पूर्व जन्म व पुनर्जन्म के विषय में ज्योतिषीय नियम

purva janm v punarjanm ke vishay men jyotishiya niyam  

Ank ke aur Lekh | Sambandhit Lekh | Views : 4203 |  
purva janm v punarjanm ke vishay men jyotishiya niyam niraj sharma shri krishn ka yah kathan jyotish vigyan ke niyamon se sanpusht hai ki jiv ko apne karm fal se asthir sukh ya duahkh ko bhogakar unhen prithvi lok par lautakar ana parega kyonki jyotish se is sthiti ki ganna janmakundli ke barhven bhav se ki ja sakti hai. aur purva janm ke vishay men janne ke lie navam bhav se kya aur kaise vichar kiya jay, iska vistrit varnan parhie is lekh men. mrityu uprant jiv ki kaisi gati hogi, iske liye kundli ke dvadash bhav, dvadshesh tatha inhen prabhavit karne vale grahon par vichar karna hoga. dvadshesh yadi uchch rashi, svarashi, mitra rashi v saumya grahon ke vargon men ho to jiv ki sadgti (svarg adi) tatha nich, shatru rashi, pap grah yukt ho to adhogti (narak adi) hogi. isi ke antargat faldipikakar ne dvadshesh ke bhinna-bhinn grahon se sanbandh se kya gati hogi, yah varnit kiya hai. yadi yah grah surya ya chandra hai to shivlok, mangal se shighra prithvi par vapsi, budh se baikunnth, guru se brahmalok, shukra se svarg v rahu se dusre dvip men gati hogi. purva janm ke vishay men janne ke liye navam bhav v navmesh ki sthiti tatha kin grahon se prabhavit hai, yah dekhna chahie. isi prakar punarjanm ka vichar pancham bhav se karen aur dekhen ki pancham bhav v panchmesh kis sthiti men v kin grahon se prabhavit hain. purva janm ki disha, varn, gun adi ke liye navmesh ki rashi, sthiti tatha navmesh grah ke gun ke saman samjhen tatha punarjanm ke varn, gun, disha adi panchmesh grah ke gunon ke adhar par samjhen. ye grah yadi uchchadi achchi sthiti men hain to janm devtulya sthan men, nich shatru rashi adi men hai to dvipantar men (purva janm sthan se dur) v svarashi men hai to apne hi sthan men janm samjhen. surya se parvat v jangal vale sthan, chandrama v shukra se nadiyon v jal ke sthan, mangal se shushk kshetra, budh se tirth vale sthan, guru se prithvi ya desh adi ki sima vale sthan tatha shani se kathinai yukt sthan sthan janna chahie. yadi navmesh sthir rashi aur sthir navansh men hon to purva janm men tatha yadi panchmesh sthir rashi aur sthir navansh men ho to agle janm men, vyakti sthavar arthat vrikshadi hoga. yadi navmesh char rashi aur char navansh men ho to manushya purva janm men tatha yadi panchmesh char rashi v char navansh men ho to punarjanm men manushya hoga. yadi navmesh lagnesh ki uchch, ya sva rashi men hai to purva janm men aur yadi panchmesh, lagnesh ki uchch ya svarashi men hai to agle janm men jiv ka manushya yoni men hi janm hoga. yadi navmesh lagnesh ki sam rashi men hai to purva janm men tatha panchmesh, lagnesh ki sam rashi men hai to agle janm men, pashu yoni hogi. yadi navmesh, lagnesh ki nich ya shatru rashi men hai to purva janm men aur yadi panchmesh, lagnesh ki nich ya shatru rashi men hai to agle janm men pakshi yoni men janm hoga. yadi navmesh lagnesh ki uchch, ya sva rashi men hai to purva janm men aur yadi panchmesh, lagnesh ki uchch ya svarashi men hai to agle janm men jiv ka manushya yoni men hi janm hoga.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.