ईशा का नन्हा विभोर विलक्षण प्रतिभाशाली

isha ka nanha vibhor vilakshan pratibhashali  

Ank ke aur Lekh | Sambandhit Lekh | Views : 925 |  
aj ke vaigyanik yug men, vaigyaniko ne yah sabit kar dikhaya hai ki bachcha man ke garbh men ate hi duniya ki baten sikhna shuru kar deta hai. us par apni man ki adton, svabhav, kriya-kalap aur acharan ka bahut prabhav parta hai aur un baton athva kriya-kalapon ka kafi bara ansh uske svabhav aur uski adton men bhi sammilit ho jata hai. hamare prachin granth mahabharat men bhi is bat ka spasht ullekh hai ki arjun ke putra abhimanyu ne garbh men hi yuddha ka ‘chakra vyuh’ bhedne ki vidya apni man ki kokh men hi sikh li thi aur isilie vah kaurvon dvara rache gaye chakravyuh ko bhed paya lekin chunki uski man bich men hi so gai thi isliye vah adhuri vidya hi sikh paya. isi tathya ka jita jagta udahrn hai gurganv men janma bachcha vibhor jisne mahaj 3 varsh ki avastha men hi apni pratibha se sabko prabhavit kar diya. uski man isha ek kanpyutr injiniyar hai. vaise to vah bahut hi mastamaula taip aur tarh-tarah ke vyanjan khane ki shaukin hai, lekin apna pahla garbh dharan karne ke pashchat usne bahar khana band kar diya tha. sas-bahu ke jhagre vale siriyal dekhne par bhi viram laga diya tha aur vah ghar ka khana hi khana pasand karti thi. sath hi usne mahabharat aur ramayan ke siriyal khub dekhe aur bachchon ko achchi shiksha dene vale kartun siriyal bhi dekhe kyonki vah chahti thi ki uska bachcha sanskari ho aur usmen sabhi achche gun aen. isha ne shayad tab itna nahin socha hoga ki uske is tarah ke acharan se bachche par itna achcha asar parega ki use tin varsha ki ayu men hi ekstra aerdinri tailent ke liye valrd rikard yunivarsiti ki or se daektaret ki manad upadhi (aenrri piech. di.) se sammanit kiya jaega. vibhor bachapan se hi laiptaep, taiblet aur tach paid men bahut ruchi dikhata tha. uske mammi-papa use khelne ke lie taiblet de dete the to vah bistara men hi baitha-baitha sare vchamatanjpvd chalana sikh gaya tha. jahan dusre bachche khilaunon se khelte hain, vibhor ke lie derh varsh ki umra se taiblet aur laiptaep uske pasandida gaijets ban gaye. chunki isha kanpyutar injiniyar hai aur vah naukri karti thi usne use tebals (pahare) ki si.di lakar de di jise vibhor ne bahut jaldi yad kar liya aur jab vah dubara si. dichlati to pahle se hi vah ane vali tebal sunana shuru kar deta tha. isi tarah se uski pratibha ki pahchan hui. apne dusre khilaune se khelne ki bajay use nanbar sikhne, tebl bolne aur tarh-tarah ki shep ya maip sikhne men bahut intarest hai. khud hi yu. tyub aur gugal par kuch bhi khoj kar vah apni pasandida chiej dekhta rahta hai. aur to aur vah isha ki speling bhi thik kar deta hai. nanha sa vibhor bahut hi urjavan bachcha hai. vah donon hathon se ek sath likh sakta hai. use spainish, roman, hindi v angreji men kaunting bhi ati hai. vah abhi se sekend klas tak ki buks ko aram se parhne v likhne men saksham hai. use 200 se bhi jyada aips ki jankari hai. 6 minat 18 sekend men 20 tak tebal sunane ke bad uska nam 10 janvri ko ‘indiya buk aef rikarda’ men shamil kiya gaya hai aur ab eshiya buk aef rikard men bhi uska nam darj ho gaya hai. isha ke anusar unhonne uska edmishan ek prepretri skul men karaya tha aur jab maidam ne e likhne ke lie bola to vibhor ne e se banne vale karib 8 vard likh diye to maidam ne bhi use age ke klas men jane ko kah diya. ab isha use skul to bhejti hai par tab jab bachchon ka khelne v khane ka samay hota hai. isha vibhor ko estronaet banana chahti hai aur chahti hai ki vah nasa men kam kare. meri nanhen vibhor aur uske mammi papa ko bahut-bahut shubhkamnaen. vastav men vibhor bharatavarsh ka nam spes men bhi uncha karega kyonki uske akashiya sitare bhi yahi kahte hain. ham yahan vibhor ki kundli ke sath-sath isha ki kundli ka bhi vivechan karenge kyonki isha ne bhi vibhor ko uske eptityud ke anusar sikhane men koi kasar nahin chori. apne bete ko pura samay dene ke lie usne apni achchi naukri chor di aur pure fokas ke sath vibhor ki parvrish kar rahi hai. nanhane balak vibhor ki janmakundli ka vishleshn ah- vibhor ki kundli mithun lagn ki hai jo buddhi ke karak grah budh ka lagna hai. yah budh do kendron ka adhipti hokar kendra bhav men sthit hokar char kendron men se tin kendron ko purnataya prabhavit kar raha hai. vibhor ki janmakundli men jahan ek or bahut se shubh yog hain vahin sabhi grah uske itni choti umra se hi pratibhashali hone ka sanket de rahe hain. kisi bhi kundli men purva janm v buddhi ka vrittant pancham sthan se gyat hota hai. vibhor ki kundli men pancham sthan, panchmesh tatha pancham bhav ka kark grah brihaspati sabhi shubh tatha balvan sthiti men hanai. pancham se pancham bhav ka svami bhagyesh shani uchch ka vargottami hokar panchm bhav men sthit hai. panchmesh shukra svarashi men hokar uchchasth chandrama ke sath sthit hai tatha pancham karak guru bhi uchch surya ke sath ekadash sthan men sthit hai. is prakar buddhi v purva janma ke karak pancham bhav se sanbandhit sabhi paksh v grah purnataya balvan sthiti men hokar uchch grahon se sanbandh bana rahe hain jiske karan is balak ka purva janmakrit bhagya (prarabdha) atyant prabl hai aur vibhor ki buddhi itni choti avastha men hi itni tikshn hai aur use ashcharyajanak saflta prapt ho rahi hai aur age bhi hoti rahegi vibhor ki kundli ke mahatvapurn yog- buddhiman yog: panchmesh shukra ke apni shubh rashi vrishabh men shubh grah chandrama ke sath hone se buddhiman yog ban raha hai islie vibhor atyant buddhiman hai. dhir guni yog: vibhor ki kundli men tritiyesh surya uchch hokar brihaspati ke sath sthit hokar dhir guni yog bana rahe hain isilie vibhor atyant dhir aur ganbhir hai. vah apna samay aur bachchon ki tarah sirf khelne men nahin lagata apitu use har samay kuch na kuch parhna aur sikhna achcha lagta hai. vimal yog: vibhor ki kundli men dvadash ka svami shukra dvadash bhav men hi sthit hai tatha ashubh grah ketu se yukt hai vah ashubh grah rahu se drisht hai islie vibhor ki kundli men viml yog ban raha hai jiske falasvarup vibhor guni, sukhi, kirtivan, sarvajn priya adi gunon se sushobhit hai. buddhiprad yog: pancham bhav par guru ki purn drishti hone se buddhiprad yog ban raha hai aur isilie uski atyant tikshn buddhi hai. vashi yog: vibhor ki kundli men surya se barhven sthan par budh hone se vashi yog ka nirman ho raha hai jisse balak men uttam smriti, utkrishta vani, gyan, raj-sukh, yash, aishvarya jaise gun balyavastha men hi vidyaman hain. anfa yog: chandrama se dvadsh bhav men brihaspati grah sthit hone se anfa yog ghatit ho raha hai jiske falasvarup vibhor vikhyat, kirtiyukt, sundar, sushil nirog adi gunon se paripurn hai. desh-videsh yatra yog yadi janmapatrika men vyayesh pap grah se yukt ho, vyay bhav men koi pap grah ho aur vyay bhav par pap grah ki drishti bhi ho to desh-videsh ki yatraon ke yog bante hain. vibhor ki kundli men vyayesh shukra vyay bhav men hi pap grah ketu ke sath sthit hai tatha pap grah rahu ki purn drishti bhi vyay bhav par hai jisse yah yog purn rupen ghatit ho raha hai. isse vibhor bhavishya men apne gyan-vigyan ke dvara desh-videsh ki sammanit yatraen karega. vijyi evan shatrunashak yog vibhor ki kundli men chathe bhav men rahu grah sthit hai tatha us par shukra tatha chandrama ki drishti hone se yah yog purna rup se ghatit ho raha hai. is yog ke karan vibhor apne karyon men vijyi hoga aur age bhavishya men shatruon ko parajit karne men safal hoga. itne sare yogon se susajjit vibhor ki kundli men tritiya sthan par sthit mangal use itna tejasvi aur sfurtivan banata hai ki vah khel-khel men hi bare bachchon ke saval, tebalsa aur dusri kaksha ke parhne vale bachchon se bhi jyada samajh rakhta hai. lagnesh aur chaturthesh budh dasham bhav men baithkr mangal se drisht hokar atyant tivra va takniki buddhi pradan kar rahe hain. karma bhav par mangal aur rahu ki drishti hai tatha karmesh uchch ke guru ke sath sthit hokar uchchasth shani se bhi drishta hai arthat karm bhav evan karmesh par surya, mangal, budh, guru, shani aur rahu sabhi ka purn prabhav hai. islie vibhor bara hokar bahut hi nirbhik, sahsi aur buddhiman ke sath-sath uchchasth aipi. es adhikari athva estronaet ban sakta hai. sarkar ki or se bhi vibhor ko purn sahyog v labh milne ke sanket mil rahe hain. atmakark grah guru uchchasth surya ke sath baithkr vibhor ke jivan men ane vali sabhi dashaon men use purn sahyog v apekshit labh pradan karega. ismen sandeh nahin. vibhor ke jivan men iski man isha ka vishesh yogdan raha hai. isha ne kanpyutar injiniyar hote hue uski achchi parvrish ke lie apni naukri chori aur apne sanskaron ki amit chap use di. chunki isha bhi vibhor ke vikas men purna sahyog de rahi hai islie hamne isha ki kundli ka bhi adhyayan kiya. isha ki kundli men sabhi grah bahut hi shubh sthiti men hain. yahan santan bhav ka svami shani uchch ke hokar shubh grah guru ke nakshatra vishakha men sthit hai. santan bhav par kisi bhi ashubh grah ki drishti nahin hai tatha santan karak guru svagrihi hokar shukra ke sath tritiya bhav men baithakar bhagya sthan ko dekh rahe hain jiske falasvarup inhen bhagyashali, yashasvi v kirtivan putra ratn ki prapti hui hai. isha ki kundli men mangal chaturth bhav men uchchasth hokr ruchak namak mahapurush yog bana rahe hain aur uchchasth shani shash mahapurush yog bana rahe hain jiske falasvarup isha ko dhan, sanpatti, pratishtha kushl matritva, dharmikta ke gun prapt ho rahe hain. karyesh chandrama bhi dasham bhav men svagrihi hokar isha ko uske karya kshetra men man-samman ki prapti kara rahe hain. saptamesh aur kutumbesh mangal ke sukh sthan men uchchasth hone se ye apne parivar men aham bhumika nibhaengi aur apne parivarik mamlon men bhi niyantran rakhne men safal hanegi aur apne putra ko uski kabiliyat ke anusar uchchatam shikhar par le jane ka shrey bhi use avashya hi prapt hoga. vibhor aur uski man isha ki kundliyan apas men bahut hi rochk hain aur donon ek dusre ke lie na keval vishesh bhagyashali hain apitu donon ka ek-dusre ke prati prem bhav sada sarvada sarvopri rahega. vibhor ki kundli ka lagnesh aur chaturthesh buddhi karak budh matri bhav ka svami dasham bhav se apne ghar ko dekh rahe hain tatha panchmesh shukra dvadsh bhav men matri karak grah (vidya bhav ka svami) chandrama ke sath uski uchcha rashi men baithe hain jisse is balak ko apni mata ke sath itna lagav hai tatha uski mata ki use sanskari evan gyanvan banane men mahatvapurna bhumika hai. isi tarah isha ki kundli men bhi santan bhav ka svami shani uske lagn bhav men apni uchch rashi men sthit hai arthat isha ka pura pyar aur sahyog vibhor ko hamesha milta rahega aur uski pragti aur unnati men isha ka vishesh yogdan hoga. tin varshiya vibhor ki upalabdhiya - kemistri ki piriyodik tebal, sinbal aur etaemik nanbar yad hain. - glob par duniya ke chote v bare deshon ki jankari hai. - desh ke sabhi rajyon v lokeshn ka gyan. - sekand klas tak ke thri dijit sam chutkiyon men saelva. - 25 se adhik indiyan parsanailiti ki karta hai mimikri. - ainstain ki ikveshan, eriya aur faermula ki bhi naelej. - vibhor ne pura piriyodik tebl yad kar liya hai aur usne 12 mai 2015 ko 5 minat 7 sekand men sabhi 118 sinbals ki pahchan karke naya rashtriya rikaerd banaya hai. - vibhor ne 10 mai 2015 ko 112 kar brand aur logoj ko 3 mint 44 sekand men pahchan kar naya rashtriya rikard bana liya. - 27 march 2015 ko vibhor ne vishva ke 196 deshon ko pahchan kar rashtriya rikaerd banaya. - solar sistam ke sabhi grahon ki jankari hai. - leval 1 aur leval 2 ki kitaben asani se parh sakta hai. - inglish, hindi, roman aur spainish men ginti ati hai. - abekas ka prayog karna janta hai. - inglish aur hindi ki lagabhag 40 kavitaen kanthasth hain. - 500 se adhik kathin shabdon ki vartani (spelingsa) likh sakta hai. - donon hathon se likh sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


lal kitab visheshank  September 2015

lal kitab jyotishiya faladesh ki anyanya paddhatiyon men se sarvottam evan vishvasniya paddhati hai. bharat men lal kitab ka agaman 1930 ke dashak men ek bhartiya british adhikari pan. rup chand joshi ke prayason ke falasvarup mana jata hai. pan. rup chand joshi ne falakathan ki prachin vidha ki khoj kar ise punasrthapit kiya. lalkitab ke mahan gyataon ke dvara yah anubhvsiddh hai ki lal kitab ke dvara anushansit upay ashubh grahon ke ashubhatva ko samapt kar shubh faldayi parinam dete hain. yahi nahin iske alava har karya ke lie bhi satik evan upyukt upayon ki charcha lal kitab men ki gairra hai jaise vivah, santan ityadi. fyuchar samachar ke is visheshank men anek vishyon par vidvan jyotishiyon ke alekh uddhrit hain. fyuchar samachar ke is visheshank men samavisht kuch ati mahatvapurn alekh hain: lal kitab ek parichay, lal kitab ke vishesh niyam, pitri rin, matri rin adi ki vyakhya evan faladesh, lal kitab ke upayon ke prakar, rin evan unke upay, lal kitab upay- janmakundali ke bina bhi maddgar, dan, makan evan dharm sthal sanbandhi niyam, gharon ke anusar grahon ka prabhav adi. dusre anya mahatvapurn evan prashansniya alekhon men shamil hain- isha ka nanha vibhor, di ful, panch pakshi ityadi.

Subscribe

Apne vichar vyakt karein

blog comments powered by Disqus
.