कुंडली विश्लेषण के कुछ महत्वपूर्ण नियम

kundli vishleshan ke kuch mahatvapurn niyam  

Ank ke aur Lekh | Sambandhit Lekh | Views : 35410 |  

kundli ka vishleshan karte hue kuch mahatvapurn tathyon jaise- sabhi grahon ki sthiti, digri, drishti, gati, navansh aur chalit ki sthiti adi ko avashya hi dhyan men rakhna chahie aur unhin ke anusar bhavishyakathan karna chahie. in sabhi pahluon ko dekh kar agar bhavishya kathan hoga to nishchit rup se jyotish ke vaigyanik drishtikon ko ham sarthak kar sakte hain.

jyotish shastra manushya ko andhkar se prakash ki or le jata hai aur apra tatha para vidyaon ko jorne vale pul ki tarah karya karta hai.

is shastra se hi ham kisi ke prarabdh aur bhavishya ke bare men kuch jan sakte hain. har vyakti ka janm uske prarabdh ke anusar hi hota hai aur is janm ke lekhe-jokhe ke anusar hi agla janm hota hai. prayah isi tarah yah jivan chakra chalta rahta hai.

jyotish shastra jo khagoliya shastra par adharit hai hamare bhavishya kathan men bahut sahayak siddh hota hai. ismen koi sanshay nahin hai ki khagol shastra ki tarah jyotish bhi vigyan hai parantu ismen kuch apvad bhi hain. yah ek sanbhavnaon ka shastra adhik hai. koi bhi bhavishyavani purn satyata se karna asanbhav to nahin par kafi kathin hai. jahan ek or kundli men grahon ki sthiti drishti, dasha, gochar adi ke adhar par bhavishyavani ki jati hai vahin jyotishi ki chathi indri arthat antajrnyan tatha uski ishvariya shakti bhi bahut mahatvapurn hoti hai. kuch jyotishi keval kundli se hi dekh kar bata dete hain to kuch kundli ke pratyek pahlu ko achchi tarah parakh kar batate hain.

alg-alag jyotishiyon ke bhavishyakathan men bhi kafi fark hota hai kyonki unke anubhav v tarike bhi bhinn hote hain. bhavishya kathan ke vyavharik paksh ko dekhen to kuch baton ka dhyan avashya rakhna chahie jaise -

1. desh kal paristhiti

2. chalit

3. navansh

4. rajyog, dasha v gochar ka samanvay

5. shadbala

6. nich bhang raj yog

7. vakri grah

8. stanbhit grah

9. shani shukra dasha ka vichitra niyam

10. drishti sanbandh

11. grahon ka paraspar parivartan yog (vinimy)

12. kal sarp yog

13. panchmhapurush yog

14. purush jatak ya stri jatk

1. desh, sthan, kal, paristhiti ka mahatva

bhavishyakarta ko desh, kal, sthan v paristhitiyon ke anusar hi bhavishyakathan karna chahie. har desh/smaj vyakti vishesh ki sanskriti, vaibhav, samriddhi adi ka dhyan rakh kar hi kundli dekhni chahie. kisi dhanadhya vyakti ki kundli ka lakshmi yog ya rajyog use arbpti bana dega jabki garib vyakti ki kundli ka vahi yog use lakhpti banaega.

isi prakar samajik sthiti aur sanskriti bhi bhavishya kathan men jaruri hai kyonki videsh men saptam bhav men yadi pap grah sthit hon aur kisi bhi shubh grah ki drishti n ho to talak ki bhavishyavani kafi sahi siddh hogi. par bharat men is vishay par kafi soch samajh kar bolna chahie kyonki ab bhi praurh umra ke vyakti talak ke bare men nahin sochte.

kundli-1 men saptam bhav men do prithktavadi grah surya aur rahu baithe hain. saptam bhav par kisi bhi shubh grah ki drishti nahin hai. saptamesh ashtam bhav men sthit hai. in sajjan ka vivah viprit paristhitiyan hote hue bhi chal raha hai. videsh men shayad alag ho gaye hote.

kundli-2 men saptam bhav men char grah sthit hai jinmen surya aur mangal prithktavadi grah hain videsh men is kundli ko dekhne se fauran kah sakte hain ki talak ho jaega aur ek se adhik vivah honge. parantu bharat men isi kundli vale jatak ka vivah ghisat raha hai. achche sanbandhon men khatas hote hue bhi vivah chal raha hai.

2. chalit ka mahatva

kundli ka akalan karte hue chalit ko avashya dekhna chahie kyonki lagn kundli men grah trikon ya kendra men hote hue bhi yadi chalit men shasht, ashtam ya dvadash men chale jaen to faladesh bhinn ho jata hai aur usmen nyunta a jati hai; athva ashtam ya dvadash men sthit shubh grah saptam ya kendra men a jaen to fal ki shubhta men vriddhi hoti hai. lagn kundli men grah usi bhav ke fal deta hai jismen ki chalit men jata hai.

kundli-3 men sthit sabhi grah chalit men ek ghar piche chale gaye hain arthat sabhi ki rashi ham lagn se legen par bhavafal bhav chalit se liya jaega. is lagn ke anusar is jatak ka varchasva bahut adhik hona chahie parantu fal lagn kundli ke anusar nahin mila. surya, budh aur shukra ke navam men ane se use jivan men vishesh saflta nahin mili.

3. navansh ki mahatta

janmakudli ke atirikt navansh kundli ko dekhna atyant avashyak hai. saptam bhav ke atirikt anya grahon ki navansh men sthiti jaise uchch, nich, svagrihi ya mulatrikon adi ko dekhne se kundli ke atirikt bal ka gyan hota hai jisse sahi faladesh men bahut sahayta milti hai.

kundli-4 men jatak bachapan men hi rahu ki dasha ke karan jyada nahin parh paya parantu apne bhagya ke bal par aj arbpti hai.

kundli men dhanesh, labhesh tath lagnesh ekadash bhav (labh sthan) men guru se kendra men yuti bana rahe hain. dhan karak guru dhan sthan men sthit hai tatha navansh men surya aur guru uchch rashi men tatha shukra mangal svagrihi hokar kundli ko atyant balshali bana rahe hanai.

4. grah bal

faladesh karte hue grah bal ka dhyan rakhna bhi avashyak hai kyonki kai bar kundli men yog hote hue bhi grah ke hin bali hone se yog falibhut nahin hota aur bhavishyakathan ki satikta prabhavit hoti hai jaise- anek bar aisi kundli dekhne ko milti hai jise dekh kar kaha nahin ja sakta ki vivah nahin hoga. vivah karak grah ki sthiti achchi hote hue bhi vivah nahin hota kyonki kalatra karak grah shukra/guru saptamesh hokar kahin bhi shunya ansh men hon, shubh grah ki drishti men n ho, pap grah ki drishti ya yuti men hane athva papakatrtari se pirit ho to vivah ki sanbhavna kam ho jati hai.

kundli-5 men jatak ki ayu 81 varsh ki ho chuki hai parantu vivah abhi tak nahin hua kyonki jaya karak shukra saptamesh hokar shunya ansh ka hai tatha shani se drisht hai. saptam par chandra aur rahu ki drishti hai islie vivah chah kar bhi nahin ho paya.

5. sthan parivartan ka rajyog tatha dashafal ka vichitra niyam

kavi kalidas dvara rachit uttarakalamrit ke anusar shukra aur shani yadi donon uchch, svakshetri tatha vargottami hokar balvan sthiti men hane, to ek dusre ki dasha tatha antardasha men kharab fal dete hain. lekin donon men se ek balvan aur dusra balhin ho to apne yog ka fal dete hain.

indira gandhi: inki kundli atyant balvan hai. shani aur chandra, guru aur shukra evan surya aur mangal ka parivartan arthat sabhi grahon ke parivartan yog se bahut bare rajyog ban rahe hain. shukra aur shani donon hi balvan hain. lekin shani ki mahadsha aur shukra ki antardasha men indira ji ko chunavon men jabaradast har aur badnami ka samna karna para.

kundli-7 men shukra tritiyesh evan dashmesh hokar svagrihi hai aur shani shashthesh, saptamesh aur akarak hokar chaturth bhav men (shatru rashi men) surya aur rahu ke sath sthit hokar ashubh sthiti bana raha hai. shukra ki mahadsha aur shani ki antardasha men jatak ko achche fal prapt hue aur shiksha ke kshetra men vishesh pragti hui.

6. nich bhang raj yog

isi tarah se bhavishya kathan karte hue nich grah aur uchch grah ka kafi vichar kiya jata hai. usmen bhi nich bhang raj yog ka dhyan rakhna chahie. yadi nich grah vakri ho jae to uchch grah ke saman fal deta hai aur uchch grah vakri ho jae to vah apne bal men kshin ho jata hai aur apekshit fal nahin de pata.

sharad pavar: nich ke shani ne apni dasha men inhen kendra sarkar men atyant mahatvapurn pad pradan kie aur sath hi sharirik kasht (lakva) bhi diya. par uchch bhagya dekhiye ki chehre ka lakva hote hue bhi vah aj desh ke krishi mantri ke pad par asin hain.

shyam sundar bhartiya: dhanesh surya ko dhankarak grah guru ki purn drishti hai islie surya ne nich rashi men hote hue bhi apni dasha men bhartiya ji ko arbpti bana diya.

anil anbani: anil anbani ko kaun nahin janta. inki kundli men do prakar se nich bhang rajyog ban rahe hanai. chandra aur mangal ka apas men parivartan yog hai tatha mangal adhishthit rashi kark ka svami chandrama mangal se dasham arthat kendra men hai.

7. stambhit grah

guru balvan hone ke bavjud agar stambhit hota hai to bhi fal nahin deta. jaise arjun sinh ji ko guru ki mahadsha men viprit paristhitiyon ka samna karna para aur inke rajnaitik kairiyar ko bara jhatka laga.

8. vakri grah

kalidas ke anusar uchch grah vakri hokar kshin fal dete hain.

morar ji desai: inki kundli men guru aur shani donon apni uchch rashi men baithe hain lekin vakri hain. islie jidangi men kafi uthl-puthal rahi aur apni akankshaon ki purti ke lie unhen atyadhik sangharsh karna para.

inke atirikt grahon ke ansh, ast athva parast sthiti, drishti sanbandh tatha dashafal v gochar ka dhyan bhi rakhna chahie. kyonki uchit dasha ane par janmakundli ke yogon dvara banai gai karmafal ki potli lane ka kam gochar hi karta hai. bahut bar aisa bhi hota hai ki achche yog dene vale grahon ki dasha ane par bhi sahi gochar ke abhav men purn rup se santoshajanak fal nahin mil pate.

nishkarsha: bhavishya kathan karte hue yadi jyotish ke in mahatvapurn niyamon ka palan kiya jae aur sabhi tathyane ka dhyan rakha jae to nishchit rup se falakathan men satikta a jaegi.

Kya aapko lekh pasand aaya? Subscribe
Kya aapko lekh pasand aaya? Subscribe


  October 2010

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.