मुहूर्त विचार

muhurt vichar  

Views : 627 | June 2004

prashna: muhurt kise kahte hain?

uttara: 2 ghariyon, arthat 48 minton ke kal ko muhurt kahte hain. vyavhar men muhurt ka arth hai vah shubh ghari, jo karya ko safal banane men sahayak siddh ho. kisi bhi karya vishesh ke lie panchang shuddhi dvara nishchit ki gai samyavdhi ko ‘muhurta’ kaha jata hai.

prashna: muhurt par karya karne se kya labh hai?

uttara: muhurt par karya karne se saflta prapt hoti hai evan karya sugmtapurvak purn hota hai, vighnon ka nash hota hai evan archnon men nyunta ati hai.

prashna: kya muhurt par karya karne se bhagya badal jata hai? arthat yadi bhagya men koi upalabdhi n ho, to achche muhurt par karya kar ke kya ham vastu vishesh ko prapt kar sakte hain?

uttara: achcha muhurt hamare bhagya ko to nahin badal sakta, lekin karya ki saflta ke path ko sugam bana sakta hai. jis prakar yadi hamen karya par jana ho aur bahar andhi, tufan, ya ole par rahe hon, to gantavya par pahunchna bahut kathin ho jaega aur yadi mausam achcha ho, to vahi yatra hamare lie sugam aur ananddayak ho jaegi, usi prakar se shubh muhurt men kiya gaya karya sugam ho jata hai. sath hi yadi koi anya hani honi hai, to vah kshin, ya kam ho jati hai evan adhikadhik labh prapt hota hai.

prashna: muhurt kis prakar achche fal ko darshata hai?

uttara: jis prakar se janmakundli men grah yadi kendra, ya trikon men sthit hon, to kundli achchi kahlati hai evan achche bhavishya ko darshati hai, usi prakar karyaranbh ki kundli hi muhurt ki kundli hoti hai aur ek achche muhurt men grahon ko shubh sthanon par sthit karne ka prayas kiya jata hai. grahon ki yah shubh sthiti hi achche bhavishya ko darshati hai.

prashna: kya ek muhurt ek jatak ke lie shubh aur dusre ke lie ashubh ho sakta hai?

uttara: avashya. muhurt men jatak ki rashi men chandrama ki sthiti ko dekha jata hai. yadi vah 4, 8, 12 hai, to yah sthiti nesht mani jati hai. is prakar ek jatak ke lie muhurt shubh evan dusre ke lie nesht ho sakta hai. yah thik usi prakar se hai, jaise jatak vishesh ki kundli ka ek jatak ki kundli se milan ho sakta hai aur dusre se nahin. ise is prakar se bhi samjha ja sakta hai ki ek jatak ko ek prakar ki kaesmik kirnen labh deti hain evan dusre ko dusre prakar ki. ek muhurt men ek grah sthiti hai, jo ek prakar ki kiran aon ko vitrit karti hai evan dusre muhurt men dusre prakar ki. atah ek jatak ke lie ek muhurt shubh hai, to dusre ke lie dusra.

prashna: muhurt kis karya ke lie dekhna chahie? kya dainik karyon, jaise snan, bhojan, ya karyalay gaman adi ke lie bhi muhurt dekhna chahie ?

uttara: vishesh karyon ke lie hi muhurt vichar anusrniya hai. dainik karyon ke lie muhurt vichar ki avashyakta nahin hai.


apni kundli men rajyogon ki jankari paen brihat kundli riport men


prashna: yadi samay ka abhav ho, to muhurt kaise nikalna chahie?

uttara: muhurt vichar men anekanek grahon, yogon, nakshatron, tithiyon, varon adi ka vichar kiya jata hai, jis karan shubh muhurt prapt hone men kai saptahon, ya mahon ki bhi pratiksha karni par sakti hai. yadi hamare pas utna samay nahin hai, to keval janm rashi se chandrama ki shubh sthiti evan shubh nakshatra dekh kar muhurt nikala ja sakta hai. shubh var evan tithi ka bhi yadi vichar kar saken, to uttam hai.

prashna: yadi kisi karanavash pahle se karya ki tithi tay ki hui hai, to kya karna chahie?

uttara: yadi tarikh tay hai, to bhi ham lagn shuddhi kar muhurt ko achcha bana sakte hain. tithi achchi n hone par bhi lagn shuddhi se muhurt ko lagabhag shubh bana sakte hain. iske atirikt shubh hora, ya chaighriya, ya abhijit muhurt ka chayan kar shubh fal prapt kar sakte hain. shubh tithi ke din bhi yadi lagn shuddhi adi nahin ki, to fal ashubh ho sakte hain.

prashna: muhurt ke lie var ki ganna kaise karni chahie?

uttara: jyotish men var suryoday se shuru ho kar agle suryoday par samapt hota hai. atah madhya ratri ke bad bhi purvakalik var hi chalta rahta hai.

prashna: muhurt ke lie tithiyon, nakshatron, yogon adi ki ganna kaise karni chahie?

uttara: muhurt men sabhi gannaen spasht kal par hi karni chahien, n ki suryonday, ya kisi anya kal par.

prashna: yatra, athva shubh karya par jane ke lie rahu kal ka kya mahatva hai?

uttara: kisi shubh karya ke lie rahu kal men jane se karya men vyavdhan ate hain. atah rahu kal ko tyajya mana gaya hai. lekin yadi koi karya kar rahe hain, to use rahu kal men samapt karne, ya rokne ki avashyakta nahin hoti hai.

prashna: muhurt nikal kar karya karne ke bad bhi yadi usmen 1-2 ghante ki deri ho jae, to kya karen?

uttara: adhikanshtya dekha jata hai ki ham muhurt to niklvate hain, lekin usko thik se nibha nahin pate hain. vivah men to yah aksar dekhne men ata hai ki muhurt 10 baje ka hai, to fere 2 baje rat ko hote hain. yah bahut bari bhul hai. kai bar lagn badal dene se grah ashtam, ya dvadash sthan men pahunch jate hain, jo anarth kar dete hain. atah, pure din ki kal ganna pahle se kar ke, samajh lena chahie ki kaun sa samay kitna shubh hai evan kitna ashubh tatha ashubh samay ko chor kar dusre shubh lagn men hi karya karna uttam hai.

prashn kya muhurt ke dvara bhavishya ko badla ja sakta hai?

uttar jas prakar kisi balak ke janm samay ke grah uske bhavishya ko batate hain, usi prakar muhurt ane vale samay men jo karya hona hai, uska bhavishya batata hai. shubh muhurt men karya kar bhavishya to nahin badla ja sakta, parantu kuch dosh avashya kam kie ja sakte hain. shubh muhurt men karya tabhi safal hota hai jabki apke purva janm ke karm v bhagya anukul hon.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

  अकतूबर 2020

फ्यूचर समाचार के इस अंक में अधिक मास- आश्विन, भाव चलित पार्ट और उसका अध्ययन, लग्न चार्ट द्वारा भूत, भविष्य, वर्तमान ज्ञात करना, आजीविका में उतार-चढ़ाव आदि लेख सम्मिलित हैं।

Subscribe


.