ऐसे हैं मेरे हनुमान

aise hain mere hanuman  

Ank ke aur Lekh | Sambandhit Lekh | Views : 2332 |  
hanuman ji ki upasna se jivan ke sare kasht, sankt mit jate hanai. mana jata hai ki hanuman ek aise devta hanai jo thori-si prarthana aur puja se hi shighra prasann ho jate hain. duniya ke sare mushkil kam sirf shri hanuman ki kripa v smaran se hi asan ho jate hain. manglvar evan shanivar ke din hanumanji ka dhyan karne se jivan manglmy hota hai. parmeshvar ki bhakti ki sabse lokapriya avdharnaon aur bhartiya mahakavya ramayan men ye sabse mahatvapurna vyaktiyon men pradhan hain. hanuman ji ki sabse prasiddh upalabdhi thi, jaisa ki ramayan men varnit hai, bandron ki sena ke agrani ke rup men rakshas raja ravan se larai. parantu kai vidvanane ne hanuman ji ki jati vanar batai hai. hanumanji ka janm kapi namk vanar jati men hua tha. nae shodhanusar prabhu shriram ka janm 10 janvri 5114 isa purva ayodhya men hua tha. shriram ke janm ke purva hanumanji ka janm hua tha arthat aj (farvri 2016) se lagbhg 7130 isa varsh purva hanumanji ka janm hua tha. shodhakarta kahte hain ki aj se 9 lakh varsh purva ek aisi vilakshan vanar jati bharatavarsha men vidyaman thi, jo aj se 15 se 12 hajar varsh purva lupt hone lagi thi aur anttah lupt ho gai. is jati ka nam kapi tha. ek anya ganna ke anusar hanuman ji ka janm 1 karor 85 lakh 58 hajar 112 varsh pahle chaitra purnima ko manglvar ke din chitra nakshatra va mesh lagn ke yog men subah 6.03 baje hua tha. aj varsh men do bar hanuman jayanti(uttar evan dakshin bhartiya) manai jati hai. hanumanji ke sanbandh men yah prashn prayah sarvatra uthta hai ki ‘kya hanumanji bandar the?’ iske lie kuch log ramaynadi granthon men likhe hanumanji aur unke sajatiya bandhav sugriv angdadi ke nam ke sath ‘vanar, kapi, shakhamrig, plavangm’ adi visheshan parhakar unke bandar prajati ka hone ka udaharan dete hain. ve yah bhi kahte hain ki unki puchch, langul, baldhi aur lam se lankadahan ka pratyaksh chamatkar iska praman hai. yah bhi ki unki sabhi jagh sapuchch pratimaen dekhakar unke pashu ya bandar jaisa hona siddh hota hai. ramayan men valmikiji ne jahan unhen vishisht pandit, rajniti men dhurandhr aur vir-shiromni prakat kiya hai, vahin unko lomash or puchchadhari bhi shatshah pramanon men vyakt kiya hai. darasal, aj se 9 lakh varsh purva manvon ki ek aisi jati thi, jo mukh aur punch se vanar saman najr ati thi, lekin us jati ki buddhimatta aur shakti manvon se kahin jyada thi. ab vah jati bhart men to durbhagyavash vinasht ho gai, parantu bali dvip men ab bhi puchchadhari jangli manushyon ka astitva vidyaman hai jinki panuch prayah 6 inch ke lagabhag avshisht rah gai hai. ye sabhi puratatvavetta anusandhanakarta ekmt se svikar karte hain ki purakalin bahut se praniyon ki nasla ab sarvatha samapt ho chuki hai. isi ka jita jagta udaharan hai virat nagar (rajasthan) men sthapit panchkhandpith pavan dham sthit vajrang mandir. gobhakt mahatma ramachandra vir ne pure hindustan men vishva ka sabse alag mandir sthapit kiya jismane hanuman ji ki bina bandar vale mukh ki murti sthapit hai. mahatma ramachandra vir ne hanuman ji ki jati vanr batai hai, sharir nahin. unhonne kaha hai ki sita mata ki khoj karne vale aur vedon pathane ke gyata hanumanji bandar kaise ho sakte hain. unhonne lanka ko jalane ke lie vanr ka rup dhara tha. 2009 men mahatma ke svargavas ke bad unke suputra acharya dharmendra (vishva hindu parishad ke kendriya margadarshak mandal men shamil sant) evan panchkhandpith viratanagar ke pithadhishvar hain. inhen bajrangbli ke rup men jana jata hai kyonki inka sharir ek vajra ki tarah tha. hanuman pavn-putra ke rup men jane jate hain. vayu athva pavan (hava ke devta) ne hanuman ko palne men mahatvapurn bhumika nibhai thi. hanumanji ka janm kahan aur kaise hua is vishay men bhi bhinn mat hain. ek manyata hai ki ek bar jab maruti ne ajanni ko van men dekha to vah us par mohit ho gaya. usne anjni se sanyog kiya aur vah garbhavati ho gai. ek anya manyata hai ki vayu ne anjni ke sharir men kan ke madhyam se pravesh kiya aur vah garbhavati ho gai. ek anya katha ke anusar inke janm ka sambandh bhagvan shiv aur vishnu ji ke mohini avtar se sambandhit bhi hai. ek anya katha ke anusar maharaja dasharath ne putreshti yagya se prapt jo havi apni raniyon men banti thi uska ek bhag garur uthakar le gaya aur use us sthan par gira diya jahan anjni putra prapti ke lie tapasya kar rahi thi. havi kha lene se anjni garbhavati ho gai aur kalantr men usne hanumanji ko janm diya. tulsi aur valmiki dvara varnit hanuman-charit ki tulna men kai anya ramkthaon men varnit charit itna bhinn hai ki sarvatha mithya aur kalpanik pratit hota hai. hanuman ko shivavtar athva rudravtar bhi mana jata hai. rudra andhi-tufan ke adhishthata devta bhi hain aur devraj indra ke sathi bhi. vishnu puran ke anusar rudron ka udbhav brahmaji ki bhrikuti se hua tha. hanumanji vayudev athva maruti namak rudra ke putra the. ‘hanuman’ shabd ka h brahma ka, nu archana ka, ma lakshmi ka aur na parakram ka dyotak hai. hanuman ke janma-sthan ke bare men kuch bhi nishchit nahin hai. madhyapradesh ke adivasiyon ka kahna hai ki hanumanji ka janm ranchi jile ke gumla pramandal ke gram anjan men hua tha. karnatkvasiyon ki dharna hai ki hanumanji karnatak men paida hue the. panpa aur kishkindha ke dhvansavshesh ab bhi hampi men dekhe ja sakte hain. apni ramktha men fadar kamil bulke ne likha hai ki kuch logon ke anusar hanumanji vanr-panth men paida hue the. pahla janm sthan: hanumanji ki mata ka nam anjna hai, jo apne purva janm men ek apsara thin. hanumanji ke pita ka nam kesri hai, jo vanar jati ke the. mata-pita ke karan hanumanji ko anjney aur kesrinandan kaha jata hai. kesriji ko kapiraj kaha jata tha, kyonki ve vanron ki kapi nam ki jati se the. kesriji kapi kshetra ke raja the. kapisthal kuru samrajya ka ek pramukh bhag tha. hariyana ka kaithal pahle karnal jile ka bhag tha. yah kaithal hi pahle kapisthala tha. kuch log mante hain ki yahi hanumanji ka janm sthan hai. dusra janm sthanah gujrat ke dang jile ke adivasiyon ki manyata anusar dang jile ke anjna parvat men sthit anjni gufa men hi hanumanji ka janm hua tha. tisra sthan: kuch log mante hain ki hanumanji ka janm jharkhand rajya ke ugravad prabhavit kshetra gumla jila mukhyalay se 20 kilomitr dur anjan ganv ki ek gufa men hua tha. ant men - akhir kahan janma liya:- ‘panpasrovr’ athva ‘panpasr’ hospet taluka, maisur ka ek pauranik sthan hai. hanpi ke nikat base hue gram anegundi ko ramaynkalin kishkindha mana jata hai. tungabhadra nadi ko par karne par anegundi jate samay mukhya marga se kuch hatakar bain or pashchim disha men, panpasrovar sthit hai. yahan sthit ek parvat men ek gufa bhi hai jise ramabhaktani shabri ke nam par ‘shabri gufa’ kahte hain. isi ke nikat shabri ke guru matang rishi ke nam par prasiddh ‘matangvn’ tha. hanpi men rishyamuk ke ram mandir ke pas sthit pahari aj bhi matang parvat ke nam se jani jati hai. kahte hain ki matang rishi ke ashram men hi hanumanji ka janm haa tha. matang nam ki adivasi jati se hanumanji ka gahra sanbandh raha hai. antatah apne dharm men anekantavad ke chalte sabhi ke apne mat evan vishvas hain . atah marut (sanskritah marut) ka artha hava hai. nandan ka arth beta hai. hindu pauranik kathaon ke anusar hanuman maruti arthat marut-nandn (hava ke putra) hain. hanuman ke pita sumeru parvat ke vanrraj raja kesri the tatha mata anjna thin. hanuman ji ko pavn putra ke nam se bhi jana jata hai aur unke pita vayu dev bhi mane jate hain. ramayan ke anusar ve mata janki ke atyadhik priya hain. is dhara par jin sat manishiyon ko amaratva ka vardan prapt hai, unmen bajrangbli bhi hain. anya sat hain - ashvatthama, bali, vyas, vibhishan, narad, parshuram aur markandey. hanumanji ka avtar bhagvan ram ki sahayta ke liye hua. hanumanji ke parakram ki asankhya gathaen prachlit hain. inhonne jis tarah se ram ke sath sugriv ki maitri karai, lanka jalai aur fir vanron ki madad se rakshason ka mardan kiya, vah atyant prasiddh hai. hanuman ko sabhi devtaon ka ashirvad prapt tha. ve sevak bhi the aur rajdut, nitigya, vidvan, rakshak, vakta, gayak, nartak, balvan aur buddhiman bhi. unhen asht siddhi nav nidhi prapt thi. shastriya sangit ke tin acharyon men se ek hanuman bhi the. anya do the shardul aur kahal. ‘sangit parijat’ hanumanji ke sangit-siddhant par adharit hai. sansar men inki puja aradhna anek rup men ki jati hai . kuch bhakt hanuman ki puja ek shir, panchshir aur ekadash shir, sanktmochan, sarva hitarat aur riddhi-siddhi ke data ke rup men karte hain. kahin bal hanuman ke rup men to kahin darhi-munch vale hanuman ke rup men(salasar v mehandipur dham men inke vishal evan bhavya mandir hain) kahin langde hanuman (jab bharat ka tir hanuman ji ke ghutne men laga tha), kahin vriddh hanuman, kahin vir hanuman, kahin lete hanuman to kahin baithe hanuman.... par kisi bhi rup men inki sadhna utni hi faldayak hai jitni kisi anya rup men. ye apne bhaktane par saman kripa karte hain. jo jitne sachche tan man se aradhna karta hai utna hi pata hai. hanumanji is kalyug ke ant tak apne sharir men hi rahenge. ve aj bhi dharti par vicharan karte hain. hanumanji ko dharma ki raksha ke lie amrta ka vardan mila tha. is vardan ke karn aj bhi hanumanji jivit hain aur ve bhagvan ke bhakton tatha dharm ki raksha men lage hue hain. jab kalki rup men bhagvan vishnu avtar lenge tab hanuman, parshuram, ashvatthama, kripacharya, vishvamitra, vibhishan aur raja bali sarvajnik rup se prakt ho jaenge. hanuman ji ki upasna se jivn ke sare kasht, sankat mit jate hain. hanuman ji ek aise devta hain jo thori-si prarthana aur puja se hi shighra prasann ho jate hain. duniya ke sare mushkil kam sirf shri hanuman ki kripa v smaran se hi asan ho jate hain. manglvar aur shanivar ka din inke pujan ke lie sarvashreshtha hain. is din hanumanji ka dhyan karne se jivan mangalamay hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

Apne vichar vyakt karein

blog comments powered by Disqus
.