti bhi prapt kara deti hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe


.