मोटापा और ग्रह

motapa aur grah  

Views : 8902 | May 2017
kaha jata hai ki motape ka karan vanshanugat hota hai arthat mote vyakti ko apna motapa apne purvajon se di.en.e. ke falasvarup prapt hota hai. motape ka karan sirf hamari khan-pan sanbandhi adten ya fir susta jivan shaili hi nahin hai apitu vanshanugat sharirik banavat aur antrik svabhav bhi hai jise ham jyotish dvara bhi jan sakte hain. jyotish shastra men mata-pita ki kundli aur santan ki kundli paraspar samantaen rakhti hain jiske karan kundli men kalasarp yog, pitri dosh aur anya anek yog santan ki kundli men janm lete hain. yahi karan hai ki pancham bhav (santan bhav) ko purva punya bhav bhi kaha jata hai aur purva punya balak ko apne mata-pita se di.en.e. ke rup men prapt hote hain kaun sa grah hamen motapa de raha hai aur kaun sa upay hamare lie satik rahega iski jankari motape se mukti men sahayak siddh ho sakti hai.

motape ka karan ham jyotish se samjhna chahen to hamen 9 grahon ka vishleshan karna hoga. in nau grahon men se guru motape ka mukhya karak vah hai. grahon ke atirikt, kundli men grahon ki sthiti bhi ismen mahatvapurn bhumika nibhti hai. aiye janen ki grahon ka motape men kis prakar ka sanbandh hai -

brihaspati: guru (brihaspati) grah vajan barhane men ek bari bhumika nibhata hai. vah brihaspati grah hi hai jo hamare sharir men vasa ko banae rakhta hai. isi ke karan motapa, atyadhik khane ki adat aur pet mota hota hai. agar brihaspati janm kundli men shubh bhav ka svami hokar, shubh bhav men sthit hai, to motape se juri chintaen barhata hai, lekin janma kundli men guru ki sthiti iske viprit hone par kafi had tak motapa niyantran men rahta hai.

shukra: shukra sabhi prakar ke mithe padarthon aur starch tatvon ka pratinidhitva karta hai. yah khane ki adton ko barhata hai. har tarah ke khane ka svad lene ka svabhav deta hai. iska sidha prabhav vajan ko teji se barhata hai parantu aisa vyakti mota hone par bhi sundar hota hai. motape ke karan uska sharir bedaul nahin hota hai.

mangl: mangal grah urja, jivan shakti aur ichcha shakti ka pratik grah hai. sabhi khilari, ethletiks, sainik aur majbut kad-kathi ke vyakti isi grah se prabhavit hai. kisi bhi sthiti men shighra karyavahi karna aur charam sima tak sahanashakti mangal grah deta hai. mangal ka majbut hona motape ko vyakti se dur rakhne men sahyog karta hai.

chandra: chandra grah bhi motape ka mul karan hai. chandrama ki sthiti sharir men jal ka nirdharan karti hai. jiske karan sharir men pet ka niklna aur vajan men vriddhi hoti hai. yah sharir men sare dravon (tarl) ka bhi karak hai.

shani: shani grah vishakt padarthon ko jama karne ki pravritti ko niyantrit karta hai aur vajan ghatane ke karnon ka vistar karta hai. sharir men vishakt padarthon ka barhna vyakti ko sust banata hai aur kai rogon ke janm ka karan bhi banta hai.

budh: budh grah se pirit vyakti ko motapa apne prabhav men leta to avashya hai parantu vyakti ise prayas dvara kam karne ki kshamata bhi rakhta hai. yah vyakti men vajan ko sahaj koshishon se ghatane ka gun deta hai.

surya: surya grah vajan kam karne ki pravritti deta hai.

grahon ki yuti aur sthiti kis prakar motape ko prabhavit karti hai, kuch aise yogon ki jankari yahan di ja rahi hai -

yadi brihaspati janmapatrika men ast ya vakri ho to pachan tantra ke vikaron ke karan motapa hota hai. jin vyaktiyon ki kundli men guru lagn bhav ko pancham, saptam ya navam drishti se dekhte hai un vyaktiyon ko motape ki samasya ka jyada samna karna parta hai.

  • jinka lagn svami brihaspati hota hai unka sharir vishal hota hai. ve khane ke shaukin hote hain lekin tamsi bhojan (mans-madira) ki jagah mitha aur namkin jyada pasand hota hai.
  • yadi kundli men brihaspati kharab ho ya bure bhav ka svami hokar uchch sthit ho to vajan teji se barhta hai.
  • jab-jab gochar men brihaspati lagn, lagnesh tatha chandra lagn ko dekhte hain to vajan badhne lagta hai.
  • yadi lagn men jaliya rashi jaise- kark, vrishchik ya min ho, inke svami shubh ho ya lagn men jaliya prakriti ka grah ho to sharir par motapa barhta hai.
  • yadi chandra 1, 5 ven ya 9 ven bhav men hai, to vasa ki matra sharir men adhik rahti hai.
  • yadi chandra majbut aur sakaratmak hai, to vyakti mota to hota hai parantu furtila hota hai.
  • chandra aur shukra se atyadhik prabhavit vyaktiyon ki vasa jald barh jati hai, ye donon grah vasa men vriddhi karte hain, lekin ye akarshan men kami nahin karte hai. ye grah vyakti ke fule hue gal, saf tvacha aur chehre men komlta dete hain.
  • jab brihaspati nich rashi men hon tab vyakti men charbi kam rahti hai.
  • iske alava yadi chandragrahan ka janm ho to bhi vyakti atyadhik mota ya patla ho sakta hai. purnima ke din janmen jatak aksar mote hote hain jabki amavasya ke din janmen patle.
  • yadi chandrama, shukra v brihaspati majbut hon to vyakti vivah ke bad mota hota hai. parantu shukra kamjor ho to vyakti vivahoprant kamjor ho jata hai.
  • vaise to rahu jatak ko patla rakhta hai lekin yadi sath men brihaspati hon to jatak ke mota hone ki sanbhavnaen barh jati hain kyonki brihaspati bhukh barhata hai aur rahu anap-shanap, tailiya v tamsi pravriti ke garishth bhojn karne ki or prerit karta hai jisse mota hone ke asar barh jate hain.

ni:shulk janm kundli prapt kare


prathm: lagn bhav men hon to vyakti ka sharir vishalkal aur vasayukt, mota hota hai. parantu yadi lagn bhav men guru ast aur kai grahon se pirit hoga to sharir men vasa ki kami hogi.

dvitiya: dusre bhav men ho ya dusre bhav ko dekhen to vyakti ko bhukh adhik lagti hai.

tritiya: tisre bhav men ho ya tisre bhav ko dekhen to vyakti mithe ki apeksha namkin khana pasand karta hai aur motape ka asar usapar nahin ke barabar hota hai.

chaturtha: chaturth bhav men ho to sharir fit aur sudaul hota hai. aise vyakti sahaj prayas se hi apne motape par niyantran rakhne men safal hote hain.

panchva: pancham bhav men ho to vyakti ka vajan teji ke sath barhta hai.

chathvan: chathe bhav men ho to vyakti sudaul aur fit hota hai. vasa ka prabhav aise vyakti par kam hi parta hai. (amit sporta)

satvan: satven bhav men ho to vyakti ka sharir jald mota hone ki pravriti rakhta hai kyonki is bhav se guru lagn bhav par prabhav dalta hai. yadi is bhav men guru vakri avastha men ho to vyakti par motape ka prabhav bahut kam hota hai.

athvan: athven bhav men ho to vyakti dubla patla rahta hai.

navam: navam bhav men ho to vyakti ka motapa niyantran se bahar rahta hai.

dasham: dasham bhav men ho to vyakti par motapa apna asar jaldi nahin dikha pata hai.

gyarhvan: ekadash bhav men ho to vyakti motapa mukt hota hai.

barhvan: dvadash bhav men ho to vyakti ko mota nahin hone deta hai.

motape ko dur karne ke lie ham anek aushdhiyon, vyayam v bhojan par niyantran karne ke koshish karte hain. kuch ati saral upay jo apke motape ko dur karne men atyadhik sahayak ho sakte hain, ve nimn hain:-

  1. pratah uthte hi 1-2 gilas gungune pani men ninbu v shahad dalakar pien.
  2. jab bhi pani pien, gunguna hi pien. isse sharir men vishakt padarth shighra ghulakar sharir se bahar a jate hai.
  3. khane ke bad adha ghante tak pani n pien.
  4. pani sada baithakar hi pien.
  5. pani men adarak ubalakar pien.
  6. shahri sans le aur ise lanba bahar nikalen jaise bahut sari momabattiyan bujha rahe hon. sans puri nikalne ke bad bhi punah sans bahar nikalne ki koshish karen jaise- kuch bachi momabattiyon ko bujha rahe hon. aisa din men 3 bar avashya karen.
  7. 30-40 minat pratidin tahlen.
  8. jo grah karak ya kamjor hai us grah ke var ka upvas rakhen.
  9. ratidin 4 patte tulsi ka sevan karen.
  10. grin ti ka upyog vishesh labhkari hai.

ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

jyotish evan vet laes visheshank  May 2017

svasth sharir svasth mastishk ko janm deta hai. motapa ek aisa abhishap hai jiske karan sharir vibhinn prakar ke rogon ke prati sanvednshil ho jata hai tatha anek rog ek-ek kar vyakti ko gher lete hain. madhumeh, hriday rog, uchch rakt chap tatha thakan jaisi bimariyon se vyakti akrant ho jata hai. fyuchar samachar ka vartaman visheshank is vikat samasya se hi sambandhit hai tatha motapa rog ke jyotishiya drishtikon ko varnit karne hetu vibhinn ullekhniya alekhon ko sammilit kiya gaya hai. in alekhon men mahatvapurn hain- motapa par jyotish vichar evan vibhinn yog, hast rekha se janen motapa barhne ke karan, jyotish ki najar men motapa, motapa barhane vale grah yog, guru barhaega vajan, dait se karen kantrol adi. avaran katha men sammilit in saragarbhit alekhon ke atirikt sadaiv ki bhanti sthayi stambhon men bhi jivan ke har kshetra se jure pahluon jaise rajniti, manoranjan adi vishyon se sambaddh ullekhniya alekh bhi sannahit hain.

Subscribe


.