आपकी कुंडली में छिपा है पूर्वजन्म का रहस्य

apki kundli men chipa hai purvajanm ka rahasya  

Ank ke aur Lekh | Sambandhit Lekh | Views : 29122 |  
apki kundli men chipa hai purvajanm ka rahasya monika gupta jivatma ka ek deh se dusri deh men janm lena vaisa hi hai, jaise manushya purane vastra tyag kar dusre naye vastra dharan karta hai. isi prakar jivatma bhi naya sharir dharan karti hai. sharir ka nash hota hai, atma ka nahin. puranon ke anusar manushya pap aur punya ka fal bhogne ke lie hi punarjanm leta hai. puranon men bhi bhagvan vishnu ke das mukhay avtaron (punarjanma) ki dharna ko svikara gaya hai. maharshi parashar ke anusar surya se ram, chandrama se krishn, mangal se narsinh, budh se bhagvan buddh, guru se vaman, shukra se parshuram, shani se kurm, rahu se varah aur ketu se matsya avtar hue hain. bhagvan gautam buddh ke bare men kaha gaya hai ki unhen apne purva ke 5000 janmon ki smriti thi. manushya apne karmon ke anusar 84 lakh yoniyon men se kisi ek yoni men janm leta hai. manushya ke man men yah jigyasa rahti hai ki main purva janm men kaun tha, kis yoni men tha aur kaha se aya hun? in sab prashnon ke uttar bhartiya jyotish ke dvara sanbhav hai. janm kundli ka pancham bhav, pancham bhav ka svami evan pancham bhav sthit grah v surya aur chandrama men jo grah bali ho uski dreshkan men sthiti, punarjanm ke bare men batati hai. maharshi parashar ke granth brihtprashar hora shastra ke anusar janmakalik surya aur chandrama men se jo bali ho, vah grah jis grah ke dreshkan men sthit ho, us grah ke anusar jatak ka sanbandh us lok se tha. kundli ke pancham bhav ke svami grah se jatak ke purvajanm ke nivas ka pata chalta hai. purvajanm men jatak ki disha : janm kundli ke pancham bhav men sthit rashi ke anusar jatak ke purvajanm ki disha ka gyan hota hai. purvajanm men jatak ki jati : janm kundli men panchmesh grah ki jo jati hai, vahi purva janm men jatak ki jati hoti hai. punarjanm ke sanket : manushya ki mrityu ke samay jo kundli banti hai, use punya chakra kahte hain. isse manushya ke agle janm ki jankari hoti hai. mrityu ke 13 din bad uska agla janm kab aur kahan hoga, iska anuman lagaya ja sakta hai. jatk-parijat men mrityuprant gati ke bare men bataya gaya hai. yadi maran kal men lagn men guru ho to jatak ki gati devlok men, surya ya mangal ho to mrityulok, chandrama ya shukra ho to pitrilok aur budh ya shani ho to narak lok men jata hai. yadi barhven sthan men shubh grah ho, dvadshesh balvan hokar shubh grah se drisht hone par moksh prapti ka yog hota hai. yadi barhven bhav men shani, rahu ya ketu ki yuti ashtamesh ke sath ho, to jatak ko narak ki prapti hoti hai. janm kundli men guru aur ketu ka sanbandh dvadash bhav se hone par moksh ki prapti hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.