पितृ पक्ष में करें पितृ दोष निवारण

pitri paksh men karen pitri dosh nivarn  

Ank ke aur Lekh | Sambandhit Lekh | Views : 4975 |  
pitri paksh men karen pitri dosh nivaran shailesh pratap shastri pitri dosh ka nivaran pitri paksh men arthat us samay kiya jata hai jab surya kanya rashi par gochar kar raha hota hai. tab pitron ke nimitt shraddhapurvak kiya gaya dan, tarpan, bhojan pind adi dekar pitri dosh shanti karne se pitron ke ashirvad se vyakti ka jivan safal ho jata hai aur vyakti ki kundli men vyapt pitri dosh ka prabhav bhi kam ho jata hai. pitri dosh nivaran ka anukul samay pitri paksh : pitri (pitr) puja bhartiya sanskriti ka muladhar hai. 'shraddhaya yat kriyate tat shraddham' pitron ko prasann karne ke lie shraddha dvara havishyayukt (pind) pradan karna hi shraddh kahlata hai. shraddh karne se pitar santusht hote hain aur ve apne vanshjon ko dirghayu, prasiddhi, bal-tej evan nirogta ke sath-sath sabhi prakar ke pitri dosh se mukti pradan karne ka ashirvad dete hain. shraddh panch prakar ke hote hain- aurdhvadaivik, sanvatsarik, ekodisht, parvan tatha kamya. shastranusar pitron ko prasann karne ke lie kiye jane vale shraddh ko pitrigya bhi kahte hain. ashvin krishn paksh ko ham mahalay shraddh paksh ke rup men manate hain. bhadrapad (bhadon mas) ki purnima se praranbh hokar ashvin mas ki amavasya tak kul solah tithiyan shraddh paksh ki hoti hai. is paksh men surya kanya rashi men hota hai. isilie is paksh ko kanyagat athva kanagat bhi kaha jaat hai. shraddh ka jyotishiya mahattva ki apeksha dharmik mahatva adhik hai kyonki yah hamari dharmik astha se jura hua hai. pitrilok ke svami aryama sabhi mrit (atma) praniyon ko apne-apne sthan par shraddh ka avasar pradan karte hain. ashvin krishn paksh men jab surya kanya rashi par gochar kar raha ho, tab pitron ke nimitt shraddhapurvak kiya gaya dan, tarpan, bhojan pind adi unhen milta hai. pauranik evan dharmik manyataon ke anusar shraddh paksh ki 16 tithiyon men pratyek tithi ko pitar pratah suryoday se suryast tak apne putra-putron ke prati ashanvit hokar ate hain evan unse shraddhapurvak die dan ki apeksha rakhte hain. padam puran, brihatparashar smriti, vishnu puran, garur puran, matsya puran, markandey puran adi dharmik granthon ke anusar mrit prani ka shraddh uski mrityu-tithi ke din karna hi shreshth hai jisse mritatma ko tripti milti hai. islie apne purvajon ka shraddh unke (svargavas) ki tithi ko hi karen. kisi bhi vyakti ki janm kundli men kisi bhi prakar se yadi surya pirit hota hai, to vah pitrishap dosh ka parichayak hai. pita ke sthan-dasham bhav ka svami 6, 8, 12 ven bhav men chala jae evan guru papi grah prabhavit ya rashi men ho sath hi lagn v pancham ke svami pap grahon se yuti kare to aisi kundli pitrishap dosh yukt kahlati hai. pitridosh ki jankari kundli ke barhven bhav se hoti hain. yadi yah bhav pap prabhav men ho tatha is bhav ka svami nichagat hokar chaturth bhav men pap prabhav men ho to pitridosh banta hai. is dosh ke karan asfltaen milti hain. yadi rahu pap prabhav men ya nich athva shatru rashigat hokar dvadash bhav men shani drisht ho to pitridosh ka karan banta hai. isi prakar dvadash bhav men rahu ya shani jab guru ya chandra ki rashi men hon, tab bhi yah sthiti banti hai. jab kisi ki janm patrika nahin ho to is dosh se jivan men hatasha, asfltaen, bar-bar durghatanaen, mansik vikshiptata rojgar vihinta, dhanabhav, bhay, sharirik vyadhi, danpatya klesh, chitt vikriti evan santanabhav ityadi hote hain. iske lie pitripaksh men shraddh kar pitri dosh ka nivaran karen. is bar pitripaksh terah sitanbar se praranbh ho raha hai. shraddhakartta ko chahie ki vah shraddh ke din panch patton par alg-alag bhojan samagri rakhakar panchbli karen- ye hain- gau bali, shvan bali, kak bali, devadi bali tatha pipilikadi bali (chintiyon ko). iske bad agni men bhojan samagri tatha sukhe anvle evan munakka ka bhog lagaen. fir brahman ko sarmthyanusar sankhya men bhojan karayen. shraddh keval aprahn kal men hi karen, purvahn tatha ratri men nahin. shraddh men tin vastuen pavitra hain- duhita- putra, kutpkal (din ka athvan bhag) tatha kale til. shraddh men tin prashansniya baten hain- bahya-antar ki shuddhi, krodh ka tyag tatha shighrata nahin karen. shraddha-shraddha se karen, dikhava nahin karen. ise gupt rup se ekant men karen. pitri dosh se shrapit vyakti pitri amavasya ke din shrimadbhagavat katha ka path karvaen-shravan karen. apne pitron ka shraddh shraddha se evan tarpan vidhi-vidhan se ashvin krishn paksh men karen. shraddh ka fal-putranamayustatha''rog yamaishvaryamtulan tatha. pranoti panchmen kritva shraddh kamanshch pushkalan॥ pitri paksh men shraddh karne se putra, ayu, arogya, atul aishvarya aur manchahi ichchit vastuon ki prapti hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.