अष्टम भावस्थ शनि-II संतान

ashtam bhavasth shani-ii santan  

Ank ke aur Lekh | Sambandhit Lekh | Views : 2015 |  
pichle shodh patra men shani ke ashtam bhavasth hone ko rahasyamay kaha gaya tha. ashtamasth shani ki pancham bhav par purn drishti hone ke karan iska shubh-ashubh prabhav shiksha, santan adi par hona chahie. pancham bhav ko purva punya bhav bhi kaha jata hai. purva janm ke karmon ka santan tatha usse prapt hone vale sukhon se sidha sanbandh hai. pancham bhav kundli men santan ka karak hai aur ashtam bhav pancham se chaturth bhav hai, atah santan aur uske sakh-dukh ka ashtamasth shani se jurna svabhavik hai. navam bhav pancham se pancham hai. parantu ashtam bhav se dvitiya marak sthan hai. ashtamasth shani ki drishti dasham bhav par hai jo pancham bhav ka shashth bhav hai. ashtamasth shani ki drishti dvitiya bhav par hai jo pancham bhav ka dasham bhav ya karm sthan hai. in sab tathyon ko dhyan men rakhte hue ashtamasth shani ka santan ke jivan se ghana sanbandh hona chahie. is drishti se kuch kundliyon ka adhyayan kiya gaya. is adhyayan men santan ka hona, n hona, santan ke sukh-duahkh tatha santan se prapt hone vale sukh-dukh ke vishay men jyotishiya vivechna ki gai hai. dhanvan athva nirdhan jivan ko sukhamay banane ke lie anek prakar ke sangrah karta rahta hai. apne vansh ko age chalane ke lie vivah karta hai, kintu jab tak santan ho nahin jati tab tak use vastavik sukh nahin milta. santan sukh ka manushya ke purva janm ke karmean se ghanishth nata hai. santan ke lie jayotish men mukhya rup se pancham bhav, pancham se pancham navam bhav, saptam bhav, putra karak brihaspati ki sthiti tatha jaimini drishti se putrakarak grah, bijasfut tatha kshetrasfut adi ka adhyayan kar nirnay karte hain. santan ke ayayan men santan ka hona, n hona, garbhapat hona, santan ke sukh-duahkh tatha santan se sukh-dukh ko dekha ja sakta hai. 1. santan janm janm tarikh: 14.12.57, janm samy: 15ah2ah37 ghanta, janm sthan: dilli jatak ka lagn mesh hai jis par saptam bhav se brihaspati ki drishti hai. iska bij sfut min rashi (sam rashi) par hai. atah santan ki sanbhavna kam hai. parantu ashtam bhav se mangal aur surya se yut shani ki drishti pancham bhav par hai, brihaspati navam bhav tatha min rashi ka svami hokar saptam bhav men shukra ki tula rashi men sthit hai aur navam bhav men brihaspati ki rashi dhanu men budh sthit hai. yah sab santti ka sanket dete hain. jatak ki pratham santan, larke ka janm 15.12.82 ko hua. us samay rahu/brihaspati ki dasha chal rahi thi aur ye donon saptam bhav men sthit hain. gochar men brihaspati bhi saptam bhav par the jab bachcha garbh men tha. shani ka gochar bhi saptam bhav par tha aur navam bhav par uski drishti thi. mangal ka gochar garbhavastha ke samay navam bhav par aur janm ke samay dasham bhav par tha jiski drishti pancham bhav par thi. yah sab grah sthitiyan larke ke janm ko sanket de rahi hai. jatak ki dusri santan kanya ka janm 6.2.90 ko rahu/shukra dasha men hua. rahu saptam bhav men sthit hai aur shukra dasham bhav men shani ki makar (stri) rashi men sthit hai jis par ashtam bhav se shani ki drishti hai. atah kanya ka janm hua. gochar men brihaspati tritiya bhav men chandra se yut hokar saptam tatha navam bhav par drishti de raha tha. shani navam bhav men budh tatha shukra se yut the. mangal ka gochar bhi janm samay par navam bhav par tha. jatak ki tisri santan kanya ka janm 7.3.1994 ko rahu/chandra ki dasha men hua. rahu saptam bhavasth hai aur chandra ne budh ki rashi men pancham bhav se shasht men pravesh hi kiya hai. brihaspati ka gochar saptam bhav par tatha shani ka gochar ekadash bhav par kunbh rashi men tha aur shani ki pancham bhav par, lagn par tatha ashtam bhav par drishti thi. yah sthiti kanya ke janm ka sanket deti hai. jatak ki tinon santanen rahu ki mahadsha men huin jo saptam bhav men brihaspati se yut hokar sthit hai aur bahu santti yog bana raha hai. janm tarikh: 23.3.1940, janm samy: 18.29 ghanta, janm sthan: hathrs jatak kanya lagn men janma hai jisapar saptam bhav se surya, brihaspati tatha ketu ki drishti hai. lagn men chandra aur rahu sthit hain. rahu tatha brihaspati ki sthiti bahu santti ka yog bana rahi hai yadyapi bijasfut min men (sam) hai. lagnesh budh vakri hokar shashth bhav men hai jise pancham bhav men mana ja sakta hai. brihaspati saptam bhav men hai aur shukra shani se yut hokar ashtam bhav men mangal ki mesh rashi men hai. jatak ki pratham santan panutri ka janm 6.7.1966 ko rahu/budh ki dasha men hua. rahu lagn men chandra ke sath kanya rashi men hai aur brihaspati se drisht hai. budh vakri hai, shani ki rashi men hai. janm ke samay brihaspati tatha mangal mithun rashi men gochar kar budh par drishti dal rahe the aur mangal ki drishti pancham bhav par thi. janvri 1966 men brihaspati shukra ki vrish rashi men tha aur pancham bhav par drishti dal raha tha. shani min rashi saptam bhav par gochar kar lagn par drishti dal raha tha jahan rahu baitha hai. sare sanbandhit grah athva rashyian kanya janm ki or ishara karti hain. jatak ke pratham putra ka janm 1.8.1975 ko rahu/chandra ki dasha men hua. rahu aur chandra lagn men hain jin par brihaspati ki saptam bhav se drishti hai. gochar men brihaspati ashtam bhav, mesh rashi par, shukra aur shani par chandra, mangal se yut hokar drishti de rahe the. brihaspati ki drishti dvadash bhav men sthit navmesh shukra par bhi thi. shani ka gochar ekadash bhav par chandra ki rashi kark par, ashtam bhav par chandra par tatha pancham bhav (sva grih) par tha. mangal ka gochar ashtam bhav par tha jahan se uski drishti panchmesh shani tatha lagnesh budh par thi. jatak ke dusre putra ka janm 26.10.1977 ko brihaspati/brihaspati dasha men hua. brihaspati saptamesh hai, saptam bhav men hai aur lagn par drishti dal raha hai. gochar men brihaspati vakri hokar dasham bhav men tha aur lagnesh budh ko dekh raha tha. yadi vakratva ka dhyan rakhen to brihaspati navam bhav se prabhavi tha aur lagn tatha pancham bhav par drishti dal raha tha. vaise march 1977 se purva brihaspati navam bhav men hi tha aur lagn tatha pancham bhav ko ashirvad de raha tha. shani sinh rashi par gochar kar raha tha jahan se ve lagnesh budh v navam bhav ko prabhavit kar rahe the. mangal ekadash bhav par gochar kar pancham bhav par drishti de raha tha. shukra ka gochar rahu ke sath lagn par tha. janm tarikh: 12.8.47, janm samy: 17.00 ghanta janm sthan: dilli jatak dhanu lagn men janma hai, jis par saptam bhav se chandra aur mangal ki drishti hai. mangal panchmesh hai, chandra ashtamesh hai. lagnesh brihaspati ekadash bhavon men baithakar pancham tatha saptam bhav par drishti dal raha hai. shani ki drishti bhi pancham bhav par hai. jatak ka bijasfut visham rashi mithun men hai. yah sab tathya bahu santti ko ingit karte hain. shukra surya, budh tatha shani se yut hokar ashtam bhav men hai. rahu shukra ki rashi vrish men hai. jatak ki pratham santan kanya ka janm 1.8.85 ko shani/shni ki dasha men hua. shani ashtam bhav men budh aur shukra se yut hokar chandra ki kark rashi men hai. shani ki drishti pancham bhav par hai aur panchmesh mangal saptam bhav men budh ki rashi men hai. grahon ki yah sthiti kanya janm ka sanket de rahi hai. gochar men brihaspati svagrihi tatha vakri hokar lagn par gochar kar saptam, pancham tatha navam bhav par drishti dal raha tha. shani ekadash bhav par shukra ki tula rashi par gochar kar pancham bhav tatha lagn ko prabhavit kar raha tha. shukra saptam bhav men mithun rashi par tha. janm se pahle janvri 85 se mangal ka char mesh (pancham bhav), vrish (navam bhav par drishti), mithun (saptam bhav) par tha. jatak ki dusri kanya ka janm 23.12.89 ko hua. us samay shani/budh ki dasha chal rahi thi. budh ashtam bhav men kark rashi men shani tatha shukra ke sath hai yah sthiti ke janm ka sanket de rahi hai. kanya gochar men shani tatha budh ka gochar lagn par tha tatha donon saptam bhav ko prabhavit kar raha tha jahan brihaspati gochar men sthit tha. mangal dvadash men shukra ke sath sthit hokar saptam bhav ko prabhavit kar rahe the. jatak ki tisri kanya ka janm shani/ketu ki dasha men 1.9.91 ko hua. ketu dvadash bhav men sthit hai. iske vakratva ke karan iski drishti pancham tatha saptam bhavon par par rahi hai. shani ka gochar dvitiya bhav (kutunb) par tha jahan se ekadash bhav (vriddhi), shukra ki tula rashi par thi. ketu mithun rashi par saptam bhav par gochar kar raha tha, saptamesh budh shukra ke sath kark rashi men tha. kanya rashi se mangal ka gochar pancham bhav par drishti dal raha tha. jatak ki chaturth santan putra ka janm 27.8.93 ko shani/shukra ki dasha men hua. shukra ashtam bhav se dvitiya bhav par drishti dal raha hai. brihaspati tula (svami shukra) rashi men sthit hokar pancham tatha saptam bhav par drishti dal raha hai. gochar men svagrihi vakri shani pancham tatha navam bhavon par drishti dal raha tha. navam bhav par surya ka sinh rashi par gochar tha. mangal tatha brihaspati ka gochar dasham bhav par tha jahan se mangal ki drishti pancham bhav (mesh rashi) par thi. shukra ka gochar ashtam bhav par tha jahan se uski drishti dvitiya bhav par thi. janm tarikh: 30.1.1882, janm samy: 20.45 ghanta, janm sthan: nyuyarka jatak ka janm kanya lagn men hua, jisapar dasham bhav se ashtamesh mangal ki drishti hai. ashtam bhav men shani brihaspati se yut hokar dasham, dvitiya tatha pancham bhavon par drishti dal raha hai. mangal ki drishti pancham bhav par bhi hai. pancham bhav men shukra surya ki yuti hai, shukra navmesh hai. brihaspati saptamesh hai. ye sare tathya kai santanon ka sanket hain. jatak ke panch santanen shani ki mahadsha (3.2.66-2.2.25) men huin. shani brihaspati ke sath ashtam bhav men hai, nich ka hai aur panchmesh hai. janm tarikh: 23.3.1940, janm samy: 18.29 ghanta, janm sthan: hathrs jatak ka lagn kanya hai, jis par surya, brihaspati tatha ketu ki saptam bhav, min rashi se drishti hai. lagn meen chandra tatha rahu sthit hain. lagnesh budh vakri hokar shashth bhav men kunbh rashi men hai. iske vakri hone ke karan pancham bhav par prabhav le sakte hain. brihaspati saptam bhav men tatha mangal navam bhav men hai. shukra shani ke sath ashtam bhav men hai. grah sthiti santan utpatti ke anukul hai. jatak ki pratham santan putri ka janm 6.7.66 ko rahu/shni ki dasha men hua. shani ki drishti pancham bhav tatha apni rashi aur dvitiya bhav (kutunb) par hai. svayan shani ashtam bhav men shukra ke sath nicha men hai. rahu lagn men chandra ke sath kanya rashi men hai yah sthiti kanya ke janm ka sanket deti hai. gochar men rahu shukra ke sath navam bhav men tha aur pancham bhav par drishti dal raha tha jahan gochar ka chandra sthit tha. shani gochar men saptam bhav par brihaspati ki rashi men tha aur navam bhav tatha lagn par drishti de raha tha. mangal dasham bhav men brihaspati se yut hokar gochar kar pancham bhav par drishti dal raha tha. budh ekadash bhav par gochar kar pancham bhav ko dekh raha tha. jatak ke pahle putra ka janm 1.8.75 ko rahu/chandra ki dasha men hua. chandra aur rahu donon lagn men sthit hain tatha saptam bhav se min rashi se surya se yut brihaspati dvara drisht hain. chandra ekadshesh hai aur lagn men hai. rahu ki lagn se pancham tatha navam bhav par drishti hai. gochar men rahu tritiya bhav par tha aur navam bhav ko dekh raha tha. chandrama ne vrish rashi navam bhav men pravesh kiya tha. shani ka gochar kark rashi par, ekadash bhav par tha jahan se vah lagn, pancham bhav tatha ekadshesh chandra ko prabhavit kar raha tha. brihaspati vakri hokar ashtam bhav men tha jisee saptam bhav men mana ja sakta hai. uske sath mangal bhi tha. vakri brihaspati ki gocharasth drishtiyan ekadash bhav par, lagn par thin. mangal ekadash dvitiya tatha tritiya bhavon par drishti dal raha tha. jatak ke dusre putra ka janm 26.10.1977, brihaspati/brihaspati dasha men hua. brihaspati saptam bhav men baith kar ekadash bhav lagn tatha ekadshesh chandra aur tritiya bhav par drishti dal raha hai. gochar men brihaspati mithun rashi men tha aur dvitiya bhav, surya aur lagnesh budh tatha navam bhav par prabhav dal rahe the. mangal kark rashi par gochar kar dvitiya bhav, surya, lagnesh budh tatha pancham bhav ko dekh rahe the. janm tarikh: 18.9.52, janm samy: 18.4 ghanta, janm sthan: panipat. jatak ka janm lagn kunbh hai jis par saptam bhav se chandra tatha budh ki drishti hai, dasham bhav se svagrihi mangal ki drishti hai. lagnesh shani ashtam bhav men surya v shukra ke sath sthit hai. pancham bhav par mangal tatha shani ki drishti hai. saptam, navam tatha ekadash bhavon par brihaspati ki drishti hai. santan hone ki sthiti hai. yadi brihaspati ke vakratva ko dhyan men rakhakar dekhen to vah dvitiya bhav men svagrihi ho jata hai jis par shukra, surya tatha shani ki drishti ho jati hai. jatak ki pratham santan kanya ka janm 28.2.80 ko mangl/ surya ki dasha men hua. mangal tatha surya donon stri rashi men hai. vakri brihaspati ki drishti shukra, shani, mangal tatha surya par hai. gochar men mangal brihaspati se yut hokar saptam bhav men sthit tha aur uski drishti lagn tatha ekadash bhav par thi. surya ka gochar lagn par budh ke sath tha. gochriya brihaspati ki drishti ekadash bhav, lagn tatha dvitiya bhav par thi. shani ka gochar ashtam bhav par tha aur iski drishti dvitiya tatha pancham bhavon par thin. budh ka gochar lagn par tha jis par saptam bhav se brihaspati tatha mangal ki drishti thi. jatak ki dusri santan kanya ka janm 4.7.81 ko rahu/rahu ki dasha men hua. rahu dvadash bhav men sthit hai aur vakratva ke karan iski drishti saptam bhav par hai jahan chandra aur budh sthit hain. rahu ka gochar kark rashi par tha jahan chandra tatha navmesh shukra sthit hain. shani tatha brihaspati gochar men ashtam bhav kanya rashi men the. yahan se brihaspati ki drishti dvitiya bhav tatha gochriya mangal par thi. shani ki drishti dvitiya bhav tatha pancham bhav men budh par thi. mangal ka gochar vrish rashi par tha jahan se uski drishti saptam tatha ekadash bhavon par thi. janm tarikh: 3.12.65, janm samy: 20.36 ghanta, janm sthan: chandan nagar (pashchim bangal) jatak ka janm lagn kark hai. is par tatha lagnesh par pancham bhav se ketu tatha shashth bhav se vakri mangal ki drishti hai . pancham bhav men ketu tatha surya do krur grahon ki vakri budh ke sath yuti hai aur is par ashtam bhavasth shani ki bhi drishti hai. brihaspati dvadash bhav men hai parantu panchmesh mangal tatha shani ko dekh raha hai. shukra saptam bhav men hai aur chandra navam bhav men brihaspati ki rashi min men hai. atah santan utpatti men vilanb hai parantu uchit dasha men hone ki sanbhavna hai. ketu ki dasha (1991) men vivah hua, aur shukra ki dasha 1992 se shuru hui. shukra rahu se pirit hai tatha papakartari yog men hai parantu brihaspati se pancham bhav ka svami bhi hai. lagn se pancham bhav ka svami mangal hai parantu vah vakri hokar shashth bhav men hai. chandra se pancham bhav ka svami svayan lagnesh chandra hai jo navam bhav men brihaspati ki rashi min men sthit hai. jatak ne 15.10.2001 ko shukra/rahu ki dasha men jurvan santan putra tatha putri ko janm diya. rahu shukra ki rashi ekadash bhav vrish men hai aur shukra par drishti dal raha hai. shukra saptam bhav men hai. yadi brihaspati ke vakratva ko dhyan men rakhakar dekhen to uska prabhav ekadash bhav se le sakte hain jahan se pancham bhav par purn drishti hai. saptam bhav tatha shukra par bhi drishti hai. vakri mangal ko bhi pancham bhav par prabhavi mana ja sakta hai. vakri mangal tatha vakri brihaspati ki ek dusre par drishti hai. gochar men shukra surya aur chandra ki yuti men tritiya bhav kanya rashi par hokar navam bhaav ko dekh raha tha. rahu dvadash bhav men brihaspati se yut hokar vakri hone ke karan pancham tatha saptam bhavon ko dekh rahe the. mangal dhanu rashi (svami brihaspati) men gochar kar rahu par drishti dal raha tha. brihaspati ka gochar dvadash bhav par, tatha shani ka gochar ekadash bhav par tha jahan se vah pancham bhav tatha lagn ko dekh raha tha. grahon ki sthitiyon v unke vakratva se jurvan santan ka sanket milta hai. udaharan aur bhi hain, yadi shani ke viprit prabhav ke udaharan n diye jayen. kintu adhyayan adhura rahega inmen dattak santan, garbhapat tatha niahsantan jatkon ki kundliyon ka adhyayan shamil hai. janm tarikh: 23.5.69, janm samay 15.20 ghanta, janm sthan: munbai. jatak ka janm kanya lagn men hua. lagn tatha saptam bhav rahu/ketu ke aksh par hain. lagn men brihaspati hai parantu ketu se pirit hai. saptam bhav men uchch ka shukra hai brihaspati ki min rashi men, parantu rahu se pirit hai. lagnesh budh vakri hokar navam bhav men surya se ast hai. mangal ki navam bhav par tatha vakratva ke karan pancham bhav par drishti hai. brihaspati ki drishti pancham, saptam tatha navam bhavon par hai. nich shani ki drishti dvitiya tatha pancham bhavon par hai. jatak ka vivah 2.1991 men ketu ki mahadsha men hui. ketu ki lapet men pancham bhav, saptam bhav, navam bhav, navmesh shukra, saptamesh v santan karak brihaspati hain. iske bad shukra ki mahadsha ai, parantu shukra bhi rahu/ketu ke aksh par hai. n to grah sthiti aur n hi dasha sthiti santan utpatti ki drishti se anukul rahi. jatak ne 1997 men shukra/shukra/chandra ki dasha men kanya ko god liya. shukra uchch ka hokar saptam bhav men hai. chandra ekadshesh hokar ekadash bhav men hai aur pancham bhav ko dekh raha hai. maharshi parashar ke anusar yadi pancham bhav men makar rashi ho aur us par durbal shani ki drishti ho to jatak santan god leta hai. is kundli men pancham bhav men makar rashi hai jisapar ashtam bhav se nich shani ki drishti hai. brihaspati kendradhipti doshyukt hai. 3. garbhapat aur fir santan janm tarikh: 1.3.80, janm samy: 7.15 ghanta, janm sthanah shimla. jatak ka lagn kunbh hai jis par saptam bhav se chandra, vakri mangal, vakri brihaspati tatha sinh rashi se rahu ki drishti hai. lagn men surya, vakri budh tatha ketu sthit hai. sat grah lagn tatha saptam bhav men hain, jinmen tin vakri hain. lagnesh shani chaitha vakri grah hai jo ashtam bhav men sthit hai aur dvitiya bhav men sthit uchch shukra se sam saptak hai. grahon ki sthiti bahut kuch kah rahi hai. pancham bhav shani tatha ketu se aur saptam bhav surya aur ketu se drisht hai. navam bhav vakri mangal tatha vakri shani se prabhavit hai. panchmesh budh vakri hokar lagn men surya se ast v ketu se pirit hai. saptamesh surya shani ki rashi men lagn men hai, navmesh shukra uchch hokar dvitiya bhav men hai aur ashtam bhav se shani se drisht hai. jatak ka vivah 29.1.03 ko hua. surya/chandra ki dasha men garbhapat 12.08.03 ko hua. krur surya saptamesh hokar ketu ke sath yut hai aur panchmesh budh ko dagdh kar raha hai. mangal tatha rahu se yut chandra saptam bhav men sinh rashi men sthit hokar surya aur lagnesh budh par drishti dal raha hai. ashtam bhav se shani ki drishti pancham bhav par panchmesh budh ki dusri rashi kanya se hai. atah lagn, pancham bhav, panchmesh rahu/ketu ke aksh par hokar surya, shani tatha mangal ke prithkkari prabhav men hain. gochar men surya shashth bhav men tatha chandra dvadash bhav men the. mangal lagn par tatha shani pancham bhav par gochar kar rahe the. brihaspati ka gochar saptam bhav par tha parantu vah shani tatha mangal se drisht tha. jatak ne 15.9.04 ko surya/rahu ki dasha men ek putra ko janm diya. surya saptamesh hokar lagn men hai jis par saptam bhav se brihaspati ki drishti hai. rahu brihaspati ke sath saptam bhav men hai. chandra aur mangal bhi saptam bhav men hai. yadi shani ka vakratva dekha jae to vah bhi saptam bhav men prabhavi hai. gochar men mangal tatha surya saptam bhav men the. panchmesh budh bhi saptam bhav par tha. rahu tritiya bhav par gochar kar saptam, navam tatha ekadash bhavon ko prabhavit kar raha tha. chandra tatha brihaspati gochar men ashtam bhav men sthit hokar dvitiya bhav par drishti dal rahe the. gochar ke shani ki drishti brihaspati, chandra tatha rahu par thi. 4. niahsantan udahrn janm tarikh: 9.5.65, janm samy: 11.00 ghanta, janm sthan: lakhnau. jatak ka janm lagn kark hai, jis par vrishchik rashi sthit ketu ki drishti hai. ketu pancham bhav ko nasht kar raha hain. pancham bhav par shani, rahu v mangal ki bhi drishti hai. lagnesh chandra dvitiya bhav men sinh rashi men mangal se pirit hai aur ashtam bhav ke shani se bhi drisht hai. panchmesh mangal yogkarak hote hue bhi nishkriya hai. kyonki ashtam bhav se svarashi shani se drisht hai. saptam bhav par brihaspati v rahu ki drishti hai. saptamesh shani ashtam bhav men hai. navam bhav par ketu tatha mangal ki drishti hai aur yah papakartari yog men hai. yahan dvadshesh budh sthit hai. navmesh brihaspati rahu se pirit hokar ekadash bhav men hai. brihaspati shashthesh bhi hai. atah grah sthiti jatak ke lie santan janm ke anukul nahin hai. uska kshetra sfut visham rashi kunbh men hai. uska vivah 1988 men hua tha. janm tarikh: 20.12.68, janm samy: 7.30 ghanta, janm sthan: kangra jatak ka janm sinh lagn men hua. lagn par shani ki rashi kunbh men saptam bhavasth surya ki drishti hai aur surya hi lagnesh bhi hai. lagn men panchmesh tatha ashtamesh brihaspati vakri hokar sthit hai. ketu apne vakratva ke karan lagn, brihaspati, panchmesh, pancham bhav, saptam bhav tatha navam bhav ko prabhavit kar raha hai. saptamesh shani ashtam bhav men mangal tatha rahu ke sath sthit hai. navmesh mangal navam bhav se dvadash ashtam bhav men shani tatha rahu ke sath baitha hai. shani shashthesh tatha saptamesh hokar ashtam bhav men mangal tatha rahu ke sath sthit hokar dvitiya tatha pancham bhavon par drishti dal raha hai. jatak ka kshetra sfut kunbh rashi men hai jo visham rashi hai. uska vivah 30.4.93 ko budh/ketu ki dasha men hua. budh vakri hokar shashth bhav men hai. iske bad budh/shukra ki dasha rahi. shukra bhi shasht bhav men ketu se pirit hai. fir budh/surya ki dasha ai. surya lagnesh hokar saptam bhav men shatru shani ki rashi men hai. budh/chandra ki dasha men chandra ashtam bhav ke rahu, jo mangal tatha shani se yut hai. se pirit hai. budh/mangal ki dasha ka mangal ashtam bhav men shani tatha rahu se yut hokar dvitiya tatha tritiya bhavon ko dekh raha hai. budh/rahu ki dasha ka rahu ashtam bhav men hai. vartaman men budh/shni ki dasha hai aur shani shashthesh hokar ashtam bhav men hai. atah sthitiyan santan ki asha ko dhumil karti najar a rahi hain. janm tarikh: 24.10.70, janm samay 5.30 ghanta, sthan: kanpur jatak ka kanya lagn men hua hai. lagn par vakri rahu tatha vakri shani ka prabhav hai. lagn papakartari yog men hai tatha usmen mangal baitha hai. lagnesh budh nich surya se ast hokar dvitiya bhav men hai aur nich shani se drisht hai. lagn tatha saptam bhav rahu aur ketu ke prabhav men hain. pancham bhav par panchmesh nich shani ki ashtam bhav se drishti hai. saptam bhav par vakri rahu, aur ketu ka prabhav hai. saptamesh brihaspati dvitiya bhav men surya se pirit hai, shatru shukra ki rashi men hai aur ashtam bhav se shashthesh nich shani dvara drisht hai. brihaspati par rahu ki bhi drishti hai. navam bhav par vakri rahu ka prabhav hai. vakri shani ka bhi prabhav mana ja sakta hai. shani vakri hai aur shashthesh hokar ashtam bhav men nich rashi men, jiska svami mangal hai, baitha hai. us par lagn se mangal ki drishti hai. shani panchmesh bhi hai. ashtamesh mangal ki drishti pancham bhav par hai. is jatak ka lagn, lagnesh, pancham bhav, saptam bhav, navam bhav, panchmesh, saptamesh, navmesh sab pirit hain. pancham bhav prithktavadi grahon shani, surya, rahu tatha mangal ke prabhav men hai. jatak ka vivah 1996 men shukra/shni ki dasha men hua. shani ke bad budh, ketu ki antardashaen ain. atah dashaon ne bhi santan utpatti men sahayta nahin ki aur vah niahsantan hai. is adhyayan se nimn nishkarsh nikale ja sakte hain: 1. shubh shani tatha brihaspati ka pancham, saptam bhav par santan dete hain. 2. rahu tatha brihaspati ka shubh prabhav lagn tatha saptam bhav par prabhav rahu ki mahadsha men adhik santan ka dyotak hai. 3. dvitiya bhav tatha ekadash bhavon par shubh shani v brihaspati ka prabhav santan deta hai. 4. nich tatha vakri shani santan nahin deta. 5. ketu ka lagn tatha pancham bhav par prabhav santan utpatti men badhak hota hai yah sab nishkarsh ashtam bhavasth shani ke udahrnon men hain.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2005

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.