ऋण एवं उनके उपाय
Ank ke aur Lekh | Sambandhit Lekh | Views : 1763 |  
rin ka arth hai ‘‘karja’’ aur karj har manushya ko chukana parta hai. iska ullekh ved-puranon men prapt hota hai. hindu dharma-shastron ke anusar manushyon par tin rin mane gae hain- dev rin, rishi rin evan pitri rin. in tinon men pitri rin sabse bara rin mana gaya hai. in rinon ka prabhav janma-janmantron tak manushya ka sae ki tarah picha karta hai. vaise to paranpragat jyotish ne bhi in tathyon ko apni janmakundli men sameta hai. lekin lal kitab is mamle men vishishta sthan rakhti hai. iske anusar pita dvara liya gaya rin putra ko chukana parta hai. yahan tak ki arthik-sharirik tatha mansik rin bhi chukana parta hai. vaise bhi vyakti ko jivn men tin baten kabhi nahin bhulni chahie- karj, farj aur marj. jo manushya inko dhyan men rakhte hue apna karm karta hai to vah kabhi asafal nahin hota aur jivan dhanya ho jata hai. prayah yah dekha jata hai ki hamara koi dosh nahin hota fir bhi hamen kasht uthane parte hain. aisa kyon hota hai? purvajon men se kisi ne ashubh ya pap karm kie hote hain jo paitrik rin ban jate hain aur unko kutunb ke kisi sadasya ko chukana hota hai. isilie vah kasht uthata hai. kabhi-kabhi ham par bare burhon ke pap ke karan rahasyamyi prabhav parta hai jo hamare lie avishvasniya va ashcharya chakit karne vala hota hai. kahne ka tatparya yah hai ki jurm koi kare aur saja koi pae. paitrik rin hone par dand bhi koi nikat sanbandhi hi pata hai. paitrik rinon ka vichar janmakundli se kiya jata hai. rin ka gyan ho jaye to uska upay bhi rakta sanbandhi ko karna hota hai. paitrik rin dusra vyakti nahin utar sakta hai. rakt sanbandhiyon men bahin, beti tatha unke bachche ate hain jaise-pota-poti, nati-natin tatha bhanja-bhanji ityadi. lal kitab ke anusar paitrik rin lal kitab ke anusar manushyon par navagrahon ke adhar par nau prakar ke rin mane gaye hain. yatha-svarin, matri rin, parivarik rin, kanya/ bahan ka rin, pitri rin, stri rin, nirdayi rin, ajanmakrit rin tatha ishvariya rin. pitri rin yah rin guru grah ke dushit hone par hota hai. janm kundli ke dvitiya, pancham, navam ya barhven bhav (khana nan. 2, 5, 9 ya 12) men shukra budh ya rahu sthit ho to pitririn ka bhar jatak par nishchit rup se parta hai. navam bhav men guru ke sath shukra sthit ho ya chaturth bhav men shani aur ketu hon tatha chandra dasham bhav men ho to jatak nishchit hi pitri rin se pirit hoga. upay jo grah pitri rin ka ho chuka ho, us grah ko uchch ka karne ke upay grah ki avdhi se purva karna chahie. jaise- guru ke lie 16 varsha purva, surya ke lie 22 varsh purva, chandra ke lie 24 varsh se pahle, mangal ke lie 28 varsh purva, budh ke lie 34 varsh purva, shukra hetu 25 varsh tatha shani ke lie 36 varsh se pahle hi upay kar lena chahie. anyatha vah apni avdhi purn karne ke pashchat jatk ko avashya hi hani pahunchaega. do grahon ke pitririn men ek samay men keval ek hi upay karna chahie tatpashchat ek ya do hafte chorkr hi dusra upay karna chahie. udahrnartha- jaise jatak ke pita ya dada ne kutte mare ya marvae to jatak par guru aur ketu donon grahon ka pitri rin hogaa. upay bhi donon grahon ka karna hoga. jatak pitri rin se pirit hai to apne sabhi rakt sanbandhiyon se dhan ikattha karen aur us dhan ko dharmik sthan par dan karen ya us dharmik sthal par marammat ityadi ka karya karaven ya jatak apne ghar se bahar darvaje par bahar ki tarf jidhar najar jae tatha baen hath ki taraf donon dishaon mane 16 kadam ki duri ke andar pipal vriksh ki sthapna karen to use is pitri rin se mukti mil jati hai. stri rin shukra grah ke dushit ho jane par ‘stri rin’ (patni rin) ka bhar parta hai. janm kundli men jab dvitiya va saptam bhav (khanan nan. 2-7) men surya, chandra ya rahu sthit ho to ‘stri rin’ utpann hota hai. pahchan: jatak dvara ghar men pashu dhan ko nafarat se dekhna tatha use ghrina se palna hi stririn ki pahchan ya lakshan hote hain. karn: kisi bhi lalach ke karn prasav ke samay stri ko mara-pita gaya ho ya hatya ki gai ho. yahi stririn ka mukhya karan hota hai. anisht prabhav: parivar men purushon ki bimari par jama-punji sab svaha ho jati hai. bete evan poton ki akasmat mrityu ho jati hai. ghar men chori ya daka parta hai. har tarh se dhan sanpda barbad ho jati hai. ghar men koi mangal karya ho to rishtedaron (najdiki) ki maut hoti hai. sukh men dukh, manglik vela men maut, bevjh bina karan koi de de. upay jatak apne rakt sanbandhiyon se dhan jama karen v us dhan se 100 svastha gayon ko jo kisi bhi prakar se anghin n ho saprivar milkr uttam bhojan ya uttam chara khilae to ‘‘stri rin’’ se mukti pa sakta hai. nirdayi ka rin shani grah ke dushit ho jane se yah rin hota hai. jab janm patrika men dasham ya gyarhven bhav men surya, chandra ya mangal ka pravesh ho jata hai to vah shani se pirit hota hai aur yahi dasha jatak ko nirdayi rin ka doshi bana deti hai. pahchan: ghar ka dvar dakshin disha men ho ya vah ghar kisi banjh ya anath se jamin lekar banaya gaya hai. ghar ke marg par kuon ko dhankkr makan banaya ho. ghar malik ko nind n ae agar ek bar so jae to jag nahin pae. achanak aise gharon men ashubh ghatnaen ghatit hone lagti hain. karn: kisi jiv ki hatya ki ho ya kisi ki sanpatti dhokhe se harap li ho. anisht prabhav: vyavsayik sthala par ag lagna aur ag bujhane ka sadhan n hona. ghar ka achank girna ya ag ka lagna. ag men jale hue ko aspatal pahunchane ka prabandh n hona, ghar banvane tak barish hona tatha barish ka band na hona. jatak ki karni se svayan ki santan ko v sasural valon ko bevajah pulis pareshan kare. yogya santan nalayak ho jae. ghar ke sadasya chain se n so saken. tatpashchat apang ho jana tatha ek-ek karke parivar ke sadasyon ki mrityu hona. koi tarkib samajh n ae. upay jatak apne rakt sanbandhiyon se dhan ekatrit kare aur dhan se 100 majduron ko svadisht v uttam bhojn karae. 100 talabon se ek-ek machli lakar ek hi talab men dalakar unhen ate ki goliyan banakar khilaven tatha chakla aur belan kisi dharmik sthan par dan den tatha 43 din tak 50 gram surma jamin men dabaen to is rin se jatak ko chutkara mil jata hai. ajanmakrit rin yah rin rahu ke dushit hone par hota hai. jab janmakundli ke barhven bhav men (khana nan. 12) surya, mangal ya shukra sthit ho jae to ajanmakrit rin ka bhar jatak par parta hai. pahchan: jatak ke makan ki dakshin disha ki divar ki or viran, kabristan ya kisi bharbhuje ki bhatthi hogi ya antim nivas hoga. darvaje ke niche se ganda pani bahta hoga. karn: jatak dvara apne ghanishtha mitron se labh uthakar unhane dhokha dena ya unke vansh ko nasht karna hi is rin ka mukhya karan ho. anisht prabhav: rahu ke ashubh prabhav ke karan jatak par chori, dakaiti, hatya aur balatkar jaise apradhon ka arop lag jata hai. kort kachhri ke mamlon men harna parta hai, nirdosh hote hue bhi saja bhugtni parti hai. sasural paksh se vishvasghat hota hai. logon ka apke upar se vishvas uth jata hai. ghar ya karyalay men achanak ag lag jana, samjh-bujh kar kie gae karyon men ghata hona. rishtedar bhi pareshan rahe. santan sundar ho par rogi ho. dagabaji ke karan dhan nash hona, parivar ki barbadi hona ityadi is rin ke anishtakari prabhav jatak par parte hain. upay jatak apne pratyek rakt sanbandhi se ek-ek pani vala nariyal prapta kare aur unhen ek hi din men bahte pani men baha den. parivar valon se miljulakar rahen. sasural men apna samman banae rakhen to is rin se nishchit taur par mukti mil jati hai. ishvariya rin ishvariya rin ketu ke dushit hone par hota hai. jab janmakundli men chathe bhav (khana nan. 6) men chandra ya mangal sthit ho jaye to jatak par ishvariya rin ka bojh ata hai. ise dev rin bhi kahte hain. pahchan: dusron ki santan par buri najar rakhna ya mar dena. kutton ko goli marna, rishtedaron par buri najr rakhna ya unke vanshjon ko samapta karne ka shadyantra rachna adi. kisi dusre ke putra ko palna pare. karn: lobh ke vashibhut hokr dusron ke kul vansh ka svayan ya kisi dusre se unka nash karvaya ho. kabutron ko ya kutton ko mara ho. lalach men kisi ka dhan harpa ho, buri niyat ka hona hi is rin ka mukhya karan hai. anisht prabhav: yatra men dhan ka nash ho. svayan ki santan ka nash ho. santan n ho, to gungi-bahri v viklang ho. putra ka n hona, ho to ajanm rogi ho. jin par vishvas karen vahi dhokha den. upay kisi vidhva ki madad karen. rakta sanbandhiyon se paisa jama karen v us paise se 100 kabutron ko bajra ya 100 kutton ko bhojan ek hi din men saprivar khilaven. kale rang ka kutta palen v uske kan chidvaen to is ishvariya-daiviya ya kudrti rin se mukti pa sakte hain. paitrik rinon se sanbandhit jatk rahu-12, ketu-6 ya 2-8 bhav men koi takatavar ya maddgar grah na ho to paitrik rinon ki dasha men kevl sansarik maya par ho, us rin ko chukane ka bhar hoga lekin prabhav kam nahin hoga. atah pitri rinon ke upayon ko karne men us rakt se sanbandhit larki, bahan, bahu, poti, dhveta, pota, dada, pardada adi tatha bua, putra, stri, bhanja-bhanji sabhi shamil mane jate hain. stri ke mata-pita arthat jatak ke sasural vale is karya ke lie varjit hain unka in upayon men shamil hona anivarya nahin hai. paitrik rin se pirit jatak ko chahie ki vah rin ka gyan hone par apne rakt sanbandhiyon se unka bhag avashya len agar koi nahin deta hai to uska das guna jatak svayan milakar rin sanbandhi upay avashya karen. jo apna bhag nahin deta hai vah paitrik rinon se kabhi mukt nahin hota aur jivan men unke dushprabhavon ko bhogta hai. atah paitrik rinon ka upay avashya karen tatha apne-apne parivar aur vansh ki unnati karen.
Kya aapko lekh pasand aaya? Subscribe
Kya aapko lekh pasand aaya? Subscribe


lal kitab visheshank  September 2015

lal kitab jyotishiya faladesh ki anyanya paddhatiyon men se sarvottam evan vishvasniya paddhati hai. bharat men lal kitab ka agaman 1930 ke dashak men ek bhartiya british adhikari pan. rup chand joshi ke prayason ke falasvarup mana jata hai. pan. rup chand joshi ne falakathan ki prachin vidha ki khoj kar ise punasrthapit kiya. lalkitab ke mahan gyataon ke dvara yah anubhvsiddh hai ki lal kitab ke dvara anushansit upay ashubh grahon ke ashubhatva ko samapt kar shubh faldayi parinam dete hain. yahi nahin iske alava har karya ke lie bhi satik evan upyukt upayon ki charcha lal kitab men ki gairra hai jaise vivah, santan ityadi. fyuchar samachar ke is visheshank men anek vishyon par vidvan jyotishiyon ke alekh uddhrit hain. fyuchar samachar ke is visheshank men samavisht kuch ati mahatvapurn alekh hain: lal kitab ek parichay, lal kitab ke vishesh niyam, pitri rin, matri rin adi ki vyakhya evan faladesh, lal kitab ke upayon ke prakar, rin evan unke upay, lal kitab upay- janmakundali ke bina bhi maddgar, dan, makan evan dharm sthal sanbandhi niyam, gharon ke anusar grahon ka prabhav adi. dusre anya mahatvapurn evan prashansniya alekhon men shamil hain- isha ka nanha vibhor, di ful, panch pakshi ityadi.

Subscribe

Apne vichar vyakt karein

blog comments powered by Disqus
.