जीवात्मा का परलोक गमन व पुनर्जन्म

jivatma ka parlok gaman v punarjanm  

Ank ke aur Lekh | Sambandhit Lekh | Views : 9648 |  
jivatma ka parlok gaman v purnajanm pan. sunil joshi junnarakar jahan purva janm aur punarjanm is jivan rupi sarita ke do tat hain, vahin in donon ke bich ki kuch avdhi pratyaksh sharir ki rup-rekha se dur rahti hain. jiv ki yahi avastha pret yoni kahlati hai. is yoni ke kya mulbhut karan aur jyotishiya yog hain aur kis-kis grah sthiti men jiv upar ke kin-kin lokon ki yatra karta hai, is vishay ka vistar janne ke lie, parhie yah lekh. jiv ki marnasann v marnoprant gati : 'jivapetan vav kiledan mriyate n jivo mriyate.' arthat jiv se rahit hua yah sharir hi marta hai, jivatma nahin marta. (cha.u. 6/11/3) marnasann manushya ko bari baicheni, pira aur chatptahat hoti hai, kyonki sab nariyon se pran khinchakar ek jagah ekatrit hota hai. pran niklne ka samay jab bilkul pas a jata hai to vyakti murchit ho jata hai, achetan avastha men hi pran uske sharir se bahar niklte hain. marte samay vak (vani) adi indriyan man men sthit hoti hain, man pran men aur pran tej men (tej se tatparya hai panch sukshm bhut samuday) tatha tej parmdev jivatma men sthit hota hai. jivatma sukshm sharir ke sath is sthul sharir se nikal jata hai. yah bhi chandogyopnishad ka kathan hai. akash, vayu, jal, agni aur prithvi sharir ke bijbhut panchon tatvon ka sukshm svarup hi sukshm sharir kaha gaya hai. bhartiya yogi sukshm sharir ka rang shubhra jyoti svarup (safed) mante hain. brahmavetta yogi ke pran brahmarandhra se bahar niklte hain, jabki sadharan manushya ke pran mukh, ankh, kan ya nak se aur papi logon ke pran mal-mutra marg se bahar niklte hain. prashnopnishad ke anusar 'vah pran udanvayu ke sahare jivatma ko uske sankalpanusar bhinna-bhinn lokon (yoniyon)' men le jata hai. jiv apne sath dhan-daulat to nahin kintu gyan, pap-punya karmon ke sanskar avashya hi le jata hai. yah sukshm sharir thik sthul sharir ki hi banavat ka hota hai. vayu rup hone ke karan bharhin hota hai. mritak ko bara ashcharya lagta hai ki mera sharir kitna halka ho gaya hai. sthul sharir chorne ke bad sukshm sharir antyeshti kriya hone tak uske as-pas hi mandrata rahta hai. jala dene par usi samay nirash hokar anyatra kahin chala jata hai. mritak ka apne sharir se aur parivar se moh khatm ho jae islie use uske priya putra se hi mukhagni dilai jati hai. vriddh vyaktiyon ki vasnaen prayah shithil ho jati hain, islie ve mrityu ke bad nidragrast ho jate hain. apghat se mare yuva vyakti sattadhari pret ke rup men vidyaman rahte hain tatha vishay mansik sthiti ke karan unhen nind nahin ati hai. kai vishisht vyakti chah mahine men hi punarjanm grahan kar lete hain. bahuton ko panch varsh lag jate hain. preton ki ayu adhikatam 12 varsh samjhi jati hai. jiv jitne samay tak parlok men thahrta h,ai uska pratham ek tihai bhag nidra men vyatit hota hai, kyonki purvajanm ki thakan ke karan vah achetan sa ho jata hai. bhautik sharir ki samapti ke bad bhi uska antarman to jivit rahta hai. isi man se vah apne achche-bure karm ke falon ka anubhav karta hai. pret yoni : pret yoni ek prakar ka narak aur pap yoni hai. yah ek asvabhavik yoni hai. sansarik vasnaon ki ugrata ke karan jiv age ki parlok yatra karne ki apeksha, prachin sanbandhiyon ke moh jal men fansakar piche ki or vapis chalta hai. islie kaha jata hai ki pret ke panv ulte hote hain athva srishti kramanusar unki gati n hone ke karan ve jiv pretyoni dharan kar lete hain. pret yoni men kaun jata hai, iska vichar ham bindu var kar rahe hain- maharshi parashar ke anusar 'jab pitron ke shraddh karmon ka lop hota hai to ve pishach yoni men chale jate hain.' mrityu ke bad antyeshti kriya n ho ya putra tarpan, pinddan adi kriyaen n karen to mritak ki atma atript rahti hain tatha age ki yatra karne ke lie unhen urja nahin mil pati, falasvarup unhen pret yoni men jana parta hai. apmrityu arthat yuvavastha men marne se, hatya, atmahatya, sarpadansh ya hinsak pashu dvara mrityu hone par pani men dubakar ya agni men jalakar marne, jahar ya eksident se mrityu hone par bhi jiv pret (pishach) yoni men chala jata hai. pishach yoni men gai jivatma svayan par hue atyachar ka badla lene ke lie hani pahunchane vale ko anek prakar ke dukh evan kasht deti hai. pretyoni men gaye hue pitar apne parivar tatha kul men pira utpann karte hain. ve rusht hokar vansh-vriddhi ko bhi rokte hain. pretshapit vyakti : jis jatak ke janm lagn men shani-rahu ki yuti ho to vah pretbadha se pirit hota hai. lagn men rahugrast chandra ho, pancham men pap grast shani aur navam men mangal hone par pishach (pret) badha hoti hai. ashtam sthan men kshin chandrama, rahu, shani ya mangal se yukt ho, to pretbadha yog banta hai. chandrama ke pap grast hone se man kamjor aur bhay krant ho jata hai. faltah aise hi stri/purushon par bhut-pret savar hote hain aur atmik bal (surya, chandra ki shubhta) se sampann vyakti par jadu-tone ka koi prabhav nahin hota. parlok aur punarjanm : manushya ko nishchay hi mrityu aur punarjanm ke bich men svarga-narak ka anubhav prapt karna parta hai. svarg men jane ke bad jab manushya ke punya karmon ka fal samapt ho jata hai to use punah janm grahan karna parta hai. isi prakar narak lok men pap karmon ka fal bhugat lene ke bad jab vyakti apni buraiyon ko dur karke pavitra ho jata hai, tab uska punarjanm hota hai. pretyoni men jane ke bad punarjanm hetu lagabhag barah varsh lag jate hain. brihdaranyakopnishad men kaha gaya hai- nishchay hi jiv punya-karm se punyashil hokar punyayoni men janm pata hai aur pap-karm se papyoni men janm grahan karta hai. achche karm karne vala sukhi evan sadachari kul men janm aur pap karne vala pap yoni men janm grahan karke duahkh uthata hai. ashay yah hai ki manushya apne sanchit karmon (karm sanskaron) ke anusar hi achchi-buri yoniyon men janm leta hai. kathopnishad ke anusar, marne ke bad in jivatmaon men se apne-apne karmon ke anusar koi to vriksha-pahar adi sthavar sharir ko dharan kar lete hain tatha koi dev, manushya, pashu, pakshi adi jangam sharir ko dharan kar lete hain. pap yoniyon men janm lena hi yamyatna rupi narak hai. kit adi yoniyan bhog yoniyan hain. atyant dusht karm karne vale jo bar-bar apni indriyon ka durupyog karte hain aur apni kriyashilta ko patnonmukhi kar lete hain, unka janm sthavar (jar) yoniyon men hota hai. vrikshadi ke bad jiv kire-makore fir pashu-pakshiyon ki yoniyan dhire-dhire par karta hai. isi kram se vah adhik gyanvali yoniyon men jata hai. kisi-kisi manushya ka iske viprit kram se patan bhi ho sakta hai. manushya yoni men janm : sansar ki chaurasi lakh yoniyon ko tin mukhay bhagon men banta gaya hai. 1. dev 2. manushya 3. tiryak. dev aur tiryak bhog yoniyan hain, jabki manushya karm yoni hai. pap-punya rupi mishrit karm karne vale ko manushya yoni prapt hoti hai. gita ke adhyay 14 ke 18ven shlok men kaha gaya hai- sattvagun men sthit purush upar (devlok) ko jate hain, rajoguni bich men thahar jate hain aur nikrisht gun ki vrittiyon men sthit niche ko girte hain. atah sukh ki akanksha vale rajas jiv manushya yoni men arthat mrityu lok men hi thahar jate hain aur bar-bar janma-mrityu ke bandhan men fanste hain. papi manushyon ke lie svarg to durlabh hi hai, unka to pitrilok (chandralok) men jana bhi sanbhav nahin hai. ve sirf narak men jakar mrityulok tak a sakte hain. jo parivar jiv ki vasnaon aur karm sanskaron ke anukul hota hai us ghar ke as-pas vah jivatma mandrane lagta hai tatha avasar ki pratiksha karta hai. jab kisi stri ko garbh sthapit hota hai to us kalil men kuch kshan bad vah (jiv) pravesh kar jata hai. apne kutunbiyon aur parivar ke prati mohavash pitar prayah apne vanshjon ke yahan janm lete hain. vedant darshan ka sutra hai, 'yoneah shariram' arthat stri ki yoni men pravisht hone ke bad vah jivatma karmafal bhog ke anurup sharir ko prapt hota hai. mrityu lagn, surya-mangal se janen punarjanm : jis samay vyakti ki mrityu ho, us samay ki lagn kundli banaen, yah lagn ki mrityu lagn kahlati hai. yadi mrityu lagn men koi grah n ho to mesh, vrishabh, mithun, kark rashi ke lagn men mrit jiv ka punarjanm prithvi par hota hai kyonki 1, 2, 3, 4 rashi ke lagn bhu-chakra ya prithvi lagn kahlate hain. bhuvah chakra : 5, 6, 7, 8 rashi ke lagn men mara jiv pitrilok ko jata hai. sva chakra : 9, 10, 11, 12 rashi ke lagn men mrit jiv svarg lok men ja kar svargavasi ho jata hai. devamartyapitrinar kal pranino gururinakshamasutau. kuryurindubhrigjau budharkajau mrityukalabhavalagnaga yadi॥ (jatak parijat-5/118) mrityu lagn men yadi guru baithe hon, to jivatma devlok (svargalok) men jata hai. uski param gati hoti hai. mrityu lagn men yadi surya, mangal baithen hon ya lagn ko dekhte hon to mrit vyakti mrityulok (bhulok) men punah aega arthat uska punarjanm hoga. yadi chandrama v shukra dekhen ya sthit ho to pitrilok men jaega. yadi budh v shani mrityu lagn men baithen hon ya dekhte hon to mrit jiv narkgami hoga. vyakti ka bhautik sharir ki samapti ke bad bhi uska antarman to jivit rahta hai. isi man se vah apne achche-bure karm ke falon ka anubhav karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.