शुक्र-चंद्रमा की युति सौंदर्यप्रदायक

shukra-chandrama ki yuti saundaryapradayk  

Ank ke aur Lekh | Sambandhit Lekh | Views : 1419 |  
shukra-chandrama ki yuti saundaryapradayksundrta apne ap men kafi manmohk hoti hai. har vyakti, har nar-nari apne ap ko sundar dikhane ki koshish karta hai aur iske lie anek prayas bhi karta hai. lekin prakritik saundarya apne ap men alag hoti hai. yahan saundarya se tatparya vyakti ki banvat se hai jo vyakti ko akarshit karti hai. jyotish shastra ke adhar par dekha gaya hai ki kundli men shukra-chandrama ki yuti vyakti ko saundarya pradan karti hai jo is bat par nirbhar karti hai ki shukra aur chandra kundli ke kis bhav men baithe hain aur kis grah se prabhavit hain. is lekh men kis rashi men chandra aur shukra ki yuti hone se v kisi anya grah ka prabhav parne par vyakti kaisa hoga iska vivechan kiya ja raha hai. mesh tatha vrishchik: is rashi men shukra aur chandra ki yuti hone se vyakti sundar hone ke sath-sath gehanuan rang tatha lalima liye hue hota hai. vrishabh tatha tula: is rashi men yah yuti hone se jatak ka rang gora tatha safedapan par hota hai. mithun tatha kanya: is rashi men yah yuti hone se vyakti lanba, gehunan tatha kuch -kuch pakka hua rang ka hota hai. kinhin-kinhin paristhitiyon men jahan ki is yuti par rahu athva ketu ki purn drishti par rahi ho to vyakti sanvla hota hai kintu hota hai akarshak. kark rashi: kark rashi men yah yuti hone se vyakti ekadam gora evan akarshak hota hai. sinh rashi: sinh rashi par yah yuti hone se manushya ka rang sanvla evan lalai liye hota hai tatha pakka-pakka sa hota hai. aise men yadi ketu ki drishti par rahi ho to aise vyakti ka rang kabhi-kabhi chitkbra bhi hota hai. dhanu evan min: is rashi men shukra-chandrama ki yuti vyakti ko atyadhik sundr banati hai. aise jatak ka rang bilkul gora, saf evan akarshak hota hai tatha vyakti ki chamri kafi komal hoti hai evan rang pilapan liye hue hota hai. makar tatha kunbh: is rashi men yah yuti hone se vyakti sundar hone ke sath-sath sanvlapan liye hue hota hai. chamri kathor tatha paki-paki si hoti hai. aise men yadi is yuti par rahu athva ketu ki purn drishti par rahi ho to vyakti kale rang ka hota hai. fir bhi uska chehra evan sharir ki banavt akarshak hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


Apne vichar vyakt karein

blog comments powered by Disqus
.