क्या है स्वप्न का विज्ञान?

kya hai svapn ka vigyan?  

Ank ke aur Lekh | Sambandhit Lekh | Views : 7876 |  
kya hai svapn ka vigyan ? pan. kishor ghildiyal adi kal se hi manav mastishk apni ichchaon ki purti karne ke prayatnon men sakriya hai. parantu jab kisi bhi karan iski kuch adhuri ichchaen purn nahin ho pati (jo ki mastishk ke kisi kone men jagrat avastha men rahti hai) to vah svapn ka rup le lati hain. adhunik vigyan men pashchatya vicharak sigmand frayad ne is vishay men kaha hai ki ''svapna'' manav ki dabi hui ichchaon ka prakashan karte hain jinko hamne apni jagrat avastha men kabhi-kabhi vichara hota hai. arthat svapn hamari vo ichchaen hain jo kisi bhi prakar ke bhay se jagrat avastha men purn nahin ho pati hain v svapnon men sakar hokar hamen mansik santushti v tripti deti hai. sapne ya svapn ate kyon hai? is prashn ka koi thos pramanik uttar aj tak khoja nahin ja saka hai. prayah yah mana jata hai ki svapn ya sapne ane ka ek karan 'nind' bhi ho sakta hai. vigyan manta hai ki nind ka hamare mastishk men hone vale un parivartanon se sanbandh hota hai, jo sikhne aur yaddasht barhane ke sath-sath mans peshiyon ko bhi aram pahunchane men sahayak hote hain. is nind ki hi avastha men nyuron (mastishk ki koshikaen) punah sakriya ho jati hain. vaigyanikon ne nind ko do bhagon men banta hai pahla bhag ar i em arthat raipid ai muvment hai. (jismen adhikatar sapne ate hain) ismen sharir shithil parantu ankhen teji se ghumti rahti hain aur mastishk jagrat avastha se bhi jyada gatishil hota hai. is ar i em ki avdhi 10 se 20 minat ki hoti hai tatha pratyek vyakti ek rat men char se chah bar ar i em nind leta hai. yah sthiti nind ane ke lagabhag 1.30 ghante arthat 90 minat bad ati hai. is adhar par ganna karen to ratri ka antim prahar ar i em ka hi samay hota hai (yadi vyakti samanyatah 10 baje rat sota hai to ) jisse sapnon ke ane ki sanbhavna barh jati hai. sapne bante kaise haiainn : din bhar vibhinn sroton se hamare mastishk ko sfuran (signl) milte rahte hain. prathmikta ke adhar par hamara mastishk hamse pahle udhar dhyan dilvata hai jise karna ati jaruri hota hai, aur jin sfuran sandeshon ki avashyakta turant nahin hoti unhen vah apne men darj kar leta hai. iske alava pratidin bahut si bhavnaon ka bhi ham par pratyaksh prabhav parta hai. jo bhavnaen ham kisi karan vash daba lete hain (gussa adi) vah bhi hamare avchetan mastishk men darj ho jati hain. rat ko jab sharir aram kar raha hota hai mastishk apna kam kar raha hota hai. (is dauran hamen chetnavastha men koi skuran sanket bhavnaen adi nahin mil rahi hoti) us samay mastishk din bhar mile sanketon ko lekar sakriya hota hai jinse svapn pradarshit hote hain. yah vah svapn hote hain jo mastishk ko dinabhar mile sfuran, bhavnaon ko darshate hain jinhen dinmen hamne kisi karan vash rok liya tha. jab tak yah pradarshit nahin ho pata tab tak bar-bar najar ata rahta hai tatha in par niyantran chahakar bhi nahin kiya ja sakta.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.