मेरा नाम भीम नहीं है

mera nam bhim nahin hai  

Ank ke aur Lekh | Sambandhit Lekh | Views : 4641 |  
mera nam bhim nahin hai jay niranjan punarjanm ki pahli ghatna sabse pahle maine apne hi ganv mahrha, tahsil- bindaki, jila-fatehpur (u. pra.) men suni thi. yadyapi is ghatna ka tathyaparak vaigyanik adhyayan abhi tak kisi paramnovigyani dvara nahin ho saka hai kyonki is ghatna ki jankari us samay kisi samachar patra men bhi nahin di gayi thi. maine is ghatna ke bare men jaisa suna hai uska vivaran is prakar hai. karib 1990 ke as-pas ki bat hai. main kaksha sat men parhta tha. mere ganv mahrha men do. rakesh shukla ke char varshiya bete bhim ne apne mata-pita se yah kahna shuru kar diya ki uska nam bhim nahin hai aur n hi yah uska ghar hai. uske dvara roj-roj aisa kahne par ek din unhonne pucha ki, beta, tumhara nam bhim nahin hai to kya hai aur tumhara ghar yahan nahin hai to kahan hai? is par bhim ne jo uttar diya usse do. shukla ashcharya chakit rah gae. usne jabab diya ki uska asli nam- 'sukkhu' hai. vah jati ka chamar hai evan uska ghar bindaki ke pas muradpur ganv men hai. uske parivar men patni evan do bachche hain. bare bete ka nam usne manchand bhi bataya. age usne yah bhi bataya ki vah kheti-kisani karta tha. ek bar kheton par sinchai karte samay uske chachere bhaiyon se vivad ho gaya, jis par uske chachere bhaiyon ne use favre se katakar mar dala tha. bhim ne apne pita do. rakesh shukla se apni purvajanm ki patni aur bachchon se milne ki ichcha bhi jatayi. muradpur, mahrha se tin-char kilomitar ki duri par hi hai. islie do. shukla ne ek din us ganv men jakar logon se sukkhu chamar aur uske parijnon ke bare men puch-tach ki to unhen bhim dvara batayi gayi sari jankari sahi mili. do. shukla ke muradpur se lautne ke bad ek din sukkhu chamar ki patni apne donon bachchon tatha kuch anya parijnon ke sath do. shukla ke ghar bhim ko dekhne ayi. yahan par bhim ne apne purva janm ke sabhi parijnon ko pahchana evan unhen unke nam se sanbodhit bhi kiya. patni ke dvara pair chune evan rone par usne use dhadhas bhi bandhaya aur uske sir par hath fera. jab ve log bhim se ghar chalne ke lie bole to vah saharsh taiyar ho gaya lekin do. shukla evan unki patni ne use nahin jane diya. is ghatna ke bad bhim aksar apni purva patni evan bachchon se milne ki bat karta rahta tha. isse do. shukla kafi pareshan bhi hue. bad men unhonne bhim ki purvajanm ki smriti ko samapt karne ke lie kisi tantrik ki sahayta li. jisse bad men bhim ki purvajanm ki smriti samapt ho gayi. vartaman men bhim shukla bi. tek kar raha hai. not : is ghatna ke sabhi vyakti evan sthan vastavik hain. u. pra. ke fatehpur jile men bindki tahsil mukhyalay se 4 kimi. dur bhim shukla putra rakesh shukla ka ganv mahrha hai. evan bindki tahsil mukhyalay se 1 kimi dur muradpur men sva. sukkhu harijan ka ghar evan parijan hain. dorakesh shukla ka klinik evan siment ki dukan bindaki men mahrha rod par sthit hai.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.