प्रेम की जीत

prem ki jit  

Ank ke aur Lekh | Sambandhit Lekh | Views : 1455 |  
yah kahani hai sasha ki jisne janm liya tha ek dhanadhya parivar men. sasha aranbh se hi bahut hi khubsurat, jahin aur khel kud men bhi avval rahti. bachapan se uske pita use bete ki tarah pyar karte, uski har ichcha ko pura kiya jata. apne marvari parivar men uski parvrish beton ki tarah ki gai aur parhai men bhi vah bahut hoshiyar thi isilie usne injiniyaring kaelej men pravesh liya. uske pita use bara injiniyar banana chahte the. sasha apne kaelej men bahut hi prasiddh thi. tichars bhi us par jan chirkte the. vah apni kaelej ki baesket bael tim ki kaiptan thi tatha anya khelon men bhi badh-charh kar hissa leti thi. injiniyaring ka tisra sal chal raha tha. uske lie ek se ek achche ghar se rishte a rahe the par uske papa abhi sasha ki parhai khatm hone ka intjar kar rahe the. tabhi sasha ke kaelej men khelon ka turnament hua. sasha bhi unmen se kafi gems men hissa le rahi thi. turnament ke dauran uski mulakat vinit se hui jo uski tarah apni tim ka kaiptan tha aur uska mukabla adhikatar usse hi hota aur vah kai gems vinit se har chuki thi. pahle to sasha ko us par bahut gussa ata tha par dhire-dhire vah vinit ki taraf khinchne lagi. vinit bhi kafi akarshak vyaktitva rakhta tha. ve donon aksar milne lage. ek din sasha ne vinit ko apne ghar lanch par bulaya to vinit uske ghar ki an-ban aur shan dekhakar bhanaichakka rah gaya. uske ghar men to ek do sabjiyon se hi khana khaya jata tha par yahan vah thali men rakhi katoriyan hi ginta rah gaya. use laga jaise vah kisi rajamahal men a gaya hai. usne jab sasha ko apne dil ki bat batai to vah hansne lagi kyonki uske lie yah am bat thi. sasha ne kabhi uske stetas ya parivar ke bare men janne ki ichcha hi nahin dikhai. idhar sasha ki injiniyaring puri hone vali thi to uske pita uske vivah ki bat karne lage par sasha ka man to vinit par atka tha. chunki vinit jat v ek sadharn parivar se tha uske pita kabhi bhi uske sath sanbandh karne ko raji nahin honge aisa vo achchi tarh janti thi par vah kisi bhi surt men vinit ko nahin chor sakti thi isliye unhonne ghar se bhagne ka plan banaya. vinit ne use bahut samjhaya ki papa se agya le lo par sasha apne papa ko janti thi aur unhonne apne doston ke sath milakar banglor se dilli ane ka plan kar liya. idhar jab uske papa ko thora sa shak hua to unhonne apne pulis ke doston ke sath milakar pure banglor ki naka bandi kar di, rel aur eyrport sab jagah unki cheking ki ja rahi thi par sasha aur vinit bhi apne doston ke sath kuch din chip kar rahe aur mauka milte hi dilli pahunch gaye jahan unke parivar ne unka vivah kar diya. sasha jab apni sasural pahunchi to ekadam bhaunchakki rah gai. chota sa ghar, ghar men kafi sare log, do kutte sabhi ka khana uski sas hi banati thi apne ghar men jahan usne ek gilas pani bhi lekar nahin piya vahan aisa dekhkr use chakkar ane lage lekin usne apni bhavnaon par kabu rakha aur sas ke sath milakar rasoi men kam karne ki koshish karne lagi. din men to apne upar niyantran rakhti par rat ko vinit ke pas jakar khub roti. use apne kiye par pachtava nahin tha par kaise vah us ghar men ramegi isi ka intjar tha. kuch din men papa ka bulava aya ki ab jo hona tha ho gaya ve ab uska vivah dhumdham se karna chahte the. sasha bahut khush ho gai. ve sab banglor pahunche. sasha ke rishtedar vinit ke rishtedarane ko dekhakar bahut nak munh sikor rahe the aur bahut ashcharya chakit the ki kaise rajkumari si sasha unke astabal jaise ghar men rah paegi. par sasha ne har nahin mani. vinit ke pyar v sath se usne apne ghar ko naya rup diya. donon ko bahut achchi naukri mili aur usko aj do bete hain aur vah apne sas-sasur ke sath hi rahti hai. ab donon apna khud ka kam karte hain aur sasha ke mata-pita bhi unse khush rahte hain. sasha janti hai ki shayad papa ki marji se ki gai shadi men vah bahut dhani hoti par aj vah apni mehanat, apni pasand aur apne pyar par garva karti hai. jyotishiya vishleshn prem ke kshetra men saflta ke lie janmakundli men shukra ki shubh sthiti sarvadhik karagar hoti hai. vinit ki kundli men shukra lagn bhav men sthit hai jise shukra ki sarvashreshth sthiti mana jata hai sath hi bhagyesh guru shukra ki rashi men sthit hai. vinit ka lagnesh chandrama hai tatha lagn men shubh grah ki sthiti ne use sanvednshil, sabhya, sushil tatha akarshak vyaktitva ka dhani banaya. chaturthesh (hridy) shukra to kundli men bali hokar baitha hi hai sath hi chaturtha bhav men shubh grah ki sthiti ke chalte vinit apne nam ke anurup sundr hriday v sundar mastishk ka svami hai. inki kundli men char lagn hai tatha guru, shukra v shani ye tinon kendron men sthit hain. ise anshavtar yog kahte hain tatha is yog vala jatak na keval prem ke kshetra men safal hota hai balki apni yogyata v akarshana ke bal par apne vyavsayik evan samajik jivan men yash prapt karta hai. vinit ki kundli ki inhin visheshtaon ke karan inke vyaktitva men kuch aisa akarshan v yogyata drishtigochar hui ki sasha ne use sadharan parivar se sanbandhit hone ke bavjud bhi apne lie sarvashreshtha samjha. sasha ki kundli men lagnesh shukra shubh grahon se sanyukt hokar dvitiya bhav men sthit hai. inki kundli men bhi bhagyesh shukra ki rashi men sthit hai. islie sasha ke lie jivan men prem sarvopri hai. kul milakar donon ki kundliyan shukra grah ke prabhav ke irda-gird ghum rahi hain. atah in donon ne prem ko sarvadhik mahatva diya aur jamane ki parvah kiye bagair apne prem ko iske safal anjam tak pahunchaya tatha 30 jun 1994 ko jab sasha ki kundli men saptamesh mangal ke upar se shani v guru ka gochriya prabhav ho raha tha to ye donon prany sutra men bandh gaye. sasha ki kundli men lagn men surya evan shani ki yuti ban rahi hai jis par saptamesh mangal evan guru ki purna drishti bhi hai arthat sasha ek bahut hi majbut vyaktitva rakhti hai. tabhi apni marji se vivah ka itna bara faisla le saki aur apne plan par puri tarah amal bhi kar saki. panchmesh budh tritiyesh chandrama, lagnesh shukra ke sath apni hi rashi men hone se vah atyant buddhiman, chatur, madhur bhashi evan achchi shiksha prapt karne men safal hui. shani aur mangal ki apas men purna drishti hone se jahan usne injiniyaring ki aur apni ivent mainejment ki kanpni kholi. parantu inhin grahon ke karan apne vaivahik jivan ko kanton ki rah se bhi gujarna para. vinit ki kundli par vichar karane to panchmesh mangal ki saptam bhav par purn tatha saptamesh shani ki panchmesh mangal evan navmesh guru par purn drishti se uska prem vivah hua. lagnesh aur saptamesh shani ki dasham bhav men yuti ke karan use sasha ka purna sahyog prapt hua aur vah usi ke sath apni kanpni chala rahe hain aur sasha usmen mahatvapurn bhumika nibha rahi hai. sasha aur vinit ki ivent mainejment kanpni bahut achchi tarah se chal rahi hai. shukra ke shubh prabhav ki badault yah kanpni din-pratidin pragti ki rah par isilie agrasar ho rahi hai kyonki ivent mainejment vyavsay ka karak shukra hota hai. sasha ki kundli men lagnasth surya va shani tatha dasham bhavasth mangal nam, yash v achchi yogyata ke kark ban rahe hain. shani ke lagnasth hone se ye labhdayak yojnaen banane men saksham hain. aise logon ki chathi indriya sakriya hoti hai tatha ye samay ki mang ke anukul uchit faisle lene men islie saksham hote hain kyonki ye samay rahte samne vale ke man ki bat v vastu sthiti ko bhanp lete hain. dashamasth mangal hone ke karan ye apni yojnaon ke karyanvayan men bhi safal hoti hain. dhan bhav men shubh grahon ke sthit hone se kariyar men shighra pragti prapt ho rahi hai. inki aisi shreshth grah sthiti age bhavishya men unhen safal v sakshama udyami banane men karagar rahegi. 2021 ke bad 2041 tak shukra ki svarnim dasha ke prabhav ke falasvarup sasha unnati ki bulandiyon ko chu legi.
Kya aapko lekh pasand aaya? Subscribe
Kya aapko lekh pasand aaya? Subscribe


hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

Apne vichar vyakt karein

blog comments powered by Disqus
.