jyotish ke pas manav jivan ki pratyaksh aur jvalant samasyaon ke samadhan to hain hi jivan ke pahle aur bad ki rahasyamay paheliyon ko suljhane ki kshamata bhi vidyaman hai. jivatma ke is abujh paksh ka anveshan aur uske parinamon par drishtipat karne ke lie yah lekh upyogi sabit hoga.
bhartiya jyotish evan samaj purn rup se punarjanm ke siddhant par vishvas karta hai. yah mana jata hai ki hamara yah janm hamare purva janmon men kiye hue karmon ke adhar par hi hamen milta hai tatha is janm men kiye jane vale karmon ke adhar par hi hamen agla janm arthat punarjanm milta hai athva prapt hota hai.
mahabharat men kaha gaya hai ki jis prakar saikron gayon ke jhund men bhi bachra apni man ko pahchan leta hai, usi prakar purva janm men kiye gae karm apne karta ko pahchan kar uske pas pahunch jate hain. ham pichle janm men kya the? agle janm men kya honge, iska javab janmakundli men grah sthiti ke adhar par jana ja sakta hai.
hamare jyotish shastron men parashar ji ne ''brihat parashar hora shastra'' men is vishay men likha hai ki janmapatri men surya aur chandra men se jo grah bali ho use dreshkan men dekhen ki vah kis rashi men gaya hai us rashi ke svami pati ke adhar par yah gyat kiya ja sakta hai ki jatak kis lok se dharti par aya hai yadi bali grah surya athva mangal ke dreshkan men hi ho to jatak ''prithvi lok'' (mrityu lok) se, guru deshkron men ho to ''devlok'' se budh, shani ke dreshkan men ho to jatak ''narak lok'' se is janm men aya hai, aisa manna chahie.
varahmihir ''brihtjatk'' men likhte hain ki bali grah ke dreshkan pati ki avastha ko dekhakar jatak ke purva lok ke sthanadi ka bhi pata jana ja sakta hai. yadi deshkran pati uchch rashi men hai to jatak ko uchch sthan prapt raha hoga, yadi nich rashi men hai to jatak ko nich sthan ki prapti rahi hogi, aisa samjhna chahie.
janmakundli ke pancham bhav, panchmesh, pancham bhav sthit rashi se bhi pichle janmon ke bare men jana ja sakta hai prastut sarni men pancham bhav ke adhar par jatak ke purvajanm ke nivas, disha v jati jani ja sakti hai. mantreshvar ne apne granth fal dipika men bhi chaudhven adhyay men jatak ke purvajanm ki sthiti v yoni ke vishay men likha hai.
yadi navmesh lagnesh ki uchch v svarashi men ho to jatak purvajanm men manushya hota hai, yadi navmesh lagnesh ki samrashi men ho to pashu aur yadi nich rashi men ho to pakshi hota hai. mrityuprant gantavya sthan ke bare men hamare vidvanon ne bahut se granthon men janmakundli v mrityu samay ki kundli ke anusar bahut kuch likha hai jinmen se pramukh nimn prakar se hain.
parashar ji likhte hain ki lagn se 6, 7 ya 8ven bhav men guru ho, to jatak devlok, shukra-chandra ho to pitrilok, surya-mangal ho to mrityu lok aur budh-shani ho to narak lok ko mrityuprant prapt karta hai. yadi 6, 7, 8ven bhav men koi grah n ho to shashtham aur ashtam bhav ke dreshkan pati men jo balvan ho, us grah ke anusar us lok men jata hai.
jatak parijat namak granth men shri vaidyanath ji ne mrityu ke samay ke lagnanusar jatak ko milne vale lok ke vishay men kaha hai. yadi maran kal men lagn men guru ho to ''devlok'', surya-mangal ho to ''mrityulok'', chandra-shukra ho to ''pitri lok'' tatha budh-shani ho to ''narak lok'' ko prapt karta hai.
faldipika men mantreshvar likhte hain ki dvadash bhav evan dvadshesh bhi manushya ke mrityuprant ''lok'' prapti ke vishay men jankari dete hain. yadi dvadash bhav men surya-chandra ho to kailash, shukra ho to svarg, mangal ho to prithvi, budh ho to baikunth, shani ho to yamlok, guru ho to brahmalok, rahu ho to dusre desh evan ketu ho to narak lok men jatak sthan prapt karta hai.
is prakar dekha ja sakta hai ki jatak kis lok se aya aur kis lok ko jayega. parantu is vishay men kai vivad bhi pae gaye hain. chunki praman gyat nahin kiya ja sakta hai atah hamen shastron men likhit in baton par hi vishvas karna parta hai.
anya kuch shastron men svarg, narak v moksh prapti ke vishay men nimn baten kahi gayi hain. svarg prapti ke yog : sarvarth chintamni men kaha gaya hai ki yadi guru grah dashmesh hokar barhven bhav men ho aur shubh grah ki us par drishti ho to jatak ko mrityu ke bad svarg ki prapti hoti hai.
barhven bhav men shubh grah, shubh hokar sthit hon, shubh grah se drisht hon, achche varg men hon to jatak svarg prapt karta hai (jatak parijat) ashtam bhav men shubh grah shubh grah dvara drisht ho to jatak svarg prapt karta hai (faldipika) narak prapti yog : barhven bhav ka svami pap shashthayansh men pap grah dvara drisht ho to prani narak men jata hai.
(faldipika) barhven bhav men surya, mangal, shani ho athva dvadshesh surya sath men ho to mrityuprant narak prapti hoti hai (bri.p.ho.sha.) barhven bhav men yadi rahu, gulika aur ashtamesh ho to jatak narak prapt karta hai (jatak parijat) barhven bhav men rahu aur mandi, shashthesh, ashtamesh dvara drisht ho to jatak narak men jata hai (sarvarth chintamni) barhven bhav men shani, rahu ya ketu ashtamesh ke sath ho to bhi narak prapti hoti hai
(jatak parijat) moksh prapti yog : yadi guru grah min lagn v shubh navansh ka ho aur shesh grah nirbal hon to jatak moksh pata hai (jatak chandrika) uchch ka guru chathe, athven athva kendriya bhav men ho, shesh grah nirbal hon to jatak mukti pata hai.
guru kark lagn men uchchasth ho, dhanu navansh ka ho aur tin-char grah kendra men hon to jatak moksh prapt karta hai (jatak parijat) guru dhanu lagn, mesh navansh men ho, shukra saptam bhav men tatha chandra kanya rashi men ho to jatak moksh pata hai. (jatak parijat) dasham bhav men min rashi ka mangal shubh grahon ke sang hon to vyakti moksh pata hai. (sarvarth chintamni)
barhven bhav ka svami pap shashthayansh men pap grah dvara drisht ho to prani narak men jata hai. (faldipika) barhven bhav men surya, mangal, shani ho athva dvadshesh surya sath men ho to mrityuprant narak prapti hoti hai. (bri.p.ho.sha.) guru dhanu lagn, mesh navansh men ho, shukra saptam bhav men tatha chandra kanya rashi men ho to jatak moksh pata hai. (jatak parijat) dasham bhav men min rashi ka mangal shubh grahon ke sang hon to vyakti moksh pata hai. (sarvarth chintamni)
if you are facing any type of problems in your life you can consult with astrologer in delhi