ग्रहों के दुष्प्रभावों का शमन

grahon ke dushprabhavon ka shamn  

Ank ke aur Lekh | Sambandhit Lekh | Views : 901 |  
bhavan sanbandhi upay - grih pravesh se pahle tulsi ka paudha, apne isht devta ki tasvir, pani se bhara kalash evan gay ko pravesh karana ati shubhkari hota hai. isse ghar men sukh-shanti ati hai aur sanpannata barhti hai. - bhavan ki ninv bharte samay shahad se bhara baratan daba den. isse jatk ajivan khatron se mukt rahega. - janmakundli men shani ashubh ho to grih nirman karne se purva godan karen. - shani janmakundli ke chaithe ghar men sthit ho to jatak ko paitrik bhumi par makan nahin banana chahie. yadi jatak aisa karta hai to parivar ke sadasyon ko jidangibhar kashta uthane parte hain. putra rogi rahta hai. tandurust hone ki halat men kisi jhuthe mukdme men fansakar karavas ki saja use bhugtni parti hai. û shani janmakundli ke chathe ghar men ho to bhavan nirman ke purva us bhumi par havnadi karen aur jamin ko shuddha kar len. isse ketu ka prabhav manda par jata hai. - janmakundli ke gyarhven ghar men shani ho to mukhya dvar ki chaikht banane se purva uske niche chandan daba den. - ek bar bhavan nirman ka karya praranbh ho jae to bich men use roken nahin anyatha adhure makan men rahu ka vas hoga. - bhavan nirman shuru karane se purva bhavan nirman karne valon (karigron) ko mishtann khilaen. - bhavan nirman se purva makan ki jamin par brahmanon ko bhojan karana chahie. - bhavan nirman karte samay jamin men se ya jamin par chintiyan niklen to un chintiyon ko shakkar evan ata milakar khilaen. - bhavan ke malik ki janmakundli men panchven ghar men ketu ho to bhavn nirman se pahle ketu ka dan avashya den. santan sanbandhi upay - santan prapti ke lie ‘santan gopal stotram’ ka path karen. ganeshji ki aradhna karen. - santan nahin ho rahi ho to apne bhojan ka adha hissa gay ko khilaen tatha santan ko rogmukta karne ke lie bhi gay ko bhojn khilaen. jatak pipal ke per ka jalsinchan karen. - santan ko dirghayu banane ke lie pita ko brihaspativar ka vrat karna chahie. - apni patni ko uchit samman den. rog mukti ke lie - rog mukti ke lie apne bhojn ka chaithai hissa gay ko aur chaithai hissa kutte ko khilaen. - ghar men koi bimar ho jae to us rogi ko shahad men chandan milakr chataen. - putra rogi ho to kanyaon ko halva khilaen. - ketu ke anisht prabhav ke karn rog ho jae to tandur ki mithi roti kaue ko khilaen. - patni bimar ho to godan karen. - putri bimar ho to pipal ke per ki lakri uske sirhane rakhen. - mandir men gupt dan karen. - ravivar ke din bundi ke sava kilo laddu mandir men prasad ke rup men banten. - siradard hota ho to chandan aur kesar ka tilak rogi ke sir par lagaen. am upay - hamesha sach bolen. kort ya kachhri men jhuthi gavahi n den. - dusron ki ninda n karen. khudagarja n banen. - mata-pita ka yathochit adr karen aur unke agyakari rahen. - tirthayatra avashya karen. - gay ke bachre ko sneh se palen. - puriyan ghi men talakar garibon ko khilaen. - shani viprit chal raha ho to safed vastra men kale til bandhkr pani mane pravahit karen. til-gur ki bani revriyan banten. -- sote samay sirhane dudh se bhara bartan rakhen. pratah uthakar bina kisi se kuch bole vah dudh baragad ke per men dalen. dan sanbandhi upay - nich grah ki vastuon ka dan kabhi bhi n len. yadi grah uchch ka ho to grah sanbandhi dan n karen. - chandra agar janmakundli ke chathe ghar men ho to aise jatak ko pani ki pyau lagana, dharmashala ka nirman karana, kuen khudvana, garibon ko bhojan khilana, godan karna adi sabhi janakalyan ke karya katai nahin karne chahie. aisa karne se vansh vriddhi ruk jati hai. - janmakundli ke athven ghar men shani hone par bhojan, dhan, vastra, gay adi ka dan nahin karna chahie. û janmakundli ke panchven ghar men brihaspati baitha ho to dhan ka dan n karen. û janmakundli ke nauven ghar men brihaspati baitha ho to mandir ya kisi bhi dharmik karya ke lie dan nahin karna chahie. - janmakundli ke nauven ghar men shukra baitha ho to dhan ya anaj se sanbandhit dan nahin karna chahie. - janmakundli ke barhven ghar men chandra baitha ho to pandit ya anya kisi vyakti se koi bhi dharmik karya sanpann nahin karana chahie aur n hi dan dena chahie. - janmakundli ke satven ghar men brihaspati baitha ho to purohit ko dhan ya anaj dan men n den. - janmakundli ke chathe ghar men shani ashubh ho to nikat sanbandhi ke vivah men shamil n hon ya use vivah ke lie arthik sahyog n den. - kisi kanya ke vivah ke lie ap svayan dhan kharch karen. apne putra ya patni se n karvaen. - janmakundli ke dusre ghar men rahu ho to tel ya chiknaivale padarthon ka dan nahin karna chahie. - janmakundli men shukra chaithe ghar men baitha ho aur sath men rahu bhi ho to sona dan men nahin dena chahie. û janmakundli ke athven ghar men rahu surya ke sath baitha ho to kanya ke vivah ke avasar par brahman ko dan n den. - shani ashubh chal raha ho to chandi ka dan n karen. - janmakundli ke satven ghar men ketu baitha ho to loha ya lohe ki vastu ka dan n karen. - janmakundli ke chaithe ghar men mangl baitha hua ho to vastra dan kabhi nahin karna chahie. grah-yuti ki anishtata dur karne ke upay - surya-chandra janmakundli ke gyarhven ghar men baithe hon to sharab aur kabab ka sevan kabhi n karen. - surya-shukra ki yuti janmakundli ke dasven ghar men ho to chaithe ghar men baithe grah shubh prabhav denge. - surya-budh ki yuti janmakundli ke chaithe ya satven ghar men ho to rat ko agar vyapar ya karobar kiya jae to usmen labh milega. - surya-budh ki yuti janmakundli ke gyarhven ghar men ho to apne ghar men koi kirayedar n rakhen. - surya-ketu ki yuti janmakundli ke kisi bhi ghar men ho to pratahkal gay ka kachcha dudh surya ko charhaen. - surya-budh ki yuti janmakundli ke satven ghar men ho to mitti ke bartn men shahad aur shakkar bharakar us baratan ko dhakkan lagakar nirjana sthan men rakh aen. - ghar ke mukhya dvar par gomutra chirken. isse ketu, budh evan shukra ka dushprabhav dur ho jata hai. pratidin gomutra angan men chirken to ghar par kabhi bhi vipatti nahin aegi. - chandra-shukra ki yuti janmakundli ke kisi bhi sthan men hone par ghar men kuen n khudvaen ya nal n lagvaen. kisi karanavash aisa karna lajmi ho to pahle shukra ka upay karen aur bad men ghar men nal lagvaen. - pati-patni donon lal rang ke rumal ka istemal karen to svasthya thik rahta hai. - janmakundli men budh nich ka ho to mangal ya ketu ki sahayta len. - janmakundli men chandra-shani ki yuti ho to shani ya ketu ka upay karen. - chandra grahan ke samay men ketu ki chijen pani men pravahit karen. - sanp ko dudh pilaen. - janmakundli men baitha chandra ashubh ya manda ho to sanp ko dudh katai na pilaen. - shani-chandra ka ashubh prabhav janmakundli men ho to surya ki kripa prapt karne ke lie surya ki chijen dan karen. - shani evan brihaspati ki yuti ho to gay ka bachra dan men den. û chandra-ketu ki yuti ho to budh ya ketu ki chijon ka dan brahman ko den. - ketu ka ashubh prabhav mitane ke lie anaj ka dan den. - vidya prapti men avrodh utpanna hota ho to rahu aur ketu ki chijen dharmashala men dan den. - ketu ko prasann karne ke lie 43 dinon tak falon ka dan karen. - mangl-budh ki ashubh yuti janmakundli men ho to mangal ki kripa ke lie ghar men hom-havnadi sanpanna karaen. - mangl-shani ki yuti ho to mangl-shani ke upay karen. - mangal aur rahu ki yuti ho to rahu ki chijen mitti ke baratan men bharkr jamin ke niche dabaen. - chulhe ke pas baithakar bhojan na karen. mangal ka upay karen. - janmakundli men budh-shani ki yuti ho to mans-madira ka sevan kabhi n karen. nari samman ki raksha karen. - kisi ke sath ehsan faramoshi n karen. - budh evan rahu ki yuti ho to chandi ki 5 thos goliyan bahte pani men pravahit karen. - rahu evan surya ki yuti ho to nim ke per ki ek tahni lakar daen taraf ke darvaje par bandh den. -4 hari mirch, ek ninbu kale dhage men pirokar ghar ya dukan ki dahlij par bandh den. - brihaspati-surya ki yuti ho to pita ki seva karen. unki agya ka palan karen. - chandra-brihaspati ki yuti ho to shuddha ya purana sona ghar ke andhere kone men daba den. - brihaspati-chandra ki yuti ho to chandi ke bartan dan karen. - budh-shukra ki yuti ho to gadde par n soen. - budh-brihaspati ki yuti ho to kanyaon ke kan-nak chidvaen. - brihaspati-rahu ki yuti ho to ketu ke upayon se ketu ko prasann karen. - brihaspati -ketu ki yuti ho to ninbu evan revriyan dharm sthan men dan den. - shukra-shani ki yuti ho to mandir men nariyal charhaen. û shukra-budh ki yuti ho to chandra ke upay karen. - shani-rahu ki yuti hone par devi ke mandir men nariyal charhaen. - shani-rahu ki yuti ho to badam aur nariyal bahte pani men bahaen aur kanyaon ko mithai banten. - rahu-ketu ki yuti jab varshafala men ho to tab chandi ka patra jeb men rakhen. -janmakundli ke chaithe ghar men rahu-ketu ki yuti varshafal men ho tab brihaspati ka upay karen. - chandra-rahu ki yuti ho to man durga ki upasna karen. - surya-shukra ki yuti janmakundli men ho to kanon men sone ki baliyan pahnen. - surya-budh ki yuti hone par kuldevta ki upasna karen. -chandra-mangal ki yuti ho to mangl ki chijon ka dan karen. - chandra-rahu ki yuti ho to dudh men suji (rava) evan shahad milakar khir banaen, kumari kanyaon ko khilaen aur svayan bhi khaen. - budh-shani ki yuti ho to gadde par na soen. machliyon ko ate ki goliyan khilaen. kali gay ko palen. - mangl-budh ki yuti hone par kale chane ubalakar banten. brihaspati, chandra va ketu ke upay karen. - chandra-shukra ya chandra-mangal ya mangl-shukra ki yuti ho to kanyadan karen. - varshafal men rahu-ketu ikatthe ho jaen to panch brahmanon ko dan den. - brihaspati-surya ki yuti ho to, pipal ke vriksh ko pani se sinchen. sandhyakal men shuddh ghi ka dipak per ke niche prajjvalit karen. - shukra-mangal ki yuti ho to mukhya dvar ke niche chandi ki kil thoken. - panch grahon ki yuti hone par shani ka dan karen aur brahman ko ghi men bana pakka bhojan khilaen. vibhinn grahon ke dushparinam ko kam karne ke lie kuch samanya upay v parhej surya rishvatkhori n karen. apna charitra uttam rakhen. pita ka samman karen. vishnu puja karen. gehun, gur aur tanbe ka dan karen. tanbe ka paisa bahte hue pani men bahaen. chandra mata v dadi ka samman karen. ganga snan karen. shiv puja karen. chandi, chaval aur dudh ka dan karen. mangal bhai, mitra v sanbandhi ke sath vishvasghat n karen. shuddh chandi sharir par dharan karen. masur ki dal bahte hue pani men bahaen. hanumanji ki puja karen. budh bahan, beti, bua v mausi se ashirvad prapt karen. surakh vale tanbe ka paisa pravahit karen. man durga ki puja karen. guru devta, brahman, pita v guru ki puja karen. dharmik pustaken dan karen. brahmaji ki upasna karen. shukra apni stri ka samman karen. gay ki seva karen. lakshmi ki upasna karen. godan karen. shani mit aur sharab ka sevan n karen. chacha v tau ka samman karen. naukron ko prasann rakhen. bhairo ji ki upasna karen. rahu sasural se sanbandh n bigaren. bijli ka saman ghar men thik se rakhen. sarasvati ka pujan karen. ketu kala safed kutta ghar men palen. ganesh ji ki aradhna karen. kutte ko n maren. akele andekhe grah ka prabhav vibhinn grahon ke dushparinam ko kam karne ke lie kuch samanya upay v parhej jab koi grah kundli men kisi bhi bhav men akela baitha ho aur us par kisi bhi grah ki drishti n par rahi ho to uske fal men visheshta a jati hai jo ki nimn prakar ki hogi- surya akela surya kisi bhav men ho aur us par kisi bhi grah ki drishti n ho to jatak apne bute par tarakki karta hai aur dhanvan banta hai. chandra akela chandra kisi bhav men ho aur us par kisi bhi grah ki drishti n ho to aisa jatak apne kul ki raksha karne vala, dayalu v namra svabhav ka hota hai. kisi bhi viprit paristhiti men apne ap ko bachane ki adbhut shakti usmen hoti hai. mangal akela mangal kisi bhi bhav men ho aur us par kisi bhi grah ki drishti n ho to jatak bahadur to banta hai par vah svatantra nahin rahta. use apni shaktiyon ka ahsas nahin rahta. budh akela budh kisi bhi bhav men ho aur us par kisi bhi grah ki drishti n ho to jatak lobhi, lalchi rahta hai. desh videsh men avara sa ghumta hai. guru akela guru kisi bhi bhav men ho aur us par kisi bhi grah ki drishti n ho to jatak ke jivan par koi bhi ashubh prabhav nahin dalta. shukra akela shukra kisi bhi bhav men ho aur us par kisi bhi grah ki drishti n ho to jatak par koi bhi ashubh prabhav nahin dalta. shani akela shani kisi bhi bhav men ho aur us par kisi bhi grah ki drishti n ho to samanya fal deta hai. rahu akela rahu kisi bhi bhav men ho aur us par kisi bhi grah ki drishti n ho to jatak kisi ki parvah nahin karta. jatak ki raksha vah avashya karta hai kintu arthik drishti se samanya hi rakhta hai. ketu ketu akela kisi bhi bhav men ho aur us par kisi bhi grah ki drishti n par rahi ho to jatak ko har tarah se takatavar banata hai. vah jatak ko arthik drishti se samanya hi rakhta hai.
Kya aapko lekh pasand aaya? Subscribe
Kya aapko lekh pasand aaya? Subscribe


lal kitab visheshank  September 2015

lal kitab jyotishiya faladesh ki anyanya paddhatiyon men se sarvottam evan vishvasniya paddhati hai. bharat men lal kitab ka agaman 1930 ke dashak men ek bhartiya british adhikari pan. rup chand joshi ke prayason ke falasvarup mana jata hai. pan. rup chand joshi ne falakathan ki prachin vidha ki khoj kar ise punasrthapit kiya. lalkitab ke mahan gyataon ke dvara yah anubhvsiddh hai ki lal kitab ke dvara anushansit upay ashubh grahon ke ashubhatva ko samapt kar shubh faldayi parinam dete hain. yahi nahin iske alava har karya ke lie bhi satik evan upyukt upayon ki charcha lal kitab men ki gairra hai jaise vivah, santan ityadi. fyuchar samachar ke is visheshank men anek vishyon par vidvan jyotishiyon ke alekh uddhrit hain. fyuchar samachar ke is visheshank men samavisht kuch ati mahatvapurn alekh hain: lal kitab ek parichay, lal kitab ke vishesh niyam, pitri rin, matri rin adi ki vyakhya evan faladesh, lal kitab ke upayon ke prakar, rin evan unke upay, lal kitab upay- janmakundali ke bina bhi maddgar, dan, makan evan dharm sthal sanbandhi niyam, gharon ke anusar grahon ka prabhav adi. dusre anya mahatvapurn evan prashansniya alekhon men shamil hain- isha ka nanha vibhor, di ful, panch pakshi ityadi.

Subscribe

Apne vichar vyakt karein

blog comments powered by Disqus
.