हस्तरेखा से अनुमानित आयु की गणना

hastarekha se anumanit ayu ki ganna  

Views : 4618 | April 2017

hast parikshan ke samay tak manushya ke jivan men kitni ghatnaen ghatit ho chuki hain aur kitni ane vale samay men ghatit hongi, iska satik kathan karne ke lie uski vartaman ayu ki ganna karya men pravin ata prapt kar lena uchit hoga. is karya men nipun hone tak uski ayu aur uske uttar ko anuman ka adhar banana hi uchit rahta hai. sabhi manushya apni thik ayu nahin bata pate hain parantu sahi ayu ke as-pas ki jankari avashya de dete hain. is kachche anuman ko hath ki tvacha, rekha aur rangat evan sangti ityadi ke sath dekhakar sahi ayu ki ganna sarlta se ki ja sakti hai. hast parikshan karte samay ayu ganna karne ka ek sulabh sutra yah hai ki manushya ki jivan rekha ko upar se niche ki or baranbar dabaya jaye to rakt pravah ki lalima men kshan matra ke lie ek safed bindu sa ubhrta hai. yah bindu hath ki satik ayu darshane vale sthan par hota hai. kintu yah prayog kamre ka tapman anukul hone par hi vishuddh parinam deta hai. paristhitivash bhinnataon ke hone par parinamon men parivartan bhi a sakta hai.

atah is sadhan ko hamesha ayu ka sahi anuman lagane vala nahin mana ja sakta. is sanbhavna ka kasauti par khara utrna hastarekha ke lie bahut mahatvapurn hoga. hastarekhaon ko jivan ki vastavik dishadarshak manne par rekhaon ke bhinna-bhinn anshon se yah sanket prapt ho jata hai ki uska sanbandh jivan ke nimn bhagon se hai. prayogon se spasht ho chuka hai ki rekha jahan se shuru hoti hai, vah sthan aranbhik varshon ka hisab rakhta hai tatha age ka varshavar lekha-jokha usmen jurta jata hai. atah rekhaon ke pranrbhik sthan ki jankari hona avashyak hai. kis ayu men kya-kya ghatnaen ghati hain ya ghatne vali hanai is bat ko thik-thik bata pane ki kushlta puri tarah hastarekhavid ki tikshn drishti evan sahi parakh par nirbhar karti hai. kuch hastarekhavid ek varsh ke bhitar ghatit ya ghatne vali ghatna ko bata sakte hain kintu aise bahut hi kam log hain, jinhonne aisi kushlta prapt kar li hai. hastarekha shastra ke niyamon ki purn rup se jankari rakhne vala vyakti adhik se adhik itna hi bata sakta hai ki kis varsh men kaun si ghatna ghatit hogi.

ghatna ghatit hone ke mahine ya din ko bata pana asanbhav hai. keval hath ko dekhakar kisi vyakti ka nam ya uske nam ka adyakshar batana bhi sanbhav nahin hai. gaun ghatnaon ya dainik jivan ke chihn vyakti ke hathon men nahin ubhrte. hath men bana jivan ka manchitra keval mahatvapurn ghatnaon, ganbhir bimari, dasha parivartan, ganbhir sankat, bari khushiyon ya khatron ya gahan prabhav dalne vali ghatnaon ya mastishk par gahri chap chorne vale athva jivan ki disha men mahatvapurn parivartan karne vale vyaktiyon ko hi darshata hai. rekhaon se ayu ki ganna karte samay sarvapratham manushya ki ausat ayu par vichar karna chahie. vyakti ki 100 varsh ya usse adhik mapne vale mapdand nishchit karna trutipurn hai; kyonki yah dekha gaya hai ki log bahudha itni ayu tak nahin pahunch pate. jivan rekha ka vibhajan guru anguli ke niche, rekha ke praranbh hone ke sthan se shuru hota hai tatha manibandh par samapt hota hai (dekhiye chitra kramank 1 ayu ganna hetu jivan rekha ka vibhajn), madhyavarti khandon men jivan ke vibhinn varshon ka rikard rahta hai. rekha ke parikshan men suvidha evan shighrata ki drishti se rekha ko madhya bindu se vibhajit karke kendra bindu par chattis varsh ki ayu nirdharit ki gai hai jo sattar ki lagabhag adhi hai. is kendra bindu ke upar ke sthanon men die gaye rekha chitra men char, chah, barah, atharah, chaibis tis varshon men aur ketu bindu ke bad ke bhag ko taitalis, ikyavan, sath aur sattar varshon ki ayu batane vale khandon men banta gaya hai. is tarikh tak pahunchne ke lie char se lekar sattar varshon ki ayu ke bich ek-ek varsh ki kalavdhi men samay ka vibhajan karna avashyak hai.

kinchit abhyas ke pashchat rekha par 4, 6, 12, 18, 24, 30, 36, 43, 51, 60 aur 70 varsh ki ayu ka pata lagana asan ho sakta hai. aise abhyas se in kalavdhiyon ki shighra aur thik-thik parhne ki jankari prapt ho jayegi. bhavishyakathan karne ke sthan par hath men ayu ka koi chihn n dikhai dene ki sthiti men us rekha ko hi varshon men vibhajit karke is vidhi ke anusar sahi tithi nikali ja sakti hai. rekha ko pensil se chihnit kie bina khali hath ka nirikshan karte samay hath ki lanbai ya chote hone ki sthiti ko dhyan men rakhakar lanbai ke anupat men kendrabindu par chattis varsh ki ayu manakar kai sthanon ko man men nishchit karna avashyak hai. yad rahe ki lanbe hath men pratyek chah varsh ki avdhi ke madhya adhik aur chote hath men kam antral hota hai. jivan rekha ka is tarah vibhajan karna anya sabhi prakar ke vibhajan ki tulna men adhik shuddh evan sahi paya gaya hai. yadyapi parinamon ki shuddhata hastarekha shastri ke satik anuman par nirbhar karegi tathapi paryapt parishram karne par vastavik parinam prapt kie ja sakte hain. hriday rekha aur mastishk rekha par chihnit ghatnaen jivan rekha ke chihnon dvara prasangik hain ya nahin, yah janne ke lie kalavdhiyon ko parhna upyogi siddh ho sakta hai. in rekhaon se kalavdhi ka anuman lagane ke niyamon ka palan karna aur jivan rekha par lagu hone vali tippaniyon evan tarkon ko in rekhaon ke lie prasangik manna avashyak hai. jivan rekha guru ki anguli ke niche se aranbh hoti hai aur uski disha hath ke ek sire se dusre sire tak hoti hai. rekhaen bhinna-bhinn dishaon men jati hain.

islie kalavdhiyon ki ganna ko suvidhajanak banane ke lie ek kalpanik rekha ko adharavat lena upyogi rahta hai. is rekha ko guru parvat ke madhya se praranbh kar hath ke par tak jane ki kalpana ki jati hai. hriday rekha ya mastishk rekha ka nirikshan karte samay is kalpanik rekha (dekhie chitra kramank 2 ayu ganna (kalpanik rekha ke adhar par) par purvavat 6 se 70 varshon ki avdhiyan ankit ki jati hain aur in avdhi khandon ko parhne se niklne vali ayu bilkul sahi payi jati hai. isse adhik pas ki tithiyan dekhne ke lie hriday ya mastishk rekhaon ko ek varsh darshane vali kalavdhiyon men vibhajit kiya jata hai aur thik vahi prakriya apnai jati hai jiska ullekh jivan rekha ke sanbandh men kiya gaya hai. uparyukt map talikaon ka sahi tarah se upyog karne se ye satik parinam deti hain. shani rekha par ayu ko niche se upar ki or parha jata hai. (dekhie chitra kramank tin shani rekha ka adhar) manibandh se mastishk rekha tak ka sthan 0 se 30 varsh, mastishk rekha se hriday rekha tak 30 se 45 varsh aur hriday rekha se shani ki anguli tak 70 varsh ki ayu batane vali kalavdhiyon men vibhajit kar diya jata hai. in tin samanya up-vibhajnon ko dhyan men rakhakar pramukh kalavdhiyan parhne ki kala shighra a jati hai. ek varsh ke bhitar ke kisi samay ko janne ke lie rekha ko chihnit karke thik jivan rekha ki tarah hi parha jata hai. mastishk aur hriday rekhaen hath ke ar-par jin alg-alag dishaon se jati hain, unhen shani rekha sada ek hi sthan par nahin katti. yadi ve anuchit dishaon men chali jaen tatha uske falasvarup koi chaira ya sankirn chatushkon ban jaye to unke bich ka antral 30 se 45 varsh ki ayu darshane vala nahin hoga aur sahi tithiyan janne ke lie shani ki puri rekha ki map leni hogi.

surya rekha ko niche se upar ki or usi tarah parha jata hai jaise shani rekha ko aur vahi niyam evan map is par bhi lagu hote hain jo shani rekha ko parhne ke lie lagu hote hain aur satik tithiyan nikalne ka upay bhi donon ka ek hi hai. (dekhie chitra kramank char surya rekha ka adhar). budh rekha ko niche se upar ki or parha jata hai (dekhie chitra kramank 5 budh rekha ka adhar) vahi map aur ve hi niyam iske lie prasangik hain jo anya rekhaon par lagu hote hain sivay iske ki yah rekha lanbai men choti hone ke karan kalavdhiyon hetu lagae jane vale chihnon ke bich ki duri bahut hi kam hoti hai kyonki unke chihn pas-pas hote hain. ayu ko is rekha par parhna prayah vanchniya hota hai kyonki jivan rekha ke sanbandh men yah rekha bahut hi mahatvapurn hai. akasmik rekhaon par ayu ko parhna avashyak nahin hai.

ye rekhaen mukhya rekhaon ko katne vali, unse aranbh hone vali ya unke itne samip hoti hain ki akasmik rekha par di hui ayu ko mukhya rekha dvara parha ja sakta hai. jivan ke svabhavik manchitra men hone vale parivartanon ya sanbhavnaon ko prakat karne vali aisi akasmik rekhaen kai dishaon ki or jati hain aur aise apratyashit sthanon se praranbh hoti hanai ki un par ayu ko parhne ka koi niyam nahin banaya ja sakta tathapi mukhya rekhaon ki ganna ke adhar par inse bhi sahi tithiyan nikali ja sakti hain. hastarekha shastra ke kisi bhi bhag ke lie itna abhyas avashyak nahin jitna ki tithiyon ko janne ke lie. pahle-pahle anek asfltaen prapt hongi kintu aisi asfltaen niyamon ke karan nahin balki abhyas karya men lage vyakti ki grahan shakti kam rahne ke karan hogi. bimari ke bare men nirikshan karte samay n keval jivan rekha, mastishk rekha, hriday rekha v budh rekha tatha parvaton ki janch bhi ki jati hai apitu unki tithiyon ka bhi in rekhaon se ankit vidhiyon ke sath milan kiya jata hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hastarekha visheshank  April 2017

fyuchar samachar ke hast rekha visheshank aprail 2017 men hast rekha vigyan sambandhit vistrit jankari, vibhinn shodhaparak lekh jinmen anguthe ka mahatva, hatheli men vibhinn rogon ke lakshan, jatak naukri karega athva vyavsay tatha hastarekha se anumanit ayu adi pramukh hain. satya katha men chainnai ki rajneta shashikla ke sitare tatha vichar goshthi men hastarekha evan kundali milan ke atirikt dae. rakesh kumar sinha ka pavan sthal namak sthayi stambh men shri harihar kshetra ka varnan atyant rochak hai. vastu paramarsh men flait ka vastu vishleshan namak vishay par charcha ki gai hai. sampadkiya men yah darshaya gaya hai ki kis prakar hast rekhaon ka gyan svasthya sambandhi jankari ke lie vishesh rup se upyog men laya ja sakta hai. anya sthayi stambhon men di gai jankari bhi niyamit pathkon ke lie upayogi siddh hogi.

Subscribe


.