नए ग्रहों एवं राशियों की खोज का ज्योतिष पर प्रभाव

nae grahon evan rashiyon ki khoj ka jyotish par prabhav  

Views : 584 | October 2005

hal hi men pluto ke age 10ven grah ki khoj ki gai hai. khagolagyaon ne kailiforniya ki palomar vedhshala men sedna namak 10ven grah ka pata lagaya hai. yah grah prithvi se 13 arab ki.mi. dur hai. iska vyas lagabhag 1200 ki.mi. hai. iska rang mangal se bhi adhik lal hai. pluto ki tulna men surya se iski duri tin guna adhik hai aur akar men lagabhag usse adha hai. dasham grah ki khoj ne ek bar fir jyotishiyon ko jhakjhor dala hai aur unhen is par punarvichar karne ko badhya kar diya hai ki satya kya hai. buddhijiviyon ka manna hai ki is prakar ki khojon se jyotish ko nai paribhasha deni paregi aur jo aj tak ki jyotishiya ganna hai vah sab galat hai.

isi prakar khagolvid batate hain ki bhachakra men keval 12 rashiyan nahin apitu 13 rashiyan hain. terhvin rashi vrishchik aur dhanu ke bich hai jo ofiyukas ke nam se jani jati hai aur raeyal estraenaemikal sosaiti bhi san 1995 men iske astitva ki pushti kar chuki hai. satya kya hai? jyotish ki is bare men kya manyataen hain? kya jyotish ke niyamon ko dobara likhne ki avashyakta hai? satya yah hai ki 10van grah ho ya 13vin rashi, yah keval khoj hai, nae grah evan rashiyan utpann nahin hue hain jo jyotish ko badal den. asman men arbon tare hain jabki jyotish men keval 9 grahon ki ganna ke adhar par hi bhavishyakathan kiya jata hai aur ye 9 grah bhi ve grah nahin hanai jo surya ke charon or chakkar lagate hain.

jyotish men chandrama, jo prithvi ka upagrah hai, ko bhi anya grahon se adhik manyata di gai hai. isi prakar se jyotish men surya ko bhi ek grah ke rup men hi manyata mili hai evan chaya grah rahu aur ketu ko bhi grahon ki shreni men hi rakha gaya hai. jyotish men grah ka arth hai vah bindu jiska manushya ke jivan par prabhav parta hai jabki khagol men grah vah akashiya pind hanai jo surya ke charon or ghumte hanai. vaidik jyotish men keval 9 grahon ko hi manyata di gai hai jinmen yurenas, nepchyun aur pluto shamil nahin hanai. adhunik jyotish men inko sammilit kiya gaya hai lekin inka prabhav kafi kam dekhne men aya hai.


yah bhi padhen: shani grah se hain pirit to karen ye vishesh upay, jivan men milegi saflta


iska karan ek to unki prithvi se duri evan dusra unka chota akar hai. mukhyatah kisi grah ka asar uske gurutvakarshan ke karan hota hai jo dravyaman ke sidhe anupati evan duri ke varg ke vilomanupati hota hai (gravitational force is directly proportional to mass and indirectly proportional to square of the distance). is karanavash yurenas ka prabhav shani se keval 4 pratishat hi hota hai aur nepchyun aur pluto ka aur bhi kam ho jata hai. pluto ka prabhav to shani ke mukable hajarvan hissa hi hota hai.

ab yadi sedna ki ganna karen to uska prabhav pluto se bhi 10 guna kam hoga. anya pindon ka prabhav sedna se aur bhi bahut kam hota hai. yahi karan hai ki inke prabhav ko ham jyotish men adhik mahatva nahin dete hain. dusra karan hai pindon ki surya se duri jiske karan unki surya ki parikrama ki avdhi bahut adhik ho jati hai. jaise yurenas ki 88 varsh, nepchyun ki 160 varsh evan pluto ki 248 varsh. jyotish men ham grah ke usi rashi evan ansh par ane ke prabhav ka adhyayan karte hain. manushya ke jivan men yurenas, nepchyun aur pluto punah usi rashi evan ansh par nahin a pate. isi karan unhen purn mahatva nahin diya jata.jyotish men bhachakra ko 12 barabar bhagon men bantakar rashiyan banai gai hain. bhachakra sarvada 360 anshon ka hi rahega chahe usmen 12 bhag kie jaen ya anya kuch aur.

rashi ke in anshon ke piche jo bhi tara samuh dikhai diya uska ek nam de diya gaya. lekin yah avashyak nahin ki yah tara samuh pure anshon men faila ho ya apni sima se bahar n ja raha ho. rashi keval ek ganitiya ganna hai aur use vyavharik rup dene ke lie tara samuh ko nam evan akar diya gaya hai. atah ham in 360 anshon ke madhya koi naya samuh khoj len ya uske aur adhik bhag kar dane isse jyotishiya bhavishyakathan par koi prabhav nahin parta. bhartiya jyotish men is bhachakra ko n keval 12 bhagon men banta gaya hai apitu 27 nakshatron men bhi banta gaya hai jo chandrama ki pratidin ki gati ko darshate hain. chandrama lagabhag 27 dinon men bhachakra ka pura chakkar laga leta hai evan pratidin ek nakshatra age barh jata hai. isi tarah surya bhi 365 dinon men 12 rashi age chalta hai evan ek mah men ek rashi par kar leta hai.


janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.


hamare rishiyon ko in sabhi pindon ke bare men purva jankari thi lekin unhonne jyotish ko ek yatharth rup dene ke lie keval un grahon evan rashiyon ka chayan kiya jinka manushya ke upar ganbhir prabhav dekha ya anka ja sakta tha. un pindon ko chor diya jinka asar bahut sukshm paya gaya. yah thik usi prakar se hai jaise dilli se banbai ki duri ka map ham keval kilomitron men karte hain n ki mitron ya milimitron men. khagolvid kitni bhi khoj karte rahen evan kitne hi nae grahon ka pata laga len ya nai rashiyon ka namakaran kar len, jyotish jo pahle tha vahi aj bhi hai aur age

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

  अकतूबर 2020

फ्यूचर समाचार के इस अंक में अधिक मास- आश्विन, भाव चलित पार्ट और उसका अध्ययन, लग्न चार्ट द्वारा भूत, भविष्य, वर्तमान ज्ञात करना, आजीविका में उतार-चढ़ाव आदि लेख सम्मिलित हैं।

Subscribe


.