मृत्यु से पुनरुत्थान तक के सिद्धांत

mrityu se punrutthan tak ke siddhant  

Ank ke aur Lekh | Sambandhit Lekh | Views : 4710 |  
mrityu se punrutthan tak ke siddhant ! do. bhagvan sahay shrivastav sanatan dharm vishesh kar hindu dharm ke anusar jivatma ki is jivan ke pashchat kis prakar ki yatra hoti hai vah to sabhi jante hain parantu isai, parsi aur islam dharm men is yatra ka varnan kin shabdon men kiya gaya hai, janne ke lie, parhie yah lekh. kabristan se murdon ke punah uthne ka nam kayamat hai. isai tatha parsi dharm ke tin mukhay siddhant hain. mrityu se punrutthan, ishvar se nyay prapt karna tatha puraskar athva dand bhugtna. is prakar ka punrutthan keval atma ka hi hai. parantu is vishay men samanya logon ka vichar yah hai ki kabristan se atma aur sharir donon hi uth baithte hain. yahan par yah prashn uthta hai ki yadi sharir alg-vilag ho gaya ho to vah sharir kyonkar uth sakta hai? parantu muhammad ne sharir ke ek ang ke rakshan men bari savdhani bartne ki bat kahi hai. yah ang bhavishya men dhanche ke adhar ka athva usmen upyukt hone vale pind ka kam deta hai. unka aisa updesh hai ki prithvi ke karan manav sharir nasht ho jata hai. parantu uski ek asthi nasht nahin hoti jise 'al-ajib' kahte hain. al ajib ki gati : jis prakar kisi vriksh ke bij ka nash nahin hota aur usse naya vriksh utpann hota hai, usi tarah 'al ajib' antim samay tak avikrit hi rahti hai. muhammad sahab ne kaha tha ki kayamat ka jo din ane vala hai, us din ishvar chalis dinon tak vrishti karenge, jisse yah sanpurn prithvi barah hath upar tak jalamagn ho jayegi aur jis prakar paudhe ka ankur prasfutit hota hai vaise hi usse sanpurn sharir viksit hokar uthenge. yahudiyon ka bhi yahi kahna hai. ki ve mul asthi ko 'laj' nam se pukarte hain. parantu unka kahna yah hai ki prithvi ki raj se jo tushar paida hoga, us (al-ajib) se hi yah sharir viksit hoga. bundhes ke 31ven prakaran men aisa prashn kiya gaya hai ki jise pavan ura le gaya hai tatha jise tarangon ne atmasat kar liya hai vah sharir punah kyonkar ban jayega? mrit vyakti ka punruthan kyonkar hoga? iska uttar aramajd ne diya hai ki ''jab prithvi men vapan kiya hua bij mere dvara punah ugta hai aur fir se navjivan prapt karta hai. jab mainne vrikshon ko unki jati ke anusar jivan diya hai, jab mainne balak ko man ke udar men rakha hai, jab mainne megh ko banaya hai jo prithvi ke jal ka shoshan kar leta hai aur jahan mai ichcha karta hun vahan vah use vrishti karta hai. jab mainne is tarah pratyek vastu ki rachna ki hai to fir punrutthan ke karya ko sanbhav banana mere lie dushkar nahin hai. smaran rakhen ki in sabhi vastuon ki, mainne ek bar rachna ki hai aur jo vastuen nasht ho gai hon, unki rachna kya main punah nahin kar sakta? udaharan : ann ke bij ki upma di jati hai. us bij ko prithvi ke udar men samaropit kiya jata hai aur taduprant vah bij asankhay ankuron ke rup men fut niklte hain. yah udaharan punravartan ke lie diya jata hai. jab gehun ka kora bij prithvi ke andar daba diya jata hai tab vah sankhyabaddh ankur paridhan ke sath prasfutit ho jata hai, to jo sadachari vyakti apne paridhanon men daba diye gaye hain, ve kitne hi vividh rupon men prakat honge? parmatma ke hath men jo tin chabhiyan hain, ve kisi dusre pratinidhi ko nahin di gai hain. ve hain :- (1) varsha ki chabhi (2) janm ki chabhi tatha (3) punravartan ki chabhi. punravartan ke nishan (chinha) : punravartan ke lie jo divas sunishchit kiya gaya hai, us din ke agaman ke chihn svarup kuch baten nishchit ki gayi hain. ve hain (1) surya ka pashchim disha men uday hona. (2) dajal ka prakat hona, yah dajal ek vikral rakshas hai jo arbi bhasha men islam dharm ke satya tathyon ki shiksha dega tatha (3) sur namak dundumi (nakkare) ki dhvani yah svar tin bar bajega. jin jivon ka punravartan hota hai, unhen punravartan ke din ke anantar tatha nyay ke din se purva, apne mastak se kuch hi gaj ki unchai par sthit surya ke jhulsane vale tap men dirghakal tak pratiksha karni parti hai. ishvar se nyay prapti : sharir se alag hue jivatma ko kuch kal tak pratiksha karni hogi. uske anantar uska nyay karne ke lie parmatma pragat honge. vahan muhammad sahab madhyasth ke rup men karya karenge. uske pashchat pratyek jivatma ki, uske jivan ke karmon ke adhar par janch hogi. sharir ke pratyek ang aur avyvon ko apne pap karmon ko svikar karna parega. pratyek manushya ko ek pustak di jayegi, jismen uske sabhi achche bure karmon ka byora hoga. hindu dharm ke anusar bhi yamraj ke adhikari chitragupt ki jo pustak kahi jati hai, usmen sabhi manushyon ke karm ankit hote hain. uske sath uski tulna ki ja sakti hai. us samay ishvar (parmatma) ke hath men ek tula (taraju) hogi aur ve pustaken is tula men tauli jayengi. jinke bure karmon ki tulna men unke bhale karm bhari honge, ve svarg ko bheje jayenge aur jinke bhale karmon ki tulna men bure karm bhari honge, ve narak ya chaurasi lakh yoniyon men avanat kiye jayenge. antim din pesh ki jane vali in pustakon ki (jinmen manushyon ke karmon ka hisab rahta hai) tatha unko tolne vali tula ki manyata muslmanon men prachin yahudiyon se prapt hui hai. yahudiyon ne yah manyata parsi dharm ke anuyayiyon se svikar ki hai. parsi logon ki aisi manyata hai ki mehar tatha sarush namak do devdut nyay ke din pul se par jane vale pratyek vyakti ki janch karne ke lie pul ke upar khare honge. mehar divya daya ke pratinidhi hain. ve apne hath men ek tula rakhenge aur logon ke karmon ko tolenge. mehar ke diye hue vivaran ke anusar prabhuji pratyek vyakti ke dand ki ghoshna karenge. yadi vyakti ke sukarm ki adhikta hui aur yadi ve palre ko balu barabar bhi jhuka saken, to prabhu un logon ko svarg men milenge, parantu jinke sukarmon ka bhar halka hoga, unko dusra devdut sarush pul ke upar se narak men dhakel dega. yah sarush prabhu ke nyay ka pratinidhi hai. svarg ke marg man ek aisa pul hota hai, jise muhammad sahab 'alsirat' ke nam se pukarte hain. yah pul narak pradesh se hokar jata hai. yah bal se bhi patla tatha talvar ki dhar se bhi tikshn hai. jo muslman sukarm kiye rahte hain, ve is kshan ko sugmta se par kar jayenge. muhammad sahab unka netritva karenge. dushkarm karne vale is pul par larkhra kar sir ke bal niche narak men svayan ja girenge. yah narak nich v papiyon ke lie apna bhukh failaye rahta hai. jo log narak ke pul ki bat karte hain. vah pul sut ke dhage se adhik vistrit nahin hai. hindu log vaitrni nadi ki bat karte hain. parsi logon ki manyata hai ki antim din sabhi manushyon ko 'chinvt' namak pul se par hona hai. mrityu se prasannata v nirbhayata yog-sadhna ka ek lakshya, mrityu ka prasannata aur nirbhayata se samna karna hai. ek yogi ya rishi ya ek sachche sadhak ko mrityu ka bhay nahin rahta. mrityu un logon se kanpti hai jo jap, dhyan evan kirtan karte hain. mrityu evan uske dut us tak pahunchne ka sahas tak nahin kar sakte. bhagvan krishn bhagavadgita men kahte hain, ''meri sharan men ane se ye mahatma fir janm ko prapt nahin hote, jo dukh evan mrityu ka lok hai. ve parmanand men mil jate hain.'' mrityu ek mayavi sansarik vyakti ko dukhdayak he. ek nishkam vyakti marne ke bad kabhi nahin rota. ek purn gyan prapt vyakti kabhi nahin marta. uske pran kabhi prasthan nahin karte. mrityu ke bhay par vijay prapt karo. mrityu ki vijay sabhi adhyatmik sadhnaon ki uchchatam upyogita hai. bhagvan se prarthana karo ki vah pratyek janm men tumhen apni puja ke yogya banayen. agar tum anant anand chahte ho to is janma-mrityu ka nash karo.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.