पद, उपपद और अर्गला के आधार पर फल कथन

pad, upapad aur argala ke adhar par fal kathn  

Ank ke aur Lekh | Sambandhit Lekh | Views : 1898 |  
lagnakundli ke adhar par ki gai bhavishyavani mithya ho jati hai, jiske nirakaran hetu maharshi parashar ne shadvarg ki vyavastha ki. jab koi fal lagnakundli ke sath-sath shadvarg kundli se bhi prakat hota hai, to uske mithya hone ki sanbhavna kam hoti hai aur vah samay ki kasauti par khara utrta hai. isi uddeshya ki purti hetu jaimini aur parashar donon maharshiyon ne apne granthon men pad, upapad, argala aur karkansh jaise vishyon ka samavesh kiya hai. in tathyon ke adhar par fal kathan ka prachalan uttar bharat ki apeksha dakshin bharat men adhik hai. jaimini sutram men shlok 30,31 aur 32 pad ko paribhashit karte hain - yavdishashrayan pad mrigyanam..30.. svasthe daraah ..31.. sutasthe janm ..32.. shlok 30 ke anusar vicharniya bhav se uske svami grah tak ginakar jo sankhya ho, utni hi sankhya us svami grah se ginakar jo rashi ati hai, vahi vicharniya rashi ka pad hoti hai. isee arurh bhi kahte hain. shlok 31 aur 32 ke anusar is niyam ke kuch apvad hain yadi jaise yadi vicharniya bhav se uska svami chaturth sthan par ho, to yahi sthan us bhav ka pad hoga. svasthah = chaturth sthan, daraah = chaturth sthan mev padan bhavti. isi prakar yadi vicharniya bhav se uska svami saptam sthan par ho, to vicharniya bhav se dasham sthan us bhav ka pad hoga. lagn ke pad ko lagnapad ya lagnarudh aur dvadash bhav ke pad ko upapad ya uparudh kahte hai. lagnapad ko mukhya pad aur anya bhavon ke padon ko kramshah dhanapad, sahajapad, sukhapad, putrapad adi kahte hai. maharshi parashar ke anusarah svasthanan saptam naiv padan bhavitumarhati. tasmin padatve samprapti madhyanturya kramat padam.. brihat parashar horashastra, adhyay 27, shlok 4 yadi kisi bhav ka svami svasthan men ho, to ukt niyam ke viprit us bhav se dasham sthanagat rashi us bhav ki pad rashi hogi. isi prakar yadi vicharniya bhav se saptam sthan par bhavesh hai, to vah bhav svayan hi pad hona chahie. kintu, aisa nahin hai. iske apvad svarup is sthan se chaturth sthan pad hoga. atah svasthan aur saptam sthan pad nahin hote, balki unke sthan par kramshah dasham aur chaturth sthan pad hote hain. argala kya hai? vicharniya bhav se dusre, chaithe, panchven ya 11ven sthan men grah sthit hone par bhav argala se yukt hota hai. yadi vicharniya bhav se 12ven, 10ven, nauven ya tisre sthan men grah ho, to bhav argala se badhit hota hai. is kathan ka tatparya yah hai ki bhav do ka argala badhit sthan 12van, bhav char ka 10van, bhav panch ka nau aur bhav 11 ka badhit sthan tisra hai. yadi bhav 12, 10, nau aur tin grah rahit hon to shubh argala banti hai, jo atyadhik labh ki suchak hai. rahu aur ketu ke lie argala sthan nau aur badhak sthan panch hota hai. argala se yukt bhav ke fal ko sthirta prapt hoti hai, islie vah fal nishchit rup se falit hota hai. yadi badhak sthan tin men tin ya adhik pap grah hon, to yah sthan badhak nahin hota. ise viprit argala kahte hain. yah ek prakar se viprit rajyog ke saman hai. argala sthan 2 4 5 11 badhak sthan 12 10 9 3 parashar ke anusar rashiyon ki tarah grahon ke bhi pad hote hain. yasmadyavtithe rashau khetat tadbhavanan dvij. tatastavtithan rashin khetarudhan prachakshate.. dvinath dvibhyorevan vyavastha sablavdhi. viganayya padan vipra tatastasya falan vadet.. brihat parashar hora shastra, adhyay 27, shlok 5,6 vicharniya grah se uski rashi tak ki sankhya ginon. tatpashchat us rashi se utni hi sankhya age ginakar par jo sthan aega usmen sthit rashi us grah ka pad hota hai. surya aur chandra ko chorakar anya grahon ki do-do rashiyan hoti hain. aisi avastha men balvan rashi tak ganna karke pad ka nirdharan karna chahie. balvan rashi kaun si hogi,? jaimini ke anusar grah rahit rashi ki tulna men grah yukt rashi adhik bali, kam grah vali rashi se adhik grahon vali rashi adhik bali aur saman grah hone par sva, uchch ya shubh grah vali rashi adhik bali hoti hai. jaise kisi kark lagn ki kundli men surya mensh rashisth hai. mangal ka pad arthat arurh gyat karna hai. mangal ki do rashiyon mesh aur vrishchik men surya ke adhishthit hone ke karan mesh balvan hai. mangal se mesh tak ki ginti sankhya char hai, islie mesh se age char sankhya ginne par lagn bhavagat kark rashi mangal ki pad rashi hogi. pad, upapad aur argala se fal kathn bhav 2, 5, 9, 11 ya kisi kendra bhav ka pad lagnapad se yadi kendra ya trikon sthan men ho, shubh grahon se yukt ya drisht ho aur pap grahon se mukt ho, to jatak ka jivan unnatishil hota hai. aise logon ko koi adrishya shakti atirikt bal pradan karti hai, jisse ve uttam svasthya aur dirghayu prapat karke apne parishram, duradarshita aur tejobal se apne lakshya ko prapt karte hain. nirbal lagnapad ke manushya ayogya, aksham, ashikshit, agyani, asthir v mand buddhi ke, shithil, utsahhin, aduradarshi aur uddeshyahin hote hain. yadi kendra-trikon bhav argala se yukt hon, to vyakti bhagyavan, rajasamman aur anek kshetron men labh arjit karne vala hota hai. iske viprit bhav 6, 8, aur 12 argala se yukt hon to ashubh fal prapt hote hain. jaise shashth bhav ki argala se shatru bhay, ashtam bhav ki argala se daihik kasht aur dvadash bhav ki argala se apavyay hota hai. jaimini sutram, adhyay 1, shlok 22 aur 23 ke anusar yadi lagnapad aur usse saptam sthan ki shubh grahon se yukt argala badhit bhi ho, to dhan-dhanya ki vriddhi hoti hai. chakravarti rajgopalacharya, pan. javahrlal nehru, shrimti indira gandhi, lal bahadur shastri, atlbihari vajpeyi, lalkrishn advani, dhirubhai anbani, amatrya sen, harivansh ray bachchan jaise mahapurushon ke lagnapad kendra -trikon jaise shubh sthanon men hain aur lagnakundli ke anek bhav argala se yukt hain. ye sabhi apne-apne kshetron men bahumukhi pratibha sanpann vyaktitva ke svami rahe hain. lagnapad se ekadash sthan: lagn kundli se sabhi bhavon ke pad gyat karke ek pad kundli bana len. ekadash sthan labh ka hota hai, islie lagnapad se ekadash sthan men koi bhi grah ho ya us par kisi grah ki drishti ho, to manushya ka jivan unnatishil, karmashil, yash, dhan aur sanpatti se yukt hota hai. yadi is sthan par shubh grahon ki drishti ya sthiti ho, to prashansniya karyon se unnati hoti hai aur yadi ashubh grahon ka prabhav ho, to nindniya karyon se jivan star uchch hota hai. yadi ekadash bhav argala se yukt bhi ho, to aur adhik labh hota hai. lagnapad se dvitiya aur saptam sthan: in sthanon men shubh grah chandrama, brihaspati ya shukra ho ya koi svochch pap grah ho, to vyakti yash, dhan, pad aur sanpatti se sukhi hota hai. budh hone se prashasnik pad ki sanbhavna hoti hai aur shukra hone se vyakti, bhogi aur sahitya premi hota hai. lagnapad se dvitiya sthan men ketu hota ho to burhape ke lakshan shighra utpann ho jate hain aur saptam sthan men rahu ya ketu se udar rog hone ki sanbhavna hoti hai. lagnapad se saptam bhav ka pad kendra ya trikon sthan men ho, to jatak lakshmivan hota hai aur yadi chathe, athven, 12ven sthan par ho to daridra hota hai. lagnapad se dvadash sthan: yah vyay ka sthan hai jis par grahon ki drishti ya sthiti hone par vyay adhik hota hai. yadi dvadash ki tulna men ekadash bhav par adhik grahon ka prabhav ho to vyay kam aur labh adhik hota hai. dvadash sthan par pap grahon ke prabhav se ashubh karyon men dhan nasht hota hai aur shubh grahon ke prabhav se shubh karyon jaise vivah, makan, shiksha, vahan adi par vyay hota hai. jaimini sutram adhyay 1, pad 3, shlok 7 tatha brihat parashar horashastra ke adhyay 27 shlok 16 ke anusar lagnapad se dvadash sthan men surya, shukra aur rahu ekatra hon, to sarkar ke karan dhan hani hoti hai aur yadi is sthan ko chandrama dekhe, to nishchit rup se sarkar ke karan hi dhan hani hoti hai. dhan aur vyapar yog: vyapariyon ki kundli men lagn, dhan, bhagya aur karm bhav tatha inke svami pusht aur balvan hone chahie. vyapar jagat men dhan ki bhumika aham hoti hai, islie dhan se sanbandhit bhav, bhavesh aur karak grahon ka apsi talmel aur unki ka avastha balvan hona bahut avashyak hai. inki nirbal avastha valon ko vyapar nahin balki naukri karni chahie, anyatha dhan-vyapar ke sath-sath samajik pratishtha ka nash ho jata hai. dhirubhai anbani ki kundli ek utkrisht udaharan hai. unhonne apna jivan shunya se shuru karke 1 lakh karor ka vyaparik samrajya sthapit kiya. uparyukt niyamon ke anusar unki lagn kundli ko pad kundli men parivartit karne par gyat hota hai ki lagnapad aur sukhapad donon kendra bhavagat shubh mithun rashi men aur bhagyapad lagnapad se ekadash sthan (lagn se trikon sthan) par hai, in par kisi bhi pap grah ki drishti nahin hai. lagnakundli men lagn, pancham, navam aur dasham bhav argala se yukt hain. atah aise grah yog ki prerna se dhiru bhai atmabali, mansik bali, utsahi, karmath aur drirh sankalp se paripurn vyaktitva ke svami the. unki padkundli men dhan pad ki sthiti lagnapad se pancham aur karmapad ki sthiti karm bhav se pancham sthan par hai. yah unnati, saflta, sanpannata aur vyapar jagat men vishvasniyata hetu ek prabal yog hai. unki kundli men pad lagn se vyay pad dvadash sthan par hai aur do shubh grah budh evan shukra se drisht hai. isse prakat hota hai ki dhiru bhai ke dhan ka vyay shubh karyon men hua. apne vyapar ke prasar hetu unhonnane bahut dhan ka vyay kiya, jisse itna adhik labh hua ki unki kanpni ke sheyar dharak unke prati atyant adar ki bhavna rakhte hain. rajyog: lagn kundli men dasham bhav, surya, chandra aur brihaspati tatha upachay bhav 3, 10 aur 11 men sthit mangal, shani aur rahu shasan se sanbandhit grah hain. pad kundli men jab lagnapad, bhagyapad aur karmapad kendra, trikon ya upachay bhav (shashth ko chorkr) men upasthit ho, to rajyog hota hai. pan. javahrlal nehru ki kundli men lagnapad dasham bhavagat hai aur tin shubh grahon budh, shukra evan brihaspati se drisht hai. indira ji ka lagnapad bhi dasham bhav men hai, jo shani se drisht hai. in donon ko tulnatmak drishtikon se dekhen to gyat hota hai ki pan. nehru bahut adhik bhavuk, sanvednshil, kalpanashil, duradarshi, manvtavadi aur rashtravadi chintak tatha imandari aur naitikta se paripurn bahuayami vyaktitva ke svami the. isi prakar nobel puraskar vijeta arthashastri amatrya sen ka lagnapad saptam bhav men hai aur shukra se drisht hai. in sabhi ke bhagyapad aur karmapad shubh rashi ya shubh sthan men sthit hain. vishleshan hetu rashtrapti dae. abdul kalam ki kundli ek sarvashreshth udaharan hai. unka janm ek nirdhan parivar men hua aur abhavon se grast hone ke karan apne balyakal men relve steshan par akhbar bechakar apna gujara kiya. aise vyakti ka vidvan sabhi vishyon ka gyata tatha vaigyanik drishtikon ke karan anveshan karyon men nipun evan rashtrapti jaise uchch rajkiya pad par asin hona ek karishmai upalabdhi hai. iske piche kaun si guhya shakti hai ? lagnapad upachay sthan 3 men hai. lagnapad se karmapad pancham sthan aur bhagyapad navam sthan (donon trikon) men hai. lagnapad se 11ven sthan men shani grah hai, jis par shubh grah brihaspati ki drishti hai. uchch shiksha ke lie pancham bhav, panchmesh, budh aur brihaspati ka balvan hona avashyak hai. panchmesh mangal ki svagrih par drishti, svagrihi budh (bhadra aur budh-aditya yog), uchch rashisth brihaspati adi uchch shiksha ka sanket de rahe hai. padkundli men pragyapad arthat pancham bhav ka pad apne sthan se dasham sthan arthat lagn se dvitiya bhav par parta hai, jis par brihaspati ki purn drishti hai. iske sath-sath pancham bhav se chaturth sthan par shubh grah brihaspati hone ke karan yah bhav shubh argala se yukt hai. iska badhak dasham sthan grah rahit hai. atah uchch shiksha evan usse prapt upalabdhiyon ke utkrisht fal nishchit hain. rajyakarak dasham bhav ka pad lagnapad se pancham sthan par aur dasham bhav se dasham hone ke karan prabal rajyog ban gaya hai. dasham bhav se dusre, chaithe aur 11ven sthanon men grah upasthit hone ke karan yah bhav argala yukt hai. atah rajyog ka fal rashtrapti ke pad ke rup men falibhut ho gaya hai. lagnadarpde vipramithah kendragte yadi. trilabhyostrikone va sada raja dharadhipah..33.. brihat parashar horashastra yadi lagnapad aur stripad paraspar kendra-trikon men hon ya tisre athva 11 ven sthan par hon, to jatak raja hota hai. dhirubhai aur dae. kalam ki pad kundli men lagnapad aur stripad ka sanbandh kramshah 3-11 aur trikon ka hai. benjir bhutto ki lagn kundli men saptam bhavagat surya aur mangal tatha dasham bhavagat shani rajyog ka nirman kar rahe hain. sath hi dasham bhav se dvitiya sthan men grah hone ke karan rajya sthan argala se yukt hai. kshitiya ka badhak sthan dvadash hai, jismen koi grah nahin hai. atah yah argala badhak rahit hai. pad kundli men lagnapad aur karmapad shubh grah ki rashi men hain. iske falasvarup unhen pradhanmantri ka pad mila, kintu yah asthai aur vivadagrast siddh hua. kyon? lagnapad se karmapad arthat rajyapad ashtam sthan men hai, lagnapad se ekadash sthan par kisi bhi shubh grah ki drishti nahin hai aur rajyapad se ekadash sthan par pap grah shani ki drishti hai. shrimti bhutto ko apne pad se hatna hi nahin para, apitu apna vatan bhi chorna para. vaivahik sukh: lagnapad se saptam bhav ka pad kendra, trikon aur upachay sthan tin,10,11 men ho, pati/patni men mitrata hoti hai aur grihasth jivan sukhpurvak vyatit hota hai, kintu yadi saptam bhav ka pad chathe,athven,12ven men ho, to unmen mataikya nahin hota, jisse vaivahik jivan men nirsta, shushkata aur shithilta utpann ho jati hai. brihat parashar horashastra ke adhyay 28, shlok 3, 4 aur 9 ke anusar yadi upapad kisi shubh grah ki rashi men ho ya shubh grah se yukt yar drisht ho, to manushya stri-santan ka sukh bhogta hai. kintu, yadi upapad pap grah ki rashi men ho aur pap grah se yukt ya drisht ho, to stri-santan ke sukh ka abhav milta hai. isi prakar upapad se dvitiya sthan men shubh rashi, shubh grah ki drishti ya upasthiti ho, to uparyukt sukh milta hai, anyatha vah sukh nahin milta. atah stri-santan ke sukh hetu dvitiya bhav ki shubhta ka bahut mahatva hai. dae. kalam stri-santan ke sukh se vanchit hain kyonki unki pad kundli men upapad shubh grah ki rashi kanya men to hai, magar shani ki drishti aur chaya grahon ke prabhav se tatha upapad se dvitiya sthan mangal se pirit hai. uparudhe dvitiye va mithune sansthite sati. tatra jatnro vipra bahudaryuto bhavet..10.. brihat parashar hora, adhyay 28 yadi upapad men ya upapad se dvitiya sthan men mithun rashi ho, to vyakti anek striyon ka bhog karta hai (aur stri anek purushon ka bhog karti hai). ek yuvti ki kundli men lagnapad se saptam bhav ka pad shashth sthan par hone se aur mangal, rahu v shani ki mishrit drishti hone se pati se shatruta ka bhav prakat hota hai. iska upapad mithun rashi men hai. is yuvti ne apne vivah ke kuch mahinon ke bad pati ko chor kar kisi anya purush ke sang anaitik sanbandh kayam kar lie the. lagabhag 6 varshon tak aise anaitik sanbandhon ke bad ab usne apne se kam umra ke ek yuvak se vivah kiya hai. abhinetri rekha ki kundli men lagn bhavagat mangl-rahu yog shani ki drishti se bahut vishakt ho gaya hai, jiske vidhvansak prabhav se saptam bhav pradatt sukh nasht ho gae hain. dvadash bhavagat shukra atyadhik kam pipasa ka pratik hai. unke jivan men anek purush aye, magar kisi ke sath bhi unke danpatya jivan ko sthayitva nahin mila. iski pushti pad kundli se hoti hai, jismen upapad pap grah ki rashi men uchch grahashrit hai. tatra papasya papyoge pravajya darnasho va..2.. shubhdrigyogatra..4.. uchche bahudarah..6.. jaimini sutra, adhyay 1, pad 4 yadi upapad pap grah se yukt ya drisht ho ya pap grah ki rashi men ho, to jatak sanyasi ya pati/patni se rahit hota hai. aisa hone par yadi upapad shubh grah se drisht ho, to purvokt pati/patni ka nash nahin hota. yadi upapad uchch grahashrit ho to anek striyan/purush hote hain.“ benjir bhutto ka danpatya jivan anek varshon tak shushk raha aur unhen akele hi videsh men nirvasit jivan vyatit karna para. unke prati asif jardari bhrashtachar ke arop men lagabhag ath salon tak jel men kaid rahe. is prakar unke yauvan ka svarnim kal nasht ho chuka hai. unki pad kundli men upapad pap rashi men hai aur pap grah mangal tatha shubh grah guru se drisht hai. atah kuch varshon ke kashton ke bad mukti milne ki sanbhavna hai. karishma kapur ka vivah bari dhumdham se 29 sitanbar, 2003 ko hua aur 9 mai, 2005 ko unhonne putri ko janm diya. tabhi se vah apne pati se alag hain aur talak ke lie kort men mukdma chal raha hai. lagn kundli men dvadash bhavagat surya-shani danpatya jivan ke sukhon ke nashak hain. pad kundli men saptam bhav ka pad rahu adhishthit pap rashi vrishchik men sthit hai aur mangal se drisht hai tatha upapad bhi pap rashi mesh aur pap grah mangal ke sang hai. atah danpatya sukhon ka nash hona hi tha. saptam bhav se chaithe aur panchven sthanon men grah hone se argala banti hai, jo badhak rahit hai kyonki badhak sthan kramshah 10 aur 9 grah rahit hain. atah pati se samjhauta karna unke lie labhkari hoga, anyatha talak ke bad dvitiya vivah kar lena chahie.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2005

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.