लग्नानुसार कालसर्प योग

lagnanusar kalasarp yog  

Ank ke aur Lekh | Sambandhit Lekh | Views : 2542 |  
meshadi dvadash rashiyon ke lagn men nirmit hone vale kalasarp yogon ka vibhinn rupon men alg-alag prabhav hota hai. mesh tatha vrishchik lagn mangal ki rashi mesh-vrishchik lagn men janmakundli men kalasarp nirmit ho to mangal tatha rahu donon se pida tatha pareshaniyan hoti hain. aisi paristhitiyon men jatak ko n to naukri tatha n hi vyapar-vyavsay ityadi men saflta mil pati hai aur n hi vah santusht rah pata hai. jatak ke jivan men dhanagaman ke sadhan vishmtaon se grast rahte hain. uttarottar sangharsh karte-karte uska atmavishvas tut jata hai. jindgi bhar usko kamai ka koi thos sadhan prapt nahin ho pata hai. asantosh tatha bechaini badhane vale kai karan svayan hi paida ho jate hain. saranshtah jatak ka jivan ashant, asantusht, niras evan sangharshayukt rahta hai. vrish tatha tula lagn shukra ki vrish-tula rashi men yadi kalasarp yog banta hai to jatak apne roji-rojgar ke sanbandh men prayah hamesha chintit rahta hai. use dar rahta hai ki rojgar ka jo sadhan uske pas hai, vah kab uske hath se chin jayega? is bhayagrast vichar ke karan ki uski jivan naiya kab dub jayegi yah vichar use bhaybhit banata hai. jatak ko vishvas hi nahin hota ki vah apne lakshya tak pahunch chuka hai aur use ab thoda hi age badhna hai. atmavishvas kam hone ke karan vah ashant aur vyagrata se grast hokar sab kam chodakar baith jata hai. parinam yah hota hai ki uske pas jo kuch rahta hai vah bhi samapt ho jata hai aur vah fir vahin a jata hai jahan se praranbh kiya tha. iske parinamasvarup uske pairon tale se jamin khisak jata hai aur age ka jivan dal-dal men badal jata hai. is prakar vah atmaghat karne vali ghatnaon ka shikar hokar apna jivan samapt kar leta hai. mithun tatha kanya lagn budh ki rashi mithun-kanya lagn janmakundli men kalasarp nirmit hota hai to jatak naukri men unnati pane ka sunhra svapn jarur dekhta hai. parantu use saflta prapt nahin hoti hai aur lauh ityadi vastuon ka vyapar ya lauhadi nirmit vastuon ka nirman ityadi karta hai to usmen bhi use kafi badhaon ka samna karna padta hai. jivan ka gujara hota rahe utna hi vah kama pata hai. iske lie bhi use kathin parishram karna padta hai. yadi kray-vikray, dalali kamishan ejent ka koi karya karta hai to use kai bar labh to hota hai parantu achanak aisa avasar ata hai ki sara ka sara labh ek bar men hi chala jata hai. gharon men upyog ane vali vastuen, kagaj, kapda, anaj, kirana, janaral marchent, khan-pan vyavastha vale karya tatha hotal restorent ityadi ke karyon men saflta nahin milti hai. keval kisi prakar grihasthi ka kharcha chalta rahe utna hi labh prapt hota hai. jivan men unnati nahin ho pati hai. apne ghar tatha vyavhar men bade logon se bar-bar kasht uthana padta hai tatha unke vyavhar se hani bhi uthani padti hai. kark lagn chandra ki rashi kark lagn ki kundli men yadi yah yog nirmit hota hai to jatak thik prakar se n to naukri kar pata hai n hi vyapar vyavsay. aise jatak ek sath kai karya karte hain jiske parinmasvarup hani jyada kar lete hain tatha asafal hokar klesh ko bhogte hain. is prakar ke jatak yadi abhiyanta, vicharak, daktar, shikshak tatha kala ityadi ka karya karte hain to achcha dhan kama lete hain. unmen chaturai, chalaki aur thik samay par apna karya sadhne ki pravritti bahut hoti hai jis karan ve sada ek rang men nahin rah pate hain. is prakar ke jatak apni vichardhara men hamesha parivartan late rahte hain tatha mauka parast hote hain. ve apne chaturya bal par pratishtha bhi prapt kar lete hain. apni buraiyon ko chipane ke lie dharma-karma-dan-punya ke karyon ka dikhava karte hain jisse unhen khyati milti rahti hai. atmashlagha karne men hamesha pravritt rahte hain, sadaiv apni hi badai karte rahte hain. sinh lagn surya ki rashi sinh men lagn kundli men kalasarp yog hone se jatak apni jivika v parivar ke lie hamesha tatpar v chintit rahta hai. apne karya se inko achcha labh bhi hota hai parantu ek hi jhatke men sab samapt ho jata hai. dhan ka dhire-dhire badhna keval bhram hi hota hai. naukri karne ki pravritti ka abhav hota hai. lekin paristhitiyan paradhin rahne ke lie badhya kar deti hain. anichcha se hi lekin paradhin jivan vyatit karna padta hai. parivarik ekta ke pakshadhar hote hain. ismen hi apni pratishtha samjhte hain. aise jatak dridhapratigya, kathor tatha jiddi bhi hote hain. dhanu tatha min lagn brihaspati ki rashi dhanu-min lagn ki kundli men kalasarp yog banta hai, to jatak paradhin karya ya naukri men safal nahin ho pata hai. anya stri ke sahyog se svatantra karya kshetra men achchi unnati karte hain tatha ghar ki kisi stri ke shadyantra ka shikar hokar apna sab kuch samapt kar dete hain. dalali jaise karya ya rajniti men saflta prapt karte hain tatha yash-pratishtha prapt karte hain. samaj men sabki charcha ka vishay bane rahte hain. parantu sankochi svabhav ke karan dhan ka abhav hi bana rahta hai. kamaya hua dhan bhi samapt ho jata hai. parivarik jivan bahut jyada sangharshamay rahta hai. dil men dard mukh par muskan lie rahte hain. dusron ka upkar karne ke lie hamesha bechain rahte hain. paropkari hote hain. lekin paropkar se inhen apayash hi prapt hota hai. makar tatha kunbh lagn shani ki rashi makar tatha kunbh lagn ki kundli men kalasarp yog nirmit hota hai to jatak ko videsh men rahne ka avasar prapt hota hai. avasar milne par ve desh se adhik pardesh men saflta prapt karte hain. jivan sathi evan bachchon se ashant v atript rahte hain. paitrik sanpatti ka unhen uchit labh prapt nahin hota. svayan sanpatti ikttha karne men hamesha lage rahte hain parantu usse n svayan aur n hi parivar ko santusht kar pate hain. khanij, petroliyam, esid, koyla, kemists lain men naukri athva vyapar karke achchi saflta prapt karte hain par jivan men vikat paristhiti ane par ek hi bar men samast kamai chali jati hai. sheyar bajar, satta, latri ityadi se achchi kamai karte hain. anya uchchadi yogon ke karan jatak kitna bhi age vikas kar le, lekin kalasarp yog se sanbandhit purn kalasarp yog, chaya yog athva grahan yog ityadi janit samast yogon ko tadupyukt samay ane par avashya bhogna padta hai. is yogon ke dushparinam se mukti bina kalasarp ki shanti ke nahin hoti hai. ismen sarvapratham nagbli karya kiya jata hai. dvitiya divas men yadi koi svakuladi dosh ho to narayan bali tatha shraddh karke tripindi shraddh kiya jata hai. tritiya divas men kalasarp ka shanti karya anushthan vidhi-vidhan se karna hi upyukt hai.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.