पुनर्जन्म व श्राद्ध कर्म

punarjanm v shraddh karm  

Ank ke aur Lekh | Sambandhit Lekh | Views : 6537 |  
punarjanm v shraddh karm arun kumar bansal pratyek prani, chahe vah insan ho, pashu-pakshi ho ya kit, do tatvon se milakar bana hota hai- ek to uska sharir jo hamen dikhai deta hai, aur dusra usmen atma ka vas hota hai. aj ke yug men medikal vigyan ne kitni hi tarakki kyon n kar li ho parantu kisi bhi prani ya vyakti ki mrityu ane par usko doktar ya vigyan bacha nahin sakta hai. jis vyakti ya prani ko ham umra bhar pyar karte hain, chahten hain, samman karte hain ya jiske bina rahne ki ham kalpana bhi nahin kar sakte hain, mrityu ho jane par ham turant usse dur rahne lagte hain tatha bhanti-bhanti ke upay karke vatavaran ko shuddh karne ka prayas karte hain tatha uska ek sparsh matra ho jane par snan karte hain ya gangajal chirak kar apne ko shuddh karne ka prayas karte hain. aisa kya ho jata hai, jo sharir varshon se ghumta-firta, khata-pita, sammanniya tatha kriyashil hota hai, kshan bhar men kriyahin, nirjiv v achut ho jata hai aur use apne se dur karke mukhagni dene ke liye le jate hain. vah hai atma ka nishkasan. atma rupi tatva us sharir se nikal jata hai jisko koi nahin rok sakta. atma ek aisa tatva hai jiske sharir men pravesh karte hi sharir sakriya ho jata hai aur nishkasit hote hi nishkriya v shithil ho jata hai. is atma ke bare men sahi kaha gaya hai - nainan chindanti shastrani, nainan dahti pavkah . n chainan kledayantyapo n shoshyti marutah॥ arthat atma ko n to koi shastra kat sakta hai, n koi ag jala sakti hai, n koi pani bhigo sakta hai aur n hi koi vayu use sukha sakti hai. is prakar atma ajar aur amar hai, yah nirvivad satya hai. yah vishay hamesha se hi vivad ka vishay raha hai ki punarjanm hota hai ya nahin. sabse pahle yah samjhna avashyak hai ki purnajanm hota kya hai? purnajanm ka tatparya hai ki kisi vyakti ki jab mrityu hoti hai tab manushya men kafi vasnaen, ichchaen, moh aur lobh ki bhavna rahti hai tatha kuch logon men aisa nahin hota hai. jin logon men ichchayen, vasnaen v moh aur lobh nahin hota hai unki atmaen shanti se manushya ko samyik mrityu dekar sharir ko tyag deti hain aur kuch samay tak svargalok men nivas karke ve vapis is mrityulok men kisi dusre sharir ko dharan karke is sansar men rahte hain aur apne purva janmon ke karmon ke adhar par sukh aur dukh prapt karte hain. jab koi vyakti kisi sthan ya vyakti vishesh se prem karne lag jata hai to punah us vyakti ka sath pane ke liye ya us sthan par ane ke liye vah kisi anya sharir ke rup men janm lekar us sthan ya us parivar men punah a jata hai. iske kai udaharan hamen dekhne ko mil jate hain. aisa hi ek mahila ke rup men dekhne ko mila ki vah ek mahila thi jiski kafi samay purva mutyu ho chuki thi aur usko apne mahal men gana gane ka bahut shauk tha. isliye usne punah sharir dharan karke ek mahila ke rup men janm liya aur us mahila ko ek svapn dikhai diya jisme usko vah mahal bhi dikhai diya jismen vah gana gaya karti thi. vah kisi prakar us mahal ko dhundhne men safal ho gayi. vah mahila us mahal men gayi to usko sab kuch yad ata gaya. aur vah us mahal ke bare men batane lagi ki yahan par rasta hai, yahan sirhiyan hain, balkni hai, yahan par kamra hai, adi-adi. jabki isse pahle vah is mahal men is janm men kabhi bhi nahin gayi thi. kisi bujurg vyakti se puchne par pata chalta hai ki kafi samay purva ek burhi mahila yahan balkni men baithakar gana gaya karti thi, tabhi uski mrityu ho gayi thi, arthat us mahila ka us sthan se tatha gana gane ke shauk se gahra jurav tha jiske karan vah punah usi sthan par anya mahila ke rup men janm lekar punah a gayi. mrityu ke sath jivan samapt nahin ho jata balki mrityu anant jivan shrrinkhla ki ek kari hai. jivatma ek janm pura karke agle jivan ki or unmukh hoti hai. do jivan ke bich men yah jivatma shanti se rahe, iske lie shraddh kiya jata hai. shraddh ka fal jivatma ko jatak ki shraddha ke madhyam se hi milta hai, shraddh se tript hokar pitrigan shraddhakartta ko dirghayu, dhan, vidya, sukh, rajya aur moksh pradan karte hai. hindu mah ganna men ashvin mas ke krishn paksh ke dauran surya devta prithvi ke nikat rahte hain evan pitron ka prabhav prithvi par adhik rahta hai. islie is paksh men pitron ke nimitt dan, tarpan v bhojan karaya jata hai aur yah mana jata hai ki pitron ka manpsand bhojan yadi kisi brahman ya brahmani ko karaya jaega to uska svad hamare pitron ko bhi milega aur isse unki atma tript hogi. pitron ke prati shraddhajanli v jalanjli bhent ki jati hai. jalanjli bhent karne ki kriya hi tarpan kahlati hai. tarpan dete samay anamika ungli men kusha ki pavitri dharan karne ka vidhan hai. ek patra men jal, chaval, jau, dub, til v safed pushp, dal kar chah charnon men tarpan kiya jata hai- pahla dev tarpan, dusra rishi tarpan, tisra divya manushya chautha divya pita panchva yam chata pitri tarpan. tarpan ke uprant gay, kutta, kauva v chitin ko bhojan ka ansh pradan kar pitron ke nimitt brahman v atithi ko bhojan kara kar dakshina di jati hai aur ashirvad prapt kiya jata hai. pitron ka ashirvad is janm v us janm donon men shanti v anand pradan karta hai.¬
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.